الشمع الواكس وأنواعه

[xShadow]

السلام عليكم،

أنا كنت قريت موضوع عن الشمع و شجعني اني ادهنو على عربيتي.. فخدت بعضي و نزلت على بنزينية توتال إلي في اوتستراد المعادي ، لقيت فالماركت بتاعهم كذا نوع فورمولا 1 فإتلخمت و سألت الرجل و لاتو هو كمان مش عرف فألت أسألكم..

سؤال تاني، هو ال-wax د حاجة غير ال-polish ؟ عشان أنا كنت فكر إن فيه حاجة اسمها polish للخرابيش إلي فالعربية، بس إتضحلي من الرجل إلي فالماركت إن ال-wax الفورمولا 1 الأصفر هو دة إلي بيسموه ال-polish.. غير إن واحد صاحبي كان قايلي إن عندو polish سالتو عليه قالي إنو formula1 فعلاً و مكتوب عليه car wax

أنا سمعت إن formula 1 أحسن نوع فرحت أدور عليه، و أدي شوية صور للأنواع إلي شفتها فالبنزينة:

أدي الأصفر إلي قالولي عليه إن اسمو polish، فى منو حجمين :

د الحجم الصغير(لاحظ إن مكتوب عليه فورمولا v1 عكس التاني مكتوب عليه فورمولا ١ بس ):




و دة الحجم الكبير(إلي مش مكتوب عليه v1):




و دة زيهم بس لون العلبة موف:



و دة نفس علبة الموف بس اسود:




و دول بردو فورمولا ١ بس العلبة شكلها مختلف:




لاحظ إن كلهم مكتوب عليهم "speedy soft paste" معدة إلاخضر مكتوب عليه "ideal hard paste" .. أنا لما سألت الرجل واضح إنو مش عارف الفرق هو كمان، بس هو قالي خد اللون الاقرب للون عربتك ! قلتلو يعني لو خدت الأحمر عربيتي هتحمر ؟؟ ألي لالا كلو ينفع مع كلو !!


أسف عل تطويل، و أرجو الإفادة ليا و لبقية الناس إلي يهمهم الموضوع ..

و شكراً !

[alzwawy]

متابع باهتمام

[engmedoo]

111111111+

[A.Saad]

http://www.nilemotors.net/Nile/82378-a.html

http://www.nilemotors.net/Nile/69073-a.html

http://www.nilemotors.net/Nile/105116-a.html

[m_s_h_a]

بص يا سيدى انا جبت فورميلا 1 wax شمع فقط ودى موجود ودى بيكون للعربيات الجديده واللى مفيهاش خرابيش ربنا يجعل كلامنا خفيف عليها
اما بقى اى حاجه scratch out زى اللى فى الصوره الازرق مثلا دى لا ينصح بيه للعربيات الجديده ووطبعا العربيات اللى دهانها مفيهوش خرابيش ودى بيتحط وبعد منه لازم واكس
انا جربت شمع فورميلا وهوجميل جدا وبيدى نتيجه جيده والعلبه صفرا ومدوره ومكتوب formula 1 wax

[baaaeldinn]

في نوع حلو قوي و رخيص من شركة ميدو انا مجربة وكمان عندهم أحلي منه أسمه جيم في منه ألوان و كريم و سبراي

[xShadow]

مشكورين عل إفادة.. و ياريت بقية الأعضاء يفيدونا فالأنواع إلي أنا حطيت صورها فوق..

[A.Saad]

اللى اعرفه ان فورميلا1 كويس

f1 تقليد له

انا مجربتش حاجة منهم
بس اشترييت الفورميلا ومستنى الاقى حد اعمله

[xShadow]

اللى اعرفه ان فورميلا1 كويس

f1 تقليد له

انا مجربتش حاجة منهم
بس اشترييت الفورميلا ومستنى الاقى حد اعمله

مشكور عل معلومة.. أنا كنت في بنزينية الوطنية إلي على اوتستراد المعادي من يومين و هما بيدهنوه هناك.. بس هما بيعملوه للعربية ب٦٠ جنيه، مش عرف ينفع إنت إلي تشتريه و تدهلهم ولا لأ و ساعتها يبقى سعرو اه.. إحتمال أعدي عليهم تاني بعد بكرة أو حاجة لو عديت عليهم تاني انشالله أسألهملك

[xShadow]

بص يا سيدى انا جبت فورميلا 1 wax شمع فقط ودى موجود ودى بيكون للعربيات الجديده واللى مفيهاش خرابيش ربنا يجعل كلامنا خفيف عليها
اما بقى اى حاجه scratch out زى اللى فى الصوره الازرق مثلا دى لا ينصح بيه للعربيات الجديده ووطبعا العربيات اللى دهانها مفيهوش خرابيش ودى بيتحط وبعد منه لازم واكس
انا جربت شمع فورميلا وهوجميل جدا وبيدى نتيجه جيده والعلبه صفرا ومدوره ومكتوب formula 1 wax

هو العلبة إلي حضرتك بتتكلم عليها هي دي إلي فالصورة فوق ولا واحدة تانية ؟

[د.محمود صلاح]

بيتدهن يدوي ولا بآله ؟ وبالقطن ولا بقماشة معينة ؟

[A.Saad]

مشكور عل معلومة.. أنا كنت في بنزينية الوطنية إلي على اوتستراد المعادي من يومين و هما بيدهنوه هناك.. بس هما بيعملوه للعربية ب٦٠ جنيه، مش عرف ينفع إنت إلي تشتريه و تدهلهم ولا لأ و ساعتها يبقى سعرو اه.. إحتمال أعدي عليهم تاني بعد بكرة أو حاجة لو عديت عليهم تاني انشالله أسألهملك

لو انت اللى جايبه
الاعضاء فى المنتدى قالوا ياخدوا 20 او 25 جنيه

60 كتير حتى لو هما اللى اشتروه الا لو بيدهنوا علبة كاملة

[A.Saad]

بيتدهن يدوي ولا بآله ؟ وبالقطن ولا بقماشة معينة ؟

ممكن يدوى او صاروخ تلميع
الصاروخ افضل علشان اليدوى العامل بيضغط على الصاج

الدهان بالسفنج اللى معاه والتلميع بالفوط الميكرفايبر او القطن

[xShadow]

لو انت اللى جايبه
الاعضاء فى المنتدى قالوا ياخدوا 20 او 25 جنيه

60 كتير حتى لو هما اللى اشتروه الا لو بيدهنوا علبة كاملة

طيب حضرتك عندك فكرة أجيب منين ؟ أنا إنهردة شفت تأليدو الصيني ب٣٠ جنيه.. و إنهردة بردو عديت على بنزينية توتال إلي في مدخل المعادي قالي بيعملوه بالصاروخ ب-١٢٠ جنيه !!!!!!!!!!!!! معرفش الناس إتجنت ولا اه .. د في اسكندرية في فرع fit&fix بيغسلو العربية مية مية و برة و جوا و كل حاجة و كمان يدهن واكس بالصاروخ و كلو، كلو على بعض ب-٧٥ جنيه ! ياريت لو يبقى في زيهم هنا

[A.Saad]

طيب حضرتك عندك فكرة أجيب منين ؟ أنا إنهردة شفت تأليدو الصيني ب٣٠ جنيه.. و إنهردة بردو عديت على بنزينية توتال إلي في مدخل المعادي قالي بيعملوه بالصاروخ ب-١٢٠ جنيه !!!!!!!!!!!!! معرفش الناس إتجنت ولا اه .. د في اسكندرية في فرع fit&fix بيغسلو العربية مية مية و برة و جوا و كل حاجة و كمان يدهن واكس بالصاروخ و كلو، كلو على بعض ب-٧٥ جنيه ! ياريت لو يبقى في زيهم هنا

هتلاقى فى كارفور
او اى ماركت فى محطة بنزين كويسة
on the run اللى فى موبيل