يارب تــــــــــوب عليـــــــنا من سواقيـــــــن الميكروباصات, اميــن

[All_New_Cerato]

من حوالي شهر كدة (12/1/2010) في ميدان عبد المنعم رياض الساعه 8 الصبح وانا رايح الشغل سواق ميكروباص (ربنا يكرمه يارب) حب يتبلطج كعادة سواقين الميكروباصات اللي وخدين السواقة بلطجة ويخطف غرزه عجيبة عشان يخش الفتحة اللي تودي علي ميدان التحرير (الفتحة الشمال اللي تحت كوبري 6 اكتوبر في اتجاه المعادي) وانا كنت علي اقصي الشمال و جنبي عربية في النص و هو علي اقصي اليمين فطبعا كان عاوز يخطفها فلاقاني في وشة ودخل فيه بجنبه بعد مافرملت (لولا كدة كان هيتيرلي جنب العربية).

بس الحمد لله جت في الاكصدام و طرف الكابوت اتني شوية ويطرد عالبارد

المهم بقي,,,,,,, عاوز اسئل اهل الخبرة (ربنا يكفينا كلنا شر الحوادث) في حوارات التامين

انا عملت محضر عشان اامن نفسي لو التصليح عدي ال5 تلاف جنيه ورحت عملت اقرار حادث
وقلولي في شركة التامين اني اوديها تتصلح في المكان اللي انا عاوزه وابعتلهم فاكس بالمقايسة وهيجي مندوب التامين عال المكان اللي هتتصلح فيه العربية (التوكيل طبعا بس) وهيتعامل

السؤال بقي: كده كلو مضبوط ولا في حاجة نقصه كنت عاملتها؟

يعني اتكل علي الله واروح بكره عال عبور (فرع كيا العبور) ولا هيبقي نقصني حاجة بدل ماروح عالفاضي؟

[medo_sirion]

على مااظن مافيش فرع لكيا فى العبور

[NoRmAl]

قدر الله و ما شاء فعل والحمد لله على قد كده
بس هو فعلا فروع كيا فى القاهره
أبو رواش
روكسى
القطاميه
وأعتقد طالما سمكره و كده بقى تبقى أبو رواش
وربنا معاك و ترجع زى الاول إن شاء الله

[All_New_Cerato]

قدر الله و ما شاء فعل والحمد لله على قد كده
بس هو فعلا فروع كيا فى القاهره
أبو رواش
روكسى
القطاميه
وأعتقد طالما سمكره و كده بقى تبقى أبو رواش
وربنا معاك و ترجع زى الاول إن شاء الله

لا في فرع خاص بالتصليح و الصيانة في العبور والغرض من اني اوديها هناك عشان الwaiting list مش كتير زي ابورواش, يعني العربية انشاء الله مش هتعد بالاسبوعين والتلاتة زي ابورواش وده علي كلام مهندس في ابو رواش

[NoRmAl]

لا في فرع خاص بالتصليح و الصيانة في العبور والغرض من اني اوديها هناك عشان الwaiting list مش كتير زي ابورواش, يعني العربية انشاء الله مش هتعد بالاسبوعين والتلاتة زي ابورواش وده علي كلام مهندس في ابو رواش

أول مره أعرف موضوع العبور دا
بس شكرا ليك على المعلومه الجديده دى :)
وربنا معاك

[All_New_Cerato]

دي صور العربية بعد الحادثة

[moataz-shaheen]

اللي انا اعرفه ان اللي في العبور التوكيل القديم قبل ما ياخده نصير خلي بالك من الموضوع ده و اسال كويس يعني مالوش علاقه بالتوكيل حاليا
اسال كويس قبل ماترح لانهم هناك مش هيقولولك لا هيشتغلوا علشان ياخدو فلوس

ابسط كحاجه اسال في الرقم بتاعهم 19462

[A.Saad]

وديها للعقيد خالد زميلنا فى الحرفيين

[د.محمود صلاح]

من شهر ؟؟ والتأمين هيرضى يصلح لك من شهر ؟ واضح من الصورة انها بسيطة وممكن تعملها برة بدل من الحوارات ووجع الدماغ