الألوان الأفضل فى الكارينز

[hany667]

إخوانى الأعزاء
كنت على وشك إستلام الكارينز الهاى لاين جافا براون ولكن للأسف جاء اللون الداخلى لها بيج وطبعا دة مستحيل أقبل بة لأن الأولاد حيخللوة بنى وبالفعل لى سيارة على اسمى عند محمد زكى ولكن قررت التأجيل للمرة القادمة إن شاء الله إستلام منتصف مارس
وبصراحة أنا حيران كان نفسى فى اللون الأسود ولكن مشكلتة فى البهدلة وكمان الدفعة القادمة ألوانها سيلفر تيتانيوم وبترولى
عموما أحب مشاركتكم معى فى إختيار اللون طبعا هى أذواق ولكن أود أن أعرف الذوق العام يفضل إية .
عموما الألوان اللى بأفاضل بينها هى :-
1- الأسود طبعا فرش غامق (اسود أو رمادى)
2- الجافا براون مشكلتة أنة 99.9% فرشة الداخلى بيج
3- التيتانيوم سيلفر فرش غامق (اسود أو رمادى)
أرجو منكم المشورة وشكرا لمشاركتكم

[احمد عزت]

يبقى خليك فى التيتانيوم سيلفر ......او الاحمر النبيتى لو فرشة الداخلى مش بيج

[hany667]

شكرا لمشاركتك
من سيدلى بدلوة

[mohamedhamam]

اللون الأسود له بريق خاص مهما كانت عيوبه

[hany667]

شكرا لك
كدة النتيجة 1 أسود * 1 تيتانيوم سيلفر
يا مسهل الحال
من القادم

[dido76]

التيتانيوم سيلفر -- لون جميل و عملي -- فرش غامق -- تسليم الدفعة الجاية -- بعيد عن اي لون اعتيادي في التاكسيات

[hany667]

شكراً لك ديدو
النتيجة 2 تيتانيوم سيلفر / 1 اسود
يالا ياشباب أخوكم محتار بشدة

[mahmoud_magdy]

هو الفرش البيج مش وحش في نظري
لسبب مهم جدااا لو الفرش جلد انو مش هيسخن من الشمس والحراره زي ما اللون الاسود بيسخن (لا مش بيسخن دا بيولع)
بس عموما انا بشجع اللون الاسود برغم عيوبه ولكن له بريقه الخاص
وبشجع السيلفر لعدم ظهور التراب فيه
لكن بشجع برده النبيتي لونه حلو اوي في الكارينز
يبقى الاسود اولا والنبيتي ثانيا والسيلفر ثالثا

[mohamed_selim]

و اخبار البترولى ايه؟
انا ما شوفتش اللون ده خالص ....

[hassanelsayed]

السلام عليكم

اخي العزيز هاني فين حاجز الكارينز الهاي لاين وهل انت فعلا شوفت الهاي لاين موجودة بالمعرض وماهي الoptionالزيادة بالنسبة للالوان الاسود ثم التيتانيم

[cameeron]

يبقى خليك فى التيتانيوم سيلفر ......او الاحمر النبيتى لو فرشة الداخلى مش بيج

راى مظبوط جدا

[heshamsalah]

إخوانى الأعزاء
كنت على وشك إستلام الكارينز الهاى لاين جافا براون ولكن للأسف جاء اللون الداخلى لها بيج وطبعا دة مستحيل أقبل بة لأن الأولاد حيخللوة بنى وبالفعل لى سيارة على اسمى عند محمد زكى ولكن قررت التأجيل للمرة القادمة إن شاء الله إستلام منتصف مارس

يا نهارك أبيض الكارنز الهاى لاين جتلك وسبها؟
ده نفسى فى الجافا ده
الكلام ده حصل امتى؟
شفتها بعينك؟
يا ريت تفاصيل أكثر بارك الله فيك

[hany667]

اخى العزيز / حسن
أخى العزيز / هشام
لكم أرق تحياتى
الكارينز الهاى لاين موجودة ولكن بعدد محدود جداص ومش لأى حد يعنى فيها معارف والحمد لله تعرفت على شاب رائع عند محمد زكى وهو اللى خدمنى فعلاً محبة فى الله والمشكلة أن أنا لما حجزت العربية الهاى لاين كان أخر لون موجود هو الجافا براون وطبعاً هو لون رائع لكن المشكلة أنة لما وصل علمت ان لون الفرش الداخلى بيج ودة هى المشكلة بالنسبة لى من ناحية عملية ولادى حيخللوا البيج بنى (ههههه)
بس والله العظيم موجودة حتى الأن على أسمى وانا دافع 61000 جنية من تمنها يعنى 50%من قيمتها والمحاولة الأن أن هناك أحد العملاء حاجز أسود وفرش أسود هناك محاولة معة لكى يأخذ الجافا براون وربنا يسهل ودعواتكم
أما الزيادات فأنا لم أشوفها على الطبيعة لأننى من الأسكندرية ولم أسافر القاهرة حتى أراها ولكن علمت أن بها فرامل أية بى اس و2 اير باج وطارة مالتى فانكشن و جنوط 16" وتقريباً فوج لايت ومفتاح بريموت ولو فى شىء أخر سأبلغكم بة
شفتم أنا فى حيرة إزاى وعموماً ربنا ييسر الأمر من عندة ويدلنى على الصواب أو أنتظر للتسليم القادم وخصوصاً إننى مع سيارتى يعنى مش مستعجل وأسف للإطالة وتحت أمركم فى أى إستفسارات.

[hany667]

كدة النتيجة 3 تيتانيوم سيلفر / 2 أسود
يالا ياشباب

[MMMERO]

تيتانيوم سيلفر طبعا ياباشا الاسود بيترب بسرعة والجو عندنا ماشاء الله وهتتعب اوى معاة وربنا يوفق انشاء الله