أفيدونا أفادكم الله

[tamernor]

أخوكم مهندس مقيم بالسعودية وحوشت قرشين ونفسى اشترى عربية وبعد قراءات عديدة استقريت بنسبة كبيرة على كيا فروت الجديدة بس المشكله انى بنزل شهر وارجع تانى وخايف انزل احجز من التوكيل واستلمها السنة الجاية خاصة بعد شكوى الكثير من تأخر الوكيل فى التسليم ولا اشترى خليجى وامرى لله ولا اشتريها من هنا وانزلها مصر بس ياريت لو حد يعرف جمركها بالكامل يفيدنى ويقولى طريقة الحساب وهل فيه جمرك على الاوبشن مع العلم انى ناوى اشترى ال هاى لاين

[tamernor]

يا جماعة شهرين ومحدش عاوز يرد علينا

[ابو ليلى]

يا جماعة شهرين ومحدش عاوز يرد علينا

احنا اسفين جدا على عدم الرد ولكن فعلا محدش اخد باله من المشاركة الخاصة بيك ... نخش فى المهم

حضرتك بتقول انك مقيم فى السعودية يعنى اللى احنا بنستورد منها العربية لان اغلب السيراتو الخليجى الكل بيفضله سعودى

ولكن محتاجين نعرف سعرها ومصفاتها بالكامل عندك بكام علشان نقدر نقارن ونقولك سعر الجمرك كام وهل موديل السنة ولا لا علشان بتفرق فى الجمرك

ام بخصوص الوكيل فى مشكلة فعلا فى التسليم بيكون فى حوالى ما بين 3 الى 4 شهور وانت وحظك
وكمان فى مشكلة فى الوكيل لانه لا يقبل ضمان ولا صيانة الخليجى لحد الان

الاختيار ليك وفى كمان موضيع كتير بتتكلم على الموضوع ده والفرق بين الوكيل والخليجى ودى هتلاقيها فى المواضيع المثبتة فى اول الصفحة

محتاجين منك تقول مواصفات العربية وسعرها عندك بكام .

وتحت امرك فى اى استفسار

[ehab_osman]

الموزع المعتمد عنده عربيات تشتريها وانت واقف + زيادة في السعر

ام بخصوص الوكيل فى مشكلة فعلا فى التسليم بيكون فى حوالى ما بين 3 الى 4 شهور وانت وحظك
وكمان فى مشكلة فى الوكيل لانه لا يقبل ضمان ولا صيانة الخليجى لحد الان

لي اضافة صغيرة وغريبة في نفس الوقت ......لو رحت لموزع معتمد / أو معرض في السوق حتخدها علي طول بزيادة في السعر في حدود 4 الف جنيه ؟؟؟؟؟؟تقريبا

[timtim77]

انا ممكن افيدك فى حته الاسعار هنا فى مصر
هاى لاين سعودى ب 122 الف فيها كل حاجه من كماليات
هاى لاين وكيل ب 126 الف ناقصه مرايه تعتيم و بصمه ودلايات

[M7amD_7amDy]

هاى لاين وكيل ب 126 الف ناقصه مرايه تعتيم و بصمه ودلايات

تعديل بسيط بس ياباشا

تنقص مراية تعتيم + دلايات + كاسيت 6 أسطوانات

ويوجد بها بصمة او سمارت كى :)

[tamernor]

احنا اسفين جدا على عدم الرد ولكن فعلا محدش اخد باله من المشاركة الخاصة بيك ... نخش فى المهم

حضرتك بتقول انك مقيم فى السعودية يعنى اللى احنا بنستورد منها العربية لان اغلب السيراتو الخليجى الكل بيفضله سعودى

ولكن محتاجين نعرف سعرها ومصفاتها بالكامل عندك بكام علشان نقدر نقارن ونقولك سعر الجمرك كام وهل موديل السنة ولا لا علشان بتفرق فى الجمرك

ام بخصوص الوكيل فى مشكلة فعلا فى التسليم بيكون فى حوالى ما بين 3 الى 4 شهور وانت وحظك
وكمان فى مشكلة فى الوكيل لانه لا يقبل ضمان ولا صيانة الخليجى لحد الان

الاختيار ليك وفى كمان موضيع كتير بتتكلم على الموضوع ده والفرق بين الوكيل والخليجى ودى هتلاقيها فى المواضيع المثبتة فى اول الصفحة

محتاجين منك تقول مواصفات العربية وسعرها عندك بكام .

وتحت امرك فى اى استفسار

اولا لا داعى للاسف وشكرا على ردك
ثانيا انشاء الله هحاول اعمل تقرير عن اسعار ومواصفات السيارت الموجودة فى الوكيل هنا
وثالثا الامر لله وشكرا مره تانية

[tamernor]

لي اضافة صغيرة وغريبة في نفس الوقت ......لو رحت لموزع معتمد:y_hi_3[1]: / أو معرض في السوق حتخدها علي طول بزيادة في السعر في حدود 4 الف جنيه ؟؟؟؟؟؟تقريبا

استاذ ايهاب قريت معاناتك مع استلام السيارة ودى فرصة اقولك الف مبروك وربنا يديك خيرها ويكفيك شرها
فعلا عندك حق انا اتصلت بمعرض وقالى سعرها 130000وكيل قولتله انتوا فعلا بتاخدوا اوفر برايز قالى ايوه فواضح ان دا شى عادى دلوقتى