بخصوص الكيا سبكترا 2003 أرجو سرعة الرد

[أبو_حمزة]

انت مستنى ايه
روح خلص فى العربيه و ما تجيبش لنفسك الأر اكتر من كده :))))
انا با اهزر ما فيش نأ و لا حاجة دا احنا كلنا اخوات
ربنا يبارك لك في اختيارك

[ahmadshokry]

لو مش هتاخد ها قوللى لان عندى واحد محتاجها

[AYMAN4PLUS]

السلام عليكم ورحمة الله وبركاته ،

اليوم الجمعة تم بحمد الله استلام السيارة فى تمام الساعة الثانية والنصف بعد الظهر وركنتها تحت البلكونة ، أكررها ركنتها تحت البلكونة ، عشان أبص عليها كل شوية أنا أو بناتى أو زوجتى ، خاصة أنها أول سيارة لى فى حياتى وبصراحة خايف عليها ، وأشكركم جميعا على مساعدتكم الخالصة لوجه الله ، والحقيقة رأيكم جميعا ساهم بشكل كبير فى اتخاذ القرار بشراء السيارة .

وسوف أتواصل معكم ان شاء الله فى حالة احتياجى لاى نصيحة ، لانكم فعلا أخوة أفاضل ومحترمين .

جزاكم الله كل خير.

[gmgoom]

يا استاذ ايمن اتوكل على الله دي عربية جميلة فعلا وادائها ممناز على الطريق
انا معايا 2005 مانيوال افضل استهلاك قدرت اوصل بيها في البنزين 240كيلو في الصفيحة
بس المتوسط بتاعها لو جو البلد 200 لتر في الصفيحة مش اقل من كده
وبالنسبة لسعرها كويس لو حالتها حلوة زي ما بتقول وربنا يباركلك فيها يا رب

[AYMAN4PLUS]

شكرا ياأستاذ جمجوم ،

الحمد لله يوم السبت الماضى استخرجت الرخصة الجديدة للسيارة باسمى ، بارك الله فيك وفى جميع أفراد أسرة المنتدى .

[AYMAN4PLUS]

السلام عليكم ورحمة الله وبركاته ،

الحقيقة بعد مااشتريت العربية لاحظت ان الدركسيون أحيانا يكون به بعض الثقل وعضة خفيفة فى نهاية لف الدركسيون ، وأحيانا يكون مافيش أى ثقل أو حتى عضة خفيفة ، طبعا ده والعربية واقفة فقط وليست فى حالة حركة ، تقريبا الباور محتاج شوية تظبيط ، ياريت عنوان ميكانيكى شاطر فى الكيا وياسلام لو فى منطقة حلوان .

ولا الافضل انى أروح توكيل كيا وأعمل صيانة دورية كل 10000 كيلو ، وهل الصيانة بالتوكيل متميزة ومفيدة عن الميكانيكى الفاهم للكيا ؟ ولاالتوكيل حيكون غالى السعر عليه ؟

حسب اللى قرأته فى المنتدى ان هناك مركز خدمة فى شارع النصر بالمعادى ، وهناك آخر عند تاكى بالدراسة . وأيضا هناك توكيل أبو رواش الجديد ، فأيهم اذهب اليه مع العلم ان مركز الخدمة فى المعادى أقرب لسكنى (مدينة 15 مايو) ، فهل كلهم على نفس مستوى كفاءة الخدمة ؟

ياريت تفيدونى فى هذا الموضوع .

شكرا مقدما الى كل مجيب .

[ads]

لو عند اى مشكلة فى الباور او الدريكسيون روح لسيد فوزى أوالاطرش فى معروف وسط البلد دكتور باور

[Karim_Monir]

استاذ ايمن افضل انك تعملها فحص في ابو رواش التوكيل الحقيقي

[ahmed_mido1313]

استاذ AYMAN4PLUS الف مبروك على العربية ربنا يديك خيرها ويكفيك شرها
وشكرا لمستر كريم على المعلومات القيمة

كنت عاوز اسال على ارتفاع العربية وهل ممكن تحك في المطبات وهي واخده العائلة او شايل في بضاعة لشغلي وهل يوجد علاج لهذه المشكلة ؟؟
انا كنت ناوي اشتري العربية بس لو هتحك في المطبات هستبعدها لاني عندي فوبيا من الحك في المطبات :(

ارجو الافادو