باركولي يا جماعة حجزت السيراتو

[mameen]

انا حبيت اشارككم فرحتي باني حجزت السيارة كيا سيراتو ex وإن شاء الله استلمها الاسبوع القادم وارجو منكم ان تنصحوني بماذا أفعل عند الاستلام ايه الحاجات اللي المفروض اخد بالي منها وايه الحاجات اللي المفروض اراجعها
انا حجزت من موزع لكيا في المهندسين

[Hosam_Optrawy]

مليون مبروك ان شاء الله تستلم على خير

اما بالنسبه لاسئلتك فانا هاسيب وحوش كيا يفيدوك بكل التفاصيل ان شاء الله

[Beeso]

أولا ألف مبروووووك وإنشالله عقبال ماتستلم وترخص ويسلم لو خدت نمرة جدو :)

بص عندك كام حاجة تبص عليهم وإنت بتستلم :

1. أنا مش عارف إنت حاجز وكيل ولا خليجي بس بيتهيألي خليجي طالما حتستلم فخلال أسبوع المهم اتاكد هي أنهي مواصفة عشان كل الناس بتقول ابعد عن الأردني وخليك في السعودي طبعا حتقولي اعرف منين أولا حتسأل الراجل بتاع المعرض وتتأكد بنفسك من الحديدة اللي بتبقى عند باب السواق مكتوب فيها أنهي بلد واخر حاجة طبعا بتبقى مكتوبة في ورق الفرج الجمركي
2. بص على الاستبن وتأكد إنه منزلش على الأرض واذا كانت الفئة اللي فيها جانط اتاكد إن الستبن زي الجنط
3. اتاكد من كاسيت إنه شغال (إذا كانت الفئة العليا يبقى المفروض 6 Cd-changer MP3 )
4. اتاكد من port el-USB شغال
5. اتاكد من وجود الولاعة
6. جرب التكيف مده بسيطة بس
7. لو عربيتك فيها parking sensors اتاكد إنهم شغالين وانهم الأصلي مش متركبين برا (الأصلي بيكون داخل لجوا شوية مش بارز) في معرض بتنصب في الموضوع ده
   مش عارف إذا كنت نسيت حاجة ولا لأ ياريت لو نسيت حاجة رجالة كيا الكبار يقولوا

أرجو أكون افدتك ومتنساش دعاء الركوب وربنا يبركلك فيها

[mameen]

أولا ألف مبروووووك وإنشالله عقبال ماتستلم وترخص ويسلم لو خدت نمرة جدو :)

بص عندك كام حاجة تبص عليهم وإنت بتستلم :

1. أنا مش عارف إنت حاجز وكيل ولا خليجي بس بيتهيألي خليجي طالما حتستلم فخلال أسبوع المهم اتاكد هي أنهي مواصفة عشان كل الناس بتقول ابعد عن الأردني وخليك في السعودي طبعا حتقولي اعرف منين أولا حتسأل الراجل بتاع المعرض وتتأكد بنفسك من الحديدة اللي بتبقى عند باب السواق مكتوب فيها أنهي بلد واخر حاجة طبعا بتبقى مكتوبة في ورق الفرج الجمركي
2. بص على الاستبن وتأكد إنه منزلش على الأرض واذا كانت الفئة اللي فيها جانط اتاكد إن الستبن زي الجنط
3. اتاكد من كاسيت إنه شغال (إذا كانت الفئة العليا يبقى المفروض 6 cd-changer mp3 )
4. اتاكد من port el-usb شغال
5. اتاكد من وجود الولاعة
6. جرب التكيف مده بسيطة بس
7. لو عربيتك فيها parking sensors اتاكد إنهم شغالين وانهم الأصلي مش متركبين برا (الأصلي بيكون داخل لجوا شوية مش بارز) في معرض بتنصب في الموضوع ده
   مش عارف إذا كنت نسيت حاجة ولا لأ ياريت لو نسيت حاجة رجالة كيا الكبار يقولوا

أرجو أكون افدتك ومتنساش دعاء الركوب وربنا يبركلك فيها

شكرا لردك يا باشا على فكرة انا حاجز وكيل مش خليجي وموضوع اسبوع دة على بال ما الاجراءات تخلص
على فكرة الفئة اللي انا مختارها ex اللي هي من غير باركينج سينسور
هل في حاجة تانية المفروض اراجعها ولا لا

[NoRmAl]

مبروك مقدما وبأذن الله تستلم على خير
هو عاماً راجع كل حاجه فى العربيه بكل ما فى الكلمه من معنى
دوس على كل الزراير وراجع عملهم كلهم
وتعامل كأنك بتشترى عربيه مستعمله
ختى راجع على الصاج بأيدك
بردو شيك على العده و الكتلوج و الضمان
جرب طى الكنبه
وفتح الشنطه و البنزين من جوه
حتى الزماره
متسبش زرار بجد
وان شاء الله تستلم على خير

[M7amD_7amDy]

مبروووووك مقدما والوحوش قاموا بالواجب :)

[ghazy12]

ألف مبرووك و ربنا يديك خيرها و يكفيك شرها ان شاء الله.........

[mameen]

متشكر جدا يا جماعة
انا النهاردة رايح بالليل استلمها ادعولي

[hazemhassan]

10000 مبروووووووووك

[matrix_2010]

الف الف مبروك بس عايز اسأل انت ازاي استلمت بسرعة كدة مش الفروض في مدة كبيرة حوالي شهر بين الحجز والاستلام

يات ريت تفيدنا.......

[matrix_2010]

الف الف مبروك بس عايز اسأل انت ازاي استلمت بسرعة كدة مش المفروض في مدة كبيرة حوالي شهر بين الحجز والاستلام ؟

يات ريت تفيدنا.......

[madoo_600]

السيراتو ex وكيل متوفرة بالسعر الرسمي استلام فوري عند بعض الموزعين اللي عايز يستلم ex بالرسمي يكلمني وانا اسلمه امبارح مش النهارده

[madoo_600]

حضرتك ممكن اعرف اسم الموزع مين لانه جايز يكون احنا على الاقل نعمل معاك الواجب

[mameen]

الحمد لله انا إستلمت امبارح ومبسوط جدا من العربية
انا اشتريت من موزع معتمد اسمه عربيات في المهندسين عند مسجد الحامدية الشاذلية
وزيادة عن السعر الرسمي حوالي 700 جنية (أنا شفتهم مش كتير) وهما ناس محترمين جدا ومتعاونين وسلمولي كل حاجة وراجعة معايا كل حاجة وجربنا كل الزراير من غير ما أطلب انا

[Elsayed]

مبروك يا باشا الاستلام وتكون خير عليك