نعم هذة الحرب دليل على النجاح

[mastr_n]

باختصار شديد وبدون اطالة الموضوع فى كلمتين
انها كيا سيراتو الجديدة كليا احثت جدلا كثيرا فى الشلرع المصرى لانها بجد ثورة جديدة وعصرية فى عالم السيارات وخصوصا فى السوق المصرى وبحق انها اول عربية تجمع مابين التكنولجيا الحديثة والاداء الراقى و الرياضى فمن الطبيعى ان تلقى هجوم حاد من اصحاب الماركات الاخرى
ولقد نجحت النيو سيراتو فى الفترة الاخيرة ان تاخذ نصيب كبير وبشكل ملحوظ من نسبة مبيعات السيارات الاخرى لدرجة ان المعارض اصبحت تتفاخر بانها تملك اكبر فئة من هذة السيارة بالاضافة للتنافس الشديد بينهم فى السعر وكم من عربية موجودة فى السوق الان لم تحذ الاعجاب والنظرات مثل الذى تاخذة هذة السيارة
فمن الطبيعى ان نجد هذة الحرب على السيارة من فئات كثيرة من المجتمع
وفى النهاية اقول لهم عفوا هذا زمن السيراتو او زمن اى عربية بامكانيتها وسعرها التنافسى وشكرا
برجاء مشاركة الجميع

[m_s_h_a]

صباح الخير
كلامك صح
لكن كفايا بقى كلام فى المواضيع دى وحرب وزمن السيراتو والكلام الجامد ده
ياريت يا جماعه نبتدى نغير المواضيع دى شويه ونبتدى نتكلم فى مواضيع تانيه نفيد بعض كملاك للعربيه بدل ما كل واحد يقعديدافع عن العربيه لان النقد هيستمر هيستمر
وانا مقدر حماسك وحبك للعربيه

[mastr_n]

صباح الفل عليك يا كبير انا واللة ما متحمث ولا حاجة بس الكلام كتر والفتى كتير والةاحد لما بيشوف الكلام دة مابيقدرش يمسك نفسة وعلى العموم انا عامل موضوع لاصحاب الخليجى بس وبتناقش معاة على اية الجديد الى ممكن نعملة فيها وممكن نتناقش فية اكتر
ونهارك زى العسل

[carloslive3]

انا رايي فعلا ان احنا نتكلم عن امكانيات العربيه و مزاياها و لو في عيوب نتناقش فيها علشان الكل يستفيد و نقدر ننبه المسئولين عن التوكيل او الصيانه

[cameeron]

ايه العنواين الضخمة دى يا سيدنا حرب ايه و الا زمن السيراتو ايه فكرتنى بزمن حاتم زهران ياراجل بجد كتير قوى التضخيم ده و بعدين هل المطلوب ان لما ناس تلاقى عيوب فى عربياتها اللى شرياها بالافات مؤلفة و العيوب دى ضيعت فلوسهم و كمان صحتهم و لما اخ بيقعد اربع شهور فى الجبس و تخيل نفسك مكانه و لما يكون ماشى لا بسرعة و لا بيه و لا عليه زى مابيقولوا و العربية تنقلب 12 قلبة كاملة انت متخيل 12 قلبة يعنى ايه و العربية بعدها تطلع توتال لوس يعنى هتتباع خردة و لما الناس تلاقى العربية بتحدف شمال من غير سبب وجيه و من اول لحظة و لما ناس تلاقى الكونسول بيسخن ولما و لما ما هو المطلوب ؟؟؟؟؟؟؟ الناس تشكر فى العربية برضه و تكتم على العيوب دى ؟ هل هى دى الامانة ؟ و هل من مصلحة الجميع التكتم على ده ؟؟؟؟؟؟ حتى مش مصلحتك انت نفسك ان حد يخبى عليك عيوب العربية ؟ ثم ماهى مصلحة اللى هما ((اعداء نجاح السيراتو)) من وجهة نظرك؟؟ هل عاوزين نخطف التوكيل من اولاد محمد نصير و الا ايه ؟؟؟؟ و الا عاوزين نوقف سوق العربية اللى مكسرة الدنيا و خلاص ؟؟؟؟؟؟ و اذا كانت العربية مبهرة و عاجباك لهذه الدرجة لشكلها و لشوية جبشتكانات معمولة فيها و لاقبال الناس عليها فده حقك انما من حق الاخرين يقولوا رايهم من وجهة نظرهم و من واقع تجربتهم من غير حرب و لا حاجة ثم النجاح الاسطورى ده انت بتتكلم عن العربية كانها BMW امال لو حبينا نتكلم عن الBMW اللى فيها اكتر من اربعين نظام متطور فى الاول و فى الاخر دى عربية بتكنولوجيا كورى و كلنا عارفين التكنولوجيا دي ليها حدودها فنيا مهما حاولنا نزوق بالاضافة لعربية دى معملتش الضجة دى فى اى بلد فى العالم الا هنا فى مصر و فى الخليج مرمية و التجار بتوعنا هما اللى راحوا سحبوها من هناك لانها سبوبة اوفر برايز و خلاص و اصلا السوق كان نايم جدا مفيش بيع و المعارض ماكنتش بتكسب قوى من اخدان عربية من الوكيل و بيعها و خلاص انما بالاسلوب بتاع تسليم بالشهور زائد بيع الخليجى المكسب بقى كبير قوى

[mastr_n]

الاخ cameron
معلش يا سيدى مش هاقول زمن السيراتو ولا عفوا تانى على شان الكلا مايزعلكش
بس هاقولك على حاجة اكيد انت راجل بتفهم كام عربية لسة على الزيرو انواع واشكال تانية غير السيراتو عاملين حوادث وتوتال لوس زى مابتقول عند الميكانيكية والسمكرية اكيد انت عارف مئات بل الاافات ولكن لية لما جت عند السيراتو الدنيا قامت ومقعدتش خصوصا هنا فى المنتدى دة والى قالك سخونة والى قال حدفة يمين وحدفة شمال طيب اشمعنا لما اخونا غازى ربنا يشفية ويعوضة خير عمل الحادثة
ولا هو لما اليابانى يعمل حادثة تبقى غلطة السواق ولما الكورى يعمل حادثة يبقى اكيد العربية وحشة اكيد فى عيوب فى السيراتو بس مش بالدرجة دية
ثانيا كلنا سمعنا لكن مافيش حد شاف بعينة حاجة كلة سمعى بس
وبعدين انا ماجبتش العربية على شان حبة الحبشتكانات الى انت بتقول عليها انا ماعرفش انت جبت الكلمة دية منين بس المهم انا جبتها على شان شايف السيفيا والشومة بقالهم كتير ماشيين فى شوارعنا وزى الفل
واخيرا احنا مش هانفهم احسن من امريكا الى مقيمة العربية كويس وخدت استفتاء ان هى عربية محترمة
اعتقد ان كدة وصلتلك وجهة نظرى

[tamermagdy]

الاستاذ cameron
واضح انك زعلان اوي مش عارف لية ... علي الرغم ان الناس اتكلمت علي العربية بالسلب و الايجاب اكتر من اي عربية نزلت مصر و احب اقولك العربية حققت مبيعات كبيرة في دول الخليج و دول اوربا و شرق اسيا.....الخ
ارجة منك انك متصدقش كلام اللي عمل حادثة علي سرعة 100 - انا اسف دة كلام مش مضبوط و لو كانت اي عربية تانية ياباني او اوروبي يبقي الغلط علي السواق منفضلك كفاية الاسلوب الهجومي و خليك واقي لأن لاتوجد سيارة من غير عيوب

[aahmedhany]

والله يا رجاله انا شايف ان العربية حلوة على قد قلوسها زى ما الناس ركبه الا نوس وفرحانين بيها وبعتقد ان كثره الحوادث بسبب قوة الماتور اللى بتغرى الواحد على زياده السرعه فى طرق لا تصلح الا للتوكتوك

[cameeron]

الاستاذ cameron
واضح انك زعلان اوي مش عارف لية ... علي الرغم ان الناس اتكلمت علي العربية بالسلب و الايجاب اكتر من اي عربية نزلت مصر و احب اقولك العربية حققت مبيعات كبيرة في دول الخليج و دول اوربا و شرق اسيا.....الخ
ارجة منك انك متصدقش كلام اللي عمل حادثة علي سرعة 100 - انا اسف دة كلام مش مضبوط و لو كانت اي عربية تانية ياباني او اوروبي يبقي الغلط علي السواق منفضلك كفاية الاسلوب الهجومي و خليك واقي لأن لاتوجد سيارة من غير عيوب

بص صديقى العزيز تامر

اولا مش انا فعلا زعلان قوى بس مش من كلام انها حرب على السيراتو او ده زمن السيراتو لان ده وجهة نظر المتحمسين للسيراتو و دهه له احترامه تماما انما زعلى لما نشرب عربيات فيها عيوب خطيرة ممكن تودينا فى داهية انما اساس موضوع الزعل هو اللى وصلنا لاعجابنا بعربية لدرجة نقول لمجرد من ينتقدها او يحكى اللى حصله معاها انها حرب او ان ده زمن العربية لانه مش زمن اى عربية بالذات و لو هو زمن السيراتو يبقى اللى راكبين تيوتا كرولا مثلا ناس مابتهمش بقى

ثانيا حكاية المبيعات الكبيرة اللى فى الخليج و دول اوربا و شرق اسيا الله دى مكتسحة اهم مناطق العالم يعنى على سبيل المثال واضح على حسب كلامك انى لما اروح السعودية مثلا هلاقى اكتر العربيات سيراتو
و الا ننزل على المانيا مش هنلاقى بى ام و لا مرسيدس ده السيارتو يا جدعان و الا ايه رايك نروح تايلاند هتلاقى اغلبه سيراتو
بس رجاء كده هاتلى مصدر اجنبى(لينكات مواقع) من المناطق المذكورة من حضرتك يؤكد كلامك

ثالثا الراجل اللى بتطلب منى ماصدقوش لا هو الوحيد اللى قال ان السيارة دى فيها عيوب و جميع العيوب اللى قالها اكدها اخرين و الا هو يمكن متفق معاهم علشان يوقع العربية ثم جايبلك الحادثة صور و الا تكون صور مضروبة و معمولة بالفوتوشوب ثم لو اعتبرناه راجل كذاب و له غرض و حاقد على نجاح العربية اهو عندك خد تليفونه و كلمه و روح شوف العربية و مكان الحادثة و لو فى تقرير شوفه يمكن احنا مش واخدين بالنا

رابعا عمرى ماقلت و لا هاقول ان العربيات كلها كاملة و لا و متكاملة و لا الحوادث هتبطل ابدا و بتيجى على اهون سبب و الله العظيم و فى كل انواع العربيات و معايا 3 زمايلى فى الشغل اتقلبت بيهم كرولا 2005 بسيب زلطة و اتقلبت العربية و خبطت فى تانك بنزين بتاع عربية نقل وولعت الكرولا و التلاتة اتفحموا تماما لكن المشكلة ايه ان اى عربية هى اساسا 3 حاجات موتور و فرامل و عفشة لو اتعمل التلاتة دول صح فى اى عربية عموما هتكون عربية بجد غير كده لا طبعا و السؤال بقى هل التلاتة متحققين فى العربية دى ؟؟؟؟؟؟؟؟ فى شك كبير طبعا