رحلة من الاسكندرية إلى القاهرة بالنيو Cerato SX

[hobiko]

كنت عايز أروح سيتي ستارز في فسحة و قلت استغل يوم الاجازة و إن الجو كان بدأ يبقى كويس في اسكندرية و في نفس الوقت تجربة لل-cerato على طريق سريع

إتوكلت على الله و راجعت ضغط الاطارات و المية و الزيت كلو تمام

مسار الرحلة:من اسكندرية للقاهرة صحراوي و بالعكس و جوا القاهرة محور بعد كدة كوبري أكتوبر و بعدين الاوتو ستراد و بالعكس

الطريق الصحراوي: كمية تحويلات مش طبيعية و نتيجة أعمال تطوير الطريق و تحويله لطريق حر للاسف الطرق داخل التحويلات سيئة جداً كمية حفر و نقر كتير جداً و بمقاسات و اعماق مختلفة دة غير كن الطريق بيبقى عبارة عن حرتين فقط بالتالي مفيش أي فرصة لحد جتله ظروف مثلاً تخليه يقف

الوقوف جوا التحويلةمعناه حادثة و دة حيتم ذكره بالتفصيل لاحقاً

متوسط السرعة:١٣٠مانزلتش أبداً عن ١٠٠ و مزودتش عن ١٦٠

تفاصيل التجربة:أنامكنتش مقرر اني ناوي اختبر ال-cerato في نقط ضعفها إلي ناس كتير اتكلمت عنها

بالنسبة لنقاط الضعف سواء بمزاجك أو مش بمزاجك في حالة الطريق دي خاصةً جوا التحويلات حتختبر قوة تحمل عفشة عربيتك أنا خدت كمية نقر و حفر و في أوقات كتير كان دة بيبقى غصبن عني لإن مفيش مجال اني اناور أو اتفادى الحفر دي لإن بيبقى وراك و أدامك و على يمينك عربيات

الحمد لله أنا سليم و عفشةالعربية و مقصتها سليمة

طبعاً العفشة ناشفة دة كان بيخلي الإحساس بالنقرة عالي

بس فيه حاجتين الحقيقة

أول حاجة لاحظتها إن العربيةلما تاخد نقرة أو حفرة مش بتحدف قوي إنت يادوب تحس بالحدفة بس العربية مش بتحدف جامد أبدا مقارنتا بالكورولا2007 اللي سقتها كتير و كنت لما آخد نقرة أحس إن العربية بتحدف مني فعلا جامد

والموضوع اللي عايز يجربه جوه اسكندرية يجرب الcerato على كوبري ستانلي وهو بيحاول يغير حارةو يعدي فوق فاصل التمدد الطولي مش العرضي ويجرب تاني بعربية تانية حيحس إن الcerato فعلا مش بتحدف فوق النقر و الحفر زي عربيات تانية في نفس الفئة بتعمل كده

الحاجة التانية هي مش اختراع يعني بس الكاوتش العريض لما بيعدي فوق نقرة عرضها أقَل من عرض الكاوتش مش بتحس بيها أصلا

نقط قوة العربية: ثبات السيارة المتميز جدا خاصتافي المنحنياتلما توصل160 كأنك ماشي فعلا على100 مثلافي الأول مكنتش باخد المنحنيات على السرعة دي شوية شوية لقت إن العربية مع السرعة دي ثابتها كان متميز فعلا وده ظهر أثناء محاولتي لتخطي عربية تانية واحنا في منحن على سرعة تقرب 130 أو140

واحنا ماشيين في تحويلة من التحويلات ميكروباص سوزوكيقرر فجأة إنه يقف الباشا كان عايز يلف من فتحة في التحويلة للاتجاه المعاكس الفتحة دي مكنتش u-turnلأدي كانت مجرد بلوك خرسانة من اللي بيستخدموا في تحديد طريق التحويلة مش موجود

بإختصار نتيجة الواقفة المفاجأة دي أنا استخدمت الفرامل بكل قوة أنا و قفت فعلا في الوقت المناسب و أنا كنت على130العربية اللي قدامي للأسف دخلت فيه كانت عربية كورولا عيون قديمة شوية

أداء الفرامل كان فعلا هايل

في المجمل أداء العربية كان جيد جدا في السفر و التحمل إن كان يعيب العربية في حالة سوء حالة الطريق إنها مش حتبقى مريحة نتيجة نشفية نظام التعليق لكن أعتقد بعد الانتهاء من تطوير الطريق و تحويله لطريق حر حتبقى متعة حقيقية السفر للقاهرة بال Cerato

[medoxmedox]

يا استاذي في اختراع اسمو زرار ال space عندك في الكي بورد
دا وظيفتو انو يفصل بين الكلمات و بعضها
انا بجد كنت بقرا مشاركتك و مكملتهاش علشان بجد زهقت

[YaSSerwIN]

الله ما انت كنت كويس ...

فعلا من نصف المشاركة بدأنا نفك الغاز

[hobiko]

أسف جداً ya جماعة الله يخربيت microsoft maren

حطلب من ال إدارة إصلاح ال موضوع

[hobiko]

شكراً للإدارة على إصلاح الخطأ

[solid_khaled]

متشكرين على تجربتك و يا رب تكن إنبسط في سيتي ستارز

[m_o_sakr]

الف شكر على مشاركتك بالتجربه, و ربنا يباركلك فيها ان شاء الله

[sakrashraf]

شكرا على مشاركتك والف شكر على انك عرفتنى ان الطريق زى الزفت لانى كنت ناوى اسافر الاسبوع القادم بس كده هاعيد النظر فى موضوع اسكندريه . وشكرا لمشاركتك

[alzwawy]

شكرا علي مشاركه حضرتك بالتجربه و ربنا يديك خيرها و يكفيك شرها

[romeo_6887]

تقرير هايل و محايد

[max_ziro]

يا استاذي في اختراع اسمو زرار ال space عندك في الكي بورد
دا وظيفتو انو يفصل بين الكلمات و بعضها
انا بجد كنت بقرا مشاركتك و مكملتهاش علشان بجد زهقت

مش للدرجة دى
تسلم يا باشا عن نقل تجربتك لينا ..

[aalim]

و انا اؤيد كلامك بالضبط من تجربتى على الدايرى و فعلا الثبات فى الملفات على السرعات العالية زى الفل

[Amr A.salam]

شكرا على مشاركتك والف شكر على انك عرفتنى ان الطريق زى الزفت لانى كنت ناوى اسافر الاسبوع القادم بس كده هاعيد النظر فى موضوع اسكندريه . وشكرا لمشاركتك

كنت رايح برضه الجمعة الجاية بس كدة مش رايح

[NoRmAl]

QUOTE=hobiko;3872312646]lack]]

أول حاجة لاحظتها إن العربيةلما تاخد نقرة أو حفرة مش بتحدف قوي إنت يادوب تحس بالحدفة بس العربية مش بتحدف جامد أبدا مقارنتا بالكورولا2007 اللي سقتها كتير و كنت لما آخد نقرة أحس إن العربية بتحدف مني فعلا جامد

والموضوع اللي عايز يجربه جوه اسكندرية يجرب الcerato على كوبري ستانلي وهو بيحاول يغير حارةو يعدي فوق فاصل التمدد الطولي مش العرضي ويجرب تاني بعربية تانية حيحس إن الcerato فعلا مش بتحدف فوق النقر و الحفر زي عربيات تانية في نفس الفئة بتعمل كده

[/QUOTE]

أنا أستطيع أأكد على كلامك فى الجزئيه دى
وهى فعلا غريبه
انا أولمجبت العربيه
قلت أجرب موضوع الحدفه عندى ولا لأ
سبتها بتاع 5 ثوانى
سبت الويل خالص والطريق كان مكسر و معرج
ومع ذلك العربيه محدفتش
مش فاهم ازاى
كأن حد ماسك الويل بدالى
بيتهيألى دا راجع ان الباور بتاعها ناشف حبتين!

[bedoo100]

سيبك انت بلا سيراتو بلا نقر بلا جنوط

ايه رايك في الموزز بتوع سيتي ستارز ؟ ظبطت حد هناك ؟