تحذير عند سرعة 120

[YaSSerwIN]

السلام عليكم ورحمة الله وبركاتة

هل فى أمكانية ان الواحد يركب صوت تحذير يشتغل اول لما السرعة تيجى 120

هل فى امكانية يبقا فيه صوت تحذير لو مربطش حزام الأمان

طبعا ً الكلام دة كلو موجود فى عريبات كتيير قديمة وجديدة

طبعا التركيب هايبقا للبيكانتو

[x_gomgom]

في لمبه في تابلوه البيكانتو ال 2009 مكتوب عليها 120km/h بس الصراحه مشفتهاش مره منوره....
مش عارف دي ملغيه ولا ايه انا اصلا لسه مكملتش 1000 كيلو بيها...
يا رب اكون افدت

[YaSSerwIN]

هيا فين بالظبط فى التابلوه عامتا ً انا جيبت بيها لحد 145 ومافيش اى تحذير

[wisambasha]

انا عندي في الريو بتعمل صوت (تيت تيت تيت) كأن في باب مفتوح او لسه مدور ومربطش الحزام بس دي بتكون اول ما تلمس ال 130

انا كنت متخيل ان كل الكيا كده؟؟!

[max_ziro]

مفيش عندى حاجة فى السيفيا للسرعة خالص ولا لمبة ولا صوت ..

[x_gomgom]

بص الصبح كويس بس بزاويه تحت علامتين الاشاره اليمين و الشمال هتلاقيها على اليمين....
هي موجوده بس مفصوله غالباً...
يا رب اكون افدت

[YaSSerwIN]

لو موجودة هل تنفع تشتغل ؟؟؟

[x_gomgom]

الصراحه مش عارف بس ما دام اللمبه موجوده يبقي ايد في حاجه مفصوله او ناقصه....
انا حاولت اصورها مش واضحه في الصوره...

[mahamedaraby]

لو مفصوله يبقى ينفع تشتغل هتلاقى مش مركبين اللمبه او السلك مش موجود بس ادام هو اوبشن فى العربيه اساسا يبقى هتلاقى مكان ليها فى الضفيره ويبقى ناقص التركيب بس
كانت فيه حاجه زى كده فى الفيرنا لمبه الشنطه مش بتنور مع ان مكانها موجود وناس هنا فى المنتدى وصلت اللمبه واشتغلت بعد كده

[أبو صلاح]

انا عندي في الريو بتعمل صوت (تيت تيت تيت) كأن في باب مفتوح او لسه مدور ومربطش الحزام بس دي بتكون اول ما تلمس ال 130

انا كنت متخيل ان كل الكيا كده؟؟!

انا مش عندي في الريو خالص

[YaSSerwIN]

منتظرين رد نادور أكيد هايجى بالخبر اليقيين فى الموضوع دة

[wisambasha]

انا مش عندي في الريو خالص

ازاي الكلام ده يا ابو صلاح
انت عربيتك full options manual ولا فاضيه؟؟
انا عربيتي Full options LS
وعلي ال130 بتدوشني علي الاخر

[YaSSerwIN]

يا ترا حد من البيكانتوية عنده فكرة ولا دة أختراع ؟؟

[YaSSerwIN]

للرفع .....

[wisambasha]

الظاهر فعلا ان الموضوع ده اختراع في البيكانتو !!!