سيراتاوى ( 1 )

[arafahafez]

اخوانى الكرام اعضاء المنتدى المحترم ... اعذرونى للتاخير بسبب العمل ..فقد وعدتكم بتقرير عن مشكلة العفشة والمقصات التى اختلقها اعداء النجاح ...اعداء السيراتو ... ولاعداد التقرير فحصنا السيراتو فى الورشة الخاصة بالشركة انا ومعى مدير ورشة الميكانيكا الذى انبهر بالتصميم وبالاستعانة ببعض ما جاء فى المواقع الاوربية فى شرحها المفصل للسيارة ولذالك طال غيابى عنكم ...وخلاصة التقارير التى ستحمل عنوان (سيراتاوى ) اشارة الى كل شخص يملك السيراتو اود ان اطمئنكم انها سيارة ممتازة فى كل شئ كما سيرد فى تقريرى الذى سيحتوى على كل شئ فى السيراتو ( جسم السيارة - العفشة باجزائها المختلفة - العجلات - الدريكسيون ) حتى يطمئن كل مالك للسيارة ويعلم انه احسن الاختيار ... ولنبدء التقرير بمقدمة مختصرة عن مصمم السيارة وهو المصمم المخضرم / بيتر شراير وطاقم مهندسى التصميم فى كيا وهنا اود ان اوضح ان طاقم التصميم مسئول مسئولية كاملة عن كل مسمار وتفصيلة كبيرة او صغيرة وليس كما علق احد الاعضاء انه رسم السيارة وليس له دخل فى مراحل التصنيع ... فيما يلى نبذة بسيطة عن بيتر شراير ( عمل كمصمم بشركة اودى الالمانية لمدة 25 سنة ... تصميم سيارة اودى TT... عمل كمصمم بشركة فولكس فاجن ... تصميم سيارة VW CONCEPT - R ) ساكتفى بهذا ويكفى التأبيدة التى قضاها فى شركة اودى الالمانية وما ادراك ما الشركات الالمانية خاصة فى السيارات ولمن لا يعرف شركة اودى فهى تقف على قدم المساواة مع مرسيدس وبى ام دبليو ... سوف اكتفى بهذه المقدمة ليعلم كل مالك للسيارة انه يملك تحفة فنية سواء خارجيا او داخليا اوسفليا ( العفشة ) ...ومبدئيا يجب ان يعلم الجميع ان السيارة مصنوعة من الصلب عالى المقاومة 63% ...وصور سيارة الدكتور غازى التى انقلبت توضح مدى صلابة جسم السيارة وحمدالله على سلامته واتمنى ان يتذكر السرعة الحقيقية التى يسير بها لان الصور تقول غير ذالك ... والى التقرير التالى اقولكم ... السلام عليكم ورحمة الله وبركاته .

[ahmed_su]

بداية موافقة ان شاء الله

بس لى رجاء لو تسمح اذا كان اعدادك لهذه التقارير قد اكتمل

ارجو ان تعجل بنزول تلك التقارير

[NoRmAl]

الحقيقه حضرتك معشمنا بالتقرير دا كتير :)
وأحنا فى الانتظار

[max_ziro]

فى الانتظار يا باشا ..

[Qmax]

السلام عليكم

أرجو من حضرتك أن لا تنشغل في موضوع اعداء النجاح ده والكلام اللي ها يدخل الموضوع في مسار أخر

حضرتك تجهز تقريرك واحنا في انتظارك وبنشكرك مقدما على تعبك

[ahmed-moga]

اخوانى الكرام اعضاء المنتدى المحترم ... اعذرونى للتاخير بسبب العمل ..فقد وعدتكم بتقرير عن مشكلة العفشة والمقصات التى اختلقها اعداء النجاح ...اعداء السيراتو ... ولاعداد التقرير فحصنا السيراتو فى الورشة الخاصة بالشركة انا ومعى مدير ورشة الميكانيكا الذى انبهر بالتصميم وبالاستعانة ببعض ما جاء فى المواقع الاوربية فى شرحها المفصل للسيارة ولذالك طال غيابى عنكم ...وخلاصة التقارير التى ستحمل عنوان (سيراتاوى ) اشارة الى كل شخص يملك السيراتو اود ان اطمئنكم انها سيارة ممتازة فى كل شئ كما سيرد فى تقريرى الذى سيحتوى على كل شئ فى السيراتو ( جسم السيارة - العفشة باجزائها المختلفة - العجلات - الدريكسيون ) حتى يطمئن كل مالك للسيارة ويعلم انه احسن الاختيار ... ولنبدء التقرير بمقدمة مختصرة عن مصمم السيارة وهو المصمم المخضرم / بيتر شراير وطاقم مهندسى التصميم فى كيا وهنا اود ان اوضح ان طاقم التصميم مسئول مسئولية كاملة عن كل مسمار وتفصيلة كبيرة او صغيرة وليس كما علق احد الاعضاء انه رسم السيارة وليس له دخل فى مراحل التصنيع ... فيما يلى نبذة بسيطة عن بيتر شراير ( عمل كمصمم بشركة اودى الالمانية لمدة 25 سنة ... تصميم سيارة اودى tt... عمل كمصمم بشركة فولكس فاجن ... تصميم سيارة vw concept - r ) ساكتفى بهذا ويكفى التأبيدة التى قضاها فى شركة اودى الالمانية وما ادراك ما الشركات الالمانية خاصة فى السيارات ولمن لا يعرف شركة اودى فهى تقف على قدم المساواة مع مرسيدس وبى ام دبليو ... سوف اكتفى بهذه المقدمة ليعلم كل مالك للسيارة انه يملك تحفة فنية سواء خارجيا او داخليا اوسفليا ( العفشة ) ...ومبدئيا يجب ان يعلم الجميع ان السيارة مصنوعة من الصلب عالى المقاومة 63% ...وصور سيارة الدكتور غازى التى انقلبت توضح مدى صلابة جسم السيارة وحمدالله على سلامته واتمنى ان يتذكر السرعة الحقيقية التى يسير بها لان الصور تقول غير ذالك ... والى التقرير التالى اقولكم ... السلام عليكم ورحمة الله وبركاته .:y_hi_3[1]:

شكرا علي مجهودك في اعداد التقرير التالي اللي احنا لسة مشفنهوش وهاستئذن حضرتك ان مفيش حاجة اسمها اعداء النجاح لأن كل اللي اتكلم عن موضوع العفشة والمقصات ففعلا بيتكلم عن تجربة وانا شخصيا مريت بالتجربة والعربية فعلا فيها مشكلة وبتحدف شمال وعلشان كدة صرفت نظر عنها لأن العمر مش بعزقة ومش كل اللي بيلاقي عيب في العربية وبيقول علية يبقي عدو للنجاح احنا هنا بنفيد بعض وبنحاول نحل مشاكل بعض بقدر المستطاع ولو لاقينا عيب لازم نتكلم علية سواء الكلام دة هايزعل حد ولا هيبسط حد بس مش درجة ان انت تقول اعداء النجاح لأن احنا ملناش مصلحة هاتعود علينا ولانسبة ربح هانخدة من الشركات المنافسة في مقابل تسويئ سمعة السيارة وبعدين حضرتك بتكلم بأي صفة صفة مدافع فعلا عن السيارة لأنها عجباك ولا بصفة ان انت من الشركة والشركة هيا اللي مخلايك تتكلم بلسنها علي العموم كدة او كدة احنا يهمنا الصالح العام بس بدون تجريح في حد ونصيحة مني الموضوع دة هايفتح حرب شرسة بينك وبين الأعضاء فخلي بالك وانت بتكتب التقرير من بعض الكلمات اللي ممكن تزعل زميلك وبالتوفيق

[night_phoenix]

كل يومبيعدي بحب واحترم السيارة دي اكتر
ربنا يباركلنا فيها

[Ahmed Samy]

ولنبدء التقرير بمقدمة مختصرة عن مصمم السيارة وهو المصمم المخضرم / بيتر شراير وطاقم مهندسى التصميم فى كيا وهنا اود ان اوضح ان طاقم التصميم مسئول مسئولية كاملة عن كل مسمار وتفصيلة كبيرة او صغيرة وليس كما علق احد الاعضاء انه رسم السيارة وليس له دخل فى مراحل التصنيع ... فيما يلى نبذة بسيطة عن بيتر شراير ( عمل كمصمم بشركة اودى الالمانية لمدة 25 سنة ... تصميم سيارة اودى TT... عمل كمصمم بشركة فولكس فاجن ... تصميم سيارة VW CONCEPT - R ) ساكتفى بهذا ويكفى التأبيدة التى قضاها فى شركة اودى الالمانية

و أنا هاساعد مع حضرتك في العريف بثالث أمراء الصناعة ...بيتر شراير

بالموضوع ده علشان الناس تعرف مين اللي عامل العربية دي ....

لمن لا يعلم من هو بيتر شراير ...مصمم أودي Tt



و للي بيقول ان المصمم بيعمل الشكل الخارجي فقط

ده موضوع مفصل عن من هو مصمم السيارات و مجالات دراسته و توضح انه المخ الكبير و العقل المدبر للسيارة من الألف للياء

كيف تصبح أحد مصممي السيارات ...أمراء الصناعة


و في انتظار تقريرك

[ghazy12]

في انتظار باقي التقرير, و شكراا على المقدمه المشوقه...

شكراا على اهتمامك, و الله يسلمك, بس السرعه اللي كنت ماشي يسها كما ذكرت و انا متذكر تماما كأنها حالا هي (لم تتجاوز 100كم\س) مش معنى كده انها كانت ماشيه 60 مثلا, اكيد لأ, و لكن على مشارف 100كم\س يا أستاذي...
بس حضرتك بتسألني ليه عن السرعه تاني مع اني قلت الموضوع ده كتير؟؟ هل عندك شك في شئ معين؟؟ انا ممكن اسمع حضرتك لو فيه اي استفسار

و بالفعل جسم السياره قوي و الصاج كمان و ده كلامي من زمااان عن السيراتو (عن تجربه) و لم يتغير حتى الآن و حتى بعد الحادث... (دي شهادة حق أمام الله وحده)

و أحب انوه اني ماقولتش ان بيتر شيرر مجرد رسام, لأن من صميم شغله هو الحسابات الهندسيه و الميكانيكيه لعمل تصميم فيه مميزات الايروديناميكيه و الانسيابيه.....الخ

اتمنى أكون اجبت بشكل وافي و مختصر عن أسئلتك...

ليه طلب بسيط بعد اذن حضرتك طبعا, يا ريت لو تقولنا حضرتك بتشتغل في شركة ايه و ايه وظيفة حضرتك فيها و ايه هو نشاط الشركه..؟؟
على حسب كلام حضرتك ان الشركه اللي عملت الاختبارات على العربيه هي شركتك اللي شغال فيها, و لو التقرير بتاع الشركه حضرتك قدرت ترفعهولنا على المنتدى كصوره او ملف (word) مثلا, علشان ما تتعبش و ترهق نفسك في الكتابه لأن التقارير دي بتكون طويله قوي على حد علمي يا فندم...
أنا آسف لو طلباتي كتير بس ربنا يجازيك خير ان شاء الله على تعبك بدون مقابل للأعضاء في المنتدى...

تقبل فائق احترامي و في انتظار باقي التقرير, و شكراا...

[ashouhdy]

م/ غازى
أمسك نفسك :)) ولنفترض النية الحسنة بس واضح ان سعادتك أخدت سمعة رائعة وصلت لحد كيا كوريا :))))

[ghazy12]

م/ غازى
أمسك نفسك :)) ولنفترض النية الحسنة بس واضح ان سعادتك أخدت سمعة رائعة وصلت لحد كيا كوريا :))))

لا والله يا باشا.. انا بسأل عادي جدا, مش بهاجم ابدااااا والله (ربنا يعلم نيتي)

و حلو موضوع اني سمعت لحد كيا كوريا ده... هههههههههههه

بس والله ولا أي حاجه تكفي اللي انا فيه و اللي شفته, ربنا ما يوريه لأي انسان والله العظيم... الحمد لله على كل شئ

[m_s_h_a]

متابع ودى التقرير هيكون الكام مش عارف ؟ ومفيش فايده بردوا هتنزله من هنا وهتلاقى ردود افعال مضاده ودى بقى عادى جدااااااااا واخدنا عليه زى موضوع المهندس غازى اللى كل ما ادخل المنتدى الاقيه فى وشى فى اول صفحه اللى هو احذروا من النيو سيراتو وزى ما يكون هناك تعمد من البعض ان يفضل موجود فى اول صفحه ويفضل موجود وميتقفلش انا بدعو الجميع ان محدش يرد فى الموضوع ده تانى رجاء لانى كل لما بلاقيه بتعكنن وبفتكر حادثه مؤلمه من المفترض ان احنا وهو ننساها وندعوله بالشفاء مش نستغل موضوعه وبدعوه هو شخصيا ينسى وكفايه اللى شافه


ومتابع ومستنى التقرير وشاكر جدا على المجهود

[mizo6030]

يا جماعة أنا من يوم ما سجلت نفسى فى المنتدى ده وأنا مش لاقى غير المهندس غازى بيهاجم السيارة.
انا مش بتكلم عن المهندس غازى لشخصة انا معرفوش وبقوله حمد الله على السلامه بس انا مش شايف حد بيهاجم السيارة غير واحد فقط رغم الإنتشار الكبير للسيارة

[mohamedhamam]

شكراً على مجهودك

[Morieno]

اولا انا معانديش كيا
ثانيا مبفكرش اشترى سيراتو او غيرها حاليا
ثالثا لا كيا هتدينى فلوس ولا غيرها هيصرفلى مكافاه

بــــــــــس......... فى حاجه غريبه لاحظتها
انا هقول ملاحظاتى وكل واحد يفهم براحته

السيد المحترم صاحب الموضوع مشترك من سنه كامله بالظبط 7/1/2009 وطول السنه دى ما عملش غير 5 مشاركات كلهم على السيراتو معرفش ليه

بخصوص العربيه انا ماعرفش تفاصيل عن كل االى بيتقال دا لكن حتى الناس اللى فى سمير الريان لما كنا بنتفرج انا وواحد صاحبى على العربيات عموما فانا قلتله انى سامع ان السيراتوا بتتقلب قالى فعلا العربيه اللى راكب عليها جنط 17 فيها مشكله اشترى اللى بجنط 15 وابعد عن القلق

والله اعلى واعلم