سيراتو تاني :((

[Beeso]

شكرا على النصيحة وربنا يستر عشان بجد أنا كل مثقتي ترجع في العربية أرجع تاني اقلق وانا سايق بسرعة بجد الواحد تعب وفعلا نفسيا ده مش صح على كل اللي معاهم سيراتو ولزم نشوف حال بقى ونقطع الشك باليقين

ياريت لو فيه اي حد رايح بكرة يعمل test drive يسأل على خامات العفشة كلها ويريت كمان لو يعرف يصورها ويجيب الكود بتاع الصنع يمكن نحول نعرف مصنوع من إيه ولو ينفع يتعمل عليه تجربة (Impact test ) أنا عارف إن ماظنش إن ده حيحصل بس عالالاقل نحاول

شكرا على المعلومة

[ahraah]

الكلام اللي بحكيه ده كان لسه النهارده الساعه 9 ونص بالليل
والعربيه مش بتاعتي وانا ماشفتهاش اصلا
اقرأ حضرتك الموضوع تاني لأن واضح انك ماركزتش وانت بتقرأ

ممكن فعلا انا مقرتوش كويس بس كنت بعتلنا العربية دة البقولو
و بالنسبة للمقص انا كنت بشوف لو صديقك وقف شاف العربية القدامة حصلها اية او صورها
بكرة زيارة التوكيل ممكن يكون عرفين عن تكرار الموضوع دة

[khaledmontero]

موضوع مقلق

[dr.amr]

شكرا على النصيحة وربنا يستر عشان بجد أنا كل مثقتي ترجع في العربية أرجع تاني اقلق وانا سايق بسرعة بجد الواحد تعب وفعلا نفسيا ده مش صح على كل اللي معاهم سيراتو ولزم نشوف حال بقى ونقطع الشك باليقين

ياريت لو فيه اي حد رايح بكرة يعمل test drive يسأل على خامات العفشة كلها ويريت كمان لو يعرف يصورها ويجيب الكود بتاع الصنع يمكن نحول نعرف مصنوع من إيه ولو ينفع يتعمل عليه تجربة (impact test ) أنا عارف إن ماظنش إن ده حيحصل بس عالالاقل نحاول

شكرا على المعلومة

انا أسف لو كنت ضايقتك بس انا غرضي والله حياة الناس
طز في اي عربيه المهم حياة الناس ده

[moha2223]

يا سلام
وكانوا بيتريقوا على اليارس دة عربية برقبتها و قال اية يقولولك الكورى احسن من اليابانى
بقا انا اشترى عربية علشان شكلها اوى شوية كماليات عبيطة و اسيب اساس العربية
الحمد للة انى مشترتش العربية دية و ربنا هدانى لليارس
يارسسسسسسسسسسسسس او او

[TOOLA]

فين الشباب الكانوا فاتحين موضوع مخصوص و ماسكين الناس الحكت على حوادث السيراتو تريقة, أنا مش فاهم ايه موضوع أعداء النجاح البيتكلموا عليه ده هوا احنا بنتكلم على سيراتو ولا نصير, احنا بنتكلم على عربية جايز فيها أخطاء الصناعة أو استخدام قطع غيار ضعيفة زى أى ماركة فى العالم, غير ماشوفناش كلام زى ده على الهوندا ليه أو على السيراتو الموديل القبليه يعنى ماظونش الناس بتدخل تالف قصص و حوادث مخصوص على السيراتو او واحد اشتراها و اتعمد يبيعها و يخسر فيها بعد 6 شهور عشان يسوء سمعتها مخصوص

[Hosam_Optrawy]

برضه مازال نسبة الحوادث لا تتعدى 5 % من السيراتو اللى ماشيه سليمه فى مصر

[Egyzizo]

بس 5% كتير ..

[Hosam_Optrawy]

بس 5% كتير ..

انا قولت 5 % مجرد مثال لنسبه قليله

انما انا طبعا مش متأكد هما كام بالظبط

وبعدين مش كل الحوادث اللى حصلت كان سببها عيوب فى العربيه

فى حوادث كتير سببها السرعه

[Rsarabia]

فعلا الموضوع كدا بدأ يقلق انا بدخل يوميا منتدى كيا و كل شوية الاقى موضوع جديد و حوادث بسبب كسر المقصات اعتقد كدا يبقى من غير المنطقى اننا نتجاهل الموضوع و فعلا كدا العربية فيها عيب لان مش معقول الناس دى كلها هتفترى على العربية انا كنت بفكر اجيب سيراتو لكن بعد المواضيع دى فعلا مش هفكر فيها و هيبقى فى اختيارات تانية احسن بس اغلى بس اضمن زى الكورولا و المازدا

[nab!l]

الموضوع كده كبر اوىطب واحد قريبى معاه الخليجى ؟المشكله فى الخليجى ولا الوكيل ولا الا تنين؟حد يطمنى

[د.محمود صلاح]

السيراتو ماشيه بمبدأ " حبيبك يبلعلك الزلط وعدوك يتمنى لك الغلط "

[dr.amr]

برضه مازال نسبة الحوادث لا تتعدى 5 % من السيراتو اللى ماشيه سليمه فى مصر

ماهو برضه يا استاذ حسام احنا ماعرفناش كل الحوادث اللي حصلت
صعب بأي حال اننا نديها نسبه معينه

[aminibrahim]

انا من عشاق الالماني

بس انا شايف ان حضراتكو بتغنو وتردو علي بعض

عايزين مواضيع مفيده

احسن كده الناس تفتكر ان حضراتكو حاقدين ومعندكوش عربيات اصلا

[Hosam_Optrawy]

ماهو برضه يا استاذ حسام احنا ماعرفناش كل الحوادث اللي حصلت
صعب بأي حال اننا نديها نسبه معينه

معاك حق اكيد مش هانقدر نحسبها بالظبط

بس هى بالتقريب كدا من خلال اللى الواحد بيشوفه

مجمل الحوادث اللى بتحصل فى السيراتو كام مقارنة بمبيعات العربيه

وكيل وخليجى

وهل كل الحوادث بسبب عيوب فنيه فى العربيه ولا فى اسباب تانيه

من نتيجة الكلام محدش يقدر يجزم ان السيراتو بشكل عام معيوبه

الكلام دا حتى وقتنا هذا

عشان تتكلم ان فى عيوب فى موديل معين لازم النسبه توصل على الأقل 10 - 20 %

وبيتهيألى لسه موصلناش للرقم دا