كيا سيراتو كارثة بجد

[Ros]

دية رسالة جتلى على mail عن السيراتو

النيو سيراتو

انا اخوكم المهندس محمد غازي..

يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...

ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير.

انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله

انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي

النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!!

وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره...

المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله

لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه...

اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا...

بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..





















الموضوع منقول للاهميه والمناقشه عشان انا كنت ناوى اشتريها

[Haitham10]

العضو صاحب الرسالة معانا اصلا وكان حاطط الموضوع هنا في المنتدى ...

[mahmoud_magdy]

العضو صاحب الرسالة معانا اصلا وكان حاطط الموضوع هنا في المنتدى ...

بالزبط
هي دي حمله ولا ايه

[KSA2011]

كده كتير اوى

[SHERIF2009BHIT]

قدر الله وماشاء فعل الحمد لله ان انت كويس وان شاء الله تقوم بالف سلامة مش مشكلة العربية

[AHMED1718]

دية رسالة جتلى على mail عن السيراتو

النيو سيراتو

انا اخوكم المهندس محمد غازي..

يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...

ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير.

انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله

انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي

النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!!

وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره...

المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله

لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه...

اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا...

بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..





















الموضوع منقول للاهميه والمناقشه عشان انا كنت ناوى اشتريها

بص ياباشا ف الاول والاخر ربنا يعوض عليك ويقومك بالسلامة
بس من غير زعل اكيد فيه حاجة غلط غير العربية لانى استلمت العربية قريب وبجد انا ركبت عربيات كتير جداا وبسافر مسافات بتوصل لاكتر من 1200 كم وفعلا انا مستريحتش وموثقتش غير ف الرينو والكيا اما بالنسبة لموضوعك كلنا عارفين ان الجنط ال 17 ده عايز استخدام خاص جدااا ومينفعش ف الطرق المصرية وكمان زيها زى اى عربية بجنط زى ده وكاوتش زى ده اى نقرة ناشفة بتدمر الكاوتش ومتهيألى حادثتك دى لو كنت راكب كلبة مكنتش عملت الحوار ده كله حتا لو راكب فيات 128 او حتا السيارة الاكزوبة اللى اسمها فيرنا

النيو سيراتو فعلا من العربيات المحترمة اللى نزلت ف مصر وانا لما بتكلم على عربية مش بتكلم على سرعات قصوى بتكلم على ثبات على منحنيات و على سرعات عالية والتجميع انا شايف عيب العربية دى الوحيد الخشونة اللى ف الماتور بس سببها معروف وده علشان الكاتينة الجنزير
وتانى عيب موضوع العفشة الخلفية (الدونجل ) بس ده بيديها ثبات اعلى
فميش عربية كاملة من كل النواحى ..
وشايف بجد ان الناس زودتها اوى ف الهجوم على العربية دى
كتر الحوادث ده نتيجة لزيادة عدد النيو سيراتو عن اى عربية ماشية ف الشارع .
افتكر نفس الهجوم اللى حصل على النيو سيراتو ده حصل على اللانسر الشكل القديم مع انها عربية محترمة جداا بردوو بس الشعبية ونقول ايه للاسف نحن شعب نتبع سياسة القطيع
دى عربية حلوة كلو يجرى عليها
. ف الاول والاخر انا مش بعيب ف سواقتك بس السواقة ملهاش كبير واكيد كان فيه نسبة خطأ معاك . وربنا يعوض عليك وعلينا ويقومك بالسلامة
وارجوكم ياجماعا كفايا هجوم على العربية دى اللى عنده اى شكوى ف العربية فيه مليون طريقة غير دى نتناقش بيها فى ميلات للشركة الام ف كوريا فى حماية المستهلك فيه انك تروح التوكيل وتعمل تيست درايف وتجرب بنفسك ونسيب الكلام ده للناس الجهلة اللى يقولك العربية مش عارف وانا برجع لورا لقيتها طلعت لقدام وزى الاخ اللى كان بيقولك وانا ماشى على 180 واتفجأت بعربية قاطعا الطريق فكبست فرامل بكل عزمى لقيت الطنابير بتزيييق جامد والعربية حاسسها هتعوم والنبي ده كلام ناس بتسوق !! انا بشوف الكلام ده وببقا عايز اعيط

انا عارف انى طولت وانفعلت بزيادة بس الرحمة للناس اللى ملهاش غير اساءة للسيارة لمجرد انه عملت معاه مشكلة ولا حادثة مش ديما السائق مبيغلطش (العربية زى الكومبيوتر كائن غبي مبهم انت اللى بتحركه )
وان شاء الله تقوم بالسلامة ويعدو الشهرين دول هواا وترجع تركب عربيتك تانى بس تكون غير السيراتو ومستنينك تقارنها بحاجة تانيا موجوده فى سوقنا ف نفس الفئة

[osamaos20022]

الموضوع مكرر وقتل بحثا

[amarakl]

لا حول ولا قوه الا بالله

[solid_khaled]

مدام الموضوع وصلك عل ايميل يبقى كدة فيه فعلاً حملة ضد السيرتو و توكيل منافس أو حد ليه مصلحة شاف الحادثة و قلك يبوظ سمعتها عن طريق الإيميلز إلي هي بتتشر جامد ذي كدة إيميلز المكدنلدس لحم حمير و فراخ كنتاكي ده مش فراخ ده لحم قطط والكلام دة

أنا معاية Ceratoo SX عملة ٢٣٠٠ كيلو وكيل الحمدلله كويسة طبعاً مش خارقة يعني بس أحلى من عربيات كتير فعلاً العفشة ناشفة بس امبارح لاقت واحد
قريبي من بعيد مدينله في عمله سيرتو SX الفيها مفتاح بصمة بس مفيهاش فتحت سقف عملة ٥٥٠٠ كيلو

قلتله هات لفة كنا في مدينة الشروق حيث الحفر و النقرات في كل حتى سقتها حوالي ١٠ دقائق كدة لات فيه فرق بجد حوالي ٥٠٪ فالنشفية مفيش دب خالص

و شكراً

[amr mokhtar]

انا مصدقك يا defano
بس الرسالة دى جتلك على Email ؟؟؟
يعنى زى Yahoo و Hotmail؟؟؟؟
و زى القصص الخيالية اللى بتجيلنا على الإيميل؟؟؟؟

معلش انا مستغرب جدآ جدآ ان يكون فيه حد وصل بيه الحال لكده

[human]

بلاش نظريه المؤامره

واحد من المنتدى عمل كوبى و بيست فى ايميل و بعته لصحابه عشان يشوفوا الموضوع و هما بعتوا لناس تانيين و دخلنا فى chain mail وده لا فيه مؤامره و لا يحزنون

برجاء من الاداره دمج الموضوع مع موضوع استاذ غازى

[amr mokhtar]

بلاش نظريه المؤامره

واحد من المنتدى عمل كوبى و بيست فى ايميل و بعته لصحابه عشان يشوفوا الموضوع و هما بعتوا لناس تانيين و دخلنا فى chain mail وده لا فيه مؤامره و لا يحزنون

برجاء من الاداره دمج الموضوع مع موضوع استاذ غازى

بعيدآ عن نظرية المؤامرة

لما واحد من بعيد و ميعرفش حاجة عن نايل موتورز او إن صاحب القصة فى هذا المنتدى و يقرأ الكلام ده ساعتها هتلاقى الكلام بيتردد على لسان الناس و خلاص بدون ما يكون حد عارف أصل الموضوع

زى القصص اللى بتجيلنا على الميل و بتكون بلا دليل او هدف

تقبل تحياتى

[mastr_n]

ارحمونا بقى
حسبى اللة ونعم الوكيل
ارجو من ادارة المنتدى غلق الموضوع دة للابد او حذفة الموضوع دة ممكن يعمل كوارث لملاك العربية دة كدة هايشكوا فى اى حاجة فى العربية وايجيلهم فوبيا اسمها حادثة المهندس غازى كفاية

[ahmed_khalil]

ربنا يكون فى عونك يا بشمهندس محمد لما تشوف الموضوع ده

[ghazy12]

يا نهااااار أزرق....!!!!!!!!!!!!!!!!!!! انت بتتكلم بجد؟؟؟؟؟؟؟؟؟؟؟؟؟؟؟؟؟؟؟؟

ايه ده.... احنا وصلنا لأن الحادثه بقت بتتبعت بالميل!!!!!!!!!!!!!!!!!!!!

ده تهريج والله..... هي الناس هتعمل حمله على العربيه باسمي و باسم الحادث بتاعي ولا ايه!!

أنا مش فاهم حاجه بجد.... هو في ايه؟؟؟؟ أنا هتجنن.....

لو سمحت اديني الـip بتاع الميل ده, او الميل اللي بعتلك الحاثه بتاعتي بعد اذنك....

لأن الحادثه بتاعتي انا نزلتها بنفسي على نايل موتورز فقط (فقط), و ناس نقلته لمنتديات أخرى للأسف...

بس ما توصلش لأنهم يعملوا حمله و كلام فاضي باسمي و بالحادث بتاعي... ده تهريج

و الناس هتتخيل اني انا اللي بعمل كده, أو مجند ناس تعمل حمله على العربيه و باسمي!!!!!!