عايز اركب زينون للفوجات وخايف

[mastr_n]

واللة يا رجالة بجد عايز اركب زينون للفوجات بس مش مهم العالى ولا الواطى بس خايف من الكلام الى سمعتة انة لما تركب الزينون الكاسيت يقلب لوحدة والكلاكس ما يضربش والكلام دة
ممكن اى حد معاة نيو سيراتو بس يكون معاة خليجى زى حالاتى كدة وركب الزينون للفوجات ينصحنى اركب اية ونوع الزينون والمبة والكلام دة؟

[Mshawky]

متابع معاك لانى نفس الكلام

[Beeso]

وانا معاكم :)

[mastr_n]

واللة يا رجالة واضح ان الموضوع مهم بس مش عارف ماحدش عايز يخش يفيدنا
ولة شكلة سر كبير
ربنا يبعت

[Amr A.salam]

بس خايف من الكلام الى سمعتة انة لما تركب الزينون الكاسيت يقلب لوحدة والكلاكس ما يضربش والكلام دة
ممكن اى حد معاة نيو سيراتو بس يكون معاة خليجى زى حالاتى كدة وركب الزينون للفوجات ينصحنى اركب اية ونوع الزينون والمبة والكلام دة؟

أولاً الكلام اللي أنت سمعته صحيح

أنا معايا سيراتو خليجي زي حالاتك وركبت زينون في الفوجات وفي النور الواطي

النتيجة:

1-شكل جميل .....(يا فرحتي)

2-اضاءة مش قوية أوي زي ما كنت متوقع نظراً لشكل الكشاف اللي بيشتت الاضاءة جداً ...يعني من الاخر اللي هيركب زينون في النور الواطي ما عملش أي حاجة غير أنه خلى الاضاءة لونها أبيض

3-اضاءة الفوجات قوية جداً (أقوي من الفوجات الأصلية بمراحل....ولكنها بتبقى ضاربة في الأرض فمش كفاية انك تمشي بيها بس من غير ما تشغل النور الواطي)

4-كل دة مش مهم....المهم هو أني لما بشغل النور الواطي أو الفوجات وأكون حاطط فلاشة ...الفلاشة بتفصل وترجع من الأول

وتقريباً دة لأن الزينون بيستهلك كهرباء كتير جداً أول ما بتشغله (يعني بيسحب أمبير عالي) فدة بيخلي اليو اس بي يفصل ويبدأ من الأول

ملحوظة: لو مشغل الراديو وشغلت الزينون والفوجات مش هيحصل حاجة خالص (يعني الصوت مش بيقطع مثلاً)

الخلاصة : أنا لو رجع بيا الزمن مش هركب زينون في النيو سيراتو.....وبفكر لما أزهق أروح أركب اللمبات القديمة تاني واستعوض ربنا في ال750 جندي اللي دفعتهم...

[xShadow]

أولاً الكلام اللي أنت سمعته صحيح

أنا معايا سيراتو خليجي زي حالاتك وركبت زينون في الفوجات وفي النور الواطي

النتيجة:

1-شكل جميل .....(يا فرحتي)

2-اضاءة مش قوية أوي زي ما كنت متوقع نظراً لشكل الكشاف اللي بيشتت الاضاءة جداً ...يعني من الاخر اللي هيركب زينون في النور الواطي ما عملش أي حاجة غير أنه خلى الاضاءة لونها أبيض

3-اضاءة الفوجات قوية جداً (أقوي من الفوجات الأصلية بمراحل....ولكنها بتبقى ضاربة في الأرض فمش كفاية انك تمشي بيها بس من غير ما تشغل النور الواطي)

4-كل دة مش مهم....المهم هو أني لما بشغل النور الواطي أو الفوجات وأكون حاطط فلاشة ...الفلاشة بتفصل وترجع من الأول

وتقريباً دة لأن الزينون بيستهلك كهرباء كتير جداً أول ما بتشغله (يعني بيسحب أمبير عالي) فدة بيخلي اليو اس بي يفصل ويبدأ من الأول

ملحوظة: لو مشغل الراديو وشغلت الزينون والفوجات مش هيحصل حاجة خالص (يعني الصوت مش بيقطع مثلاً)

الخلاصة : أنا لو رجع بيا الزمن مش هركب زينون في النيو سيراتو.....وبفكر لما أزهق أروح أركب اللمبات القديمة تاني واستعوض ربنا في ال750 جندي اللي دفعتهم...

يعني مفيش أمل ؟ أي نوع تاني ممكن يفرق أو أي حاجة ؟

ملحوظة: إنت ركبت نور واطي زائد فوجات ب-٧٥٠ بس ؟

[ahmedhussein85]

انا برضو عندي نفس المشكلة يا جماعة الفلاشة بتفصل لما اشغل الزينون
عيب قوي والله دي محصلتش معايا في الاسبيرانزا.
بالمناسبة انا معايا سيراتو وكيل
ياريت الي يعرف حل للموضوع دا يفيدنا

[mastr_n]

يارجالة نفسى واحد يدخل يشارك ويقول انا ركبت زينون وماعنديش مشاكل خالص
واحنا نبوس ايدة ويقولنا مين الكهربائى الى ايدة تتلف فى شكرتون وركبهولة:10d5c8~1107:


وبعدين الغرض من الموضوع دة نعرف ان مشاكل الزينون فى السيراتو فردية ولا بشكل جماعى واعتقد ان احنا هنا فى القسم كعدد ملاك عددنا مش قليل

ياريت الكل ويدخل ويشارك:10d5c8~1107::b4_033:

[medoxmedox]

يا ريت يا جماعه ترفعولنا صور السيراتو و الزينون شغال
عاوزين نشوف شطكلها بالزينون جامد واللاايه
انا كنت بفكر اركب رينجات و زينون في الفوجات بردو

[Atrees]

بلاش احسن - الزينون اصلا ممنوع مروريا ودي كفاية - وبعدين نور العربية اصلا زي الفل - يعني الموضوع شكل بس - متهيالي ان مشاكلة اكتر من فوائدة فبلاش احسن

فعلا كهربا العربية مظبوطة علي الشعرة ودي حاجة كويسة - فروق الاحمال ممكن تعمل مشاكل اكتر من الفلاشة لا قدر الله


معلومة مهمة - الطول الموجي للون الاصفر الكثر من الطول الموجي للون الابيض وبي كدة اللون الاصفر يدي اضاءة احسن ولمسافة اطول من الزينون - كل بلاد العالم بتحط شبورة اصفر عشان الضباب - سيبك من حركات الزينون دا - الزينون لو مش زي المرسيدس والب ام يبقي مالوش لازمة

[SMSMRACE]

متابع ياهتمام جدا جدا

[A.Saad]

طب ما تركبوا لمبات زى الاصلية بس اعلى

[think_pad]

مساء الخير يا جماعه
أنا لسه شاري سيراتو كوبيه
وركبتلها زينون في الشبوره عند عربكم
ومفيش أي حاجه من الي بتقولو عليها دي حصلت عندي
ولسه كمان حركبلها في الواطي بس مستنى ارخص عشان فلوسي خلصت
وعلى فكره العربيه خليجي مش وكيل

[xShadow]

مساء الخير يا جماعه
أنا لسه شاري سيراتو كوبيه
وركبتلها زينون في الشبوره عند عربكم
ومفيش أي حاجه من الي بتقولو عليها دي حصلت عندي
ولسه كمان حركبلها في الواطي بس مستنى ارخص عشان فلوسي خلصت
وعلى فكره العربيه خليجي مش وكيل

ادى بجد ؟ أخيراً حد يطمني .. طيب ركبت النوع الصيني ولا الكوري ؟

[think_pad]

الصيني
ضمان 6 شهور