قدر الله وما شاء فعل.. للأمانة لازم أقول أنا كمان

[xShadow]

السلام عليكم..

أنا كان بقلي كتير مبجيش المنتدى لظروف إنشغال.. بس أنا لما جيت و قريت الموضوع بتاع الباشمهندس غازي، حسيت اني لازم أتكلم أنا كمان..

الحمدلله على كل شيء.. أنا العيد إلي فات عملت حادثة عل دائري.. كنت ماشي الصبح بدري و كان الطريق فاضي أوي، بعدين مرة وحدة لقيت واحد واقف في وسط الطريق، حاولت أفاديه بس قدر الله وما شاء فعل، قام جري فالإتجاه إلي كنت بفاديه فيه و للأسف فالأخر خالص اتخبط في جمب العربية.. أنا بصراحة ،ماكنتش عايز أتكلم عن الموضوع دة لأنو مضايئني نفسياً جداً و مش بحب أفتكرو، بس أنا حسيت اني لازم أقول لل أمانة..

أبل الخبطة علطول أنا كنت كسرت الدركسيون جمد عشان أفاديه، بعد الخبطة العربية عومت بيا جمد و لفت بيا حوالي أربع مرات مثلاً.. بس ستر ربنا و عرفت اوقفها فالأخر من غير متقلب أو حد من وراية يخبط فيا..

و لازم أقول إن أنا بردو كان عندي نفس التعليقين بتوع الباشمهندس غازي.. العربية بتحدف معايا شمال من ساعة مجبتهة، و كان بقلها فترة بسيطة بردو بسماع تزييئة بسيطة من ورى فالمطبات.. الله أعلم إذا كان دة ليه علاقة بالتعويمة إلي حصلت بس أهو إحتمال كبير، والله أعلم.. والحمدلله على كل شيء..

أنا عملت الموضوع دة فقط للأمانة عشان الناس وللإفادة لأي حد بيفكر يشتري العربية.. أنا بحب العربية دي جداً و بعشق مميزاتها بس للأسف كل حاجة فيها عيوب بردو..

الحمدلله على كل شيء.. و ربنا يسترها معانا جميعاً..

[NoRmAl]

أهم حاجه انك سليم
والحمد لله على كل شىء
تقريبا نفس الى حصلك حصل مع استاذ احمد سامى بس هو لقى عربيه 7 راكب
بس هو لا عومت معاه ولا اى حاجه
هل ممكن تفرق من سواق لسواق
الله اعلم
والحمد لله على سلامتك

[Hosam_Optrawy]

الحمد لله انها جت سليمه ربنا ستر

[xShadow]

الحمدلله على كل شيء و مشكورين على ردودكم..

أهم حاجه انك سليم
والحمد لله على كل شىء
تقريبا نفس الى حصلك حصل مع استاذ احمد سامى بس هو لقى عربيه 7 راكب
بس هو لا عومت معاه ولا اى حاجه
هل ممكن تفرق من سواق لسواق
الله اعلم
والحمد لله على سلامتك

هو بالفعل حصل معاه بس أنا قريت إن هو كان فرمل شوية و خد الغرزة على سرعة أقل شوية.. انما أنا مكنتش فرملت لأن مكنش فيه أي توقع إن دة ممكن يحصل، فحصل الكلام دة على سرعة أعلى نسبياً

[nawal]

السلام عليكم..

أنا كان بقلي كتير مبجيش المنتدى لظروف إنشغال.. بس أنا لما جيت و قريت الموضوع بتاع الباشمهندس غازي، حسيت اني لازم أتكلم أنا كمان..

الحمدلله على كل شيء.. أنا العيد إلي فات عملت حادثة عل دائري.. كنت ماشي الصبح بدري و كان الطريق فاضي أوي، بعدين مرة وحدة لقيت واحد واقف في وسط الطريق، حاولت أفاديه بس قدر الله وما شاء فعل، قام جري فالإتجاه إلي كنت بفاديه فيه و للأسف فالأخر خالص اتخبط في جمب العربية.. أنا بصراحة ،ماكنتش عايز أتكلم عن الموضوع دة لأنو مضايئني نفسياً جداً و مش بحب أفتكرو، بس أنا حسيت اني لازم أقول لل أمانة



أبل الخبطة علطول أنا كنت كسرت الدركسيون جمد عشان أفاديه، بعد الخبطة العربية عومت بيا جمد و لفت بيا حوالي أربع مرات مثلاً.. بس ستر ربنا و عرفت اوقفها فالأخر من غير متقلب أو حد من وراية يخبط فيا..

و لازم أقول إن أنا بردو كان عندي نفس التعليقين بتوع الباشمهندس غازي.. العربية بتحدف معايا شمال من ساعة مجبتهة، و كان بقلها فترة بسيطة بردو بسماع تزييئة بسيطة من ورى فالمطبات.. الله أعلم إذا كان دة ليه علاقة بالتعويمة إلي حصلت بس أهو إحتمال كبير، والله أعلم.. والحمدلله على كل شيء..

أنا عملت الموضوع دة فقط للأمانة عشان الناس وللإفادة لأي حد بيفكر يشتري العربية.. أنا بحب العربية دي جداً و بعشق مميزاتها بس للأسف كل حاجة فيها عيوب بردو..

الحمدلله على كل شيء.. و ربنا يسترها معانا جميعاً..

ممكن حضرتك تقولينا بعد اذنك كنت ماشي على سرعة كام؟

شكرا وألف حمد الله على السلامة

[Samir_Adel]

حمد الله على سلامتك و ولا يهمك كلنا كسرنا و خبطنا و السواقة مفهاش كبير.

[dolly13]

الف حمد الله على السلامة وده ظرف ممكن يحصل لاى حد فينا
ربنا يعوض عليك وانشاء الله تنسى الحادثة بسرعة

[Samah AbdAllah]

المهم ان حضرتك بخير
الف حمدالله على سلامة حضرتك

[M.ABDEEN]

المهم انك بخير وبصحة

[max_ziro]

الحمد لله انك بخير..

[KoDaK_Gti]

قدر الله وماشاء فعل
المهم اللى اتخبط عملت ايه معاه ؟؟

[semosoft]

في الاخر كلها صاج و حديد و اهم حاجة انك بخير و ربنا بيقدر و يلطف

و ربنا يكفينا كلنا شر العربيات و الطرق

[Amr A.salam]

ألف سلامة عليك يا باشا

والحمد لله علي كل شىء

ربنا يعوض عليك

[ahmed643]

الف سلامه عليك ياباشا وعلى عربيتك
وربنا يكفينا جميعا شر الطريق

[A.Saad]

حمد لله على سلامتك