سيراتو خليجى سعودى

[Amr A.salam]

منورنى يا استاذ عمرو بجد وكتر خيرك على المساعدة والمشاركة

موضوع الضمان بيقولوا تبع شركة امانى او شركة تربيل ايه او اى شركة مثلا بيتعامل معاه الليثى او ريان او جابر عببد الشهيد وبتخليك تروح تعمل صياناتك فى التوكيل عادى مش عندهم هما الشركات دى لو فى حاجة لقدر الله كبيرة فى عيب صناعة بيقولك اوكيه احنا حنتحمل تكلفته وانت بتصلحة فى التوكيل او فى المكان اللى تحبه

النقطة التانية ياريت طبعا لو بتاعت الوكيل ينفع نطلب استلام جنط 16 بدل من جنط 17 حيبقا افضل , بس مش عارف حيوافقوا ولالا وحيكون التكلفة اقل بمعنى حيكون ليه فلوس ام حيقولولى لا حتدفع اكتر , ونفسى حد يفيدنى فى الموضوع ده ,ياسلام لوحد من الاعضاء اللى بيروحوا وبيعملوا صيانات جوة يكون معاه رقم مهندس هناك عشان نساله , لان محدش عاوز يرد عليه فى التليفون ولما ردو عليه مكنوش عارفين وقالولى حنكلمك ومحدش كلمنى بقالهم اسبوع

وبعدين نفسى حد يقولى ليه السعودى افضل من الكويتى اما الاتنين زى بعض وهى بس مجرد كماليات بين العربيات وفرق اسعار وخلاص

لان انا قدامى كويتى فيها كل حاجة من جنط 16 مفتاح بصمة وفرش جلد وفتحة سقف ومرايات تعتيم ونواكل وعدادات رياضية وسينسور بارك و2 اير باجز وكل حاجةب116 الف فمش عارف اخدها ولالا
لان فى نفس السعر ده فى واحدة سعودى بس مش فيها مرايات تعتيم وفيها ايرباجز واحد

ان شاء الله هروح أعمل صيانة العشرة الاف الاسبوع الجاي في أبو رواش وهسألك المهندس خالد فاروق على موضوع الجنط

أنا شايف ان موضوع كويتي وسعودي وموزمبيقي واسرائيلي مش فارق

لأن عربيتي كويتي وسقت هاي لاين سعودي أكتر من مرة مافيش أي فرق خالص في الاداء أو الخامات الداخلية ......وبعدين المصري (الوكيل ) والاردني والفئة اللي بتنزل في كوريا نفسها وكل الفئات لو قعدت فيها من جوة عمرك ما هتلاقي فرق في الخامات الداخلية

الفئة الكويتي اللي انت بتتكلم عنها مواصفاتها جميلة جداً وسعرها حلو....ممكن تقوللي ناقصة ايه عن الهاي لاين الخليجي اللي عندنا غير الجنط ال17 ؟؟؟

يعني مفتاح النور -والفرامل الديسكات الخلفية وكدة

وأنا تحت أمرك في أي وقت

[Ahmed.TV]

بصراحة والله مش عارف اقولك ايه يا استاذ عمرو على ذوقك ومساعدتك
يعنى انت كمان معاك الكويتى , انا كنت فاكر سعودى اللىمعاك
اللى قالى عليها فى المعرض الليثى ولسه مش روحت وشوفتها كويتى وفيها المواصفات اللى قولت لحضرتك عليها , واعتقد ان اللى حيفرقها عن الهاى لاين ان الهاى لاين فيها 6 سى دى وفيها 6 ايرباج على ما اعتقد وكمان الفرامل الخلفية العادية اصلى بتلخبط بين اساميها هى اكيد حتكون مش شبه اللى قدام

[Ahmed.TV]

انتم فين يا اهل كيا انا زعلان جدا منكم
هو الاسئلة اللى بنسالها على الخليجى صعبة ولا ايه ؟! يبقا بقا الله يكون فى عون الناس بقا اللى زى حالتنا بتدور وخايفة ومش فاهمة حاجة وهى عاوزة تشترى العربية

انا عاوز اعرف وناس تانية غيرى كتير ايه الفرق بين السعودى والكويتى والاردنى وخصوصا ان الاردنى ارخص من السعودى والكويتى
هل كماليات بس
طيب لو كماليات بس ليه بردوا الاردنى ارخصهم بكتير
وبعدين الاردنى بيقولو ابعد عنها ليه هل عشان هى زى بتاعت الوكيل ونازلة بمواصفات شرق اوسط ومش خليجى زى السعودى والكويتى ولا ايه
عاوزين ارائكم ومساعدتكم ومداخلتكم عشان السوق بقا مخلى الواحد دماغه سلطة ده غير فى نصب كتير
فااقفوا معانا زى ما بتقفوا معايا السيراتو فى اى حملة نقد ضددها !!!
فسعدونا بخصوص الخليجى ومحدش مثلا يقولى ابعد عن الاردنى وخلاص , يعنى يقولى ليه السبب ,
ناقشونا وساعدونا عشان نقتنى العربية واقفوا معانا ولكم الشكر على الافادة والمساعدة

[night_phoenix]

تمنها 400 جنيه

السمارت كي أوبشن ظريف ومريح علشان مش هتطلع المفتاح من جيبك خالص

انت ما شفتش الفيديو بتاع دكتور أحمد سامي ولا ايه ؟؟؟؟؟؟؟

460 في القطاميه

[zahaan]

بص ياباشا مبدئيا متاسف على التاخير فىالرد
اللى فى الصورة قدام حضرتك ده والله انا معرفش هى كويتى ولا اردنى لانها متفرقش فى حاجه المهم الربيه حلوة وخلاص ومفيهاش العيوب اللى ظهرت فى بعض عربيات الوكيل مش كلها

ياباشا اتكل على الله واشترى العربيه اللى انت تقعد جواها و ترتاح ليها و لكماليتها وموضوع الضمان ده حظوظ و نصيب
النصيحه اللى اقدر اقدمهالك متشتريش لون اسود زى بتاعتنا لانه فخم جدا بس متعب جدا

[Tayer]

متشكريين على الرد بس بردو لسه مطلعناش بنتيجه

[morasystem]

- فايه رايكم هل الكويتى فى نفس كفاءة السعودى ولالا؟
كله زى بعضه .Made In Korea الفرق فى الكماليات و بس

- الكويتى بيتكتب عليها انها كويتى ولالا زى السعودى ؟
بص على الستيكر اللى ملزوق على الإزاز الورانى شمال يمكن يكون مكتوب حاجة

- سمعت انها الكويتى مش كويتى وانها عراقى وداخلة عن طريق الكويت ؟
و ماله العراق برضه اخواتنا ههههههههههههههه

- وبعدين لو مش مكتوب انها كويتى يبقا ازاى حفرق بينها وبين الاردنى؟
و الله ما فيه فرق غير الكماليات و السعر .... و العربية دى فيها ييجى عشرين نوع كل واحدة فيها مواصفات شكل و هو ده اللى يحكم السعر .... يعنى انا أول مرة أسمع عن ال LX فيها مرايات تعتيم .... و إن ال EX فيها فتحة سقف

-وبعدين هو الاردنى وحش ليه ممكن حد يقولى على اسبابه؟ و سمعت انه اسرائيلى وداخل عن طريق ميناء العقبة ؟
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههه
أهى دى أحلى حاجة سمعتها من ساعة ما صحيت, بس نصيحة اشترى العربية اللى قلبك يرتاحلها و شيل حكاية الضمان دى من دماغك خالص لو هتشترى خليجى لأنه بإذن الله مش هتحتاجه فى حاجة لأنها مش عربية ب 3 مليم.... و صيانة ال 1000 فى أبو رواش للوكيل ب 268 و للخليجى ب 350 .... و صيانة ال 10000 و 20000 و 30000 فى التوكيل للخليجى ب 550 و 950 و 550 .... و لو عايز تعمل صبانة برة فيه أمير و جوزيف فى شارع داوود الظاهرى المتفرع من مكرم عبيد ... بإذن الله هجربه فى الصيانة اللى جاية ... و على فكرة شكله توكيل جامد فحت لأنه واخد توكيلات جامدة جدا زى المتسوبيشى و الفولكس و الستروين و ده الويب سايت بتاعهمWelcome at Amir & Joseph
[/QUOTE]

[system300]

هتجنن من كتر التفكييييييييييير

خلااااااااااااااص هتجنن

يا جماعة انا كمان عندي نفس المشكلة ده ومش عرف اعمل ايه والمفروض اني النهاردة هدفع عربون العربية . المفروض انها اماراتي ( مفرش جاب الاماراتي ده منين )
انا حاسس انها اشتغالة بس هو بيقولي كمالتها كالاتي :
2 ايرباج - ABS - طارة مالتي فنكشن - سينسور بارك -جنوط 15 (وبرضه معرفش جاب ال 15 ده منين ) - فوج لايت - نواكل من جوة بس من بره لا
والمفروض ان سعرها 104000 انا طبعا عاجبني حوار ال ABS والطارة المالتي و الفوجات طبعا
السوؤال بقى هو اتوكل على الله واجيب العربية ولا ابعد عن الخليجي خصوصا ان الوكيل اللي نفس الكماليات ده سعرها معدي جامد وانا مش هقدر عليه, وكمان مش معقولة هدفع 104000 والاقي عيب ولا حاجة في العربي ةممكن ساعتها اموت زي اللي في الصورة كدا
تاني حاجة هو قالي اشتري ضمان سنة ب 1100 هو الضمان ده حقيقي ولا اشتغالة ونصب وخلاص انا اتصلت بالتوكيل قالولي دا نصب علني
انا اسف على الاطالة بس ارجوكم ارجوكم حد يرد عليا في الحوار ده اعمل ايه انا خلاص هتتجن
ولازم اروح اخلص النهاردة عشان معنديش وقت............ وشكرا مقدما
اخوكم م/اسلام عامر

[Ahmed.TV]

Amr A.salam
طبعا انا مش عارف اشكرك ازاى على ذوقك وتعاونك معايا بجد وانشاء الله باذن الله نتلقى دايما على خير
وبعدين انا استقريت على السعودى ,وعلى البركة ونصيبى على الله لان الضامن هو الله , والسعودى انا برتاح لما بشوفها وبقعد فيها عن باقى فئات العربية فى البلاد الاخرى زى اللى بيقوله انها كويتى والاردنى ,واللى شوفتها فيها كل حاجة ماعدا الكاسيت 6 سى دى نالزة بواحد سى دى بس وطبعا فيها يو اس بى وماعدا التعتيم ولو اعرف اجبها من التوكيل بعدين مش قضية وماعدا الفرامل الخلفية مختلفة عن اللى قدام وطالما فى abs خلاص مش مشكلة وماعدا الجمط ال17 والحمد لله بعدت عنه وتمن العربيية 116 الف فيها (بصمة - فتحة سقف-نواكل خارجية -عددات رياضية-سيسنوربارك-مالتى فنكشن-قوجات-جنط16- مخادع امامية وخلفية -كاسيت سى دى واحد -التحكم فى نور الطابلوه -والتحكم فى المصابيح الانارة الخارجية -وفى نور فى الشماسات بتاعت الصالون -تكيف تاتش-اشارات فى المرايات- فرش جلد ) فايه رايكم فيها

zahaan ياباشا مفيس اسف بينا احنا اخوات كلنا وسبب وجودنا فى المنتدى هنا اننا نفيد بعض ونقف جنب بعض , وده العشم فيكم ,وبالنسبة الى الالوان انا قدامى لونين بفاضل بينهم وهما الازرق السماوى واللون التانى الفضى السيلفر وده الاغلب وعجبنى جدا وبعدين الاسود شيك على العربية بس فى جو مصر بقا زى الخليج واصعب بسبب الحر والشمس فى مصر فى الحر بتكون عمودية وغير ان ممكن ده بياثر على اداء التكيف لما العربية تكون مركونة فى شمس دايما وكمان بسبب التراب لانه محتاج نظافة دايما وده غير ان الغوامق بيبان فيها الخرابيش والتجاريح , وانت عارف شوارعنا مش بتخلا من الخرابيش , ولا ايه رايك يا فندم

morasystem بجد استفدت جدا من كلام حضرتك وده اللى مستنيه منكم بجد , واستفدت اكتر من اسعار الصيانات اللى حضرتك كتبتها بتاعت الوكيل للخليجى, بس الاسعار دى بيتعمل عليها تخفيض لسه عشان الاستيكر اللى معانا بتاع المنتدى ولالا , وبعدين بصراحة كمان كتر خيرك على اسم مركز الصيانة اللى قولت عليه , وياريت باذن الله لما تروح تعمل فيه الصيانة على خير انشاء الله مش تنسانا فى تقرير عنه وعن الخدمة بتعته وعن اسعاره وعن الاجهزة اللى فيه

system300 استاذى العزيز اسلام اذا كنت حابب تجيب سيراتو ايان كان سعودى او اردنى او دبى او اى بلد, اولا جبها من عند معرض يكون كبير وموثوق فيه , زى ريان مثلا , انا روحت عنده ولقيت السعودى والارنى كتير , ولاحظت بعد لف انه ارخص واحد فى السعودى بصراحة وباذن الله حجيب منه , وعنده اردنى كتير بس مش سالت عليها , اذا كنت تقدر تجيب سعودى فده احسن حاجة عشان السعودى مواصفات خليجية عشان الجو والحرارة هناك , لكن الاردنى يعتبر هى هى بتاعت الوكيل مع اضافة كماليات اكتر , وبردوا مش وحشة , بس نصيحة روح لريان , وقولى وانا تحت امرك لو عايز ابعتك لحد او اروح معاك وانا تحت امرك

[system300]

system300 استاذى العزيز اسلام اذا كنت حابب تجيب سيراتو ايان كان سعودى او اردنى او دبى او اى بلد, اولا جبها من عند معرض يكون كبير وموثوق فيه , زى ريان مثلا , انا روحت عنده ولقيت السعودى والارنى كتير , ولاحظت بعد لف انه ارخص واحد فى السعودى بصراحة وباذن الله حجيب منه , وعنده اردنى كتير بس مش سالت عليها , اذا كنت تقدر تجيب سعودى فده احسن حاجة عشان السعودى مواصفات خليجية عشان الجو والحرارة هناك , لكن الاردنى يعتبر هى هى بتاعت الوكيل مع اضافة كماليات اكتر , وبردوا مش وحشة , بس نصيحة روح لريان , وقولى وانا تحت امرك لو عايز ابعتك لحد او اروح معاك وانا تحت امرك[/QUOTE]


يا باشا انا متشكر جدا جدا لزوقك بجد مش عارف اقولك ايه
انا اسف لو بتقل عليك ممكن بس تقولي اشتري ضمان سنة ب 1100 هو الضمان ده حقيقي ولا اشتغالة ونصب وخلاص , انا اتصلت بالتوكيل قالولي دا نصب علني
تاني حاجة اعرف منين ازا كانت اردني ولا اماراتي زي الراجل ما بيقول , انت عارف طبعا انهم مبكتبوش على القايم في الاردني انه اردني , بس مش عارف الاماراتي بيكتبه عليه ولا لا لو عندك فكرة قللي ( على فكرة الكلام اللي بقولك عليه ده عند فور براذر في مدينة نصر )
وشكرا تاني مرة

[Ahmed.TV]

بص موضوع الضمان ده فعلا هى اشتغالة , بس اذا كنت حتعمل ضمان يبقا تبع شركة مشهورة فى المواضيع دى , واسال كل المعارض على الشركات المشهورة لغاية ما يكرروا كذا اسم مشترك تعرف انه هو ده يعتبر انسبهم لانه مسمع فى السوق

اما موضوع تعرف ازاى ان دى اردنى او دبى او الكلام ده انا عارف ان القايم مش بيبان فيه بس مفروض يوريك الورق بتاع العربيات دى وبيكون مكتوب فيها هى ورارد ايه او افراج اى مينا وهكذا وتقدر ساعتها تطمن
بس نصيحة سواء من اى معرض فى مصر حتجيب , اسال كل المعارض ولف كتير واتصل كتير لغاية ما تاخد خبرة كويسة واستفسارات كويسة وتتعلم وقرر بعدها
هو اينعم حتحتار فى الاول زى كتير ,بس حترتاح فى الاخر
بس المهم ركز فى فى امكانياتك ايه , وفى البلد اللى حتعوز منها العربية والارخص فى الكماليات اللى انت عاوزها , بمعنى حابب الاردنى او دبى او السعودى وهكذا , وركز فى فئة واسال على اللى انت عاوزه منها فى كل المعارض
واكبر معارض موثوق فيها وعندهم اردنى وكويتى واسعارهم كويسة ريان وناشيونال والليثى ثم المصرية وجابر عبد الشهيد وربنا يوفقك

[morasystem]

خلااااااااااااااص هتجنن

يا جماعة انا كمان عندي نفس المشكلة ده ومش عرف اعمل ايه والمفروض اني النهاردة هدفع عربون العربية . المفروض انها اماراتي ( مفرش جاب الاماراتي ده منين )
انا حاسس انها اشتغالة بس هو بيقولي كمالتها كالاتي :
2 ايرباج - abs - طارة مالتي فنكشن - سينسور بارك -جنوط 15 (وبرضه معرفش جاب ال 15 ده منين ) - فوج لايت - نواكل من جوة بس من بره لا
والمفروض ان سعرها 104000 انا طبعا عاجبني حوار ال abs والطارة المالتي و الفوجات طبعا
السوؤال بقى هو اتوكل على الله واجيب العربية ولا ابعد عن الخليجي خصوصا ان الوكيل اللي نفس الكماليات ده سعرها معدي جامد وانا مش هقدر عليه, وكمان مش معقولة هدفع 104000 والاقي عيب ولا حاجة في العربي ة:b4_237:ممكن ساعتها اموت زي اللي في الصورة كدا
تاني حاجة هو قالي اشتري ضمان سنة ب 1100 هو الضمان ده حقيقي ولا اشتغالة ونصب وخلاص انا اتصلت بالتوكيل قالولي دا نصب علني
انا اسف على الاطالة بس ارجوكم ارجوكم حد يرد عليا في الحوار ده اعمل ايه انا خلاص هتتجن
ولازم اروح اخلص النهاردة عشان معنديش وقت............ وشكرا مقدما
اخوكم م/اسلام عامر

حلو جدا جدا جدا .... شيل على بركة الله لأن هو ده سعرها الحقيقى ... بس اتأكد إنها 2010 مش 2009 .... لأن حكاية إن مفيش نواكل برة دى تخوف شوية لأن اللى يفرق ال2009 عن ال 2010 النواكل

[system300]

شكرا لاحسن منتدى واجدع رجاله

شكرا جدا لكل اللي ساعدوني وخصوصا الاستاذ : morasystem والاستاذ : ali3
انا فعلا رحت حجزت السيراتو الاماراتي مع اني شاكك انها مش اماراتي وحاسس انها اردني عشان لما سالت الراجل اللي في المعرض عاوز اشوف ورقها قاللي كل العربيات سواء الخليجي او الوكيل مكتوب فيها بلد المنشا: وارد كوريا , ولما سالته عن الميناء بتاعتها قالي مفيش غير السعودي اللي داخلة عن طريق اسكندرية والباقي كله داخلة عن طريق نويبع , المهم انشاء الله هستلم يوم الاحد او الاتنين بالكتير . وانشاء الله تطلع مفيها اي مشاكل ابقى اقولكم ايه ظروفها .
بس انا عندي سؤوال : اركز على ايه وانا بستلم العربيه ؟ يعني ايه اللي مفروض اشوفة وانا بستلم واتاكد منه ؟

[ehab_osman]

اخبار الشراء ايههههههههههه ومن عند مين ؟

[QUOTE=system300;3872451483]
المهم انشاء الله هستلم يوم الاحد او الاتنين بالكتير . وانشاء الله تطلع مفيها اي مشاكل ابقى اقولكم ايه ظروفها .

انتم السابقون ونحن االحقون ان شاء اللهانا بخلص مع بنك فيصل فرع 6 اكتوبر ؟؟؟؟؟؟؟؟؟ وناقص عرض سعر من احد المعارض ؟؟؟؟؟ صعبة ديه ؟؟؟؟؟ اه صعبة لان كل المعارض بيسمع بنك فيصل يجلهم هاسس مش عارف ليه ؟؟؟؟؟؟؟؟؟؟؟؟؟؟؟

انا عايز اجب كارنيز ---- وكيل او خليجى ................. مساعده لله يا اهل نايل موتورز ؟؟؟