وسقط حبي للسيراتو:(

[mastr_n]

انا مش عاوف ايه حكايه السيراتو ديه كل لما حد يقول عيب فيها تقوم الدنيا وتقعد من ملاكها زي ميكون العربيه ديه فريق كوره زي الاهلي والزامالك
الواحد كره مواضيع السيراتو ديه عشان التعصب الي بيجصل ده !!

والله انا اول مرة اركب العربية ولا متحيذ ولا حاجة ولا كان عندى عربية كيا قبل كدة وبقول عربية عادية مش خارقة للعادة عربية زى اى عربية يعنى بس مش لدرجة ان كل يوم حادثة شركة كيا مش اول مرة تعمل عربيات يعنى على شان تعمل عربية بالعيوب القاتلة الى الناس بتقول عليها دية دة لو كان كدة كانت الشركة قفلت من زمان مش كدة ولا اية


برجاء مراعاة الدقة في كتابة لفظ الجلالة
مشرف عام 4

[ALSHARIEF]

بداية السلام عليكم و رحمة الله و بركاته .......
مشكور أخونا العزيز الذى نقل و جهة نظرة و ما حدث أمام عينيه فى الحادث و جزاه الله خيرا على اللى عمله و الحمد لله على كل شىء و على سلامة اللى كانوا فالعربية .
ثانيا : العربية لسه جديدة و إمكانيتها كتير و موتورها جااااااامد و حاجات تانية كتيير دا بيخلى ناس كتير تتغر فيها و تجرى بيها و تعمل بيها العمايل و بعد كده يقوللك ربنا بيسترها ثم العربية هتسعفنى و هتلحقنى و ده مرة يحصل و مرة لأ.
لازم نتأكد أن العربية مهما كانت مسخرة لتلقى الأوامر من اللى سايق معنى كده أن السايق لازم يبقى عنده سرعة بديهة و حسن تصرف و يعرف امتى يجرى و امتى يهدى و امتى يدوس فرامل جامد و امتى يريح رجله بس على الفرامل لانه عنده حسن تقدير للمسافات و امتى ياخد الغرز و هكذا .

بجد با جماعة مع أحتراااااااااامى الشديد لكل الأعضاء اللى بيحللوا اللى بيحصل بمنتهى الموضوعية و المنطقية و انا و الله ببقى مستمتع بالنقاش بينهم إلا إنى شايف إن العربية لسه فى طور التجريب و الأكتشاف لذلك ينبغى على الأصحابها التأنى و الاكتشاف بدون تهور و عدم الإنسياق وراء إن العربية تحفة و جامدة و كل الكلام الجميل اللى بحب أسمعه على العربية ديه .

بالله عليكوا خدوا بالكم من أنفسكم و من عربياتكم و أستمتعوا بيها و أنقلوا لينا كل كبيرة و صغيرة عن العربية و نفسى نرجع تانى نشوف التقارير المصورة الجميلة اللى عودتونا عليها .

أسف على الأطالة و لكم تحياتى و جزيل شكرى لحسن المتابعة .

[Eng.Geo]

وتعتذر لية انا حاسس ان مؤلف حكايات الف ليلة وليلة عمل حكاوى للنيو سيراتو هوة كل يوم حادثة وبعدين الى انتى بتقولة دة غلطة سواق مليون المية سايق على سرعة 60 وعمل حادثة وبعدين لما انت ناوى تنزل الموضوع كدة ماصورتوش لية
وكفاية بقى رعبتوا الناس ودة مش منة فايدة والعربية بردة بتتباع وبتنتشر بطريقة جامدة جدا وماترعبوش الناس اكتر من كدة

انا بعتذر لان في ناس هتذعل من اللي بقوله
انا اكيد مش هصور لان يعني هتبقي قلة زوق مني ان الناس عاملة حادثة وانا باصور عربيتهم ولا ايه؟؟

[Eng.Geo]

و معلش طلب كمان ... بلاش يا جماعة العنواين الدرامتيكية " و سقط حبي للسيراتو"... يا جماعة دي عربية مش فاتن حمامة في فيلم عربي.

,واللة اؤيدك وبشدة انا حاسس ان الموضوع بقى زايد عن حدة اوى سقط حبى اية والكلام الكبير دة احب اقول للى كاتب الموضوع حبك يسقط او مايسقطش دية حاجة راجعة ليك وياريت المرة الجاية تكون حدوتة الحادثة الى جاية واقعية شوية على شان نسدقها وشوفوا واحد بتاع سيناريو كويس على شان يسبكها احسن من كدة مش عارف اية الى ماشى على 60 دة ويتقلب دة لو فيديو جيم ماتسدقش بردة كفاية بقى بجد وغيروا الموضوع دة شوية سيبوكوا من النيو سيراتو هوة مافيش غيرها فى مصر

انا باتأسفلكوا جدا
ولكن اللي خلاني اكتب العنوان كدة هو اني كنت بحب العربية ده
وفعلا حبي يسقط عن العربية او لا ده مش هيفرق عند حد انا بقول رأيي وكان لازم اقول اللي شوفتة وانا ماكدبتش ومابجبش سيناريوهات
انا لما اقول اني مبقتش احب العربية ده دا معناه اني بقول للناس ماتجيبوهاش؟ لأ طبعا انا رايي زي اي رأي موجود
وشكرا ليكوا

[Eng.Geo]

بداية السلام عليكم و رحمة الله و بركاته .......
مشكور أخونا العزيز الذى نقل و جهة نظرة و ما حدث أمام عينيه فى الحادث و جزاه الله خيرا على اللى عمله و الحمد لله على كل شىء و على سلامة اللى كانوا فالعربية .
ثانيا : العربية لسه جديدة و إمكانيتها كتير و موتورها جااااااامد و حاجات تانية كتيير دا بيخلى ناس كتير تتغر فيها و تجرى بيها و تعمل بيها العمايل و بعد كده يقوللك ربنا بيسترها ثم العربية هتسعفنى و هتلحقنى و ده مرة يحصل و مرة لأ.
لازم نتأكد أن العربية مهما كانت مسخرة لتلقى الأوامر من اللى سايق معنى كده أن السايق لازم يبقى عنده سرعة بديهة و حسن تصرف و يعرف امتى يجرى و امتى يهدى و امتى يدوس فرامل جامد و امتى يريح رجله بس على الفرامل لانه عنده حسن تقدير للمسافات و امتى ياخد الغرز و هكذا .

بجد با جماعة مع أحتراااااااااامى الشديد لكل الأعضاء اللى بيحللوا اللى بيحصل بمنتهى الموضوعية و المنطقية و انا و الله ببقى مستمتع بالنقاش بينهم إلا إنى شايف إن العربية لسه فى طور التجريب و الأكتشاف لذلك ينبغى على الأصحابها التأنى و الاكتشاف بدون تهور و عدم الإنسياق وراء إن العربية تحفة و جامدة و كل الكلام الجميل اللى بحب أسمعه على العربية ديه .

بالله عليكوا خدوا بالكم من أنفسكم و من عربياتكم و أستمتعوا بيها و أنقلوا لينا كل كبيرة و صغيرة عن العربية و نفسى نرجع تانى نشوف التقارير المصورة الجميلة اللى عودتونا عليها .

أسف على الأطالة و لكم تحياتى و جزيل شكرى لحسن المتابعة .

[Eng.Geo]

انا دورت في كاتالوج السيراتو كويس

مالاقيتش الخاصية بتاعة انها ضد القلب

اللي اقصده ..بدون تريقة ولا عصبية , هو لما أشوف عربية بتتقلب ده معناه انها وحشة !!

طب ما في 10،000 واحدة ماشية و ما بتتقلبش

عمركو ما شفتو 320 مقلوبة !!!

ما حدش شاف a5 وشها في قفاها قبل كده !!!!

أنا شوفت

و اللي بيجي على بالي .....السواق

انا ما باقولش ان السيراتو عربية خارقة ولا سوبر

لا لا

دي عربية زي أي عربية ليها مزايا و ليها عيوب

بس مش الاقي واحد ضارب بيها غرزة مووت و يتقلب و أقول عربية وحشة ....

انا هاحكي موقف حصل من سنتين

صديق ليا بيشتغل في مباحث الغردقة و اشترى a4 اوكتافيا
و اتقلب بيها من على الجبل 7 أو 8 قلبات و طلع كتفه مخلوع و رجله اتكسرت كسر بسيط

و لحد النهاردة بيشكر في العربية (مع انها اتقلبت) لأنه بيواجه نفسه بالحقيقة انه هو اللي قلبها لما خد ملف ما تقدرش هيا تستحمله

يعني هو اللي طلم العربية

و بيقول انها (كتر خيرها) حمته و طلعته سليم بعد ستر ربنا

اعتقد فكرتي وصلت

انت بتقول ان الحادثة كانت ان اتقلب من علي الجبل يعني في فرق كبير في الحادثتين
ده اتقلبت علي 60 وغرزة عبيطة

[Eng.Geo]

و يبقى الصراع و التنافس فى تأكيد الرأى مستمرا ..

و الله فكرتونى بأيام الmmt .. كان قسم تويوتا عامل كدة بظبط ..

بس متقلقوش موجة و هتهدا ..

و ياريت مننساش ان مفيش حد بينجو او بيموت غير باذن ربنا سبحانه و تعالى

يا ريت الموجة ده تنتهي علي خير

[Eng.Geo]

بصراحة انا شايف ان موضوع السيراتو اخد اكتر من حجمه وانا شايف ان الحادث ناتج عن تهور السائق
ما انا بشوف عربيات كتير سيراتو وبتبقى طايرة على الطرق السريعة وبسم الله ما شاء الله زى الفل
بس الموضوع ليه ابعاد تانية غير انه عيب صناعة فى العربية ممكن يكون
1- الحوادث كترت نظرا لانتشار العربية
2- حسد (عشان العربية شكلها حلو وبتلفت الانظار) على فكرة بتكلم بجد
3- تهور من بعض سائقين السيراتو واللى واضح جدا فى موضوعنا
بصراحة حاجة تحير والله يكون فى عون اللى حاجز العربية زمانهم الحيرة وكلاهم
لكن احب اقولهم سيبوها على ربنا الحوادث دى قضاء وقدر وكل عربية ليها مميزات وعيوب
(على فكرة على كلام الراوى صاحب الموضوع كدة السيراتو اخدت خمس نجوم فى اختبار التصادم المصرى والركاب طلعوا بدون خدش)
المفروض بقى يتعمل اتشيك على العربية من مالكيها ولو فى مشكلة فى العربية نبدأ ندورلها على حل
بجد انا زعلان لان فى ناس كتير حيجيلها احباط بسبب الموضوع دة
وربنا يستر طريقنا جميعا

هو الحقيقة الناس طلعوا سلام مفيش مشاكل بس منظر القلبة شكله مش كويس علي عربية بالسعر ده
انا باشوفها كتير بتبقي طايرة ولكن بمجرد يمين او شمال بيبقي الوضع مختلف
انا مش قصدي احبط الناس بس قصدي النصيحة بانهم ياخدوا بالهم مش اكتر

[Eng.Geo]

الحقيقة قريت عن كام حادث للسيراتو ربنا يسترها مع الجميع وينجينا يارب ولاحظت فعلا الخطأ البشري المتسبب في الحادث أو عيوب شوارعنا الممزقة واللى أغلبها حفر ومطبات بين الخفيفة والعميقة والصغير والكبير يعنى على كل الأنواع والأحجام ربنا يتوب علينا بقى والسادة المسئولين يحسوا بالناس اللى بتموت بسبب اهمالهم وترك الشوارع بدون اصلاح او ترميم حتى , الموضوع متعلق بسلوكيات قائد السيارة واسلوبه وتفكيره وقراراته اللى غالبا بتبقى السبب الاول في الحادث سواء سرعة زيادة او غرز او تخطي او او او , يعني بلاش نجيب العيب في السيارة خاصة ان منها الالاف دلوقت ماشية على الطرق وربنا يسترها مع الجميع

ربنا يستر

[ahmad7610]

ربنا يستر طريقنا جميعا ..
-
العربية ال safety بتاعها كويس جدا ... و أعتقد ممكن يكزن عيب سواقة أو الطريق مش كويس ... والعربية حلوة بالنسبة لسعرها ومهياش عربية سباق الناس بس هى اللى مكبره الموضوع

[zakiali]

60 وتتقلب ؟ محسسني انها توكتوك

[ashouhdy]

يا ناس عربية اية اللى تقلب على 60 او تعوم على 60 دة انا لو جبت الدركسيون كلة يمين فى شمال ع 60 العربية متقلبش !! أكيد حصل حاجة للى سايق خلتة ميردش الله اعلم
لكن بصراحة كدة افترى على السيراتو

[Eng.Geo]

60 وتتقلب ؟ محسسني انها توكتوك

يا ناس عربية اية اللى تقلب على 60 او تعوم على 60 دة انا لو جبت الدركسيون كلة يمين فى شمال ع 60 العربية متقلبش !! أكيد حصل حاجة للى سايق خلتة ميردش الله اعلم
لكن بصراحة كدة افترى على السيراتو

والله هو ده اللي حصل

[Eng.Geo]

الناس اللي شايفة اني بهاجم العربية :
انا لو بهاجم العربية مكنتش قلت اللي بقولة
لو قريتوا مشاركاتي في اي موضوع من بتوع السيراتو مع اني مش كاتب فيه حاجة كتيرة وعلي سبيل المثال موضوع الباشمهندس غازي انا كل اللي كتبته هو اني باتمناله الشفاء و مكتبتش حاجة خالص عن العربية ولو كنت بهاجم العربية كنت قلت ان العربية ده فيها كذا وكذا وده حاجة مش كويسة انا تابعت الموضوع للاخر ولقيت ان المهندس غازي كاتبه للنصيحة واحترمته اكتر ومكنتش هاكتب حاجة عن العربية خالص
ولكن بعد اللي شفته كان لازم اكتب الموضوع ده
وانا مكتبتش قلت محدش يشتري انا قلت خدوا بالكوا
مع كامل احترامي لكل الناس

[m_s_h_a]

العربيه دى وزنها 1200 كجم مانيوال تقريبا و1300كجم اوتوماتيك على ما اعتقد ازاى ده يحصل انا مش بقول ان الوزن كل حاجه بس مش توك توك او سوزوكى واللهى فى اسكندريه سواقين الميكروباص السوزوكى العالى الصغير الكنز بياحدوا غرز ومبتتقلبش على 100ودى وزنها ايه ودى وزنها ايه والغريب ان العربيه شحصين فقط قلبوها على عدلتها وبسهوله ؟؟؟؟
طيب ازاى يا جماعه بصرف النظر عن قضاء الله وقدره دى من غير نقاش لكن هنا حتى لو خد غرزه على 60 وهو سواق فاشل مينفعش تقلب الا لو فيها مشكله
هى كانت بايرباجز ولا لا؟؟؟؟؟؟وفتحوا ولا لا؟؟؟ظ
هى كانت اية فئه واتوماتيك ؟؟؟؟؟
هى العربيه اتقلبت يمين الطريق ولا لا؟
لازم نفهم كل حاجه صح وبعدين نفهم العربيه فيها مشكله ولا لا مش عايزين نحط راسنا فى الرمله ياريت صاحب الموضوع يجاوبنى على الاستفسارات دى ومشكور