اوحش سيارة

[NoRmAl]

علي فكره ابن عمي عنده ميجان 2008 بقلاوه يا عيني بيعيط كل ما يزود ميه الكمتيور بهنج

ويقولوا يلا بينا ع التوكيل والكاوتش كله بلالين زي السيراطو وعارف جايبها 140000

دي الوقتي جايبه 70000 ربنا يكرمك خيرها

بص يا أمين خلينا منبقاش غالطانين زى الناس الى أحنا بنعيب عليهم
الميجان عربيه ممتازه
وكذلك الحال فى عربيه قريبك قد تكون حاله فرديه
بنعيب على الى بيهاجموا السياره أنهم مش فاهمين العيب الفردى من عيب الصناعه
عارف انك معاك العربيه و متحمس تجاها لكن وجب التنويه :))

[Kazzaz]

السيراتو وحشة قوي - محدش يشتريها تاني - خلينا راكبين عربيات مميزة شوية

ممممم .. مشكله السيراتو انها حلوه بذياده خلت ناس كثير اوي تشتريها .. كثير اوي ..

انت طيب متاكد ان الصوت بتاع الفرامل ده مكانش abs ? و بعدين لما يبقي العيب اصوات مش للدرجه دي تبقي زباله يعني .. و بعدين يعني كل الناس اللي مشترياها في مصر محدش اشتكي يعني .. اعتقد ان المفروض كنت تروح علي التوكيل الاول قبل ما تبيع

[Hosam_Optrawy]

ربنا معاك ويعوضك خير

واضح جدا ان حظك وحش واكيد دى مشكله فرديه

فى توكيل ميعرفش يحافظ على سعر عربيتة ؟ انا اشتريت العربية ب129000 بعد اسبوع اصبحت ب 121000 طيب دة اسمة كلام؟ دى غلطة التوكيل السمح لكل من هب و دب يستورد العربية و يبيع بمزاجة . دة نصب

مش انت بتقول ان عربيتك خليجى

التوكيل ماله ومال اسعار الخليجى ؟

وانت ازاى تشترى عربيه خليجى بدون ضمان وكمان اغلى من التوكيل

دا قرارك والمفروض تتحمله ماتشتكيش من التوكيل

بالعكس دا توكيل محترم جدا انه لحد اللحظه دى ماغلاش السعر بالرغم من ان بقاله حوالى سنه الضغط على العربيه الله ينور

عموما ربنا يوعدنا بكخه كوبيه ولا Sx حتى :)

[sherif2net]

عموما ربنا يوعدنا بكخه كوبيه ولا sx حتى :)

بجد مكنتش هرد بس الحتى دى موتتنى من الضحك:pointi~2[2]:

[hobiko]

بصو سبونا من كل الكلام إلي اتقال عادي سمعنا أكتر من كدة على العربية و عادي

إلي أنا مش فهمه فعلاً الحتة دي

فى توكيل ميعرفش يحافظ على سعر عربيتة ؟ انا اشتريت العربية ب129000 بعد اسبوع اصبحت ب 121000 طيب دة اسمة كلام؟ دى غلطة التوكيل السمح لكل من هب و دب يستورد العربية و يبيع بمزاجة . دة نصب

إيه ذنب الوكيل في إن أسعار الخليجي أعلى منه

ولا إيه ذنبه حتى إن فيه عربيات خليجي أصلاً

هو المفروض يقبض على التجار و يمنعهم من الإستيراد

ولا يتخانق مع الحكومة إلي سامحة بإستيراد العربيات

هو كان فيه حد أجبر حضرتك على شراء الخليجي دة قرار حضرتك تماماً

[SENNI55]

انا مش فاهم انت بتتكلم فى اية . بقوللك جايبها بورقها و سمعت فيها اصوات الدنيا و الاخرة. انا كنت راكب 206 بيجو مسمعتش فيها غير الكاسيت . دى منظر بس و بعدين الاخ بتاع المميزة دئ انا مش شايف انها بقت مميزة انا بشوفها اكتر من ال فرنا دلوقتى .دى كل من هب و دب راكبها و على فكرة و حيات اللة انا الى اشتراها منى من الباجور فى المنوفية و بيشتغل جزار, ثانبا الاخ بتاع العربيات الخليجى و التوكيل طيب ما عندك الكروز الوكيل محافظ على سعرها و مش سامح لحد باستيرادها مع انها خلاص فى نظرى زبالة بردة عشان كورى

[SENNI55]

ثالثا الخ بتاع المشكلة الفردية يا ريت تقرا المشاركة البعدى و احد تانى عندو مشكلة الصوت الى بيزيق دة و كمان تكة التفيس و دى حصلت معايا بردو

[belal3001]

انا عامل 18000 كم و العربية بالنسبالى احسن واحدة فى فئتها - انا معايا الوكيل

[night_phoenix]

والله منتا مزعل نفسك يا شيخ
هوة انت مقامك كيا ولا كوري... لالا ارمي يا راجل من ورا ضهرك دي حتي اي كلام و كل الناس مش بتحبها و بتقلب لوحدها اول ما تشغلها و بتنط كمان ...حضرتك كمل علي تمنها و اشتريلك فيرنا وريح بالك
سيب الكوخه اوي دي لينا ولو حد من اصحاب سعادتك برضه عنده كوخه ياريت يبعها او يتبرع بيها ... عارف لما سعادتك تركب المستويات الهاي فاي باي زي الفيرنا و في ناس زي سعادتك بيقولو الافيو جلالتك هتترتاح و يا باشا يا باشا ونت بتسمع الكاسيت لوحده باه هوهووو
انت ممكن تشتري عربيه حلوة مفهاش فرامل بتزيق
ولا فتحه سقف بتشخخل
وتبعد نفسك عن الشبهات والتوكيل الي مش عارف يظبط سعرة
واحنا متشكرين انك حاولت ترفع من معنوياتنا و تكرمت علينا ونزلت لمستوي الكوري و ركبت الكوخه بنت الكوخه دي برضه ده شرف لينا سعادتك
ويجعله عااااامر

[Atrees]

والله منتا مزعل نفسك يا شيخ
هوة انت مقامك كيا ولا كوري... لالا ارمي يا راجل من ورا ضهرك دي حتي اي كلام و كل الناس مش بتحبها و بتقلب لوحدها اول ما تشغلها و بتنط كمان ...حضرتك كمل علي تمنها و اشتريلك فيرنا وريح بالك
سيب الكوخه اوي دي لينا ولو حد من اصحاب سعادتك برضه عنده كوخه ياريت يبعها او يتبرع بيها ... عارف لما سعادتك تركب المستويات الهاي فاي باي زي الفيرنا و في ناس زي سعادتك بيقولو الافيو جلالتك هتترتاح و يا باشا يا باشا ونت بتسمع الكاسيت لوحده باه هوهووو
انت ممكن تشتري عربيه حلوة مفهاش فرامل بتزيق
ولا فتحه سقف بتشخخل
وتبعد نفسك عن الشبهات والتوكيل الي مش عارف يظبط سعرة
واحنا متشكرين انك حاولت ترفع من معنوياتنا و تكرمت علينا ونزلت لمستوي الكوري و ركبت الكوخه بنت الكوخه دي برضه ده شرف لينا سعادتك
ويجعله عااااامر

HAHAHAHAHAh GOAL

[homos99]

بصراحة انا شايف انها عيوب متستهلش انك تبيع العربية عشانها....

[romeo_6887]

لا تعليق ليا بصراحه
انا سوقتها من شهر و نص كده في زفه
و مكنش فيها اي حاجه

[cheetoslegend]

بالنسبة لل 126 الى كانت معاك ممكن تقولنا لونها اية عشان دة على فكرة بيفرق جدااااااا فى الاصوات الى انتى بتسمعها دية. حاجة تهلك من الضحك :pointi~2[2]::pointi~2[2]::pointi~2[2]:

[cheetoslegend]

أنا لو مكانك بصراحة بقى انزل اجيب حتة c 200

[M.ABDEEN]

قدر الله وماشاء فعل ........
واضح ان مشكلتك فردية وبعدين هو ده عيب الخليجي او اللي بيشتري من غير ضمان لو كانت وكيل عمرها ماهتكون كده خالص ولو كده كنت هتاخد واحدة تانية زيرو واعتذار رسمي من كيا كوريا وفوقيه بوسه كمان يا سيدي .........