آآآآآخر اسعار السيراتو فى السوق " دى رخصت اوى ياجماعة "

[muradallam]

روحت امبارح بالليل عند اوتو سمير ريان اللى فى الاتوستراد علشان " اتفرج " على السيراتو واعرف اسعارها مع العلم انى متابع العربية دى من ساعت ما نزلت السوق ومتابع نزول اسعارها بس خلاص فاضل على الحلو دقه وهجيب العربية دى قريب وحتى سعرها يكون نزل شوية كمان

بالنسبة للاسعار اللى شوفتها واللى هقولقو عليها هيه فئة الاتوماتيك الكاملة

1- جنط 17 - مرايات تعتيم - فرش جلد - سينسور بارك - مالتى فانكشن - تكييف تاتش - اشارات فى المرايات - كاسيت 6 سى دى - 10 ايرباجز بدون فتحة سقف- باور كهرباء " اردنى " بـ 118.900

2- كل اللى فات بس زيادة فتحة سقف و 2 اير باجز فقط - باور زيت " سعودى " بـ 122.000

3- الموديل رقم 2 زياده عليه مفتاح بصمة بـ 126.000 ودى كانت بــ 132.000 من اسبوعين بس

طبعا كل ما المكانيات هتقل هتلاقى السعر كمان هيقل عن الاول علشان من اسبوعين بس كانت الفئة الاوتوماتيك الجنط 16 وفرش قماش ومرايات عادية وبدون سينسور كانت بـ 120.000

بس فى سؤال مهم ايه الفرق بين الباور الكهرباء والباور الزيت ايهما افضل

[masterzmind]

هية الاردنى تختلف عن السعودى من حيث التكيف

[seqoia]

شكرا يا باشا

[m_s_h_a]

الاردنى حسب معلوماتى المتواضعه اسؤ الخليجى حتى اللانسر
الاسعار زى ما هى مفرقتش كتير عن الوكيل فى السعودى

[ALSHARIEF]

السلام عليكم و رحمة الله و بركاته ..........

جزاك الله خيرا أخى الحبيب على المعلومات القيمة اللى حضرتك نقلتها بس أنا عايز ألفت نظر حضرتك لحاجة مهمة إن سمير ريان بيشتغل فى الخليجى بس و اللى أنا أعرفه إن مواصفات وصلت لحد دلوقتى ل 20 مواصفة لازم طبعا التاجر يلعب فى المواصفات و الأسعار علشان يرضى معظم أذواق المستهلكين .

طبعا أنا مش قصدى أضايق حضرتك و لا قصدى أزم فى سمير ريان لانه تاجر محترم بس أنا عايز حضرتك تخلى بالك و إنت بتشترى و مبارك مقدما عليك العربية إن شاء الله ( بس إبقى إفتكر إنى أول واحد باركلك ) و مستنين تقريرك قريب إن شاء الله

[Beeso]

غريبة ده مش عارف ده لي علاقه بأنه عنده عدد كبير جدا منها لسة متبعش ولا هو قرر ينزل سعرها شوية (يبيع كتير ويكسب قليل في الواحدة مثلا دي نظرية برده) وهل سعرها نزل في كل حتة ولا عند سمير ريان بس

إيه موضوع الأردني ده صحيح أصلي مفهمش في الخليجي خالص

شكرا

[Amr A.salam]

المفاجأة الكبرى

سعر الخليجي فعلاً نزل في كل حتة

وسمير ريان فعلاً ماشي بمبدأ المكسب البسيط في العدد الكبير

[muradallam]

هية الاردنى تختلف عن السعودى من حيث التكيف

السعودى احسن فئة من حيث التكييف والانجكشن وكمان الهور باور فيها 126 لكن الوكيل والاردنى 124

[mohamedrabia]

اسعار السيارات كلها هتنزل اول السنة وده حصل في شركات كتير زي النيسان والكيا

[m_s_h_a]

تكييف أوتوماتيكي، جنوط ١٧"، مفتاح ريموت، حساس ركن، شاشة معلومات للسائق، نوكل خارجية، بعد أجزاء الطابلوه فضية اللون،2 airbags ABS، EBD، فرامل خلفية ديسكات، تحكم في إرتفاع الصابيح الأمامية يدوي، مفتاح ريموت، فتح الشنطة كهرباء CD MP3، مدخل USB Ipod AUX، طارة multifunction،فتحة سقف كهربائية ب 12000 فى التوكيل


وفى نفس اللى فات بلسesp، rain sensor، light sensor تحكم في إرتفع الإضاءة أوتوماتيكي، smartkey، A/C Dualzone، فرش جلد، طارة دركسيون جلد،park sensor امامي, فتح الأبواب touch وب 126000
وضمات 5 سنين
يبقى السعر منزلش هما التجار اللى الجشع بتاعهم كان زياده
ولما العربيه بدات تتوافر اكتر اضطروا يخفوا الجشع شويه
دى وجهة نظرى والله اعلم

[zkralla]

عد حسب معلوماتى المتواضعة الى ها ينزل سعره الاوربى بس عشان تخفيض الجمارك فى اول السنة على الاوروبى
بس مش بعيد نزول اسعار الاوروربى يأثر على اسعار السوق بصفه عامة بالانخفاض
يا ريت طبعا تنزل خلى الناس تعرف تركب عربيات والى اشترى ميبقاش يزعل ويخليه ماشى بمبدأ حب لاخيك ما تحب لنفسك
يا رب مصر والعرب كلهم يركبوا مرسيدي اخر موديل

[muradallam]

السلام عليكم و رحمة الله و بركاته ..........

جزاك الله خيرا أخى الحبيب على المعلومات القيمة اللى حضرتك نقلتها بس أنا عايز ألفت نظر حضرتك لحاجة مهمة إن سمير ريان بيشتغل فى الخليجى بس و اللى أنا أعرفه إن مواصفات وصلت لحد دلوقتى ل 20 مواصفة لازم طبعا التاجر يلعب فى المواصفات و الأسعار علشان يرضى معظم أذواق المستهلكين .

طبعا أنا مش قصدى أضايق حضرتك و لا قصدى أزم فى سمير ريان لانه تاجر محترم بس أنا عايز حضرتك تخلى بالك و إنت بتشترى و مبارك مقدما عليك العربية إن شاء الله ( بس إبقى إفتكر إنى أول واحد باركلك ) و مستنين تقريرك قريب إن شاء الله

كلام حضرتك مظبوت هوه عنده فئات كتيرة جدا من السيراتو بس زى ماقولت لحضرتك انا متابع العربية من زمان وكمان فى شويه حاجات بقدر اعرف العربية دى انهى فئة وبلدها ايه زى مثلا مراية الصالون لو لقيت فيها من ورا "يعنى تبص عليها من بره العربية" مربع صغير فضى تعرف انى دى مراية تعتيم علشان ده الزرار اللى بيشغلها ويفصلها وكمان بالنسبة للبلد فحضرتك لما تفتح باب السواق تلاقى على القايم من تحت لوحة معدنية صغيرة مطبوعة وفى الخليجى بتكون مكتوبة بالعربى ان ه>ه السيارة مطابقة للمواصفات السعودية تعرف ان العربية دى سعودى واللوحة دى ماينفعش تتغش علشان بيكون كتوب عليها رقم الشاسيه بتاع العربية كمان بالنسبة للباور فحضرتك تفتح الكبوت بتاع العربية لو لقيت علبة زيت الباور يبقى دة زيت لو مالقيتهاش يبقى العربية دى باور كهرباء ده غير ان باقى الكماليات تتشاف بالعين وواضحة جدا زى مفتاح البصمة والسينيور والجنط والفرش واشارات المرايات كمان السعودى بتنزل بشنطة عدة ومثلث وشنطة اسعافات والاردنى بتنزل من غيرهم وهكذا يعنى.

ومتشكر جدا انك باركتلى قبل ما اجيبها بس انا هاجيبها على اخر يناير اللى جاى علشان اكيد سعرها هيكون قل كمان موضوع تخفيض الجمارك هيكون اتفعل وشغال فا الشهر ده هيفرق فى السعر بجد

[muradallam]

عد حسب معلوماتى المتواضعة الى ها ينزل سعره الاوربى بس عشان تخفيض الجمارك فى اول السنة على الاوروبى
بس مش بعيد نزول اسعار الاوروربى يأثر على اسعار السوق بصفه عامة بالانخفاض
يا ريت طبعا تنزل خلى الناس تعرف تركب عربيات والى اشترى ميبقاش يزعل ويخليه ماشى بمبدأ حب لاخيك ما تحب لنفسك
يا رب مصر والعرب كلهم يركبوا مرسيدي اخر موديل

ياباشا كلامك مظبوط ماهو الاوروبى لما ينزل سعره التجار غصب عنهم هينزلو السعر لانى هما فى ايديهم ينزلو الاسعار من دلوقتى وخاصة الخليجى علشان هيه بتيجى من السعودية بولا حاجة وبعد الجمارك بس هما بيثبتو سعر بيع علشان يكسبو كتيير لكن لما السوق ينزل لازم هما كمان ينزلة مع السوق هوه انا عارف ان الفروق مش هتكون كبيرة على حسب علمى ان تخفيض الجمارك هيكون 4 % يعنى 4.000 جنيه لكل 100.000 بس برده انتا معايا ان كل 1.000 جنيه بتفرق صح

[muradallam]

تكييف أوتوماتيكي، جنوط 17"، مفتاح ريموت، حساس ركن، شاشة معلومات للسائق، نوكل خارجية، بعد أجزاء الطابلوه فضية اللون،2 airbags abs، ebd، فرامل خلفية ديسكات، تحكم في إرتفاع الصابيح الأمامية يدوي، مفتاح ريموت، فتح الشنطة كهرباء cd mp3، مدخل usb ipod aux، طارة multifunction،فتحة سقف كهربائية ب 12000 فى التوكيل


وفى نفس اللى فات بلسesp، rain sensor، light sensor تحكم في إرتفع الإضاءة أوتوماتيكي، smartkey، a/c dualzone، فرش جلد، طارة دركسيون جلد،park sensor امامي, فتح الأبواب touch وب 126000
وضمات 5 سنين
يبقى السعر منزلش هما التجار اللى الجشع بتاعهم كان زياده
ولما العربيه بدات تتوافر اكتر اضطروا يخفوا الجشع شويه
دى وجهة نظرى والله اعلم

هيه الموديلات دى تقريبا زى اللى انا كاتبهم بس حضرتك كاتبه بتفصيل اكتر ماعادا اول فئة اقل 2.000 جنية بس ممكن تقولى الاسعار دى من معرض ايه

[tamermagdy]

تكييف أوتوماتيكي، جنوط ١٧"، مفتاح ريموت، حساس ركن، شاشة معلومات للسائق، نوكل خارجية، بعد أجزاء الطابلوه فضية اللون،2 airbags ABS، EBD، فرامل خلفية ديسكات، تحكم في إرتفاع الصابيح الأمامية يدوي، مفتاح ريموت، فتح الشنطة كهرباء CD MP3، مدخل USB Ipod AUX، طارة multifunction،فتحة سقف كهربائية ب 12000 فى التوكيل


وفى نفس اللى فات بلسesp، rain sensor، light sensor تحكم في إرتفع الإضاءة أوتوماتيكي، smartkey، A/C Dualzone، فرش جلد، طارة دركسيون جلد،park sensor امامي, فتح الأبواب touch وب 126000
وضمات 5 سنين
يبقى السعر منزلش هما التجار اللى الجشع بتاعهم كان زياده
ولما العربيه بدات تتوافر اكتر اضطروا يخفوا الجشع شويه
دى وجهة نظرى والله اعلم

اوضح لحضرتك حاجة صغيرة وانا اسف علي التعديل
120000 ليس بها تحكم في إرتفاع الصابيح الأمامية
126000 ليس بها esp، rain sensor، تحكم في إرتفع الإضاءة أوتوماتيكي،

شكرا