السيراتو والحجز

[alzwawy]

يا جماعه كام واحد في منتدانا الجميل ده حاجز سيراتو من اول شهر 9 او شهر 10 انا حاجز هاي لاين من يوم 4\10 ومش قادر استني اكتر من كده يا ريت كل واحد يقول تاريخ الحجز بتاعو واول واحد يستلم فينا يقول للكل وياريت كل واحد يقول لون عربيته انا لون عربيتي نبيتي الي في الصوره دي

[Hosam_Optrawy]

امسك نفسك انت لحقت :)

دا فى اعضاء استنت 5 شهور

ماتبقاش خفيف أمال :)

معلش بقى السيراتو هو دا عيبها

[alzwawy]

امسك نفسك انت لحقت :)

دا فى اعضاء استنت 5 شهور

ماتبقاش خفيف أمال :)

معلش بقى السيراتو هو دا عيبها

خفيف ايه بس ده انا من كتر الخفه قربت اطير ده انا مش قادر استنا يوم تاني ربنا معايا

[drhassen]

معلش عندي استفسار بسيط
اللون ال orange
موجود في مصر ولا لأ ؟؟

[alzwawy]

معلش عندي استفسار بسيط
اللون ال orange
موجود في مصر ولا لأ ؟؟

اللون الاورانج موجود بس هو اسمو مشمشي في مصر

[Samah AbdAllah]

حضرتك فى التانى السلامة
وبعدين دى الجميلة السيراتو
لازم تتدلع شوية لحد ما تجيلك

[Beeso]

انشالله تسلمها بسرعة أنا عارف إحساسك بس انشالله خير

[alzwawy]

حضرتك فى التانى السلامة
وبعدين دى الجميلة السيراتو
لازم تتدلع شوية لحد ما تجيلك

تدلع براحتها بس مش اوي كده انا اعدت من شهر 7 لحد شهر 10 بنقي عربيه لحد ما اخترتها فكفايه دلع كده مستني بقالي اهو 6 شهور وجبت اخري

[alzwawy]

انشالله تسلمها بسرعة أنا عارف إحساسك بس انشالله خير

شكرا لرد حضرتك واتمني الناس كلها فعلا تبقي عارفه احساسي ويارب خير

[mishtawy]

تدلع براحتها بس مش اوي كده انا اعدت من شهر 7 لحد شهر 10 بنقي عربيه لحد ما اخترتها فكفايه دلع كده مستني بقالي اهو 6 شهور وجبت اخري

اخي العزيز الصبر طيب وان شاء الله السيارة تستاهل ومتحسبش طبعا الوقت الذي امضيته في الاختيار المهم اصبر انت كده لم تكمل 3 شهور هو انت حاجز من التوكيل ولا لا فيه ناس انتظرت ستة اشهر وثلاث ايام

[blackknight]

تدلع براحتها بس مش اوي كده انا اعدت من شهر 7 لحد شهر 10 بنقي عربيه لحد ما اخترتها فكفايه دلع كده مستني بقالي اهو 6 شهور وجبت اخري

انا بقى بختار عربية من شهر 3 و الحمد لله رسيت على السيراتو و حجزت اول 9 و ادينى مستنى ال sx و نفس اللون ال spicy red اللى انت مختاره

[alzwawy]

اخي العزيز الصبر طيب وان شاء الله السيارة تستاهل ومتحسبش طبعا الوقت الذي امضيته في الاختيار المهم اصبر انت كده لم تكمل 3 شهور هو انت حاجز من التوكيل ولا لا فيه ناس انتظرت ستة اشهر وثلاث ايام

انا حاجز من عند الوكيل واستحاله استني لحد 6 اشهر يعني هستني الوقت الي عدي ده تاني استحاله ده انا مش قادر خلاص

[alzwawy]

انا بقى بختار عربية من شهر 3 و الحمد لله رسيت على السيراتو و حجزت اول 9 و ادينى مستنى ال sx و نفس اللون ال spicy red اللى انت مختاره

ربنا يصبرنا احنا الاتنين وتقريبا احنا هنستلم من نفس الدفعه والي يستلم الاول يقول بقي علشان نبقي عارفين وانشاء الله خير وربنا يكفيك شرها و يديك خيرها

[nahasswael]

اصبروا ياجدعان دة انا حجزت فى شهر ابريل واستلمت اول 11 بالصلاة على النبى
وان شاء الله تستلموا على طول

[alzwawy]

اصبروا ياجدعان دة انا حجزت فى شهر ابريل واستلمت اول 11 بالصلاة على النبى
وان شاء الله تستلموا على طول

سوري حضرتك الي اتهاونت انا لومستلمتش بالكتير بعد 5 شهور هسحب فلوسي هما لازم يلتزمو هما قالولي هتستلم بعد 4 او 5 شهور