الكيا سيراتو بقت كتير اوى زى الفيرنا واللانسر

[horas3000]

من الاخر
كيا نيو سيراتو = نيو لانسر بوما
لان كل ما ينطبق علي اللانسر البومة من تلات اربع سنين ينطبق علي النيو سيراتو دلوقتي:
-الشكل الجميل
-المتور القوي
-التجهيرات و الاوبشنز
-تعدد الفئات
-السعر المناسب
-التوكيل الشاطر
و فوق كل ده سمعة الجنية الدهب

[ahmed_su]

حمدا لله على سلامتك يا دكتور احمد ....

عودا حميدا ... كنت متوقع لحد ما تعليقك على السيارة

قدر الله وما شاء فعل ... تمنياتى بانتهاء عملية اصلح السيارة باقل قدر من الازعاج

حمدا لله على سلامتك مرة اخرى - بس ابقى رد على الموبيل

[pharonicking]

يااحمد باشا سيبك من موضوع العربيات ده بجد سلامتك والله بالدنيا ومافيها واديك شوفت بنفسك غلاوتك عند الناس اد ايه بس باردو لو عربيه المانى ولسه جديده من الصعب انها تتقلب بسهوله لو يابانى ممكن وده يدل ان مش اى عربيه زى اى عربيه
رغم انى من ملاك اليابانى فانا اعلم جيد جدا قدرات الالمانى بمعنى ان اللانسر 2007 فى الكماليات تعدل سياره المانى موديل 90 يبقى استحاله اقارن عربيه المانى موديل 2007 بنفس عربيتى وكذلك ماينفعش نقارن عربيه كورى بعربيه يابانى موديل واحد

كلامك مظبوط امكانيات العربية الالمانى فى التسعينات تعادل اليابانى الحديث جدا
انا عندى الاتنين البى ام والتويوتا"

[أبو إياد]

كلامك مظبوط امكانيات العربية الالمانى فى التسعينات تعادل اليابانى الحديث جدا
انا عندى الاتنين البى ام والتويوتا":b4_388:

انا لما قصدت المانى موديل 90 بالفعل يادكتور كان كلامى على 520 لانها بالفعل عربيه كانت سابقه لعصرها ولو خيرونى باردو مافيش غيرها رغم انى ركبت 316 موديل 98 والكابورليه 94 و99 و2001 الا انى مصر ان ال520 موديل 90 الى 93 افضل شيىء بالنسبالى

[solom_eslam_2008]

الف سلامة ليك يا دكتور احمد حمد لله علي سلامتك انتا والله ليك وحشة كبيرة جدااااااااااا مع اني زعلان منك بس خلاص

[ahmadyusuf]

دكتور احمد سامى

حمدا لله على سلامة حضرتك , اول ما شفت مشاركة حضرتك فرحت اوى و طلعت بعينى فوق بسرعه اشوف تاريخ المشاركه لقيتها "اليوم" فرحت اوى ان حضرتك بخير و رجعت تدخل على المنتدى تانى

[M7amD_7amDy]

السلام عليكم

انا عندي إجابة

لأنها عربية ممتازة

حققت توليفة جديدة من حيث السعر و الجودة

و ياريت أي حد بيتكلم عن الجودة يبطل لأن العربية من خامات ممتازة جدا و لمن لا يعلم أنا مقلوب بيها الأسبوع اللي فات و الحمد لله ربنا طلعني منها بأعجوبة و الفضل بعد الله سبحانه وتعالى يرجع للقفص الفولاذي الرائع في السيارة)

ده غير انها فيها كل الكماليات اللي فوق 160 مش فيه

توكيل محترم و قوي و فيه كل حته فيها و الأسعار مناسبة

و القطع موجودة في الحرفيين زي الفل و أسعارها ممتازة كمان

ده غير شكلها الجميل اللي من أجمل العربيات في مصر و اللي ليه عامل في اختيار الكثيرين من قليلي الخبرة ليها برده.

ثباتها ممتاز و تسارعها مرضي جدا جدا

حتى مع وجود بعض العيوب الا انها تبقى بمزاياها العديدة

الصفقة الأفضل

علشان بتنتشر و هاتنتشر و لسة

حمدالله على السلامه يادكتور أحمد
والله مشتاق ووحشانى اووى مشاركاتك هنا
وان شاء الله العربيه ترجع زى مكانت وربنا يعينك على التصليح والحمدلله قدر ولطف المهم انك بخير

بخصوص السيراتو زى مقال الدكتور احمد مش اكتر من كده
رغم كل الناس اللى بتهاجم العربيه دى ورغم كل الناس اللى مش عجباهم عشانها كورى
والناس مقبله عليها بشكل غير طبيعى
بكره لما النيو النترا تنزل الناس برده هتقطع فى فروتها وتطلع القطط الفطسانه فيها
وتقول دى السيراتو بعينها وعارفينها انما الالنترا لسه جديده (واخد بالك ياحسام باشا؟)
والله احنا شعب زى العسل وطيب اوى
ومع ذلك وكل الأراء دى سواء فى صالح العربيه او ضدها
انا قدرت اعقلها واحسبها صح واشوف هنا واشوف هناك لقيت ان العربيه دى فعلا تستاهل كل جنيه فيها
وبتحقق معادله صعبه جداااااا مقدرش عليها الألمان ولا اليابان وقدرت عليها كوريا
بصراحه ده ذكاء منهم
وكل واحد بيشوف الصح من وجه نظره وتفكيره وانا واحد من الناس فكرت فيها جديا وهرخصها الاسبوع ده ان شاء الله إدعولى :)

[morasystem]

ده أكبر دليل على نجاحها

و دى حاجة تفرح و متزعلش لأن سعرها هيجيب تمنه لما تبيعها و تجيب غيرها

تمام بالظبط زى ما حصل مع الدايو لانوس

[mishtawy]

السلام عليكم

انا عندي إجابة

لأنها عربية ممتازة

حققت توليفة جديدة من حيث السعر و الجودة

و ياريت أي حد بيتكلم عن الجودة يبطل لأن العربية من خامات ممتازة جدا و لمن لا يعلم أنا مقلوب بيها الأسبوع اللي فات و الحمد لله ربنا طلعني منها بأعجوبة و الفضل بعد الله سبحانه وتعالى يرجع للقفص الفولاذي الرائع في السيارة)

ده غير انها فيها كل الكماليات اللي فوق 160 مش فيه

توكيل محترم و قوي و فيه كل حته فيها و الأسعار مناسبة

و القطع موجودة في الحرفيين زي الفل و أسعارها ممتازة كمان

ده غير شكلها الجميل اللي من أجمل العربيات في مصر و اللي ليه عامل في اختيار الكثيرين من قليلي الخبرة ليها برده.

ثباتها ممتاز و تسارعها مرضي جدا جدا

حتى مع وجود بعض العيوب الا انها تبقى بمزاياها العديدة

الصفقة الأفضل

علشان بتنتشر و هاتنتشر و لسة

الحمد لله على سلامتك يااخي العزيز والله الواحد كان قلق عليك جدا وماكنش له نفس يدخل المنتدى لكن الحمد لله على كل حال نورنا بمواضيعك ومشاركاتك بقى

[mishtawy]

أعتقد انها مش زى الفيرنا و اللانسر لكن تقدر تقول انها بديل جديد للالنترا
اما انها بقت كتير قوى فمش عن اقتناع بالجوده زى ما هيا سياسه القطيع و التقليد

سامحك الله
تفتكر ان 80 او 90 % من هذا القطيع لم يتعب نفسة في البحث عن سيارة يدفع فيها تحويشة العمر وال10 او 20% اشتروا ثقة في من يعرف
لو كنت تريد شراء سيارة فيهذا المعدل تفتكر كنت تجيب ايه يتميز بالجودة حتى تساعد من يشتري خلال الفترة القادمة اثابك الله

[SAiF3S]

سامحك الله
تفتكر ان 80 او 90 % من هذا القطيع لم يتعب نفسة في البحث عن سيارة يدفع فيها تحويشة العمر وال10 او 20% اشتروا ثقة في من يعرف
لو كنت تريد شراء سيارة فيهذا المعدل تفتكر كنت تجيب ايه يتميز بالجودة حتى تساعد من يشتري خلال الفترة القادمة اثابك الله

سامحك الله

حضرتك قريت الرد فى الصفحه الاولى وسيبت باقى الموضوع

أنا اعتقد ان 70 -80 % اشترو العربيه تقليد و ثقه فى اختيار الغير و اعجابا بشكل العربيه الخارجى و الداخلى
و 20 - 30 % اشترو العربيه عن أقتناع تام بامكانيات العربيه الفنيه و الكماليات بما يوازى تحويشه العمر
وده ردى على اخ سابق وانا بررت ليه انا قلت ليه كده

انا مقدرش انصحك تجيب ايه فى نفس سعر السيراتو لان حضرتك معاك العربيه و احنا مش فى محل البحث عن بدائل للسيراتو , ربنا يبارك لك فيها و بها و يعطيك خيرها كله و يكفيك شرها كله
ده ردى السابق و موجود فى الصفحه التانيه

انا بحترم رأيك جدا و كلمه "القطيع" دى كلمه متداوله فى المنتدى وانا كنت اقصد بيها ناس اعرفهم لسه شاريين العربيه لانه شكلها حلو جدا وشيك والعربيه لسه عامله 500 كم وقعد يقولى التابلوه بتاعها احلى تابلوه حتى انضف من تابلوه الفولكس وانا اقالوا مبرووك !!!! وأخيرا سألته العربيه بتحدف شمال معاك قالى لأ وبعد كده قالى على خفيف يعنى وده ضبط زوايا هاعمله فى الصيانه اللى جايه قلت له الف مبروك وربنا يديك خيرها و يكفيك شرها بدون اى تعليق منى
ليس لى اى مصلحه العربيه تطلع حلوه او تطلع وحشه . وانا مش معايا عربيه حاسس انها أقل من السيراتو فبقول عليها وحشه علشان عربيتى تبقى احلى و الحوارات دى
وده راى انا الخاص ان أغلب الناس بتشترى موضه و تقليد مش بتعرف تقييم عربيه صح سواء حلوه او وحشه

على فكره من ساعه الموضوع ما نقل من العام لقسم الكيا و انا عارف ان ناس كتير هتهاجم فى وده حقهم

[Usama Nagi]

معلش انا متابع موضوع السيراتو من زمان مش عارف ليه الناس كلها كانت مستنياها من قبل حتي ما تنزل في مصر و بالذات في النايل موتورز
و دا من ساعة ما شافوا صورها
انا ما احبذش ان الواحد يشتري العربية اول ما تنزل علشان يستني اللي جربوها و يعرف تقييم مبدئي ليها و بعدين يقرر

[SAMEH_FOUAD]

اغلب الناس بتشترى من غير ماتجرب بمجرد مابتركب العربية وتستريح للحجم الداخلى والشكل والامكانيات وطبعا كل معرض ولية طريقتة فى عرض العربية واثبات انها احسن عربية فى فئتها ,وكماليتها الكتير اللى مش موجودة غير فى السيراتو ولو لقيتها فى اى عربية تانية هتلاقيها ب160 الف فيما فوق ,دة غير ان شكل العربية لية عامل كبير جدا فى اكتساب الزبون وممكن يتغاضى عن حاجات تانية بسبب الشكل ,ودة اللى عرفت تعملة الكيا وعملت مقدمة جميلة جدا والاكصدام بتاعها مساعدها اكتر فى اظهار الشكل دة بعكس الواجهة الخلفية فهى اسوأ ما اراة فى سيارة (وجهة نظرى ) العربية من جوة اسوأ الخامات اللى مستخدمة بلاستيك ردىء فعلا انا جربت الفئة اللى ب116الف واللى ب103
لكن التقفيل جيد ومافيش غلطات الا قليلا جدا وغير واضحة عشان كدة مش هذكرها باستثناء قفلة درج التالبوة بحس انة وهو بيتفتح وبيتقفل متركب غلط
الماتور بقى والثبات مش هتكلم عليهم عشان كل واحد ادرى بيها ومش هقول رائى فيهم انا بس حبيت اذكر اهم نقاط اللى مخلية مبيعات السيراتو تنتشر اوى كدة بالطريقة الرهيبة دية
ومحدش يقول عليها عشان جامدة والا كان الكلام دة انطبق كمان على الفيرنا واللانوس
والكروز بردة ماشية فى الانتشار بردة بقت منتشرة

[Atrees]

هههههههه تانيييييييييييييي - العربية دي حتفضل تتهاجم من كل ملاك العربيات التانية الاقل في الجودة والاكثر جودة ودة ملهوش غير معني واحد انها قدرت تخلي جميع الماركات التانية تبصلها وتاخد بالها منها وتاكلها الغيرة كمان - ويصبر نفسة ميقولك انا راكب معرافش اية واصل انا ركيب اية -

الي كل من راكي عربية واسيراتو مش عجباة وحاسس انة افضل ماتشغلش بالك بيها يا سيدي وخليك في اللي انت راكبة والا انتوا مش عارفين تطلعوها من دماغكم وحاسين انها ركنت عربيااااااات كتييييييييير قوي علي الرف سواء كانت اعلي او اقل في الفئة


وربنا يكفينا شر الحاسدين والحاقدين - وعجبي

[OilMan]

+1111111111 no comment

حمد على سلامتك
وانا مستغرب من كلامك عن مميزات العربيه رغم انها اتقلبت انا مش شايف اى مميزاتها تخلى حضرتك تتغاضى عن عيب مثل ده مهما كانت ظروف الحادث ده لايغفر لسياره حديثه عمرها لايتعدى اشهر