يا أصحاب الكارينز من فضلكم!

[hany667]

إخوانى الأعزاء لكم جميعا أرق التحية

أرجو من أصحاب الكارينز الاتوماتيك إعطاء نصيحة صادقة عن تقييم السيارة بالفعل

تفصيليا وخصوصا من ناحية أداء الفرامل وخلافة لأننى على وشك حجز السيارة ومنذ

فترة طويلة بأفاضل بين عدة بدائل لشراء سيارة عائلية وتابعت كل ماقيل عن الكارينز

ولكن أتمنى من أصحاب الاتوماتيك وصف تفصيلى للموضوع كله .

ولى طلب أخر ولكن من الأخوة الاسكنرانية وهو أيهما الأفضل للحجز الطارق أم توكيل

eit فى دون تاون ولماذا وتقبلوا تحياتى.

[ahmed161075]

يا ريت والله

[MMMERO]

السلام عليكم
انا كنت فى نفس حيرتكم والله وربنا اكرمنى الحمد لله الاربعاء الماضى بالاستلام من ابو رواش وانا ساكن فى المعادى فسقتها حوالى 50 كيلو ودة اللى انا هقدر اقولك علية دلوقتى
طبعا الوسع مش هقدر اوصفة ماشاء الله كبيرة جدا وعائلية بحق
القاعدة بتاعتها تحس فعلا انك عالى واكتر مما تتصور من برة احساس اقرب الى العربيات الجيب
العربية اتوماتيك طبعا هتحس انها تقيلة فى الاول حتى ال60 او 70 بس بعد كدة بسم الله ماشاء الله هتلاقى العداد داخل على 120 من غير ماتحس ولا تسمع صوت الماتور والثقل دة طبعا متوقع لثقل وضخامة العربية ولانها فى الاساس عربية عائلية مش بتاعة شد
انا لسة ماجربتش الطلعة على النظام الرياضى بس اعتقد انة هيبقى احسن
عاما القيمة الخاصة بالعربية ماشاء الله تحس انها تستاهل
وانشاء الله اوعدك لو ربنا اعطانا العمر هعمل تقرير مفصل اول ما ارخص على طول دعاوتكم وربنا يكفينا شر العربيات ويعطينا خيرها بأذن الله

[hany667]

ألف مبروك وربنا يحفظك ويحفظها من كل سوء
على فكرة انا لسة راجع من القاهرة وحجزت الاتوماتيك برضة عند محمد زكى فرع القطامية وبصراحة ناس قمة فى الأدب والذوق والبشرى السارة أن التسليم إن شاء الله خلال شهر مارس وأخترت اول رغبة اللون Java Brown ثم الأسود ثم تيتانيوم سيلفر بس لى طلب لو أمكن صورة للون تيتانيوم سيلفر عايز أشوف اللون ده على الطبيعة لسيارات كيا والله الموفق

[ahmed161075]

ايه التيتانيوم سيلفر ده -- حد يجيب الالوان والاسماء يا اخواننا

[MMMERO]

ياباشا التيتانيوم سيلفر دة اللون اللى جاى على رمادى شوية وعاما التوكيل منزل الالوان دى
اسود و فضى وتيانيوم سيلفر واحمر وبنى جافا وابيض كريمى(لسة منزلة الدفعة دى)

[hany667]

شكرا لك أنا بالفعل شفت بالأمس الألوان كلها وبالفعل عدلت رغبتى وأصبحت الرغبة الأولى تيتانيوم سيلفر

[MMMERO]

تستلم انشاء الله على خير ياباشا اختيار موفق للون

[hany667]

شكراٌ لذوقك

[hany667]

وياريت تقييمك للسيارة وياسلام لو شوية صور

[Sherif Sharaf]

أنا حاجز عند محمد زكى من شهر 9 وكلمونى عشان أدفع بقية الفلوس واستلم الأسبوع ده إن شاء الله بس أنا عندى سؤال : هما عايزنى أدفع سعر العربية دلوقتى (السعر الرسمى طبعاً اللى هو 112000) هل ده صح والا المفروض أدفع سعرها وقت الحجز (109000) ؟؟؟؟
أفيدونى أفادكم الله
أنا إن شاء الله حاجز اللون البنىJava Brown بس كان نفسى يكون الفرش من جوه أسود، حد يعرف اللون ده بيكون الفرش الداخلى لونه إيه؟

[MMMERO]

لا ياباشا طبعا تدفع على السعر اللى انت حاجز علية واللى هو فى حالتك 108900 انا كنت حاجز مع الوكيل واستلمت بالسعر اللى انا كنت حاجز علية
بالنسبة للفرش هو هيكون اسود

[ahmedrashed]

إخوانى الأعزاء لكم جميعا أرق التحية

أرجو من أصحاب الكارينز الاتوماتيك إعطاء نصيحة صادقة عن تقييم السيارة بالفعل

تفصيليا وخصوصا من ناحية أداء الفرامل وخلافة لأننى على وشك حجز السيارة ومنذ

فترة طويلة بأفاضل بين عدة بدائل لشراء سيارة عائلية وتابعت كل ماقيل عن الكارينز

ولكن أتمنى من أصحاب الاتوماتيك وصف تفصيلى للموضوع كله .

ولى طلب أخر ولكن من الأخوة الاسكنرانية وهو أيهما الأفضل للحجز الطارق أم توكيل

eit فى دون تاون ولماذا وتقبلوا تحياتى.

توكل على الله واحجز و تأكد أنك لن تندم ابداً بإذن الله.انا استلمت العربية اوتوماتيك من يوم 13/12/2009 وعامل بيها حتى الأن 1500كم وعملت صيانة الألف وركبت الإنذار فى التوكيل وحالياً اقوم بعمل كسوة للسيارة للحفاظ على فرش الفابريكة وإليك هذه التفاصيل عن السيارة. 1-السحب والتسارع ممتاز ورائع وجربته اكثر وانا راجع من الصيانة على طريق القاهرة السويس وكان اكثر من رائع والعربية وصلت 170كم/س بكل سلاسة ودواسة البنزين لسه فيها ثانى وعلى فكرة 170كم/س لان زحمة الطريق بالسيارات النقل فى هذا الوقت كانت لاتسمح باكثر من هذا. 2-من ناحية الثبات فهو رائع جداً تحس ان العربية مكلبشة فى الارض حتى فى المنعطفات ثابتة جداً ماشاء الله . 3-اما العفشة ونظام التعليق فهو ممتاز ومريح جداً لا يعطيك اى احساس بالتعب من طول الطريق. 4-اما من ناحية الفرامل فهى بصراحة حكاية لوحدها. بالضبط هتحس ان فى واحد جالس على الدواسة بيقرأ افكارك وبيعملك كل اللى انت عاوزه فى الفرامل لو عايز فرملة خفيفة او متوسطة او جامدة كل اللى انت عايزه.بصراحة من الأخر اداء الفرامل ممتاز جداً واعتقد ان هذا يرجع الى وجود ديسكات امامى وخلفى. وفى النهاية استطيع ان اقول لك انها سيارة ممتازة من ناحية الأداء-عملية جداً-مريحة جداً.ممتعة جداً. فتوكل على الله وصدقنى لن تندم ابداً. على فكرة بخصوص الصيانة فى التوكيل الصراحة ناس محترمين جداً جداً وتعاملاتهم ممتازة.وكان عندى مشكلة فى الراديو بتاع الكاسيت عند ضبطه على fmكان يعطينى ارقام عشرية فردية فقط يعنى مثلا 100.3 وبعدها 100.5 اما 100.4 مكانش يجيبها وانا نسيت اقولهم عليها وافتكرت وانا باستلم العربية وتفاجأت لما لقيت المندوب بيقوللى احنا فعلا اكتشفنا المشكلة وكانت مش بس فى الارقام العشرية الزوجية دا كمان فى نصاص مكانش بيجيبها زى مثلا 100.65 واحنا حليينا المشكلة خلاص وجرب وشوف بنفسك وبالفعل لقيت المشكلة اتحلت وخد بالك ان اكتشاف المشكلة البسطة جداً دى وحلها كان من نفسهم من غير انا ماقول.بصراحة عندهم ضمير. ومعذرة على الإطالة ولكن فضلت اقوللك كل التفاصيل.

[hany667]

ربنا يبارك لك فيها وبالفعل انا حجزتها عند محمد زكى فرع القطامية وإن شاء الله بعد ما أستلمها ناوى أركب فيها الفوجات والباركينج سينسور بس هل لازم أركبهم فى التوكيل عشان الضمان ولو ركبتهم فى التوكيل الأسعار كام وأرق التحية

[ahmedrashed]

ربنا يبارك لك فيها وبالفعل انا حجزتها عند محمد زكى فرع القطامية وإن شاء الله بعد ما أستلمها ناوى أركب فيها الفوجات والباركينج سينسور بس هل لازم أركبهم فى التوكيل عشان الضمان ولو ركبتهم فى التوكيل الأسعار كام وأرق التحية

تستلم على خير إن شاء الله.الباركنج سينسور 1200 جنيه اما الفوجات لا اعرف بس فى موضوع فى المنتدى عن اسعار قطع غيار الكارينز مكتوب فيه انهم ب 1500 جنيه. اما من ناحية التركيب فى التوكيل اللى انا اعرفه انه لازم علشان الضمان. بس لو ركبتهم خارج التوكيل هل ده يلغى الضمان ولا لأ انا مش متأكد بصراحة.