اية رايكم في كيا سيراتو اوتوماتيك 2010

[ieman]

انا عايز اشتري كيا سيراتو اوتوماتيك بس كنت عايز اعرف من كل اللي مجربها عيوبها و مميزاتها..
الرجاء السرعة في الرد عشان انا عايز اشتري كاش على طول..
وكنت عايز اعرف اية الكيا الخليجي دي؟؟ تفرق في اية

[mameen]

انا عايز اشتري كيا سيراتو اوتوماتيك بس كنت عايز اعرف من كل اللي مجربها عيوبها و مميزاتها..
الرجاء السرعة في الرد عشان انا عايز اشتري كاش على طول..
وكنت عايز اعرف اية الكيا الخليجي دي؟؟ تفرق في اية

انا معايا سيراتو 2010 اوتو
العربية بالنسبة لي ممتازة وواسعه من جوة وفخمة جدا
المهم هي اذواق ولازم تختارها طبقا لحتياجاتك
العربية موجودة في السوق وكيل وخليجي والفرق :
الوكيل : مستوردة بمعرفة وكيل كيا بمصر eit ومضمونة 100 الف كم او 5 سنوات وميلاتها ثابتة
الخليجي : مستوردة بمعرفة المعارض من دول الخليج ( السعودية-الاردن-الامارات- ) الاختلاف ليس في اساس العربية الاختلاف في الكماليات وحتلاقي حوالي 15 نوع نتيجة اختلاف البلد والكماليات وملهاش ضمان في مصر الا ان الوكيل المصري بيعملها صيانة بسعر زيادة شوية
بس في معارض بتديك ضمان بيكون حوالي 20 الف كم
نصيحتي اشتريها وكيل (وجهة نظري)

[ieman]

الف شكر يا باشا بس يعني مفيش عيوب جوهرية ظهرت خلال الاستخدام؟؟

[Beeso]

بس كل حاجة حتحتاجها موجودة هنا

http://www.nilemotors.net/Nile/68337-a.html

[SENNI55]

انا كان معايا 2010 هاى لاين و بيعتها عشان ............*. كلمنى و اقولك 0105061753

[engmedoo]

طيب م حضرتك ممكن تقول هنا هيه زباله ليه عشان الناس تستفيد
بس انا شخصيا معايا العربيه sx وشايف انها كويسه قوي

[mameen]

وانا معايا ال ex وشايف انها كويسة

[Beeso]

انا كان معايا 2010 هاى لاين و بيعتها عشان زبالة . كلمنى و اقولك 0105061753

تاااااااااااني احنا رجعنا نقول كلام عايم وخلاص دحنا كنا ارتحنا من الكلام ده بص ياريت بس زي مكونا اتفقنا كل واحد يوضح كلامه وميرميش كلمة ووخلاص عشان كل الناس شكريت في العربية معدا إنت تقريبا وانا عن نفسي عمل بالعربية حوالي 10000km دلوقتي و ما شاء الله زي الفل

[a_tharwat]

حلوة قوي "زبالة" دي. الظاهر انها كانت كارو وعليها علامة كيا ولا ايه؟

زي الغالبية الساحقة من اراء الناس هنا مبتقول, العربية ممتازة, لو عجباك اتكل على الله واشتريها. وانا لو منك ابص على ال reviews اللي معمولة على المواقع الاجنبية, لانهم للاسف حتى في حاجة تافهة زي ابداء الرأي احسن مننا.

[Ahmed.TV]

طيب يا جماعة بتاعت الوكيل sx هل ممكن اطلبها بجنط 16 ولالا
ولو ينفع ممكن يكون التكلفة كام ازيد ام اقل

وبعدين ليه سؤال اخر : هل بتاعت الوكيل بتدحف شمال فعلا ومهالش حل الحدفة دى , وهل الحدفة دى مش موجودة فى الخليجى

وفى سؤال اخر : الضمان بتاع الخليجى اللى بيقولو عليه بيعطوه مقابل 2000 جنية هل الضمان ده فعلا ضمان ولا هتش وكلام فارغ ولو حصل حاجة بتدبس فى الليلة

وبعدين انا قدامى عربية خليجى ب116 فرش جلد وسمارت كى وفتحة سقف واعتقد ان مفهاش مرايات تعتيم , وهى سعودى فهل اغامر واجبها ولا اجيب بتاعت التوكيل , اصلى خايف من الجنط ال17 , وبعدين اللى فيها فتحتة سقف وسمارت كى غالية فى التوكيل بتعدى ال120 الف
ولاانتو ايه رايكم

ليه سؤال اخر بردوا : هل الاسمارت كى مفيد يعنى ولا حيكون مجرد كماليات وخلاص ومش فارق اذا كانت تدور بزورار او بمفتاح

انا مش عارف بصراحة دماغى بقة سلطة , وبعدين اهم حاجة عندى فتحة سقف وabs وعدادات رياضية وسيسنور بارك ولقيت كل ده موجود ومعاه سمارت كى كمان ب116 وجنط 16 فمش عارف اغامر ولا ايه رايكم ,
انا خايف ادفع المبلغ ده كله واتسوح
ولو حد قالى حط ضمان ب2000 جنية يبقا كدا انا قربت من بتاعت الوكيل
لا بجد التفكير بقا سلطة
وكمان حتى زمان مكنتش عارف اختار عربية
ولما اختار العربية مش عارف اختار الفئة
ولما اختار الفئة مش عارف اختار بين الخليجى والوكيل واتنازل عن ايه مقابل ايه
افيدونىىىىىىىىىىىىى

[a_tharwat]

اختيار وكيل ولا خليجي محدش يقدر يحكم عليه غيرك انت. الضمان مهم ليك ولا لأ؟

مش حتعرف تاخد رأي واحد من الناس, اللي عاوز ضمان حيقولك اشتري من الوكيل, واللي مش فارق معاه حيقلك الخليجي مواصفاته اعلى.

وازن ما بين اهمية الضمان والكماليات اللي عجباك, واستخير ربنا وان شاء الله يوفقك.

[NoRmAl]

حلوة قوي "زبالة" دي. الظاهر انها كانت كارو وعليها علامة كيا ولا ايه؟

هو العضو دا كل مايدخل يرمى زباله ويمشى

[ghost1900]

كان فى احد الأعضاء مسافر وعارض عربيته وكيل للبيع فى اللينك ده:

http://www.nilemotors.net/Nile/128962-2010-sx.html

[SENNI55]

ايو ............*دة عن تجربة مش هزار و انا بركب عربيات من زمان و عندى 32 سنة يعنى مش بهيس انا بقوت كدة للامانة انت بقة عايز تشتريها فتوكل على الله و قلت لك كلمنى و انا اقولك على كم المشاكل الى قابلتنى 0105061753

[Beeso]

ايو زبالةو دة عن تجربة مش هزار و انا بركب عربيات من زمان و عندى 32 سنة يعنى مش بهيس انا بقوت كدة للامانة انت بقة عايز تشتريها فتوكل على اللة و قلت لك كلمنى و انا اقولك على كم المشاكل الى قابلتنى 0105061753

أهلا بيك في وكالة حسن وحسني وحسنين ياريتك جتلنا يارجل قبل متبعها كنا عملنا شغل مع بعد ده عربية زبالة وحنا مكلفين من شركة كيا إننا نلم كل العربية الزبالة اللي في السوق عشان تروح المانيا تتصلح أصلها "Made in Germany "
ويريت لو تعرف حد عنده العربية الزبالة ده تقولنا عشان نلحقه