إعـــــــلان

Collapse

.

,
See more
See less

بعض الملاحظات الهامة على سيراتوا اس اكس وكيل

Collapse
X
 
  • Filter
  • الوقت
  • Show
Clear All
new posts

  • بعض الملاحظات الهامة على سيراتوا اس اكس وكيل

    السلام عليكم

    جماعة انا صاحبي و جاري الي معاه السيراتوا اس اكس وكيل كل شوية بيكلمني في بعض الملاحظات على العربية حبيت اشارك بيها و اعرف رايكم علشان اقله الرد و اكون انا مبفتيش من عندي.

    اول حاجة العربية عنده بتحدف شمال من اول ما استلمها ، في التوكيل مرضوش يضبطوا زوايا ، راح عند واحد ميه ميه ظبطهاله و العربية بقت فله ، بعدين بعد كام الف كيلوا رجعت تحدف شمال بغباوة فراح عند الراجل تاني يشيك لقى ان الماسعد ريح ولا حصله حاجة من مطلب ولا بلاعة جامدة في حاجة اسمها camber الفبريكة 0.30 العجيلة اليمين قدام كانت 1.38 قالم بتاع الزواية فك مسمار المساعد من تحت الجنط الفبيركة و ركبله واحد 19 بتاع فرنا فبريكة برضوا ، و ظبط العجل و بقت العربية زي الالف ولا بتحدف شمال ولا يمين ولا اي حاجة بس ملاحظ ان الدركسيون خف عن الاول و بقا يرد بسرعة و مش بيعافر معاه و بيحس بكل ميل للطريق و اي مجرى ولا حفرة تلاقي الدركسيون حاسس بيها و بيسايسها، سؤاله في الموضوع ده هلى يروح التوكيل و يغير المساعد و لا ميقلقش خالص و الدركسيون كدة بقا طبيعي علشان زوايا العجل اتظبطت ؟ بس الدركسيون بقا حساسا خالص و على السرعات العالية بتحس انه حاسس بكل ميلي في السكة و مرات تحسه انه في رجه تكون غير محسوسة خالص بس وسوسة هيا يعني ( انا كنت عاوز اقله ممكن الجنط يترصص ؟ بس هوا 17 فبريكة يترصص ايه ) علشان كدة مقلتش افتي

    تاني حاجة العربية عدت عشرة الف كيلوا و المعلم لاقى خمس خرام في فردة الكاوتش الشمال قدام ، المعلم صلحها بخوابير من برا من غير ميفك الكاوتش عن الجنط لان بتاع الكاوتش قاله ان الجنط يبوظ و يتخربش لو فكنيه و لحمناه من جوه ( الكلام ده صح ؟ ) المهم صلحة و بقا فل الفل و العربية رجعت تشد تاني و الكلام اتضبط ، المعلم ده ابوة بيقله اقلب فرد الكاوتش الي قدام ورا و العكس علشان الي ورا انضف ( مش متأكد قلب بس ولا كروس ) ، ايه رايكم في الكلام ده ؟

    ثالثاً هوا حط منظف بوجيهات مع البانزين و لقى العربية خفت و بقت تسحب و زي الفل فهوا عجبه الموضوع و عاوز يحط كل الف كيلوا ولا حاجة بس انا قلتله غلط على الموتور حيتاكل و يتهري من جوه ( صح ولا غلط ) ؟

    رابعاً الي لفت نضري في موضوع في المنتدى هنا عن الكاسيت انه مبيعكلش سكرول ولا بيعلي الصوت مع السرع رحت سالت المعلم قالي انه فعلاً كدة فهل ده غلط ؟ ولا في عيب في الكست ؟ وساعات ساعات لما يضرب كلكس يروح اليو اس بي فاصل وراجع تاني بس ده ساعات ساعات مش كل شوية يعني ممكن مرة في الاسبوع ولا حاجة كدة يعني .

    خامساً بيسألني عادي يغسل موتور العربية و العفشة في اي بنزينة نضيفة بيغطوا الكرته فيها و بيصبنوا الموتور و يرشوا جاز ؟ ولا ده خطر على العربية ؟

    المعلم حيعمل صيانة العشرة الف بعد كام يوم و خايف من ان زوايا برة التوكيل تشيله الضمان ولا حاجة ، مفيش حاجة معينه يقول عليها في التوكيل ؟ بيروح الكيلوا واحد و عشرين على الصحراوي و انا ان شاء الله حروح معاه

    متشكرين اوي يا جماعه :) انا قلت الجأ للخبرة و اطمن صحبي مش افتي من عندي

  • #2
    كل اللى أقدر أقوله هو موضوع الخروم اللى فى الكاوتش غالبا مفتعلة من صنايعي الكاوتش ( تفتيح شغل بلغتهم ) ,,

    الجنط بيترصص رصاص لزق خاص بالجنوط الألمونيوم

    موضوع اليو اس بى مع الكلاكس مالوش تفسير ولا حل ( تم طرحه للنقاش بدون حل )

    أفضل طريقة لغسل الموتور هى بالفوم وليس الجاز والهوا

    خلى صاحبك يشترك هنا ويخش القسم ده ويقرأ المشاركات المكتوبه عن السيراتو , هيستفيد جدا ان شاء الله

    Comment


    • #3
      1- يروح التوكيل يكشف على العربيه و يقولهم اللي فيها بالظبط...
      و انا شخصيا ضد انه يلعب في العربيه و هي زيرو, كان يروح التوكيل يقولهم اللي فيها على طووول
      بدل ما كان راح لواحد يلعب في العربيه و يغير مسامير و الكلام ده...

      2- يعملهم بخوابير محترمه (في أمريكي تقريبا) عند واحد موثوق فيه, و يعمل الكروس بعد 10,000 كم كمان
      الكروس عادة بيتعمل كل 25,000 - 30,000 كم تقريبا (نصف عمر الكوتش الطبيعي)

      3- انا مش بقتنع بمنظفات البوجيهات و الكلام ده (رأي شخصي), و بعدين العربيه زيرو, حراام يحطلها أي حاجه
      هو يستخدم بنزين 92 أو 95 لو يحب يحس بالفرق, و بلاش اي اضافات للبنزين خااالص....

      4- موضوع السكرول ده انا رديت عليه بالتفصيل في موضوع هنا في القسم, ممكن تشوفه...
      و موضوع الكلاكس مع الusb (هل هو مركب أي حاجه زياده؟؟؟)
      زينون, lcd, حساسات,................. (ممكن الكلام ده يكون ركب غلط و أثر على الكهرباء)

      5- لأ لأ لأ....... جاز ايه بس يا باشا.... أكيييييد لأ
      أولا: تغسل الموتور بالفوم, أو نظفه بالهواء بس و خاللي موضوع الفوم في التوكيل أفضل
      ثانيا: أهم حاجه بلاش مسدس مياه في الكابووت كله بشكل عام, كفايه الهواء أو الفوم
      ثالثا: أغسل الشاسيه عادي جداا بالمياه (بس مره واحده كل شهرين مثلا أو عند الحاجه لو كان ماشي في مجاري او طينه)
      رابعا: ممكن تستخدم البخار من بره أو الشمع.....
      خامسا: التنظيف من جوه بقى (يا تستخدم ماركات كويسه لتنظيف البلاستيك زي فورميلا الأمريكي)
      أو (يكون بفوطه نظيفه خاااصه بالتابلوه فقط, علشان ما يجيرش و شكله يبقى وحش)

      يحبذ تروح مركز محترم و كويس, و فيه أماكن كتيير المنتدى عامل للأعضاء عندهم خصومات

      6- الزوايا مش هتخرجه بره الضمان ولا حاجه, بس هو يقولهم العربيه فيها ايه بالظبط و يجربها قبل ما يمشي من هناك

      يا رب أكون قدرت أفيدك.....
      [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
      [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
      [CENTER][SIGPIC][/SIGPIC][/CENTER]

      Comment


      • #4
        الله ينور عليك يا بشمهندس :) كتر الف خيرك والله

        1- التوكيل قاله مفيهاش حاجة و هيا بتحدف اول ما استلمها

        2- عمل خوابير امريكي فعلاً و لونها برتقالي العربية خلاص عدت ال 10.000 فهل يعمله ولا يستنى ل 25.000 ؟

        3- بيحط 92 على طول

        4- ولا مزود مسمار على العربية غير نواكل على الفونيس بتتلزق لزق مفيش اي لعب في الكهربا ولا اضافات خالص

        5- ياريت تقولي على مركز كار كير محترم في اسكنرديا ( هوا اتغسله الموتور و العفشة من تحت بعد الشتا الجامد الي كان في اسكندريا ) هل ده خطر ؟ يعني ممكن الغسلة ديه بوظت الموتور ولا الكهربا ؟

        6- هوا لما يروح يقلوها شيكوا على الحاجة كويس و يركز على حكاية العجل و المساعد ديه ؟

        الف شكر يا باشا و معلش تعبينك معانا ربنا يوفقك و يخليك

        Comment


        • #5
          المشاركة الأصلية كتبت بواسطة ComputerKing مشاهدة المشاركة
          الله ينور عليك يا بشمهندس :) كتر الف خيرك والله

          انا ما عملتش حاجه يا باشا, و من عنيا...

          1- التوكيل قاله مفيهاش حاجة و هيا بتحدف اول ما استلمها

          الموضوع ده كان عند ناس كتير, انا واحد منهم, بس خالليه يجرب يعمل كروس و يشوف

          2- عمل خوابير امريكي فعلاً و لونها برتقالي العربية خلاص عدت ال 10.000 فهل يعمله ولا يستنى ل 25.000 ؟

          تمام كده, خليه يجرب دلوقتي الكروس, و يشوف الحدفه هتروح ولا لأ...

          3- بيحط 92 على طول

          تمام كده...

          4- ولا مزود مسمار على العربية غير نواكل على الفونيس بتتلزق لزق مفيش اي لعب في الكهربا ولا اضافات خالص

          يبقى يروح التوكيل يقولهم على موضوع التهنيحه دي, و يشيكوله على الكهرباء

          5- ياريت تقولي على مركز كار كير محترم في اسكنرديا ( هوا اتغسله الموتور و العفشة من تحت بعد الشتا الجامد الي كان في اسكندريا ) هل ده خطر ؟ يعني ممكن الغسلة ديه بوظت الموتور ولا الكهربا ؟

          انا بصراحه من القاهره, و مش عارف مراكز في اسكندريه, بس هسأل و أقولك
          و مفيش خطر ولا حاجه على الكهرباء, بس أهم حاجه بلاش مسدس مياه في الكابوت


          6- هوا لما يروح يقلوها شيكوا على الحاجة كويس و يركز على حكاية العجل و المساعد ديه ؟

          بالظبط, لأن المهندس بيحط شكوته كأساس للفحص, و بيشيك على اللي بيشتكي منه كويس مع الفحص الأساسي

          الف شكر يا باشا و معلش تعبينك معانا ربنا يوفقك و يخليك

          العفو يا باشا و ربنا يباركلك....
          الرد في الأقتباس.............
          [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
          [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
          [CENTER][SIGPIC][/SIGPIC][/CENTER]

          Comment


          • #6
            و الله مش عارف اقلك ايه يا بشمهندس

            كتر الف خير حضرتك :) ربنا يحميك و يوفقك و يكتر من امثالك في البلد :)

            Comment


            • #7
              غازي باشا طبعاً رد على كل النقط تمام و مفيش حاجة تتقال بعد كدة

              بس بالنسبة ل-car care كويس في اسكندرية يبقى بريدجستون إلي على البحر في لوران أنا بتعامل معهم و كمان في خصم ١٠٪ للي معاه استيكر المنتدى

              Comment


              • #8
                الكروس الكتالوج بيقول بعد 12000 كم
                سبحانك اللهم وبحمدك ، أشهد أن لا إله إلا أنت أستغفرك وأتوب إليك [SIZE=5] [/SIZE]

                Comment


                • #9
                  المشاركة الأصلية كتبت بواسطة m_s_h_a مشاهدة المشاركة
                  الكروس الكتالوج بيقول بعد 12000 كم
                  و الله يا باشا, بالنسبه لي, انا ليا وجهة نظر في الموضوع ده.....

                  انا شايف ان الكروس يتعمل كل(25,000-30,000 كم) "نصف عمر الكوتش" على حسب الاستخدام
                  و ده علشان يكون الأربع كوتشات بعد 60,000كم (عمر الكوتش المعقول) في نفس الحاله

                  دي وجهة نظري الشخصيه مش أكتر, يعني ممكن تكون صح, و ممكن يكون فيه أصح منها.... و الله أعلم
                  [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                  [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                  [CENTER][SIGPIC][/SIGPIC][/CENTER]

                  Comment


                  • #10
                    المشاركة الأصلية كتبت بواسطة computerking مشاهدة المشاركة
                    السلام عليكم


                    وساعات ساعات لما يضرب كلكس يروح اليو اس بي فاصل وراجع تاني بس ده ساعات ساعات مش كل شوية يعني ممكن مرة في الاسبوع ولا حاجة كدة يعني .

                    دي موجودة عندي أنا و خمس أعضاء تانيين تقريبا

                    وكنا عاملين موضوع عليها

                    و في أخ عزيز شرحلنا السبب ان كهربة الكلاكس على تفس فيشة اليو اس بي و كده عادي
                    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                    Comment


                    • #11
                      المشاركة الأصلية كتبت بواسطة ghazy12 مشاهدة المشاركة
                      الرد في الأقتباس.............
                      [QUOTE=ghazy12;3872320783]1- يروح التوكيل يكشف على العربيه و يقولهم اللي فيها بالظبط...
                      و انا شخصيا ضد انه يلعب في العربيه و هي زيرو, كان يروح التوكيل يقولهم اللي فيها على طووول
                      بدل ما كان راح لواحد يلعب في العربيه و يغير مسامير و الكلام ده...
                      أنا أحب بس اضيف تجربتي مع الحدفة الشمال وهيا موجودا في اللنك ده

                      :: نــايــل مــوتــورز:: - :: NileMotors.net ::
                      new-cerato.html

                      3- انا مش بقتنع بمنظفات البوجيهات و الكلام ده (رأي شخصي), و بعدين العربيه زيرو, حراام يحطلها أي حاجه
                      هو يستخدم بنزين 92 أو 95 لو يحب يحس بالفرق, و بلاش اي اضافات للبنزين خااالص....
                      على حد علمي إن مش مستحب استخدام المنظفات بتاعت البجيهات كتير عشان ده بتقول الكاوتش اللي حوالين الرشاشت (oil seals (

                      بعد إذن الباشمهدس غازي إني عملت إضافة على كلامه يعني والمامات محفوظة
                      اللهم اجرني في مصيبتي و اخلفني خيراً منها

                      Comment


                      • #12
                        فيما يخص بتبديل الاطارات

                        اغلب الشركات المنتجة للاطارات بتنصح بالـ Tyre Rotation او

                        ما يعرف هنا بالكروس كل 10الف كم - وكتالوج السيراتو بينصح

                        بيه كل 12الف كم



                        شوف الموضوع ده

                        http://www.nilemotors.net/Nile/86216-a.html

                        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                        [/CENTER]
                        [/CENTER]
                        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                        [CENTER] _______________[B]
                        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                        [/CENTER]
                        [B][COLOR=Blue][B][SIZE=2]
                        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                        _______[COLOR=Blue]_______________
                        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                        Comment

                        Working...
                        X