بيكانتوتى

[amirco4u]

الف مبروك على البيكانتو وعقبال المرسيدس
أنا زيك تمام بتعلم سواقة ومعروض عليا التو 1100 سي سي كاملة موديل 2007 بسعر 42000 جنيه بس اقدر اشتري البيكانتو زيرو ب 57500
يترى تفضلي ايه
وبعدين هل فيه خسائر لما بتتعلمي عليها والأفضل الواحد يتعلم على مستعمل
ازاي عربيتك 1000 سي سي المفروض 1100 سي سي

[shamdark]

ميرسى جدا
انا لحد دلوقتى عامله 500 كيلو بس
ودايما لما بسال بيقولوا اتعلمى على عربيه مستعمله ومحدش بيدينى سبب
بس ممكن تكون المشكله ان اللى بيتعلموا جديد ممكن يتعاملوا مع الدبرياج غلط ودة ممكن يتسبب فى تغير اسطوانه دبرياج
وممكن يخبطوا فى العربيات والعربيات الجديدة الصاج بتاعها مش قوى زى القديم
بس انا حسبتها ولقيت الجديد زى القديم والقديم بيتصلح والجديد بيتصلح يعنى الواحد ياكد بالوا وخلاص
وقد الله وماشاء فعل
انا لما شفت سبارك اتجننت عليها بصراحه الجديدة مش القديمه بس الحمد لله راضيه بعربيتى
ولما جبت البيكانتوا كلهم شكروا فى كيا وفيات وطلعوا السبيرانزا والهايونداى كلها مشاكل
جرب المتاح وشوف الاسعار وكمان اسعار القطع غيار مهمه
والف مبروك مقدما وربنا يباركلك فيها ويبعد عنها العين :)

[amirco4u]

شكرآ جدآآآآآآآآآآآآآآآآآآآآ على مساعدتك بس عاوز أعرف الفرق بن الخليجي والتوكيل لأني لقيت بيكانتو 2010 خليجي ب 57500 جنيه فيها كاسيت وسنتر ولمبة شبورة بينما الفاضية توكيل 60000 جنيه مش عارف ليه الفرق

[YaSSerwIN]

الفرق هو الضمان

فيه ناس جايبنها توكيل وانا منهم وتلاقى حاجات فى العربية فيها مثلا ً عيوب صناعة وبتبقا بالاف وتتغير فى التوكيل

اما الخليجى اى عيب هتلاقيه هاتصلحه على حسابك

الفرق الوحيد الكماليات بس

[refoo]

انا لما شفت سبارك اتجننت عليها بصراحه الجديدة مش القديمه بس الحمد لله راضيه بعربيتى

حرام عليكي أنت معاكي عربيه برقبت السبارك
البيكانتو أحسن أختيار في فئه الهاتش باك

[shamdark]

متفهش غلط انا بحب عربيتى فعلا
ولازم تشوف سبارك الجديدة

[shamdark]

انا لحد دلوقتى مش عارفه اقلب الكنبه اللى ورا وخايفه ابوظ حاجة

[A.Saad]

الكنبة
كلاكيت تانى مرة
بترفعى الزرارين اللى فى اعلى ضهر الكنبة
حركى الضهر لقدام
لو عايزة اكتر فيه
تفتحى الباب
تشدى من اسفل نصف الكنبة لقدام
هتلاقى الشلتة طلعت لقدام وهنتزل هيا والضهر فى الدواسة
المشاكل
لو الكرسى الامامى راجع لورا للاخر او ضهره راجع لورا هيحوش الموضوع
عند اعادة التركيب لازم وضع الاحزمة والقفل بتاعها فى مكانه علشان بيعمل مشاكل
كمان
فيه خرطوم اسفل الكنبة
ده خرطوم للتانك
بلاش نشد فيه
اللى عايز اعرفه :b4_592:
انا عمرى ما نزلت الكنبة
مع انى عارف طريقتها
بتشيلوا ايه فى العربية

[shiko85]

دايما لما بسال بيقولوا اتعلمى على عربيه مستعمله ومحدش بيدينى سبب
بس ممكن تكون المشكله ان اللى بيتعلموا جديد ممكن يتعاملوا مع الدبرياج غلط ودة ممكن يتسبب فى تغير اسطوانه دبرياج
وممكن يخبطوا فى العربيات والعربيات الجديدة الصاج بتاعها مش قوى زى القديم
بس انا حسبتها ولقيت الجديد زى القديم والقديم بيتصلح والجديد بيتصلح يعنى الواحد ياكد بالوا وخلاص
وقد الله وماشاء فعل

انت فكرتنى بزميله معايا اول ماشترت العربيه كانت مرعوبه لدرجه انها كانت ممكن تفضل قاعده فالكليه 3 او 4 ساعات لحد مالشوارع تفضى شويه و بجد كنا بنخاف عليها جدا و كل شويه واحد يكلمها يشوفها وصلت فين و لما تروح البيت من غير حادثه او خبطه او اى حاجه كان يبقى عيد, اتفرجى عليها دلوقتى بقت عامله ازاى غرز و شد و كبس و كل حاجه و دلوقتى بنخاف على الناس منها
نصيحه منى قوى قلبك و حاولى تشوفى كام مشوار طوال فى شوارع فاضيه لحد ماتتعودى على العربيه و بعد كده كام مشوار فالزحام الشديد و ده هيعلمك الصبر اولا و هيخلى تعرفى تقدرى ابعاد العربيه كويس و ان شاء الله شويه بشويه هتلاقى الدنيا سهله جدا
(سؤال بسيط هى عربيتك لونها اسود ؟؟)

[shiko85]

طريقه طى الكنبه بالصور
صوره الكنبه

كل اللى هتعمليه انك هترفعى اليد الصغيره اللى فى طرف الكنبه زى الصوره كده و خلاص

[shiko85]

طيب مفيش ميرسى ؟؟!!

[KSA2011]

متااااااااااااااااابع

[shamdark]

الف شكر
انا فعلا كنت عاوزة السودا بس لما شفت بتاعتى عفرتتنى
حب من اول نظرة :)
بس اكتشفت انه عذاب بجد تبقى بتحب عربيه ومش عارف تسوقها

[shamdark]

سؤال تانى بما انى حصدعكم
هو ليه فى الشمس ريحه الفرش بتبقى وحشه قوى كانه بيتحرق
وهو صحيح انى لو فضلت مغطياها اللون ممكن يبوظ؟

[A.Saad]

غطا يبوظ اللون
لو قماش لا
لو ووتر بروف
فيه موضوع عمله عضو هنا انه قرا تحذير على الغطا من الدهان الجديد