إعـــــــلان

Collapse

.

,
See more
See less

ضيانة الـ1000 لنيو سيراتو في ابو رواش ودفع مبلغ غريب

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    ضيانة الـ1000 لنيو سيراتو في ابو رواش ودفع مبلغ غريب

    السلام عليكم

    يوم السبت الماضي 27\12\2009 رحت ابو رواش لعمل صيانة الـ1000 لعربيتي

    مواصافات العربية:
    New Cerato 2010 SX
    Titanium Silver
    وكيل

    والعربية كانت عاملة 1750 كم

    اليوم ده حظي كان غريب جدا لانه كان يوم الشبورة الرهيبة اللي كانت مضلمة مصر كلها


    انا نزلت الصبح بدري والطريق من بيتي لحد ابو رواش كانت الرؤية ضعيفة جدا


    انا كنت سايق على المحور على 70 كم ومنو النور العالي والفوجات والانتظار

    على فكرة انا محستش باي فرق لو ولعت الوفجات او طفهتا

    المهم اول ما دخلت من جنب سور القرية الذكية الدنيا ضلمت تماما
    وماكنتش شايف حاجة ولا حتى بوز العربية

    والمشكلة كمان اني ماعرفش مكان مركز الخدمة فين والحمد لله بعد مشوار مرعب وارا عربية نقل وصلت الصيانة الساعة 8 وربع صباحا

    كان فيه عربيتين قبلي بس اخدت رقم 4 مش عارف ليه

    المهندس خالد فاروق كان واقف بنفسه بيستقبل الناس وبيشرف بحزم على تجهيز العربية وتقريبا ماكنش حد لسة وصل اساسا من الموظفين والعمال

    انا سلمت عليه ونقلت له تحيات منتدي نايل موتوز ووقفت دردشت معاها شوية وحكا لي عن تجربة السيراتو مع نادر وشباب نايل موتورز


    وكمان حكي لي عن حكاية الرادار اللي صورهم على 180 والعربية من غير نمر
    وكمان عرض عليا انه يوصلني بالشغل بس قلت له اني عاوز اكون جنب العربية
    سألته على موضوع الكاوتش والنيتروجين ووصف لي مكان في مدينة نصر احط منه نيتروجين

    ووصاني اني اخلى الضغط 32 مش اقل ولا اكتر



    دي صورة العربية اول دخولها


    ودي الصورة لما اترفعت لتتغير الزيت والفلتر



    ودول تلات صور للتعليق الخلفي سبب الصداع المزمن في موضوع العفشة



    ودي صورة لما فكوا الفرديتين اللي ورا ونضفوا الفرامل بالهوا



    بعد كده الفني حط زيت شيل حوالى 4 ليتر الا ربع وغير الفلتر ونزل العربية

    واخدها الورشة

    انا نزلت تحت في الكافيتيريا بس ماجربتش حاجة لاني كنت صايم لكن قلت ادخل النت شوية


    مافيش ربع ساعة نادوا على اسمي ودخلت الورشة
    لاقيتهم فاكين الفتيس والعلبة البلاستيك اللي حاوليه لاني كنت وقعت جنيه معدني في الفيتيس

    قعدنا ندور على الجنية ومش لاقينيه قلت خلاص بقي ربنا يعوض علينا في الجنيه


    بعد كده ربطوا الفتيس تاني بس بصراحة حسيت ان الحلقة اللي حوالين العصاية مش مربوطة كويس

    بعد كده اخدو العربية للغسيل وانا رحت احاسب


    ماكنش غيري على الشباك والساعة حوالي 10

    الفاتورة جت وكانت بـ30 جنيه بس !!!!!!!!!!!!!!


    انا قلت للمحاسب اتاكد تاني راح وجه واتاكد

    وانا شوفت مكتوب في الفاتورة

    Filter- Engine Oil 30LE

    دفعت وسالت المهندس خالد هو مش المفروض انهم 270 جنيه

    لاقيته ضحك وقالي احنا عملناها لك ببلاش


    نزلت استني تحت شوية كمان وبد 45 دقيقة طلعت ادور على العربية لحد ما لاقيتها راكنة بره



    ودي صورتها بعد الغسيل بصراحة انبهرت

    العربية انضف مما اخدتها من المعرض اول مرة وكمان من جوه بتلمع
    انا قلت للمهندس خالد انا عوز اجي اعمل صيانة كل شهر هنا








    الخلاصة:

    1- الناس محترمة جدا
    2- المهندس خالد بيهتم بكل الناس
    3- الناس ببتعامل باحترافية


    انا بصراحة مستغرب من موضوع الـ30 جنيه ده لانه غسيل العربية بره وجوه من غير تلميع التابلوه بـ20 جنيه في اي بنزينة


    على العموم اتمني ليكم عام سعيد واعتذر عن النشر متأخر اسبوع
    الكلمات الدلالية (Tags): 00, 000, 010, 07, 09, 10, 100, 1000, 12, 122, 16, 17, 175, 18, 180, 20, 200, 2009, 2010, 21, 22, 220, 2200, 23, 27, 270, 30, 32, 33, 36, 37, 45, 50, 70, 71, 72, 720, 75, 750, 80, 93, 97, 99, ah, cerato, ck, eng, engin, engine, er, es, fi, fil, filter, g1, gin, hack, hf, il, image, images, le, lt, mag, mg, new cerato, ng, oil, ra, si, silver, sx, te, ti, titan, titanium, tt, ابل, ابن, اتا, اتاكد, اتمن, احتراف, احط, احنا, ادا, ادور, ار, ارو, اس, اساس, اساسا, اسبوع, استن, اسم, اعتذر, اعرف, اعمل, اف, اقف, اقل, اكو, اكون, الانتظار, البلاستيك, الت, التابلو, التابلوه, الجن, الجني, الجنيه, الحل, الحلقة, الخدمة, الخلاصة, الخلف, الدنيا, الذكي, الذكية, الرؤية, الرادار, الرهيب, الرهيبة, الزيت, الساعة, السلام, السير, السيرات, السيراتو, الشبورة, الشغل, الصبح, الصدا, الصداع, الصور, الصورة, الصيانة, الض, الضغط, الطريق, الع, العالي, العر, العر
  • #2
    فعلا كلام حضرتك بيثبت لنا قد ايه هما ناس محترمه و فعلا ا\خالد فاروق شكله انسان محترم جدا بجد


    [CENTER][SIZE="5"][SIGPIC]http://img801.imageshack.us/img801/9378/ay7agawalslam.jpg[/SIGPIC]
    [URL="http://www.facebook.com/pages/ay-7aga-w-alslam-ay-hajh-w-alslam/136146243070797?v=wall"]AlZwAwY
    ay 7aga w alslam[/URL][/SIZE][/CENTER]

    Comment

    • #3
      تصدق بالله ........

      انا اول مرة عملت صيانة في ابورواش .....

      خرجت من التوكيل و طول المشوار و انا مروح بافكر في حاجة واحدة ....

      ان شاء الله لما الواحد ربنا يكرمه و يقدر يغير العربية و يجيب فئة أعلى

      هالاقي ناس زي دول فين ؟؟؟؟؟؟

      في فولكس ؟؟؟؟

      ولا بي إم ؟؟؟؟

      ولا ولا ......

      لدرجة اني سألت على الأوبتيما علشان تكون خيار مستقبلي ان شاء الله


      من الأخر ......

      العربية دي طلعوا فيها القطط الفاطسة (لو عرفوا يعني) كفاية عليا مقابلة المهندس خالد بس علشان احبها و اتمنى اكون كياوي على طول .

      اقسم بالله

      اني لا باجامل ولا باكذب و اللي قولته حصل فعلا
      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

      Comment

      • #4
        الحمد لله اللي رزقنا بتوكيل محترم وناس اكثر احترما
        وعلى فكرة مبقوش يتأخروا في التسليم زي الاول
        [COLOR="RoyalBlue"][SIZE="5"][CENTER]خير الناس أنفعهم للناس
        [CENTER][SIGPIC][/SIGPIC][/CENTER]إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[/CENTER][/SIZE][/COLOR]

        Comment

        • #5
          مبروك الصيانة

          المهندس خالد
          كدة عملك الزيت مجانى
          وهو فعلا انسان فى قمة الحترام والذوق ومتفانى فى خدمة العملاء
          وعلى فكرة

          فى الشبورة ما تشغلشل النور العالى ولا السهارى
          شغل الوسط مع الفوجات والفلاشر طبعا
          A.Saad

          Comment

          • #6
            فعل اوالله بالرغم من اي كلام علي العربيه
            توكيل محترم جدا
            شهادة حق ولازم تتقال
            انا روحت هناك 3 مرات وكل مره ببقي مش عايز امشي
            مع اني لما بروح غبور ببقي عايز افجر المكان باللي فيه
            http://www.fx-arabia.com/vb/showthread.php?t=9654

            Comment

            • #7
              اوووبا هو لسا فى زيت ببلاش ولا اية ؟؟؟

              مبروك الصيانة وعقبال صيانة ال 100 الف
              [SIGPIC][/SIGPIC]

              Comment

              • #8
                بصراحة انا قلت للمهندس خالد ياريتك كنت في المبيعات كانت كيا بقت حاجة تانية خالص


                انا بعتذر عن باقي الصور وهحاول ارفعها عن قريب

                Comment

                • #9
                  الف مبروك على الصيانة وعقبال صيانة ال100000
                  السيراتو عربية جميلة وممتازة المهم منتعملش معاها على انها عربية سباق
                  [B][I][FONT=Arial Narrow][SIZE=5][SIGPIC][/SIGPIC] مصر انتى حتة منى مش مجرد اسم وطنى[/SIZE][/FONT][/I][/B]

                  Comment

                  • #10
                    مبروك عالصيانة ويارب كل التوكيلات فى مصر يتعلموا من كيا
                    [CENTER][URL]https://www.facebook.com/NMTechShop/[/URL] [/CENTER]

                    Comment

                    • #11
                      مبروك يا باشا
                      بس حضرتك حطيت اى انواع زيت الشيل ؟

                      Comment

                      • #12
                        ألف مبروك على الصيانه
                        وعقبال ال100 الف ان شاء الله
                        وتدفع ساعتها 20 جنيه بقى :)
                        [CENTER][FONT=Century Gothic][I]I am my problem[/I][/FONT][/CENTER]
                        [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
                        [CENTER]Eng. M.Ali[/CENTER]

                        Comment

                        • #13
                          البرايد اول الف دفعت 75 ج
                          الجيلى اول الف دفعت صفر ج
                          الاوبترا اول الف دفعت 124 ج

                          بعض التوكيلات بتحترم زباينها وبتحافظ على سمعتها

                          Comment

                          • #14
                            مبرووك على الصيانه, و عقبال صيانة الــ80 ألف الكبييييره...

                            قلتها زمان قبل ما اجيب العربيه, و بعدها و بقولها تاني... توكيل كيا محترم فعلا

                            بس لازم تعرف انك عضو في نايل موتورز بردو, و كل الناس عارفه ان ده مش اي منتدى, ده فعلا أكبر منتدى سيارات في مصر و ليه تأثير كبير على الرأي العام (و خصوصا من فئة الشباب) و دي مش مجامله ولا كلام منمق, دي الحقيقه بجد والله..
                            انا لما روحت اشتري عربيتي (الله يرحمها) بتوع المبيعات هناك كانوا عارفين المنتدى بالاسم و عارفين اللي بيتكلموا فيه بشكل منتظم, و على فكره بعدها (سلموني بدري)...
                            و طبعا كانت حاجه كويسه جداا و كان السبب نايل موتورز و كلامي عن العربيه (مش سواد عيوني مثلا)...

                            السبب اللي ميز حضرتك بكل أمانه هو (عضوية نايل موتورز)...
                            و ذوق المهندس خالد فاروق (انا ماعرفوش بشكل شخصي) بس الواضح انه شخص محترم جدا و ذكي جدااا...

                            و طبعا كل ما سبق ذكره هو مميزات سواء من طرف منتدانا الراقي او من طرف توكيل كيا و المهندس خالد فاروق المحترم...

                            مبرووووك مره تانيه و عقبال باقي الصيانات ان شاء الله...
                            [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                            [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                            [CENTER][SIGPIC][/SIGPIC][/CENTER]

                            Comment

                            • #15
                              المشاركة الأصلية كتبت بواسطة ksa2011 مشاهدة المشاركة
                              مبروك يا باشا
                              بس حضرتك حطيت اى انواع زيت الشيل ؟
                              الله يبارك فيك يا باشا

                              والله انا مافهمش في انواع الزيوت بس اللي شوفته انه فضى زيت الموتور كله وبدين جاب زيت شل جركن لونه رمادي\فضي

                              وكمان هو ماحطش الجركن كله ساب شوية في الاخر ولما سألته قالي ان العربية بتخاد 4 ليتر الا ربع والجركن 4 لتر

                              وبعد كده اتاكد من مستوى الزيت

                              الجميل انه اول ما بيخلص لازم يعمل تاكد كامل ان كل حاجة شغالة
                              الانوار\السنسورز\الفلاشر\الشنطة

                              Comment

                              السابق 1 2 template التالي
                              Working...
                              X