الثلاثاء الاسود و 30%

[M7amD_7amDy]

قدر الله وما شاء فعل

ربنا يعوض عليك والحمدلله انها جت على قد كده

طب فى الحالة دى لو الواحد استهبل وقال انه وكيل وعمل عبيط هيحصل ايه؟

[gundal]

صح .. حضرتك مش هينفع تروح التوكيل .. والقطع مرمية برة في الحرفيين وفي كل حتة خصوصا العربية منتشرة

قول الحمدلله انه مسرقش العربية كلها زي ما بيحصل في الانسر ..

ربنا يعوض عليك .. قدر الله وما شاء فعل

[Ahmed.TV]

اعتقد ان الاخوة اللي اشترت خليجي ممكن تعمل شكوي ف حمايه المستهلك او الشركه الام ان التوكيل بيزود 30% علي اسعار قطع الغيار للعربيات الخليجي لان المفروض ان التوكيل شاري القطع دي من الشركه الام بسعر واحد مش مفرق بين خليجي و بتاع التوكيل

انا مش فاهم ايه نظام التوكيلات في مصر المفروض ان معني كلمه وكيل انه شركه ملزمه بالماركه دي في مصر و هو المفروض يهتم بالماركه دي في مصر ايا كان خليجي او مصري الفرق الوحيد انه من حقه ميدخلش عربيه خليجي في الضمان معن المفروض برضة دة ضمان من الشركه الام


طول ما في نظام احتكار للوكاله في مصر هنفضل في البهدله دي

+1111111111111111111111111111111111111111

[mishtawy]

ان شاء الله يكون ذهابك للتوكيل الخير بمعنى ميكنش هناك حجة للتامين والفاتورة تكون مضبوطة وان شاء الله فلوسك ترجع لك وصلحت في التوكيل برضه وتاكد ان ربنا بيعمل اللي فيه مصلحة العبد ويكون يوم الثلاثاء ابيض ربنا يعوض عليك

[M.ABDEEN]

هو حتى ازاز الجنب ب 550 كتير ........
انا غيرته في السيراتو الشكل القديم بالمبلغ ده ......
لكن مسالة زيادة 30 % بصراحة حرام قوي

[sherifahmed]

بالنسبة للناس اللى مستغربين ان سعر ازاز الباب ب880
انا عندى فى الاوبل 2007 ازاز المرايا ب950

[Ahmed Samy]

اولا ما كنتش ؟أعرف زيادة 30% ثانيا المفروض انى اشتريت عربية كيا سيراتو و لما يحصل عطل المفروض اروح للتوكيل و ده طبيعى بس ليه التوكيل بيفرق هو اما ادفع 30% او اروح الحرافيين و بعدين يعنى لما روحت التوكيل حضرتك تفتكر انى كنت رايح لمؤاخذة اتفشخر و اتمنظر و انقط بطايقتى

حضرتك فهمتني غلط

انا مش قصدي على حضرتك ...انت ما كنتش تعرف

و كتر خيرك انك عرفتنا

انا قصدي للي بيقرا الموضوع

علشان ما حدش يروح التوكيل من اصحاب الخليجي و يرجع يشتكي

الموضوع اصبح واضح ومش اشاعة
فاللي مش عاجبه مايروحش

و اللي عاجبه يروح و ما يشتكيش

خصوصا ان العربية مافيهاش حاجات كتيرة معقدة

[toty_vib]

اولا مش اى حد وخلاص يشتغل فى الكيا حتى ولو كنت هتغير لمبه
التوكيل هو اكتر واحد يعرف ويفهم فى العربيه وياما مشاكل سهله وبسيطه لكن صحاب العربيات بيستسهلو وبيروحوا بره وفى الاخر بيرجعو يعيطو
ويقولو ياريتنى كنت وديتها التوكيل من الاول قدر الله وماشاء فعل
واحمد ربنا

[Ahmed Samy]

اولا مش اى حد وخلاص يشتغل فى الكيا حتى ولو كنت هتغير لمبه
التوكيل هو اكتر واحد يعرف ويفهم فى العربيه وياما مشاكل سهله وبسيطه لكن صحاب العربيات بيستسهلو وبيروحوا بره وفى الاخر بيرجعو يعيطو
ويقولو ياريتنى كنت وديتها التوكيل من الاول قدر الله وماشاء فعل
واحمد ربنا

حضرتك في في المانيوال بتاع العربيات طريقة تغغير بعض اللمض بنفسك

العربية مش مكلكعة قوي كده

طبعا في حاجات لازم تروح للوكيل بس كل حاجة

[ehabsharaf]

ياباشا ان شاء الله ربنا يعوضك خير
انا حصل معايا زيك بالزبط بس عربيتى بيرسونا
كنت ليسة مكملتش اول الف كيلو
وروحت عند الثلاثى اللى مدينة نصر والموضوع كلة كلفنى 160 جنية فقط لا غير والازاز شغال ومفهوش مشكلة والحمد لله
بس اللى ضايقنى تنضيف العربية من الازاز اللى اتكسر اكتر من ساعة ونص عشان بس اعرف اركب وامشى بيها لان الازاز رفيع جدا وكان ماللى العربية الحمد لله على كل شئ

[mohamedhamam]

قدر الله و ما شاء فعل و لكن عندك حق التوكيل مغالى جداً و لكن ربنا يعوض عليك

[hemo007]

طب أنا عندى سؤال مهم و محيرنى المفروض ان الازاز ده متين جد و كسره صعب و لو حب يكسره يكون الصوت عالى الغريبة انى لقيت الازاز متفشفش كله و حتت صغيرة أوى يبقى أزاى كسره و بايه ثانيا ازاى أعرف أن الازاز اللى ركبته فى التوكيل زى بتاع الفبريكا و ميكونش جريش و لا عليش

[medoxmedox]

باشا
خد الفاتوره و اطلع علي جهاز حمايه المستهلك و اعمل بلاغ
انا والله ناوي اعمل صيانه ال 5000 كيلو في التوكيل
علشان بردو اخد الفاتوره و اعمل بلاغ
لازم يا جماعه كل اللي معاه خليجي هنا يتحرك و يخد خطوه
احنا عشرات ,, و بجد ممكن لو كلنا اتحركنا و مبيقناش سلبيين اتوكيل يتظبط
دا افتري

[Ahmed Samy]

طب أنا عندى سؤال مهم و محيرنى المفروض ان الازاز ده متين جد و كسره صعب و لو حب يكسره يكون الصوت عالى الغريبة انى لقيت الازاز متفشفش كله و حتت صغيرة أوى يبقى أزاى كسره و بايه ثانيا ازاى أعرف أن الازاز اللى ركبته فى التوكيل زى بتاع الفبريكا و ميكونش جريش و لا عليش

بالعكس القزاز لما بيتكسر بيعمل صوت مكتوم مش عالي

وممكن يكون كسره على مرتين او تلاته يعنى يشرخه بألماظة و خبطة صغيرة و بعدين يفشفشه حتت ومش هايطلع صوت خالص .

أما ان الوكيل بيركب زجاج د.جريش فده استهبال و سرقه علني لأنك هاتلاقيه في المصنع ولا يكمل 200 جنيه

[youssefmustang]

حضرتك بتوصف اليوم بالثلاثاء اللاسود ويوم مهبب

وفيه حديث قدسي (لا تسبو الدهر فأنا الدهر )
ويمكن يكون الثلاثاء الي انت بتوصفة بالاسود هو يوم حسن ان العربية بتعتك متسرقتش كلها
واليوم الي كان فية حادث احمد ربنا ان الحادث مكنش معاك
بيفي فين الاسود وفين المهبب

ياريت تستغفر ربنا وتقول اللهم ااجرني في مصيبتي وارزقني خيرا منها

ده انا على كده بقى هخش النار حدف من غير حساب لانى بتشأم من يوم الاتنين والجمعة (سامحنى يارب)
وسبحان الله جميع المشاكل اللى تتخيلوها بتحصلى فى اليومين دول بالتحديد ولما سألت اخويا قالى اتقى الله بتتشأم من يوم الاتنين يوم ميلاد النبى ومن يوم الجمعة اللى هو عيد فى السما والارض اخس عليكى استغفر ربنا بسرعة وما تقولش كده
بس بجد والله كل المشاكل بتحصلى فى اليومين دول بالذات