ما مدى أهمية ABS و Air bags

[ahmed_sayed_m]

ما مدى أهمية ABS و Air bags بالنسبة لاستعمال السيارة داخل المدن أو على طريق السفر على سرعات لا تزيد عن 120 كم/ساعة؟
هل الأفضل شراء السيراتو بدون ABS و Air bags بثمن 103000 جنيه أم سيارة أقل مستوى بها ABS و Air bags و بسعر أقل؟ مثل بروتون بيرسونا؟
و ذلك مع الوضع فى الاعتبار أن سعر السيراتو ال 103000 هو الحد الأقصى بالنسبة لى و مع الوضع فى الاعتبار أن كلتا السيارتان مرضيتان لى من حيث الشكل و الموتور

[moudyman]

مخالفة لقواعد المنتدى
ممنوع كتابة اللغة العربية بحروف لاتينية
يرجى مراجعة قواعد المنتدى
___________________
مشرف القسم

[max_ziro]

مهمين جدا للامان ياباشا
لقدر الله ممكن تحتاج الاير باج جوة المدينة بردو
و الاية بى اس بتتحتاجة و انت ف اى حتة
يعنى مثلا من يومين و انا ماشى ف طريق فرعى ضلمة و الطريق دة رايح جاى طلع كلب مرة واحدة قدامى دوست فرامل جامد طبعا العجل قفش و عشان الدنيا كانت رطبة و الارض فيها رملة لقيت نفسى ف وش الى جاى قدامى روست سنة بنزين عشان اعدل العربية بدل مدخلى فى الى قدامى لقيت نفس الموقف بس بدل مدخل فى العربية المقابلة داخل فى الرصيف و ف نفس الوقت نفس الى حصل معايا الاول حصل مع الى ف وشى ولاقيتى جاى على انا هههههه
شوف بقى ستر ربنا ان التراب الى ف الارض جة ف حتة و كنتش موجود و فى الحتة دى انا و الى قدامى وقفنا لو مكناش وقفنا كان زمانى ف الرصيف و كان زمان المقابل لى معايا ف العربية ههههههههه
ولله احنا ماشيين بستر ربنا
طبعا لو كان فى اية بى اس مكنش حصل كل دة ... اهو مثال بسيط ..للعموم كنت ماشى 60 .. الكاوتش حلو و الفرامل على الشعرة ..

[د.محمود صلاح]

وسائل الأمان قد يبدو لك إن مالهاش لازمة ولكن لها وظيفة فى وقتها اكيد

[tigernet]

طبعا يا باباشا مهمين جدا
ودة علشان السلامة

[ghazy12]

اسألني انا عن الأمان... آآآآآه والله

شوف, لو حصل أي شئ لاقدر الله, الاير باج أكيييييد هتحميك جدااا مع الحزام... أكيد مهم

الـabs, بردو مهم و بتحس بيه لو فرملت فجأه او فرملت و انت بتلف الدركسيون علشان تفادي حاجه او عربيه...

ده مايمنعش ان في عربيات من غير الكلام ده و شغاله و زي الفل و من زمان كمان, بس في الحدود أكيد...

استخير ربنا و أعقلها و توكل على الله, و ربنا يوفقك للخير ان شاء الله...

[mohamedhamam]

اليوم وسائل الأمان العالية هى التى تميز سيارة عن الأخرى و بالفعل فهما غاية فى الأهمية و أعتقد أن الزملاء أعطوا أمثلة بليغة على أهميتهم

[ahmedyehia515]

بالنسبالى الABS و الأير باجز حاجات اساسية فى العربية.

أنا كنت بحضر كورس على حاجة اسمها Defensive driving ( القيادة الوقائية) و كانوا بيحطونا على هيكل عربية و تربط حزامك و كل حاجة و العربية تمشى بسرعات تتراوح ما بين 10-70 كم/س و تخبط فى عربية تانية واقفة او ماشية عكسك و بجد أوحش حالة كانت ال70 كم/س و عربية جاية فى وشى سرعتها 20 كم/س, الأير باج اتفتحت و الحزام تقريباً علّم عليا جامد لدرجة انى كنت بحط مرهم لمدة اسبوع بعديها. أنا بتكلم على عربيات ماشيىة على 70 و 20، أنت بتقول على سرعة 120 يعنى بجد ده سرعة قاتلة و الناس مش حاسة بجد.

اتكل على الله و اختار العربية اللى تعجبك بس عامل الABS و الإيرباج بالضبط زى الموتور، فى حد بيشترى عربية من غير موتور ؟؟؟؟

[aalim]

بالنسبالى الabs و الأير باجز حاجات اساسية فى العربية.

أنا كنت بحضر كورس على حاجة اسمها defensive driving ( القيادة الوقائية) و كانوا بيحطونا على هيكل عربية و تربط حزامك و كل حاجة و العربية تمشى بسرعات تتراوح ما بين 10-70 كم/س و تخبط فى عربية تانية واقفة او ماشية عكسك و بجد أوحش حالة كانت ال70 كم/س و عربية جاية فى وشى سرعتها 20 كم/س, الأير باج اتفتحت و الحزام تقريباً علّم عليا جامد لدرجة انى كنت بحط مرهم لمدة اسبوع بعديها. أنا بتكلم على عربيات ماشيىة على 70 و 20، أنت بتقول على سرعة 120 يعنى بجد ده سرعة قاتلة و الناس مش حاسة بجد.

اتكل على الله و اختار العربية اللى تعجبك بس عامل الabs و الإيرباج بالضبط زى الموتور، فى حد بيشترى عربية من غير موتور ؟؟؟؟

متفق معاك 100/100

و ده اللى انا عملته شخصيا

[Omar_H]

أنا برده مع الناس اللي كتبت ابلي وشايف إن ال ABS و عالأقل ال 2 Airbags اللي قدام مهمين جدا وبيحموا حياة الواحد في الحوادث لا قدَّر الله وبيمنعوا حوادث كتير وبقوا ضروريين قوي في أي عربية جديدة ....
ولو عايز كمان ممكن تشوف الفيات لينيا ب 98 ألف ومطورها 1400 بس Turbo جامد قوي وأجمد من أي 1600 والعربية فيها ABS و EBD و 2 Airbags ... بس هي مانوال مفيش اوتوماتيك ... والصراحة العربية تقفلها حلو قوي و محترمة قوي يعني

[yoko]

أنا برده مع الناس اللي كتبت ابلي وشايف إن ال abs و عالأقل ال 2 airbags اللي قدام مهمين جدا وبيحموا حياة الواحد في الحوادث لا قدَّر الله وبيمنعوا حوادث كتير وبقوا ضروريين قوي في أي عربية جديدة ....
ولو عايز كمان ممكن تشوف الفيات لينيا ب 98 ألف ومطورها 1400 بس turbo جامد قوي وأجمد من أي 1600 والعربية فيها abs و ebd و 2 airbags ... بس هي مانوال مفيش اوتوماتيك ... والصراحة العربية تقفلها حلو قوي و محترمة قوي يعني :s_thum1[1]:

الفئه دي خلصت فيه بس الي ب١٠٨ ودي فيها ٦ إيرباج وتوصيل الموبيل بالبلوتوث وفوج وجنوط ١٦ وكام حاجة كمان وفيه الي ب١١٢ ودي زياده مثبت سرعة

[ahmed_sayed_m]

شكرا لارائكم و لكن هل تعنى هذه الاراء ترجيح كفة البيرسونا بكل الكماليات على السيراتو بدون الايرباج و الاى بى اس؟

[yoko]

شكرا لارائكم و لكن هل تعنى هذه الاراء ترجيح كفة البيرسونا بكل الكماليات على السيراتو بدون الايرباج و الاى بى اس؟

بالنسبه لي نعم

[ahmedyehia515]

أنا برده بقول ايوه لأى عربية فيها ABS و Airbag بس متكونش صينى عشان ساعتها الكلام حيتغير. ممكن هى اقل فى الكماليات من عربيات تانية بس فيها كمالية مهمة أكتر من اى حاجة و هى انها ممكن تكون السبب انك تخرج سليم من حادث فظيع لا قدر الله.

والبيرسونا عربية ممتازة و فى رأيى احسن من السيراتو أصلاً.

صلى استخارة و ادعى ربنا يوفقك لما فيه الخير و ربنا يكفيك شر العربيات و اللى بتعمله العربيات بس مهما كانت نتيجة اختيارك فى حاجة لازم تكون عارفها.

انى لازم أخد لفة بالعربية الجديدة:10D5C8~1107:

[Omar_H]

الفئه دي خلصت فيه بس الي ب١٠٨ ودي فيها ٦ إيرباج وتوصيل الموبيل بالبلوتوث وفوج وجنوط ١٦ وكام حاجة كمان وفيه الي ب١١٢ ودي زياده مثبت سرعة

هي خلصت يعني وهيجيبوا تاني ولا مش هاينزلوها تاني أساسا ؟؟؟ ولو مش هينزلوها تاني الصراحة ده يبقى هبل لان مفيش عربية بتنزل فئة واحدة بس وبعدين فيه ناس مبتقدرش على 108 دي انما 98 دي كويسة و حتى عشان يزودوا مبيعاتهم يعني ... أنا أصْلي برده من محبي فيات واللينيا خصوصا