ما رأيكم في هذه الكيا شوما

[falak]

السلام عليكم ورحمة الله وبركاته
اخواني الكرام
ممكن تفيدوني وتقولولي رأيكم في هذه السيارة
أنا أمامي سيارة كيا شوما موديل 1999
كاملة من مجاميعه
أوتوماتيك ، فتحة سقف ، abs ، جنوط سبور ، سي دي ، طبعا تكييف وسنتر وباور ،،،،
عاملة 102 ألف كيلو
استخدام واحد صاحبي
فابريكة دواخل ، وراشة من الخارج
بس هو طالب فيها مبلغ كبير حبتين
طالب 53000 جنيه
وممكن بالعافية أنزلها لـ 50000 ( مش هاتنزل ولا مليم عن كده )
بس هي حالتها الحقيقة كويسة جدا
وهو كان صاينها على طول في التوكيل وأول يد
فما رأيكم ؟؟
ويا ريت تطمنوني بالنسبة لقطع الغيار
خصوصاً إنه من فترة وقع على زجاج فتحة السقف حجر
وصاحبي ده داخ عليه ، لغاية ما لقاه بالعافية في بورسعيد
لكن المهم قطع غيارها الاستهلاكية
..
ولكم خالص تحياتي

[Usama Nagi]

عمي عنده العربية دي و شغالة معاه كويس
اتكل علي الله و اشتريها ما دام حالتها حلوة

[max_ziro]

http://www.nilemotors.net/Nile/114124-a.html

http://www.nilemotors.net/Nile/99655-a.html

[romeo_6887]

اكشف عليها الاول
و لو طلعت تمام
و انت مرتضي سعرها
توكل علي الله

[falak]

أوكيه يا جماعة
بس هل حضراتكم شايفين إن السعر ده كويس
على فكرة هو مش عايز ينزل عن 51000
مش 50000
بس هي بصراحة حالتها كويسة ، وهو كان صاينها كويس
سألت واحد بتاع قطع غيار عنها
قاللي ،، بالنسبة للموتور مافيش مشكلة في قطع الغيار لإنها زيها زي السيفيا
لكن المشكلة في البودي ( فانوس ، أكره ، ،،، الحاجات دي )
يا ترى رأيكم إيه في الكلام ده ؟؟؟؟

[mohamed1979]

بص ياباشا واحد صاحبى لسه شارى كيا سيفيا 2001 مصرى فابريقه بالكامل ماشيه 120000 كيلو ب 44000
مع العلم ان الشوما الى حضرتك بتتكلم عليها اعلى فئه وتجميع كورى و فيها كمليات أوتوماتيك ، فتحة سقف ، abs ، جنوط سبور و كمان ايرباج
رأى لو تقدر تنزل عن ال 50000الف جنيه يبقى كويس و رأئى ان العربيه كويسه لو واثق فيها 100%و قطع غيارها موجوده
زجاج فتحه السقف نادر علشان الموديل ده منزلش مصر كتير

[د.محمود صلاح]

من العربيات المحترمة ذات السعر المستريح حبتين

[M_Nabil]

طالما أنت واثق من حالة العربية انها ممتازة ومش هتصرف عليها ومش هتبيعها قريب يبقى كويس حتى لو فيها زيادة كام ألف في السعر

[NoRmAl]

لو حالتها كويسه صلى صلاه أستخاره و توكل على الله
هى عند أبو واحد صحبى من زمان و عمره مشتكى منها

[falak]

ربنا يبارك لكم يا جماعة
أنا متشكر جدا لاهتمامكم
هي فعلا كويسة
والكل طمني منها ،، ماعدا كام واحد ( ثلاثة ميكانيكيين )
قالولي مش هاتعرف تبيعها تاني ،، وقطع غيارها هاتغلبك شوية
الحمد لله أنا صليت صلاة استخارة
وأدعو الله عز وجل أن يوفقني للخير
ادعولي يا جماعة الخير

[NoRmAl]

ربنا يبارك لكم يا جماعة
أنا متشكر جدا لاهتمامكم
هي فعلا كويسة
والكل طمني منها ،، ماعدا كام واحد ( ثلاثة ميكانيكيين )
قالولي مش هاتعرف تبيعها تاني ،، وقطع غيارها هاتغلبك شوية
الحمد لله أنا صليت صلاة استخارة
وأدعو الله عز وجل أن يوفقني للخير
ادعولي يا جماعة الخير

ربنا معاك
ولو فيها الخير ليك ينولهالك ولو فيها شر يبعدها عنك
أنا سامع أذان الفجر أهووو :))))

[wisambasha]

ربنا يهديك الي ما فيه الخير ان شاء الله والف مبروك مقدما