لازم انا كمان اقول فى النيو سيراتو

[m_s_h_a]

فى البدايه انا واحد من ملاك السيراتو ناس كتير اتكلمت عن العربيه وللاسف اغلبهم مش ملاك واحنا كملاك اغلبنا للاسف قصرنا فى حق نفسنا وحق زمايلنا فى المنتدى انا احنا نتكلم عن عربياتنا
الكلام بصراحه وبدون زعل
انا بحترم كل شخص فى المنتدى ايا كان بيهاجم اوبينتقد لكن ياجماعه احنا اللى غلطانين لاننا من السذاجه اننا نصدق ان عربيه مقصها يتكسر لوحده والعربيه ماشيه وان اغلب العربيات بتجيب وش سلندر دى الجديده
حق اى واحد يقول اى شئ ودى حرية الاراء
فانا بفى بما انى واحد من الملاك وبعد تجربه لمدة شهر ونصف هقول انا كمان
-بمنتهى المصداقيه وبمنتهى القوه العربيه محترمه جدا ومن توكيل محترم وعلى قد فلوسي اخدت اللى انا متوقعه وعربيه فى حدود امكانياتى وبعد معاناه عانيتها من توكيل فورد حسيت بالفرق مع توكيل كيا وقبل فورد كان معايا اوبل كورسا سيدان وماتريكس كنت بعانى اشد المعاناه اللى مجربش التوكيلات دى مش هيعرف قيمة توكيل كيا
-انا فى شهر ونص طحنت العربيه وتانى يوم الاستلام سافرت بيها وبسافر بيها وبحط فيها بضاعه ولا اكنها نص نقل وبدوس وبسافر وبمشى 100 و120 و140 وكل طريق حسب ظروفه وفى طرق مكسره وحفر بمشى على قد الطريق لان فى النهايه دى عربيه بتمشى على اربع عجلات فى الطريق وبتحتك بكل اللى فى الطريق من حفر ومطبات وتكاتك فى الطريق المعاكس وفى الزراعى كمان وسواقين الميكروباص مش طياره بتطير فى الظروف والطرق
-انا ياجماعه مش بعمل تقرير انا بقول الحق عن تجربه مش واحد صاحبى شاف وقاللى
=العربيه جميلة الشكل
=موتور قوى يطيعك فى اشد الظروف والحمولات
=كماليات موجوده
=مريحه فى الجنط 15 لانه عندى مركبتش غيرها علشان افتى
=ممتعه فى القياده
=عاليه ولاتحضن المطبات
=تتحمل من الاوزان ما تتمناه
=عزل جيد
=ثبات جيد
=دهان جيد
=شبابيه وعائليه معادله صعبه
=فرامل جيده جدا
=توكيل جيد جدا جدا
العيوب
اه طبعا فى عيوب عادى اى عربيه فيها عيوب
ينقصها بعض وسائل الامان عادى على قد فلوسى لو عايز فى موديلات تانى وفيها بس مش على قد فلوسي الثبات جيد مش ممتازاه انا مش راكب الفئه السابعه انا راكب كيا ب96000 جنيه
وكذلك العزل والخامات
فى النهايه انا اخدت اللى متوقعه بالمبلغ اللى دفعته واكتر ومبسوط وسعيد وهستمتع بيها وهحافظ على نفسي واولادى وعربيتى بمراعاة ظروف الطريق حتى لوراكب بورش
ولكل الملاك استمتعوا ولا تتركوا للحاقدين فرصه لافساد فرحتنا وحبنا لسيارتنا الجميله نيو سيراتو دى فى ناس بقت تخاف تركب العربيه اصلا دى اسمه كلام؟
مع مراعاتى لاحترامى لكل الزملاء والاعضاء الافاضل
وده يا جماعه مش تقرير
لان مفيش تقريربعد تقرير الاستاذ احمد والاستاذنادر
ولكم الشكر جميعا

لاتنسوا جميعا دعاء الركوب والسفر

[cameeron]

يا اخى العزيز

ربنا يباركلك فى عربيتك و يجعلها احلى عربية فى الدنيا دايما معاك و انا شايف انت و بعض الناس ملاك العربية اللى معندهمش مشاكل تاثر نفسيا باللى بيتقال بس عادى مش انت معندكش مشكلة مفيش داعى للشحن المعنوى الزايد ضد اى حد ينتقد العربية لان مش معنى ظهور عيوب فى العربية مع بعض الناس يبقى عيب متكرر فى كل عربية و لا يوجد عيب فى عربية فى العالم اتكرر فى كل العربيات الممكنة و لكنه ظهر مع بعض الناس و اتكلموا عنها بشكل متكرر و ده لا مايضايقكش انت فى شئ فربنا وفقك فى عربية مفيهاش غلطة على حد كلامك لكن ممكن ده ماحصلش مع اخرين و من حقهم انهم يعبروا عن اللى شافوه زى ما بتعبر انت عن ان عربيتك مفيهاش عيب

[alex_life1989]

عندك حق فى كلامك استمتعوا يا ملاك سيراتو بالعربية و اى حاجة لازم يطلع عليها اشاعة مهما كانت

[amr mokhtar]

يا عم دارى على شمعتك تقيد
الحمد لله العربية جميلة و ممتعة فى سواقتها

و الحاجة الوحيدة اللى كان نفسى فيها هى abs خلاف ذلك انا مش النوع اللى بيهتم بالكماليات اوى

ربنا يبارك فيها
و يكفينا شر الطريق

[dr_msalama]

جزاك الله كل الخير أنت و القائمين على منتدانا الراقى بكلماتك الراقيه
أنا من حاجزى النيو سيراتو و فى إنتظارها بمشيئة الله و قد إستخرت الله العظيم و إن شاء الله هى أحسن إختيار لى و لإمكانياتى ربنا يبارك لك فيها وعليك ويرزقك خيرها ويكفيك شرها

[MoOoD]

ربنا يباركلك فيها

[m_s_h_a]

يا عم دارى على شمعتك تقيد
الحمد لله العربية جميلة و ممتعة فى سواقتها

و الحاجة الوحيدة اللى كان نفسى فيها هى abs خلاف ذلك انا مش النوع اللى بيهتم بالكماليات اوى

ربنا يبارك فيها
و يكفينا شر الطريق

مكنتش قادر بقى خلاص اسكت وعموما لك وحشه والغاز مكسر اسكندريه كلها بفكر اعزل لحد ما موضوع الغاز يخلص الشوارع بقت سفاري

على فكره انت احد اسباب انى اشتريها لو كانت وحشه كنت هدعى عليك لكن الحمد لله بدعى لك ولازم اشكرك

[amr mokhtar]

مكنتش قادر بقى خلاص اسكت وعموما لك وحشه والغاز مكسر اسكندريه كلها بفكر اعزل لحد ما موضوع الغاز يخلص الشوارع بقت سفاري

انا من ساعت ما وعيت على الدنيا و- ده من فترة طويلة -
و شوارع الإسكندرية مكسرة

إسكندرية دائمآ تحت الإنشاء يا إما شارع بيتسفلت للمرة العشرين
او عمارة بتتهد وجمبها واحدة بتتبنى
و اللى زاد و غطى الأرصفة اللى كل ما قول انه نسيها يرجع يكسر فيها تانى

بس هنعمل إيه؟
برضه هى إسكندرية

على فكره انت احد اسباب انى اشتريها لو كانت وحشه كنت هدعى عليك لكن الحمد لله بدعى لك ولازم اشكرك

الحمد لله ان العربية عجباك و الموضوع لو فيه دعا كمان فأنا تحت أمرك
بس لى مش عليا عشان انا مش مستحمل

بس الموضوع هدى شوية فمش عايزين نقلب القديم تانى

انت سألت عن فوانيس الشبورة؟ عشان عايز أركبهم بس مستنى شوية

[max_ziro]

ولله يا باشا ليك حق ..

[m_s_h_a]

انت سألت عن فوانيس الشبورة؟ عشان عايز أركبهم بس مستنى شوية



سالت فى القاهره موجوده والنواكل الداخليه والخارجيه عند فرح فى القاهره
اسكندريه لسه هشوف سعيد نصار

[amr mokhtar]

طيب لو ممكن تفاصيل أكتر
يعنى الفوجات سعرهم كام و تركيبهم إزاى عشان هى دى المشكلة الأهم
و النواكل بتاعت إيه بالظبط فى العربية؟

معلش هتقل عليك

[m_s_h_a]

طيب لو ممكن تفاصيل أكتر
يعنى الفوجات سعرهم كام و تركيبهم إزاى عشان هى دى المشكلة الأهم
و النواكل بتاعت إيه بالظبط فى العربية؟

معلش هتقل عليك

هعرف التفاصيل واكلمك فى التليفون او هبلغك عن طريق المنتدى