هى دى اهمية الesp و من غيرها يبقى ربنا يستر !!!!

[blackknight]

انا قولت لازم الناس تشوف الفيديو ده علشان تعرف اهمية ال ESP or ESC و بجد فعلا السيراتو لو نزل فيها الاوبشن ده يبقى خلاص كده سلام لكل العربيات الكورية فى السوق و اسيبكم تستمتعوا بالفيديو الخطير ده

[youtube]http://www.youtube.com/watch?v=K3m24bjkfg0[/youtube]

[ghazy12]

يا أخي ربنا يباركلك والله....

و فيه فيديوهات كتيييير تانيه بتعرف الناس مدى اهمية الـ esc او الـ esp... و ده منهم...

شكراا على الفيديو المفيد و القيم جداا, و يا رب التوكيل يفهم انه لازم ينزل في السيراتو...

[Hosam_Optrawy]

شكرا على الفيديو المهم

وفعلا ال Esp مهم جدا بالذات لينا احنا المصريين

خصوصا ان الأغلب مقضيها جرى وغرز

او اللى ماشى بسرعه وفجأه لقى واحد راكن على اليمين او الشمال ومضطر يفاديه

لو مفيش Esp يبقى شكرا

[blackknight]

يا أخي ربنا يباركلك والله....

و فيه فيديوهات كتيييير تانيه بتعرف الناس مدى اهمية الـ esc او الـ esp... و ده منهم...

شكراا على الفيديو المفيد و القيم جداا, و يا رب التوكيل يفهم انه لازم ينزل في السيراتو...

باشمهندس غازى حمد الله على السلامة و ان شاء الله يتم شفاك على خير يا سيدى بس و الله مع اقتناعى التام ان موضوع الحادث بتاعك ده قضاء و قدر الا انى لازلت مستنى تقييم الشباب بعد ال test drive اللى اتعمل من كام يوم علشان اتيقن من السيراتو اللى انا حاجزها من شهر 9 و نفسى استلمها و خايف استلمها و ربنا يستر بقى

[Hosam_Optrawy]

ودى صور توضح أهمية ال Esc من موقع السيراتو

[m_s_h_a]

شكرا على الفيديو
بس مش السيراتو بس اللى محتاجاه دى كل العربيات لان 99 % من العربيات فى مصر بدونه
يا جماعه دى ولا حتى abs فى اغلب العربيات
لازم يكون فى معايير سلامه محدده بس لما الجمارك تنزل شويه هنبقى زى باقى الناس فى العالم كله

[ahmedyehia515]

أنا حقول الى اعرفه عن ال ESP عشان لو فيه حاه غلط يا ريت حد يصلحلى

ال ESP هو أختصار Electronic stability Control يعنى نظام الثبات الألكترونى، و ليه كذا اسم تانى حسب نوع العربية . DSC فل BMW.

بكل بساطة ال ESP بيشتغل فى حالتين أساسيتين oversteer أو understeer

ال oversteer هو اللى بيحصل لما تاخد ملف بسرعة و يكون فى رمل او طين، بتلاقى شنطة العربية لفت أكتر من اللازم. بالظبط أكنك شديت الهاند بريك. ال understeer ان "بوز" العربية يلف أقل مما انت عايز. ( ده أحسن حاجة اقدر أشرحها بس الأحسن أنو يتشاف فيديو، على اليوتيوب فى 100 فيديو على الموضوع ده)
المهمو ال ESP بيعمل حاجة واحدة، بيفرمل كاوتش واحد بس لفترة زمنة قليلة أوى بس بيعدل العربية و الموضوع ده بينطبق لو الطريق فيه ميه، رمل أو أى حاجة. الموضوع ده ممكن يبان مش مهم أوى عشان أحنا مش أكبر مشاكلنا فل الطريق الرمل و المياه بس مثلاً تخيل لو انت ماشى ورا عربية نقل على الصحراوى على 120 و مره واحده حاجة وقعت منها، على 120 لو كسرت الدركسيون جامد حتى لو الاسفلت ناشفو العربية حتعوم منك و لا قدر الله ممكن تتقلب، ال ESP حيعدل العربية بعد "المناورة " ده من تغير ما تحس بحاجة غير ان سرعة العربية قلت شوية.
المشكلة ان العربية اللى فيها ال ESP يستحيل انها تخمس او تعمل حركة أنك تجرى و تاخد اليوتيرن بسرعة و تشد الهاند بريك لأنك كل الكلام ده بيعتمد على مبدأ أن العربية بتلف حوالين نفسها و ال ESP معمول عشان العربية متلفش حوالين نفسها. طبعاً لحد هذه اللحظه ال ESP بينزل ممكن يطفى بس المفروض ان بعد كده حينزل زى الABS ما ينفعش تطفيه غلا من الكنترول. تجربتى مع ال ESP كانت فى عربية واحد صاحبى golf 2006 و المفروض انو فى زرار عشان ال ESP. المهم خدت العربية و طلعت على حتة مقطوعة بعد الرحاب و طفيت ال ESP العبية خمست عادى و عملت تجده انزلاقات لولوبية فل الرمل، شغلت ال ESP و بجد حاجة روعة، علم الانسان ما لم يعلم ، كنت بمشى فى الرمل على 100 و بلف العربية كانت بتهدى من غير ما أدوس فرامل بس ما اتزحلقتش حتى لما شديت الهاند بريك كانت بتعدل نفسها غصب عنى، شوية الموضوع مستفز أنو العربية مش بتسمع الكلام بس بجد حسيد أد إيه الموضوع ده مهم
طبعاً عشان بره حياة الانسان مهمة ركبوا ال ESP فل الاوتوبيسات و عربيات النقل عشان ده لما تتزحلق بتموت معاها عشرات بس يعنى انا شايف أنو أصغر مشاكل أتوبيس النقل العام المصرى أنو مافيهوش ESP. ده فيديو ل أوتوبيس فيه ESP و واحد زيو ما فيهوش ESP
[youtube]http://www.youtube.com/watch?v=L7oqIPj1QEc[/youtube]

أتمنى ان المعلومات تكون سليمة و لو حد عنده أى تصحيح أو إضافة، حاكون مبسوط إنو يقولها

[m_s_h_a]

أنا حقول الى اعرفه عن ال ESP عشان لو فيه حاه غلط يا ريت حد يصلحلى

ال ESP هو أختصار Electronic stability Control يعنى نظام الثبات الألكترونى، و ليه كذا اسم تانى حسب نوع العربية . DSC فل BMW.

بكل بساطة ال ESP بيشتغل فى حالتين أساسيتين oversteer أو understeer

ال oversteer هو اللى بيحصل لما تاخد ملف بسرعة و يكون فى رمل او طين، بتلاقى شنطة العربية لفت أكتر من اللازم. بالظبط أكنك شديت الهاند بريك. ال understeer ان "بوز" العربية يلف أقل مما انت عايز. ( ده أحسن حاجة اقدر أشرحها بس الأحسن أنو يتشاف فيديو، على اليوتيوب فى 100 فيديو على الموضوع ده)
المهمو ال ESP بيعمل حاجة واحدة، بيفرمل كاوتش واحد بس لفترة زمنة قليلة أوى بس بيعدل العربية و الموضوع ده بينطبق لو الطريق فيه ميه، رمل أو أى حاجة. الموضوع ده ممكن يبان مش مهم أوى عشان أحنا مش أكبر مشاكلنا فل الطريق الرمل و المياه بس مثلاً تخيل لو انت ماشى ورا عربية نقل على الصحراوى على 120 و مره واحده حاجة وقعت منها، على 120 لو كسرت الدركسيون جامد حتى لو الاسفلت ناشفو العربية حتعوم منك و لا قدر الله ممكن تتقلب، ال ESP حيعدل العربية بعد "المناورة " ده من تغير ما تحس بحاجة غير ان سرعة العربية قلت شوية.
المشكلة ان العربية اللى فيها ال ESP يستحيل انها تخمس او تعمل حركة أنك تجرى و تاخد اليوتيرن بسرعة و تشد الهاند بريك لأنك كل الكلام ده بيعتمد على مبدأ أن العربية بتلف حوالين نفسها و ال ESP معمول عشان العربية متلفش حوالين نفسها. طبعاً لحد هذه اللحظه ال ESP بينزل ممكن يطفى بس المفروض ان بعد كده حينزل زى الABS ما ينفعش تطفيه غلا من الكنترول. تجربتى مع ال ESP كانت فى عربية واحد صاحبى golf 2006 و المفروض انو فى زرار عشان ال ESP. المهم خدت العربية و طلعت على حتة مقطوعة بعد الرحاب و طفيت ال ESP العبية خمست عادى و عملت تجده انزلاقات لولوبية فل الرمل، شغلت ال ESP و بجد حاجة روعة، علم الانسان ما لم يعلم ، كنت بمشى فى الرمل على 100 و بلف العربية كانت بتهدى من غير ما أدوس فرامل بس ما اتزحلقتش حتى لما شديت الهاند بريك كانت بتعدل نفسها غصب عنى، شوية الموضوع مستفز أنو العربية مش بتسمع الكلام بس بجد حسيد أد إيه الموضوع ده مهم
طبعاً عشان بره حياة الانسان مهمة ركبوا ال ESP فل الاوتوبيسات و عربيات النقل عشان ده لما تتزحلق بتموت معاها عشرات بس يعنى انا شايف أنو أصغر مشاكل أتوبيس النقل العام المصرى أنو مافيهوش ESP. ده فيديو ل أوتوبيس فيه ESP و واحد زيو ما فيهوش ESP
[youtube]http://www.youtube.com/watch?v=L7oqIPj1QEc[/youtube]

أتمنى ان المعلومات تكون سليمة و لو حد عنده أى تصحيح أو إضافة، حاكون مبسوط إنو يقولها

مشكور

[ghazy12]

ودى صور توضح أهمية ال Esc من موقع السيراتو

تصدق و تؤمن بالله... ده بالظبط اللي حصل معايا, بس لحد ما عومت شمال و بعدين اتقلبت... بالمنظر بتاع العربيه المتظلله اللي في الصور ده بالظبط...

الحمد لله على كل شئ... خلتني اشوف الحادثه كأنها دلوقتي و اللي حصللي والله

شكراا يا حسام باشا على المجهود الممتاز

شكرا على الفيديو
بس مش السيراتو بس اللى محتاجاه دى كل العربيات لان 99 % من العربيات فى مصر بدونه
يا جماعه دى ولا حتى abs فى اغلب العربيات
لازم يكون فى معايير سلامه محدده بس لما الجمارك تنزل شويه هنبقى زى باقى الناس فى العالم كله

عندك حق فعلا... بس هو موجود في السيفيك مثلا كياباني, و الألماني طبعا, بس الكوري و بعض الياباني مافيهوش للأسف...

باشمهندس غازى حمد الله على السلامة و ان شاء الله يتم شفاك على خير يا سيدى بس و الله مع اقتناعى التام ان موضوع الحادث بتاعك ده قضاء و قدر الا انى لازلت مستنى تقييم الشباب بعد ال test drive اللى اتعمل من كام يوم علشان اتيقن من السيراتو اللى انا حاجزها من شهر 9 و نفسى استلمها و خايف استلمها و ربنا يستر بقى

الله يسلمك... و طبعا اي حادث نصيب و قضاء ربنا و قدره قبل كل شئ...

لكن ربنا بيسبب الأسباب بردو, بمعنى ان انا مكنتش متهور او بجري او باخد غرزه مثلا...!!! انا كنت ماشي بسرعه عاديه جداا (لم تتعدى 100كم\س) و اتقلبت و الحمد لله...

1- العربيه عومت (نظام الـesp كان مهم في حاله زي دي طبعاا) بس مش هيمنع قضاء ربنا, بس بردو لازم يكون موجود علشان تكون مأمن نفسك و تكون سايق و انت مطمن شويه حتى, و بعدين لو حصل اي شئ هنقول الحمد لله بردو

2- المقص اتكسر (مش طبيعي مقص يتكسر بعد 9600كم في عربيه زيرو..!!!)

و طبعا كلنا منتظرين التقرير اللي الأعضاء الكرام هيعملوه, مع ان الموضوع مينفعش يكون مجرد test drive بس...!!! ده مش هيكون كفايه ابدا, بس انا أتمنى انهم يكونوا نزلوا الورشه و شافوا العربيه من تحت و شافوا قطع الغيار و خلافه من الأمور و بشكل دقيق... علشان لو قلنا العربيه كويسه و زي الفل يكون الكلام سليم 100%, و لو قلنا وحشه يكون في اسباب مقنعه للناس من الواقع..

شكراا ليك مره تانيه يا باشا...

[Beeso]

شرح واضح وبسيط

متابع بشدة موضوع المقصات ده

[M.Hosni]

طيب يا جماعة ممكن سؤال ؟؟
هو ممكن ال esp يركب للعربيات اللي مفيهاش؟؟

[blackknight]

طيب يا جماعة ممكن سؤال ؟؟
هو ممكن ال esp يركب للعربيات اللي مفيهاش؟؟

على ما اعتقد و الله اعلم ان الموضوع ده مستحيل علشان دوائر الهيدروليك و الcontrol valves اللى بتكون فى نظام الفرامل كلها بتكون متوافقة مع بعد بالاضافة الى وجود حساسات مسئولة عن تشغيل ال ESC

[Beeso]

الموضوع مش بالسهولة ده خالص عشان لازم يركبله حساسات كتير وغالبا الكنترول حيتغير

ياراجل ده أنا فيعربتي el-BMW عشان أركب ABS غيرت العفشة كلها عشان عفشت ABS بيكون فيها مكان للحساسات وجبت كنترول جديد ومكنت ABS (pressure lock ( وحوارات يعني

برده ممكن يكون يركب الله أعلم

[menocomp]

موضوع فى غاية الروعة.
بالرغم من وجود تقنيات حديثة فى السيارات زى abs و ebd و esc وحاجات تانية كتير والتى تعتبر اساسية فى اى عربية الا ان فمصر الحاجات دية مجرد كماليات , دة حتى الايرباجز يعتبر فى مصر من الكماليات زية زى طقم الصينى فى المطبخ المصرى.
مرة كنت بسأل على امكانيات عربية مش فاكر اسمها دلوقتى فبسال اذا كان فيها ايرباجز ولا لأ فالراجل بتاع السيلز قاللى حتحتاجة قى اية يافندم. :b4_592:

[ahmedyehia515]

طيب يا جماعة ممكن سؤال ؟؟
هو ممكن ال esp يركب للعربيات اللي مفيهاش؟؟

لو العربية غالية عليك و مش عايز تبيعها و عايز تركبلها ال esp ممكن بس تعمل حسابك على عفشة جديدة و سيستم فرامل جديدة و كنترول جديد و لو الفرامل الخلفية عندك مش سكاكين يبقى حتتغير, و تاخد أجازة شهر و تسافر المانيا تعملها. حسبة 20-30 الف.

صدقنى أنا مش بهزر فى ناس فعلاً بتعمل كده بس برده عمره ما حيكون زى اللى نازل مع العربية عشان فل الاول و الإخر ده بيكون متفصل على العربية أبعاد و وزن العربية و موتورها و مقاس الكاوتش حاجات بتخش فى حسبة الكنترول عشان يقرر يوقف أنهى عجلة قد إيه, ال abs اصعب حاجة فيه انك تلاقى مكان السنسورز بس هنا الموضوع أكبر بمراحل. مفيش مستحيل بس أكيد انك تستنى سنتين تلاتة و كده كده معظم العربيات الجديدة نازله بيه و الاتحاد الاوروبى عاوزه يبقى اساسى فى كل العربيات ف أكيد فى يوم مش حتلاقى عربية مافيهاش زى الزينون كده. انا عملت مشروع فل الجامعة على ال esp فغصب عنى كان لازم أدرس كل حاجه عنه, بس أهو جه بفيده و خلاتى أتعرف على ناس محترمة فى أجمد منتدى فى الدنيا :)