سؤال عن السيراتو قد يفيض البعض

[احمد عزت]

دلوقتى وبعد استقرار اسعار السيارة السيراتو فى السوق نسبيا اصبح الاتجاة الاغلب الى الخليجى وبالاخص من ناشيونال موتورز وجابر عبد الشهيد
وهناك موديلين فى رأى هم الانسب نوعا من حيث السعر مقابل القيمة

الموديل الاول
:باور.راديو سى دى .طارة مالتى.زجاج .سنتر.مرايات كهربا.ايرباج للسائق.جنط 16.تكيف عادى.ريموت.فوجات.اشارات بالمرايات.فراملabs.مقابض بلون السيارة .mp3

الموديل الثانى:يزيد عن الاول بايرباج كمان .تكيف تاتش.فتحة سقف
لكن لايوجد abs.
السؤال هنا ودة الاهم
عند ناشيونال موتورز
الاسعار الموديل الاول 105 والثانى 110 ولما تسألهم عن موضوع سعودى وكويتى والكلام دة يقولولك دة كلام فاضى احنا بنستورد من المصنع الام بكوريا وما تفرقش وعندنا مراكز صيانتنا وبنديك ضمان سنة وتقريبا 20 الف كيلو

عند جابر عبد الشهيد
الموديل الاول ب 107 والثانى ب 111
بس فى شوية اختلافات ان الاتنين مقابض نيكل .abs.one air bag
الاختلاف ان التانى بيزيد فتحة وتكيف تاتش وسى دى 6 شانجر
بس الضمان بتدفع علية 1500 جنية يعنى الاسعار كدة
108.5 112.5 بس سعودى وهمة مهتمين اوى بالموضوع دة ومصدرينها اوى وعملينها اساس دعايتهم


فما حقيقة الامر فى موضوع السعودى والكيويتى وهلى الفرق الصغير دة يستاهل واصلا ما مدى مصداقية الاتنين
نسيت اقولكم ان التسليم فورى بجميع الالوان
وعلى فكرة انا معايا نيو اكسنت ولسة جايبها جديد بس حبيت اعمل الموضوع المتواضع دة يمكن حد يستفيد بية وكمان علشان الواحد يستفاد من خبرتكم فى المنتدى.....اسف على الاطالة

[hazemhassan]

انا شوفت موديلات كتير عند ناشونال وكان من ضمن الموديلات ان فى موديل فيها كاميرا مش عارف دة حقيقى ولا....وحكاية الضمان دى مش عارف بكام والحد الاقصى يالسنوات ولا بالكيلوات
وموضوع جميل ياباشا

[احمد عزت]

متابع باهتمام

[NoRmAl]

شكرا على حرصك
أعتقد ان الراجل الى قالك مفيش فرق بين السعودي و الكويتى و كدا هو الى كلامه فاضى
لان دى حاجه معروفه و هو عايز يبيع و خلاص.
بس الموديلين دول أوتوماتيك صح؟!

انا شوفت موديلات كتير عند ناشونال وكان من ضمن الموديلات ان فى موديل فيها كاميرا مش عارف دة حقيقى ولا....وحكاية الضمان دى مش عارف بكام والحد الاقصى يالسنوات ولا بالكيلوات
وموضوع جميل ياباشا

مشفتش واحده فيها كاميرا غير الكورى

[maheroz]

انا جايب عربيتى من ناشيونال
مبدئيا هو بيديك ضمان سنة او 20 الف كيلو بس انا طبعا مش متاكد من جديته , هو بيختملك الضمان اللى مكتوب بخط الايد
ثانيا انا برده قاللى كلام انه جاى من كوريا بس بصراحة مش عارف مدى مداقيته..انا حاسس انه مش صادق
بخصوص الكاميرا دى موجودة فى الفورتى..اللى هى الversion اللى بتنزل لامريكا
حتى فى موقع كيا تلاقيه كاتب سيراتو \ فورتى
و ربنا يوفقك ان شاء الله فى اختبارك

[احمد عزت]

اة همة اتوماتيك استبترونيك .......بس عموما انا بيتهيألى .....يعنى عن عدم تأكد
ان افضل حاجة كدة فى السيراتو

لو قلبك جامد وعايز اوبشن بسعر اقل شوية هات سعودى من اى حتة بقى المهم تكون سعودى

لو مش قلبك جامد وبتخاف من عيوب الصناعة اللى مش شرط تكون فى الموتور او الفتيس ممكن تكون فى التقفيل فى الكاسيت فى الدركسيون فى الكهربا فى المارش وحتى فى الفرش
ساعتها ما ادامكش غير التوكيل وضحى شوية بالكماليات مقابل ضمان ال 5 سنين......

[د.محمود صلاح]

اعتقد السعودي فقط أعلى فئة هي اللى فيها المرايات ذاتية التعتيم autodim صحيح ؟

[Ahmed Samy]

السعودي أضمن

ده رأي بسبب :

1 - عربيتي سعودي و الحمد لله ما فيهاش مشاكل
2 - أنا عارف ان العربية سعودي لأن ده مكتوب على الباب


في حين ان اللي بيقولوا عليها كويتي مش مكتوب على القايم كده ...

3 - جابر عبد الشهيد سمعته أفضل من ناشيونال موتورز بكتيييير
4 - حتة بلدي بقى (أمال السعودي أغلى ليه لو ماكانش أحسن) ههههههه

[ledo7]

كلهم صناعة كوري 100%
الفرق كوريا صدرتهم للسعودية او للكويت
وبعدين التجار استوردتهم من السعودية او الكويت

[aalim]

و اللى بضمان الوكيل معموله فى كوريا برضه و تقفيله بنفس جوده الخليجى و الفرق فى الاوبشن بين الموديلات
و الاتجاه الى الخليجى سببه تأخر تسليم الوكيل و الخليجى ارخص
لكن مخاطرة بدون ضمان ثانيا الوكيل بيحارب الخليجى و ممكن لو حصل مشكله فى العربية يا اما يبيعلك قطع الغيار اغلى او يمطوح فيك زى ما شفت و انا فى توكيل القطاميه واحد معاه خليجى و الفتيس حصل فيه مشكله و قالولوا لازم يتغير ب28 الف جنيه
و لو الوكيل بيسلم بسرعه ماعتقدش الخليجى كان يتباع بالكميه دى
و من ناحيه تجار الخليجى بيوهموا الناس ان الخليجى تصنيعه افضل و انها مستوى تانى غير اللى فى مصر عند الوكيل و ده غلط ناهيك عن النصب فى الموديلات و اللى بيركبولها باركينج سينسور و يبيعوها على انها موديل اعلى و يقوللك خليجى اردنى و سورى ويتوهك و فعلا الافضل فى هذه الحاله السعودى

فى كل الاحوال كون السيراتو بتتباع وكيل او خليجى ده اثبات على النجاح الكاسح للعربيه و اللى من كتر ما الناس بتتهافت عليها بتشتريها من غير ضمان و مش فارق معاهم

[hossam_elwani]

السؤال الى بيطرح نفسه ليه سعرها نزل قوى كده عن اول ما طلعت ؟؟؟

الفرق حوالى 10000 جنيه طبعا انا بتكلم عن الخليجى

[Ahmed Samy]

لأن العربية رخيصة أساسا مش غالية

الخليجي كان بيصطاد في مية الوكيل العكرة

[eggroup]

ا. أحمد عزت

أشكرك بشده على عذا الموضوع و ربنا يبارك لك فى الأكسنت بتاعتك.

[eggroup]

فى سؤال ساذج عايز أسأله، هو كيا لما بتنتج العربيات على خط الأنتاج بتقول يا جماعه الخط ده النهارده بتاع السعودية فوضبوه شويه و بكره خط الكويت لكلكو فيه و الا بتنتج السيارة اللى بتحمل أسم كيا و مسئوله عنه لأى مكان فى العالم؟!

هل هناك طلمبة بنزين فرز تانى لما تيجى تعمل العربيات اللى رايحه الأردن مثلا -ده بافتراض أنه و هى على خط الأنتاج عارفه العربيه دى رايحه فين- تقوم حاطه الطلمبه دى فيها.

أعتقد أن الموضوع كله فتاوى مصريه و حروب كلاميه بين الوكيل و المستوردين و أحنا المستهلكين مصدقينه من غير ما نعمل عقلنا.

و الله أعلم.

[sherifahmed]

سؤال ساذج عايز أسأله، هو كيا لما بتنتج العربيات على خط الأنتاج بتقول يا جماعه الخط ده النهارده بتاع السعودية فوضبوه شويه و بكره خط الكويت لكلكو فيه و الا بتنتج السيارة اللى بتحمل أسم كيا و مسئوله عنه لأى مكان فى العالم؟!

هل هناك طلمبة بنزين فرز تانى لما تيجى تعمل العربيات اللى رايحه الأردن مثلا -ده بافتراض أنه و هى على خط الأنتاج عارفه العربيه دى رايحه فين- تقوم حاطه الطلمبه دى فيها.

أعتقد أن الموضوع كله فتاوى مصريه و حروب كلاميه بين الوكيل و المستوردين و أحنا المستهلكين مصدقينه من غير ما نعمل عقلنا.

و الله أعلم.

هو دا الكلام