أخيرا كارينز كاملة من الوكيل

[Diaby]

شكرا على الافادة
بس ياريت هى ايه كماليات الخليجى
هو لو تبقى زيادة عن الوكيل فتحة سقف ومخدع امامى وواحد خلفى وفوج لايت وكنبة تالتة وتكيف تاتش ومريات ضم وباشارة وبلون العربية تبقى عربية روعة

[HSultan]

إنطباع أول بعد ٣٥ كم
موش عارف أبتدى إزاى مع إنى قارئ قديم لصحافة السيارات - سبور أوتو اللبنانية من ١٩٨٣
وكمان أنا سيارتى سكودا أوكتافيا A5 ودى سيارة زوجتي
الموضوع محتاج تعوٌد لإختلاف الإرتفاع عن الأرض :

- السيارة فضي فرش إسود ( إخترت الفضى لأنه لون فاتح يعكس الشمس و لا يظهر عليه الغبار بسهولة والداخلى إسود حتى لا يفسده الأطفال بسهولة )

-العربية متجاوبة بالنسبة إنها بتلين وصلت 120 على المحور وأنا موش واخد بالي حسيت إنه إنه نفس أداء الڤيرنا 1600 A/T وهى السيارة السابقة.

- العفشة معقولة ومتماسكة بس هى من السيارات التى توصل الإحساس من خلال الدركسيون بإختلاف طول الكبالن عن بعضهم إلي هو إن "فى عجلة بيوصلها عزم أكتر من الأخرى" وذلك لوضعية المحرك العرضية.

- الهاي لاين بالذات عليها كاوتش ميشلان ألماني (أُم الكوري :) ) مقاس ونوع الكاوتش فـــــارق.

- السيارة خارجة من المصنع أواخر أكتوبر ٢٠٠٩.

- واسعة من الداخل للركاب في الأمام وفي الخلف واسعة جداً.

- هذا ومازالت هذه الـ High Line بحر من التجهيزات الناقصة.
زي :-
1- تكييف تاتش وبيان درجة الحرارة بالخارج
2- فوج لايت أمامي خلفي.
3- تصفيحة معدنية أسفل المحرك والفتيس :(
4- حساسات مطر وحساسات ركن خلفية .
5- مرايات بضم كهربائي ومراية الرؤية الخلفية تعتيم ذاتي مع البوصلة والكاميرا الخلفية.
6- اشارات في المرايات - ولا حتى إشارة عادية بدلها في جسم السيارة !! :(
7- مسند للمرفق ومسند وسطي خلفي (عيب سخيف في سيارة الوكيل)
8- ومقابض أبواب وجرايد جانبية وشبكة أمامية نيكل .
9- ديكور داخلي من الكروم .
10- فرش قماش مخصوص أو جلد .
11- كمبيوتـر رحـــلات.
12- كنبـــــة ثالثــــــــة.
13- المالتى فانكشن مكان أزرار مثبت السرعة فاضي.
14-ESP Electronic Stability Program
15- Side Air Bags.
16- كراسي كهرباء بالسخان.
17- جلد طبيعى على عجلة القيادة و ذراع الفتيس.
18- قفل السرقة على الجنوط.

لم أستدل على مكان توصيلة الـ AUX or iPod أنا كنت فاهم إنها موجودة فى الـ HighLine
قالوا لي إن التوكيل سيغير الكاسيت لأن أزرار المقود لا تعمل.

آخر خبر - قالوا لى إن السعر رجع ...١٢٧ ثاني " بس نفذوا معايا ١٢٤٠٠٠ "17Feb2010

[heshamsalah]

يا خسارة أنا كنت عايز حساسات الركن

[mohamedhamam]

شكراً لمجهودك

[hassanelsayed]

مبروك ويعطيكم الله خيرها ويكفيكم شرها وشكرا لك

[helmy537]

طب مالخليجى احسن يارجاله لان فيها كل النواقص دى ولا ايه رايكوا

[HSultan]

كل الخليجى إلى شوفتوا هذه الأيام كان نفس هاى لاين الوكيل ( أنا شايف إنه لا ينطبق عليها إسم هاى لاين وهو إسم مصرى طبعاً)
الفرق فى نوع الكاسيت ( أفضل للخليجى ) ويوجد مسند للمرفق كما إن الخليجى تحتوى واحد إيرباج فقط ولا تحتوى على ستارة الشنطة وبيطلبوا 118000 فطبعاً فرق 4000 للضمان 5 سنوات أو 100000كم لمصلحة سيارة التوكيل 18Feb2010

[Ahmed_Gadalah]

كل الخليجى إلى شوفتوا هذه الأيام كان نفس هاى لاين الوكيل ( أنا شايف إنه لا ينطبق عليها إسم هاى لاين وهو إسم مصرى طبعاً)
الفرق فى نوع الكاسيت ( أفضل للخليجى ) ويوجد مسند للمرفق كما إن الخليجى تحتوى واحد إيرباج فقط ولا تحتوى على ستارة الشنطة وبيطلبوا 118000 فطبعاً فرق 4000 للضمان 5 سنوات أو 100000كم لمصلحة سيارة التوكيل 18feb2010

الخليجي فيها كنبه تالته؟؟؟

[HSultan]

كلا لا يوجد كنبة ثالثة في الكارينز الـ ١٦٠٠ الموجودة في مصر خليجي أو وكيل