المشاركة الأصلية كتبت بواسطة tamagogo
مشاهدة المشاركة
- العربية سحبها حلو وموتورها صوته عالي بس مش قوي ولكن اعلى من عربيتي ( مازدا3 )
-الثبات : وانت ماشي العربية تمام مش خفيفة بصراحة ولا حاجة .. ولكن اختلاف كلي بينها وبين المازدا لما تحاول تاخد غرزة ، السيراتو بتحس انها كتلة واحدة ومتحسش ان العربية بتاخد الغرزة بانسيابية وبصراحة تقلق .. على العكس تماما من المازدا اللي بتحس انها انسيابية تماما وبتاخد الغرزة مرتاح قوي ولا اكن فيه حاجة .. في فرق رهيب في النقطة دي بالذات
- اداء الفتيس بردو حلو ولكن بتحس بالنقلات ومش بسلاسة فتيس المازدا ( بس عموما هو فتيس المازدا في حد زاته ممتاز جدا ونبقى بنظلم السيراتو لو قارنة في النقطة دي ) لكن عموما آداء الفتيس حلو مش وحش
- شكل العربية الخارجي حلو طبعا .. بس انا عن نفسي حاسس ان فيه حاجة غلك ، مش عارف احددها ولكن تقدر تقول اني حاسس انها مش ماشية مع بعضها من ورا وقدام وبحس انها حادة وكانت محتاجة انسيابية شوية في التصميم.
- الخامات الداخلية سواء فرش او تبلوه او اي حاجة جوة الصالون .. والله بمنتهى الأمانة احساسي بيها اني راكب عربية صيني وكنت قرفان من الخامات جدا .. على النقيض تماما من المازدا3 اللي كل حتة فيها في الصالون تحسسك بالفخامة والجودة والشياكة ( مفيش مقارنة خالص )
- التقفيل بصراحة حلو .. يعني مفيش تزييق ولا رجرجة ولا الكلام ده
وعموما كعربية لو ادينا مثلا المازدا3 100% تبقى السيراتو 65% ... وده كعربية سواء اداء ( سحب وثبات ونظام تعليق وهاندلينج ) وكمان كتخامات واعتمادية وعربية ككل وقيمة مقابل السعر.
وبصراحة ان مفيش مجال للمقارنة بين العربيتين ولكن انا حاولت اقارن بناءاً على طلبك ...
وملخص رأيي واللي قلته كتير .. لو انت هتدفع 125000 في السيراتو اعلى فئة و145000 في مازدا3 اعلى فئة او اللي في مستواها زي الليون مثلا او السيفيك ( مع فرق ان السيفيك مغالى شوية في سعرها ) او الكورولا ( مع اني محبهاش ) او او او ( عشان بس محدش يقول ان متحيز لعربيتي ) ولكن والله انا بتكلم بأمنة كوجهة نظر .. وفعلا على فكرة انا كنت بفكر في السيراتو قبل ما تنزل وروحت اتفرجت عليها وجربتها لأني كنت بفكر فيها .. وفعلا قارنت بينها وبين سيفيك ومازدا3 تحديدا .. ووصلت للنتيجة ان حرام ادفع فيها المبلغ ده واحسنلي ان ادوس على نفسي شوية واجيب مازدا3 لأن فرق السعر لا يقارن بالفرق بين العربيتين.
والحمد لله على رزقة وفضله وربنا يبارك للجميع فيما رزق.

.gif)
![Shine[1]](https://www.nilemotors.net/Nile/core/images/smilies/shine[1].gif)

ههههههههه
Comment