مين معاة نيو سيراتو سوداء؟

[mastr_n]

واللة يا رجالة بجد ماندمتش انى اشتريت النيو سيراتو خالص بس الشىء الوحيد الى ندمت علية انى سمعت كلام واحد صاحبى قالى عليك بالاسود حيث الفخامة والشياكة وهايكون عليها جامد اخر حاجة

المهم سمعت كلامة ونفذت علطول ودة انطباعى عن اللون

1 بجد اجمد لون لما تكون لسة طالعة من الغسيل فى البنزيمة هاتحس انك مش ناقصك الا العلم زى الى فى السفارة
2 ياسلام بقى لو ركبت لمبتين زينون هتبقى حاجة تانية
دة كلة اول يوم غسيل تعالى بقى كمان مشوارين تلاتة بجد اللون دى بيعشق التراب تقول مغناطيس يعنى بالمعدل دة انت عايز كل يومين تلاتة على الاقل غسلة وشوف الغسلة بكام دة الواد فى الشارع معاة جردلين مية وكيس بريل بخمسين قرش لو اديتوة
5 جنية ممكن بتحول عليك

وكتير يقولك بلاش الفوطة الزفرة مع الاسود

طيب لو انا عندى الفوطة بتاعتى وناعمة مش خشنة هتضر البوية ولا اية ؟
طيب الشمع هايظبط الاداء ويقلل من تجمع التراب على العربية ولا اية بالظبط



ياريت بجد الى معاة عربية سوداء وعندة حل كويس يفيدنا اصل الاسود بالذات حساس جدا ولو اللمعة بتاعتة راحت يبقى مالوش لازمة

[NoRmAl]

أنا بتعتى سودا
بص يا سيدى
1. غسله متينه فى البنزينه بالفوم كدا "اوعى حوار الواد أبو جردلين دا وبرل و أريال وبرسيل والكلام دا,,كل دا يضر الطلاء ولو مش هتغسل العربيه بشامبو خاص بالسيارات متغسلهاش أحسن" لغايه النقطه دى أنت كدا شلت كل الاتربه الى على العربيه.
2. وش بوليش نوع محترم فى نوع أمريكى الصنع فى البنزينات كويس والخطوه دى علشان تقضى على أى خدوش سطحيه بسيطه وتدى لمعه بسيطه للعربيه.
3. آخر خطوه وهى التشميع, تشمع العربيه بنوعيه شمع محترمه بردو ودى هتعمل طبقه شمع تحافظ على أول خطوتين أنت عملتهم.

التشميع مش بس هيديك لمعان لأشهر لكن هيحافظ على طلاء العربيه وتحسسك أنها زيرو على طول الخط.
للتجربه حط بقعه مياه على العربيه وشوف أذا كانت هتجرى و تقع ولا لأ
لو وقعت تبقى نجحت
مع التشميع لو العربيه جيه عليها تراب ما عليك غير بفوطه قطن تمسح التراب من عليها بدون متضغط على الفوطه هتلاقى التراب بيتشال وترجع العربيه للمعانها
بس

[mastr_n]

أنا بتعتى سودا
بص يا سيدى
1. غسله متينه فى البنزينه بالفوم كدا "اوعى حوار الواد أبو جردلين دا وبرل و أريال وبرسيل والكلام دا,,كل دا يضر الطلاء ولو مش هتغسل العربيه بشامبو خاص بالسيارات متغسلهاش أحسن" لغايه النقطه دى أنت كدا شلت كل الاتربه الى على العربيه.
2. وش بوليش نوع محترم فى نوع أمريكى الصنع فى البنزينات كويس والخطوه دى علشان تقضى على أى خدوش سطحيه بسيطه وتدى لمعه بسيطه للعربيه.
3. آخر خطوه وهى التشميع, تشمع العربيه بنوعيه شمع محترمه بردو ودى هتعمل طبقه شمع تحافظ على أول خطوتين أنت عملتهم.

التشميع مش بس هيديك لمعان لأشهر لكن هيحافظ على طلاء العربيه وتحسسك أنها زيرو على طول الخط.
للتجربه حط بقعه مياه على العربيه وشوف أذا كانت هتجرى و تقع ولا لأ
لو وقعت تبقى نجحت
مع التشميع لو العربيه جيه عليها تراب ما عليك غير بفوطه قطن تمسح التراب من عليها بدون متضغط على الفوطه هتلاقى التراب بيتشال وترجع العربيه للمعانها
بس

ياباشا متشكرين جدا على مرورك الكريم وكل سنة وانت طيب
المهم يا نورمال لو عندى فوطة زفرة ناعمة بتاعتى هاتعمل دواير على البوية علما بأنى مابستعملهاش كتير بس ممكن تقول بين الغسلة والغسلة؟
وبعدين انا ناوى باذن اللة اجرب موضوع الشمع دة واضح ان كلة بيشكر فية

[NoRmAl]

ياباشا متشكرين جدا على مرورك الكريم وكل سنة وانت طيب
المهم يا نورمال لو عندى فوطة زفرة ناعمة بتاعتى هاتعمل دواير على البوية علما بأنى مابستعملهاش كتير بس ممكن تقول بين الغسلة والغسلة؟
وبعدين انا ناوى باذن اللة اجرب موضوع الشمع دة واضح ان كلة بيشكر فية

الفوطه الزفره مش بس بضر علشان الدواير وكده
هى أولا زى ما أنت بتقول هما بيملوها زيت و بنزين و و و كل دا علشان التراب والرمل وكل الى على العربيه يلزق فيها
لكن مع الاستخدام المتكررالتراب الى فى الفوطه هيعمل الدواير والخدوش دى فى العربيه
ومتصدقش الى يقولك أبقى نضف الفوطه بعد كل تنضيفه
فى تراب ورمل "fine" جدا ومش بيبان ومش هيطلع عمره من الفوطه الزفره وهو دا مربط الفرس التراب والرمل الصغير جدا دا هو الى بيجرح العربيه
بعيدا بقى عن كلللللللللللللللللللللل دا
الزيوت الى فى الفوطه الزفره فيها الخطر الى أكبر من التراب والرمل لأنه بيضر طلاء العربيه جدا جدا وبيتفاعل مع الطلاء وبيضره جدا جدا
لذا بلاش فوطه زفره مطلقا...

[zahaan]

نفس احساسنا احنا جبنا سيراتو سودا ودلوقتى بنلطمو من العربيه مش علشان العربيه وحشه علشان اللون برضه وحياتك مش لو غسله كل يومين ده عايزه غسله فى اليوم مرتين

[Beeso]

الفوطه الزفره مش بس بضر علشان الدواير وكده
هى أولا زى ما أنت بتقول هما بيملوها زيت و بنزين و و و كل دا علشان التراب والرمل وكل الى على العربيه يلزق فيها
لكن مع الاستخدام المتكررالتراب الى فى الفوطه هيعمل الدواير والخدوش دى فى العربيه
ومتصدقش الى يقولك أبقى نضف الفوطه بعد كل تنضيفه
فى تراب ورمل "fine" جدا ومش بيبان ومش هيطلع عمره من الفوطه الزفره وهو دا مربط الفرس التراب والرمل الصغير جدا دا هو الى بيجرح العربيه
بعيدا بقى عن كلللللللللللللللللللللل دا
الزيوت الى فى الفوطه الزفره فيها الخطر الى أكبر من التراب والرمل لأنه بيضر طلاء العربيه جدا جدا وبيتفاعل مع الطلاء وبيضره جدا جدا
لذا بلاش فوطه زفره مطلقا...

أنتم كأنكم بتحكم حكايتي من ساعة مجبت العربية أنا فعلا متبهدل واديا وجعتني من المسح وفعلا عاوز أعمل موضوع التشميع بس مش فاضي.
كلامك مظبوط يا نورمال أنا بعد مجبت العربية بيومين إتنين بس أيوه لقيت العربية كلها دواير عالكبوت والسقف وتوبت البواب يحط فوطه عالعربية هو ينضفها بالخرطوم وبعد كده ينشفها بالراحة أو يسبها تنشف لوحدها وفيه برده بتعة كده أنا جبتها أنا وبن عمِّي من كارفور جامدة قوي هي عبارة عن خيش نعم قوي وليها ياد كده بس خلي بالك وإنت بتعمل عشان أنا كسرتها وكنت فاكرها أجمد من كده هي بحولي 30-40 جنيه اخرها

نفس احساسنا احنا جبنا سيراتو سودا ودلوقتى بنلطمو من العربيه مش علشان العربيه وحشه علشان اللون برضه وحياتك مش لو غسله كل يومين ده عايزه غسله فى اليوم مرتين

ياراجل ده عاوزة مابين كل غسلة وغسلة غسلة هاهاهاهها
بس أنا برده بموت في اللون ده :) والليي عاوز الدح إيه ......هاهاهها

[mameen]

ممكن يا جماعة تقروا الموضوع دة

http://www.nilemotors.net/Nile/129094-a.html

ممكن يفيدكم

[Beeso]

شكرا يا درش أنا قريته و إن شاء الله ناوي اعمله بس لما افضى شوية

[mameen]

شكرا يا درش أنا قريته و إن شاء الله ناوي اعمله بس لما افضى شوية

العفو يا باشا اي خدمة

[ethan82]

طيب مفيش اماكن معينة ممكن تعمل موضوع البوليش والتشميع ده ؟

[Mshawky]

طيب مفيش اماكن معينة ممكن تعمل موضوع البوليش والتشميع ده ؟

اى كار كير ياباشا ولكن الموضوع بسيط مش محتاج انت ممكن تعمله بنفسك

[night_phoenix]

انا معايا السودا بس ولو اللون الاسود فيهتا اكتر من رائع برغم التراب و كده
بس شويه اهتمام زياده و تكون تمام

[ethan82]

بصراحه انا ندمان علي اللون ده . ومعنديش وقت للأسف . وكمان مش هقدر اعمل العربية واهتم ييها بنفسي .. حتي لو حاجه بسيطه . انا علي أد مبقدر كل شوية بوديها مغسلة في اي محطة بنزين وخلاص بس علي ما برجع وانزل تاني يوم الصبح اروح الشغل بلاقيها بقيت لونها ابيض

[raedegypt]

هو افضل لون ايه فيها يلا ترتيب ياشباب

[NoRmAl]

هو افضل لون ايه فيها يلا ترتيب ياشباب

أعتقد التيتانيوم سلفر
أو البتنجانى زى الى مع زواوى كده