حصلى موقف غريب مع الكلكس النهارده

[NoRmAl]

السلام عليكم يا رب تكونوا بخير

النهارده كان عندى كورس أخدت العربيه رغم أنى بحاول ممشيش بيها كتير علشان عديت ال1000 ولسه معملتش صيانه علشان مش فاضى
المهم أنا عاده بستخدم عصايه الدركسيون دى لأنى بخاف أوى على العربيه
لما رحت الكورس كسلت أحطها وقلت أسك الدركسيون بدل منها
وقد كان
خلصت الكورس
ركبت العربيه فكيت المسوجر بتاع الدركسيون عادى خالص دورت و مشيت
بعد فتره كده سواق ميكروباص الله يلـ.... وقف قدامى ولقيته جاب ريفيرس!!! وأنا واقف وراه
طبعا على طول رزعت أيدى على الكلكس...مزمرتش!!!!!
هاتك يا ضرب فى الدركسيون مفيش منطق
الحمد لله الى ورايه قام بالدور دا و فقعه الكلكس الى هو
طبعا أنا بقيت ماشى متكدر أيه الى يخليه يبوظ يعنى
فكرت طبعا فى المسوجر وقلت هشوف لما هلف الدركسيون و أنا بحود هيأثر ولا لأ
جربت مفيش فايده
قلت خلاص بقى لما أروح التوكيل علشان صيانه الالف هبقى أقلهم عليه
وأنا بركن بقى تحت البيت
طبعا لفيت الدركسيون كامل يمين ثم شمال علشان أركن
ركنت
بجرب...
شغااااااال ميه ميه !!!!!
أعدت ألف فيه يمين و شمال بتاع 15 مره
وأزمر وانا بلف و وهوه لافف على الاخر يمين و شمال وكله
شغال ميه ميه!!!!
ايه الى ممكن يكون حصل بقى؟ أيه الى بوظه و أيه الى رجعه يشتغل؟
وهل أقلهم فى التوكيل برده؟؟

[a_tharwat]

لازم تقلهم طبعا, الكلاكس مهم جدا بالذات في مصر. ممكن يكون في سلك مهزوز او حاجة, فاحسن يبصوا عليه.

هي شكلها بسيطة ان شاء الله.

[yoko]

انا الأفيو (الله لا يرجعها أيام) كانت بتفصل لما أوصل لسرعة فوق ال١٠٠ وأسمع صوتك تك تك مع الدوس لكن مفيش زماره وكان المفروض أغير الزماره كلها

[romeo_6887]

ممكن نحاسه توصيل الكلاكس فلتت من مكانها
قولهم علي الحوار ده في صيانه ال 1000
و عقبال صيانه 1000000

[ALSHARIEF]

السلام عليكم و رحمة الله و بركاته ......

الحمد لله أخى الجبيب على كل حال و واضح من كلام حضرتك إن الموضوع سليم و بسيط بس لازم حضرتك تقولهم على كل كبيرة و صغيرة حضرتك بتلاحظها أثناء الأستعمال .

بس من و جهة نظرى المتواضعة ( عندى تحليل أو أكتر لللى حصل بعيدا عن الفتى و الفذلكة ) بعد إذنك طبعا هقولك عليهم :
1 - ممكن لو الكلاكس ليه علاقة بكمبيوتر العربية يكون الكمبيوتر كان مهنج و بعد كده رجع لطبيعته تانى ...... والله أعلم .
2 - ممكن مع رد فعل حضرتك السريع إنك ضغطت جامد على الكلاكس و لذلك ماستجبش معاك ( اللى أنا أعرفه إن الدريكسيون فيه مكانين للكلاكس على الجانبين اليمين و الشمال فهل لو حضرتك دوست فى النص هيشتغل الكلاكس و لا لأ )
3 - التحليل الأخير ده من عندى : الكلاكس أكيد زعل منك أنك كلبشته فقرر إنه مش هيشتغل زى أى واحد مننا لما مديره بيزعله بيضرب عن العمل بس بعد كده لما حايلته و قعدت تجيبه يمين و شمال و تهشكه و تدلعه قرر إنه يسامحك يرجع يشتغل تانى زى الأول و ده نقدر نعرف منه إن حضرتك فى يوم من الأيام هتكون مدير و رئيس ناحج جدا فى شغلك .......( طبعا التحليل ده هزار و فرفشة لأنى بعتبر حضراتكو زى إخواتى الكبار بتعلم منكو و بستفيد منكم )

أسف على الإطالة و متابع بإهتمام .

[Abdo_Eldesokey]

معنديش فكرة عن الموضوع .. بس لفت نظري استخدام حضرتك لعصاية الدركسيون

أعتقد إن ملوش أي لازمة ، لأن العربية أكيد فيها Immoblizer يعني مستحيل تدور غير بالمفتاح بتاعها

[NoRmAl]

لازم تقلهم طبعا, الكلاكس مهم جدا بالذات في مصر. ممكن يكون في سلك مهزوز او حاجة, فاحسن يبصوا عليه.

هي شكلها بسيطة ان شاء الله.

أن شاء الله وفعلا هقولوهم

انا الأفيو (الله لا يرجعها أيام) كانت بتفصل لما أوصل لسرعة فوق ال100 وأسمع صوتك تك تك مع الدوس لكن مفيش زماره وكان المفروض أغير الزماره كلها

فكرتك بالذى مضى :)))

ممكن نحاسه توصيل الكلاكس فلتت من مكانها
قولهم علي الحوار ده في صيانه ال 1000
و عقبال صيانه 1000000

ربنا يبارك فيك و شكرا على ذوقك

السلام عليكم و رحمة الله و بركاته ......

الحمد لله أخى الجبيب على كل حال و واضح من كلام حضرتك إن الموضوع سليم و بسيط بس لازم حضرتك تقولهم على كل كبيرة و صغيرة حضرتك بتلاحظها أثناء الأستعمال .

بس من و جهة نظرى المتواضعة ( عندى تحليل أو أكتر لللى حصل بعيدا عن الفتى و الفذلكة ) بعد إذنك طبعا هقولك عليهم :
1 - ممكن لو الكلاكس ليه علاقة بكمبيوتر العربية يكون الكمبيوتر كان مهنج و بعد كده رجع لطبيعته تانى ...... والله أعلم .
2 - ممكن مع رد فعل حضرتك السريع إنك ضغطت جامد على الكلاكس و لذلك ماستجبش معاك ( اللى أنا أعرفه إن الدريكسيون فيه مكانين للكلاكس على الجانبين اليمين و الشمال فهل لو حضرتك دوست فى النص هيشتغل الكلاكس و لا لأ )
3 - التحليل الأخير ده من عندى : الكلاكس أكيد زعل منك أنك كلبشته فقرر إنه مش هيشتغل زى أى واحد مننا لما مديره بيزعله بيضرب عن العمل بس بعد كده لما حايلته و قعدت تجيبه يمين و شمال و تهشكه و تدلعه قرر إنه يسامحك يرجع يشتغل تانى زى الأول و ده نقدر نعرف منه إن حضرتك فى يوم من الأيام هتكون مدير و رئيس ناحج جدا فى شغلك .......( طبعا التحليل ده هزار و فرفشة لأنى بعتبر حضراتكو زى إخواتى الكبار بتعلم منكو و بستفيد منكم )

أسف على الإطالة و متابع بإهتمام .

يا باشا هزر برحتك أنت راجل زى العسل :)
وأن شاء الله لما اروح التوكيل يمكن أعرف منهم
نورت

[yoko]

- التحليل الأخير ده من عندى : الكلاكس أكيد زعل منك أنك كلبشته فقرر إنه مش هيشتغل زى أى واحد مننا لما مديره بيزعله بيضرب عن العمل بس بعد كده لما حايلته و قعدت تجيبه يمين و شمال و تهشكه و تدلعه قرر إنه يسامحك يرجع يشتغل تانى زى الأول و ده نقدر نعرف منه إن حضرتك فى يوم من الأيام هتكون مدير و رئيس ناحج جدا فى شغلك .......

تحليل جميل وأحيانا بيبقى صح ال١٢٨ الي عندي كل ما أشتري عربيه جديده تفضل مش راديه تدور قبل الإستلام بيومين ولحد ما أستلم العربيه الجديدة وبعديها تقوم دايره (بحس إنها واخده على خاطرها) ومش لاقلها تفسير علمي (مع إنها في أي وقت تاني عمرها ما كسفتني في إنها تدور)

[A.Saad]

حصلت معايا والكهربائى لعب فيه وقاللى انه رجلشه وخلاص وغيرته فى الصاينة بعد كدة

[night_phoenix]

انا عندي خليجي و عندي مشكله زيك والكلكس ساعات بيعلق لوحده و يرجع لوحده حصل بتاع 3-4 مرات
في التوكيل قالي لو اتكرر غير الكلاكس ب 120 جنيه وده في القطاميه
وناوي اغيرة في مراجعه ال 15000 (القطاميه عملت فيها صيانه العشرة و قالوا مراجعه ال 15000 مجاني)

[د.محمود صلاح]

الأوبترا لما كنت الف الدركسيون للآخر يمين او شمال الكلاكس كان بيفصل عادي

[sha2e]

مره حصلت معايا الحركه دى وطلع فى الاخر من سلك الكلاكس الل ماشي في علبة الدريكسيون
وده اكتشفناه بعد ما الكهربائي طلع عينه وفتح الطاره ورجلش الكلاكس اربع مرات فى اسبوع