السيراتو الغلبانه

[NoRmAl]

السلام عليكم

طبعا كلنا عارفين النيو سيراتو الغلبانه
أم محرك بقوه 124 حصان محرك تعبان طبعا
وطبعا العربيه مشهوره بأن ممكن تطلع منها بعربيه كارو بحمارين "مش بحمار واحد علشان منظلمهاش بردو"
أو لو كنت رياضى شويه ممكن تجرى جنبها و تطلع منها بردو
ومن الاخر لو معاك عربيه أيه ممكن تطلع منها
العربيه ملهاش أيرودينامكس و الى صممها كان عم حسنى صاحب الكشك الى قدام كليتنا
الــ drag coefficient بتاعها بيساوى 1000 دا لو حد كان عارف يعنى أيه أساسا
من الاخر عربيه ملهاش فى حاجه و متستحقش تتقارن بسوزوكى ماروتى وأرجو ملاك الماروتى يعزرونى أنى نزلت بعربيتهم لمستوى النيو السيراتو التعبانه
ويا ريت لو حاد شاف السيراتو ماشيه فى الشارع "دا لو حد شافها أساسا لأنها مش منتشره علشان تعبانه" ينزل من عربيته و يطبطب على الى راكبها و مفيش مانع لو أداله حاجه فى أيده زكاةً عن أمواله.

بعد ما قلت كل الى عايز يقوله أى واحد مضايقاه السيراتو أوى
أو بينام يحلم بيها و يقوم مفزوع
أو لما بيشوفها فى الشارع بتجيلو كرشه نفس و مبيعرفش يكمل سواقه
أو كانت معاه و ندم أنه جابها أو مش معاه وفرحان أنه مجبهاش
يا ريت كل واحد بقى يخليه فى عربيته ويحمد ربنا على الى رزقه بيه
ويا ريت الى معهوش العربيه ميتكلمش عنها ولا يشتم أو يزم أو يقلل من قدرتها
أحنا راكبين صفيحه سمنه على أربع عجلات ومش مضايقين
الى مجبوهاش مضايقين من أيييييييييه؟؟!؟!؟
أحنا عالم أضحك علينا ومحدش ليه دعوه بينا
بكرر الى راكب ومالك العربيه و بيشتم فيها ممكن نقول دا رأيه و مينفعش نحجر عليه
أنما الى معهوش العربيه ميعرفش والى ميعرفش يقول هجس على رأى محمد ممدوح

[Mohamed.Ramah]

معلش هدى اعصابك مش مشكلة راى الناس المهم راى ملاكها بس العربية فيها كل دة لا حول ولا قوة الا بالله انا بدات اتوغوش هههههههههههههههههه هو عيبها خاماتها الداخلية مش جيدة زى الاوروبى وعفشتها الناشفة بسبب الجنط ال17 غير كدة العربية لا يعيبها حاجة وانا اساسا بفضل الكروز عنها

[Atrees]

معلش هدى اعصابك مش مشكلة راى الناس المهم راى ملاكها بس العربية فيها كل دة لا حول ولا قوة الا بالله انا بدات اتوغوش هههههههههههههههههه هو عيبها خاماتها الداخلية مش جيدة زى الاوروبى وعفشتها الناشفة بسبب الجنط ال17 غير كدة العربية لا يعيبها حاجة وانا اساسا بفضل الكروز عنها

Heheheheheheh Did you REALLY read what Normal Said !!!!!!!!!!!!

please read it AGAIN ...... هههههههههه والله موتني ضحك اضحك الله سنك

[Atrees]

السلام عليكم

طبعا كلنا عارفين النيو سيراتو الغلبانه
أم محرك بقوه 124 حصان محرك تعبان طبعا
وطبعا العربيه مشهوره بأن ممكن تطلع منها بعربيه كارو بحمارين "مش بحمار واحد علشان منظلمهاش بردو"
أو لو كنت رياضى شويه ممكن تجرى جنبها و تطلع منها بردو
ومن الاخر لو معاك عربيه أيه ممكن تطلع منها
العربيه ملهاش أيرودينامكس و الى صممها كان عم حسنى صاحب الكشك الى قدام كليتنا
الــ drag coefficient بتاعها بيساوى 1000 دا لو حد كان عارف يعنى أيه أساسا
من الاخر عربيه ملهاش فى حاجه و متستحقش تتقارن بسوزوكى ماروتى وأرجو ملاك الماروتى يعزرونى أنى نزلت بعربيتهم لمستوى النيو السيراتو التعبانه
ويا ريت لو حاد شاف السيراتو ماشيه فى الشارع "دا لو حد شافها أساسا لأنها مش منتشره علشان تعبانه" ينزل من عربيته و يطبطب على الى راكبها و مفيش مانع لو أداله حاجه فى أيده زكاةً عن أمواله.

بعد ما قلت كل الى عايز يقوله أى واحد مضايقاه السيراتو أوى
أو بينام يحلم بيها و يقوم مفزوع
أو لما بيشوفها فى الشارع بتجيلو كرشه نفس و مبيعرفش يكمل سواقه
أو كانت معاه و ندم أنه جابها أو مش معاه وفرحان أنه مجبهاش
يا ريت كل واحد بقى يخليه فى عربيته ويحمد ربنا على الى رزقه بيه
ويا ريت الى معهوش العربيه ميتكلمش عنها ولا يشتم أو يزم أو يقلل من قدرتها
أحنا راكبين صفيحه سمنه على أربع عجلات ومش مضايقين
الى مجبوهاش مضايقين من أيييييييييه؟؟!؟!؟
أحنا عالم أضحك علينا ومحدش ليه دعوه بينا
بكرر الى راكب ومالك العربيه و بيشتم فيها ممكن نقول دا رأيه و مينفعش نحجر عليه
أنما الى معهوش العربيه ميعرفش والى ميعرفش يقول هجس على رأى محمد ممدوح

thank you ......

[Hosam_Optrawy]

كل دا شايله فى قلبك وساكت :):)

انا بجد مش عارف امتى الناس هاتبطل تتكلم على العربيه دى

ومفيش اى تفسير غير ان العربيه دى مجننه الناس كلها بالنجاح اللى حققته سواء تجار ولا ناس معاهم عربيات تانيه او معندهمش عربيات اصلا

مفيش عربيه باعت زى السيراتو من ساعة ما نزلت

وبخصوص العيوب

العربيه طالع عليها سمعه ان خاماتها وحشه

انا الحقيقه كل ما اركب العربيه وادور على الخامات الوحشه ملاقيهاش

ياريت اللى بيقول ان خاماتها وحشه يتفرج عليها دلوقتى بالذات ال Sx

لان العربيه اختلفت شويه فى موديل 2010 عن 2009

فاللى شافها زمان يروح يتفرج عليها دلوقتى وياريت يصورها ويورينا الخامات الغير جيده

انا شخصيا مش شايف فيها اى عيوب غير ان مقاس الكاوتش بتاع الجنط ال 17 غير مناسب لشوارعنا

وان شاء الله لما اجيبها يا هاجيب ال Ex بجنوط 16 يا اما هاجيب Sx واغير مقاس الكاوتش اول ما اجيبها

شكرا على الموضوع ياباشا

[romeo_6887]

العربيه 100 فل و 14 و اللي يقول غير كده يبقي حرام عليه
انا شايف ان فيها عيبين بس زي اي عربيه في الدنيا فيها عيوب
خامات التابلوه و فرش الابواب مش قد كده بس التقفيل ممتاز
العفشه ناشفه مع الجنط ال 17
انا سوقت ال sx موديل 2010

و جمله drag coefficient
يعني معامل السحب او الجر

[VTEC]

على فكره يا جماعه النيو سيراتو بجد عربيه تمام انا جربتها ومكن اعمل موضوع اقول فيه رأيى بس عايز حد يشجعنى

[ahmed_2009]

و الى صممها كان عم حسنى صاحب الكشك الى قدام كليتنا

انت فى هندسة عين شمس

[TeMoON]

لا حول الله يارب كل دا فى قلبك يا normal وشايل وساكت الله يكون فى عونك وفى عون كل واحد جالة هسهس فى دماغة من الناس الى اتكلمت على السيراتو والى قالتة فى حق السيراتو اصل يا حرام السيراتو بتعيط عشان الناس بتجيب سيرتها مش فى خير فا ياريت من كل واحد زعلان من السيراتو يسامحها ومايقولش حاجة وحشة عليها عشان السيراتو عمالة تعيط من زمان ولسة دمعتها ما نشفتش فا يا كل واحد بيكرة السيراتو حرام عليكم تبهدلو السيراتو السيراتو بنت ناس بردو تردو يتعمل فى عربياتكم كدا مش عربياتكم ولاد ناس بردو فا كفاية كدا عشان بجد حرام الى بيحصل للسيراتو مش ذنبها ان ابوها وامها عملوها حلوة فا خلاص كفاية كدا (فاصل ونواصل) وسلملى على السيراتو وكل شركة كيا وكل كوريا وكل العربيات الى فى العالم وكل حاجة بتمشى ب 4 عجلات او ب 4 رجول او اى حاجة من ذوات الاربع فا يعنى الموضوع بجد مالوش لزمة الى انت عاملة عشان كل دا يا normal انت بدام العربية جميلة معاك وعجباك ومابتشتكيش منها وزى الفل الف مبروك عليك ياباشا وربنا يباركلك فيها ويكفيك شرها انما حد يتكلم يقول يعيد يزيد فا كل دا كلام فاضى بدام انت مقتنع بيها فى داهية اى حاجة تانية

[Horsepower]

على فكره يا جماعه النيو سيراتو بجد عربيه تمام انا جربتها ومكن اعمل موضوع اقول فيه رأيى بس عايز حد يشجعنى

معاك يا مااااااان ... بالمناسبة إن شاء الله في مقابلة للهونداوية بكرة بعد الصلاة و ناس كتير جاية من هوندا و غير هوندا ... تابعنا في الإجتماعي يا باشا.

@NoRmAl
إنت جبت المفيد في الآخر ... إللي ميعرف يقول هجس
خللي إللي يقول يقول المهم يعرف يجيبك وإنت سايق السيراتو علشان يقولك لأن غير كدة يبقى قال للي وراك

[Horsepower]

لا حول الله يارب ...

تصحيح "لا حول ولا قوة إلا بالله"
ربنا يبارك فيك

[Mohamed.Ramah]

انا الحقيقه كل ما اركب العربيه وادور على الخامات الوحشه ملاقيهاش

ياريت اللى بيقول ان خاماتها وحشه يتفرج عليها دلوقتى بالذات ال Sx

انا ركبتها اكثر من مرة كانتhigh line 2010 لونها اسود مع صاحبى وكان تعليقة وتعليقى على العربية ان خامات التابلوة غير جيدة والعفشة ناشفة والتنطيط واجمعنا انة بسبب الجنوط ال17 وصاحبى الثانى جايب الفاضية منها لونها بيج 2009 ودة باين بقى فيها موضوع الخامات اوى لانها مفيهاش كماليات زى الكاملة ومفيش عربية كاملة والكمال لله واحدة دا غير العربية شكلها يشد اى حد دا غير توكيل كيا فرع روكسى جمب بيتى فشوف كمية التعقيد اللى بتحصلى كل لما بعدى من هناك واشوف السول والسيراتوا الكوبية بجد حرررررررام اصل انا اتلسعت من المكان دة كتير لانة كان فاتح المجموعة البفارية وما ادراك ما البى ام والمينى كوبر كنت عاوز ادخل اخد واحدة واجرى

[m_s_h_a]

انا بطلت ادخل المنتدى علشان كده بدخل كل الاقسام الا القسم بتاع كيا اللى انا واحد من ملاك الكيا اصلا حاجه بقت تزهق بقالنا شهور على الحال ده ربنا يهدى الناس ويلاقوا حاجه تانيه يركزوا معاها

[Mohamed.Ramah]

Heheheheheheh Did you REALLY read what Normal Said !!!!!!!!!!!!

please read it AGAIN ...... هههههههههه والله موتني ضحك اضحك الله سنك

وانا مستنى ومش قلقان غير م رد على لان السكوت دة الهدوء اللى قبل العاصفة ومستغرب لية ساكت معلقش .......انا مش متفائل ياجماعة اللى معاة رقمة يحاول يتصل بية يطمن علية ليكون عمل فى العربية حاجة هههههههههه

[Mohamed.Ramah]

انا بطلت ادخل المنتدى علشان كده بدخل كل الاقسام الا القسم بتاع كيا اللى انا واحد من ملاك الكيا اصلا حاجه بقت تزهق بقالنا شهور على الحال ده ربنا يهدى الناس ويلاقوا حاجه تانيه يركزوا معاها

ان متفق معاك معندهم تيوتا محدش علق لية الفكرة ان اللى بيزود الموضوع هو موضوعات زى موضوع على بيشفو عضو او احد الملاك اتدايق يبتدوا يكرهوة فى العربية لغاية لما يعمل موضوع زى دة ياريت حضرتك تكون معانا بمشاركاتك وسيبك من كلام اى حد المهم رايك انت اللى سايق ومدام مقتنع ربنا يباركلك فيها