سيراتو خليجي....... ولا مصري....................؟

[dr_raveheart84]

يا جماعه انهو افضل في السيراتو
الخليجي ولا المصري
انا سمعت حوار كده في الضمان بالنسبه للخليجي

[m_s_h_a]

انا شخصيا شايف وكيل ضمان 5 سنين وانا اخترت الوكيل
الخليجى بالضمان كل ده اى كلام والاعضاء عن تجارب لاقوا ان الخليجى ملوش ضمان فعلى
فلو هتجيب خليجى تبقى عارف انه من غير ضمان حقيقى

[klioahmed]

نفس الكلام

[ALSHARIEF]

السلام عليكم و رحمة الله و بركاته ...........

نفس السؤال ده محييرنى جدا و نفسى ربنا يهدينى للخير و لكن كما تعلمون حضراتكم أن الله سبحانه و تعالى جعل لكل شىء مميزات و عيوب و أعطى للانسان العقل كى يحكمه و يختار .

أولا : الوكيل مميزاته كالاتى : 1 - مواصفات العربيات محددة و معروفة ( 6 مواصفات فقط لا غير على حد معلوماتى المتواضعة ) يعنى مفيهاش لعب كتير زى ما سمعت ( و الله أعلى و أعلم ) إن فيه تجار للخليجى جشعين ياخدوا العربيات و يلعبوا فى مواصفاتها و الغرض طبعا الربح - بس ده عند ناس يعتبرميزة مش عيب لانه عنده اختيارات كتيرة يقدر يحدد هو عاوز إيه ( أعتقد إن الخليجى وصل ل 19 مواصفة لحد دلوقتى و كله فى صالح العميل .

2 - وده يعتبر أهم ميزة ( الضماااااااان ) زى ما حضراتكو عارفين العربية لسه جديدة وده هيعتبر أمان ضد أى عيوب صناعة - بس فى ناس شايفة إن ده كمان مش مهم و هما ممكن يتنازلوا عن الميزة ده كمان .

ثانيا : العيوب : الانتظار من 4 الى 6 شهور للاستلام أو تدفع أوفر برايس وصل دلوقتى ل 7000 جنيه .

أما بالنسبة للخليجى فهو برضه ليه مميزاته و عيوبه لكن أعتقد إن المميزات أكتر ( مواصفات خليجى أكيد مش زى المصرى ممكن تكون أحسن و ممكن العكس ( أرجو من أحبابى اللى معاهم الوكيل إنهم ما يزعلوش منى بس الحق حبيب الله أنا شايف ان مواصفات الخليجى أحسن ) بس انا شايف انهم بيراعو ان الخليجى دهان الصاج فيه بيكون أحسن لان أحنا عارفين ان الجو فى الخليج بيبقى حر جدا و لازم دهان العربية يقاوم الشمس و الرطوبة و الحرارة كذلك الكاوتش و هكذا و ده طبعا و جهات نظر بدون زعل .

أما العيب الخطير فى الخليجى ( من وجهة نظرى المتواضعة ان مفيش ضمان على العربية على الاقل ضد عيوب الصناعة - العربية ممكن يتلعب فى مواصفاتها لو عند تاجر مش أمين )
كل الكلام اللى فات عبارة عن إجتهاد منى فما كان فيه من توفيق و سداد و رشاد فمن الله و حده و ما كان من خطأ أو سهو أو نسيان فمنى و من الشيطان .

أرجو إنى أكون و ضحت لحضرتك و لو شىء بسيط و أرجو من الاعضاء الاعزاء لو فيه أخطاء أو أى مشاكل إنهم يصلحوها لى .

جزاكم الله خيرا لحسن المتابعة وأسف على الأطالة

[egyptianmafia]

khaleegy is better if you dont care about warranty

khaleegy is always better