افيدوني بالله عليكم هجيب سيفيا ( 95 ) اه ولا لا ارجوكم مساعده

[tayam]

افيدوني بالله عليكم هجيب سيفيا ( 95 ) اه ولا لا ارجوكم مساعده ولو اه ليه ولو لا ليه
1- من حيث قطع الغيار ثمنه و توافره
2- هل هي تقفيل كوري ولا مصري
3- هل هي عربيه محترمه
4- هل هي موفره للبنزين

مواصافاتها : موديل 95 فبريكه جوه ورشه خارجي بحاله جيده جدا
كامله مانيوال - بس يتخرج دخنه سوداء بسيطه من الشكمان بس بيقول علشان بيحط بنزين 80 هل الكلام ده مظبوط
افيدوني افادكم الله
مطلوب فيها 35000

[cosmoderma]

لألأ لأمشاكلها كتيييييييير ومفيش قطع غيار المبلغ دههات به برايد أو زودوا شوية وهات سفيا 99

[mizothegreat]

العربية دى لو بحالة جيدة و مش محتاجة مصاريف , توكل على اللة و هاتها , فعلاً العربية دى حمالة أسية و قطع غيارها متوفرة و رخيصة و فى بدايل كتيير لأن الموتور أصلاً مازدا أما العفشة فهى متوفرة بأسعار الهيونداى , العربية دى الصاج بتاعها جامد جداً مقارنة بمثيلاتها بس محتاجة كاوتش عريض و جنوط لتعويض الأتزان فى السرعات فوق 140 على الطريق

[mizothegreat]

هيا طبعاً كورى 100% ( و مصنوعة أساساً للسوق الأمريكى تصميم شركة فورد ) و موجوده بأمريكا بأسم فورد , أما الموتور فهو مازدا يابانى 100%

بالنسبة للبنزين - لو الكربراتيرو دورة البنزين مظبوطه و مش بتقرص بالعربية فالأستهلاك عادى و لو أنة مقارنة بالأنجكشن فيعتبر عالى شوية . و أنصحك بألا تستخدم بنزين أقل من 92 .

[tayam]

انا يشرفني مروركم وردكم عليا

[ahmad--ezzat]

متجيبش عربيه كورى وكمان بقالها 15 سنه...حرام عليك

[max_ziro]

متجبهاش
قطع غيارها غالية و مش موجودة
و الاخوة الى فوق اكيد يأ/ا ميعرفوش الفرق بين ال 99 و ال 95
و مش واخدين بالهم ان حضرتك كتبت 95
و ربنا يوفقك
و بلاش منها هى عربية محترمة بس متعبة جدا لندرة قطع غيارها
و عن تجربة كانت معايا لشهر تقريبا و كانت اوروبى و ربنا يوفقك ..

[mizothegreat]

أنا لسه معايا عربية سيفيا 95 مانيوال فول أوبشن جايبها من توكيل كيا القديم (وليد توفيق) من الزيرو و حالياً تستخدم كسيارة ثانية بالمنزل و عاملة 102 ألف و عندى صداع من الناس اللى طمعانة فى العربية دى و تريد شرائها منى و الحمد الله لا أعانى من أى شىء من مشاكل عدم وجود قطع غيار أو ما شابه ذالك و بتكلم عن الواقع مش كلام قهاوى .................. و لللأمانة الحاجة الوحيدة اللى مش لأقيها بس تعتبر كماليات هيا البلاستكات اللى تحت دراع المساحات و البربريز الأمامى .... بس هيا موجودة أستعمال ... و هذا للعلم .

[tayam]

انا اتلخبط خالص ومش عارف اعمل ايه الاعضاء منهم قال قطع غيارها نادره والبعض الاخر قال قطع غيارها متوفره هل يوجد مهندس او ميكانيكي لكي يشرح لي السياره علي الموبايل او اي ميكانيكي ارجو لو احد معه نمره ميكانيكي او مهندس يكتبهولي اصل المفروض اخلص فيها الساعه 10 مساء ارجو الرد ضروري

[max_ziro]

استخير و توكل على الله
انا من تجربتى ليها و استخدامى ليها عرفت ان قطغ غيارها مش موجودة و غالية
و ربنا يوفقك
للعلم هى فضلت معايا مدة قصيرة و اللحمد لله جبت سيفيا 2 بعدها ..

[tayam]

الي العضو max_ziro انتا اكثر من محترم لدعمك للمنتدي ولكل من يسال عن مساعدة وبشكر جميع الاعضاء الذين لم يبخلو عليه باي مساعده

[max_ziro]

الي العضو max_ziro انتا اكثر من محترم لدعمك للمنتدي ولكل من يسال عن مساعدة وبشكر جميع الاعضاء الذين لم يبخلو عليه باي مساعده

الف شكر ياباشا ربنا يخليك
و انا تحت امرك فى اى حاجة ..

[cosmoderma]

كنت متواجد يوم ما في التوكيل وكانوا يتحدثون عن ندرة قطع الغيار
والنصيحة اخيرا بلاش
زود الفلوس وهات سفيا 99

[behman]

فعلا حاجه محيره .... الكلام عكس بعضه

[eng_hisham85]

توكل على الله لو العربيه حالتها حلوه توكل على الله العربيه ديه مظلومه بسبب توكيلها القديم وليد توفيق
بالنسبة لقطع الغيار موجوده وفي منها أستعمال وفي استيراد وفي الحرفيين زيها زي اي عربيه
وبالنسبة لسعر العربيه السعر عالي شويه بصراحه حاول اتخلصها على أقل من كده على الأقل المفروض لو حالتها فوق الممتازه على 32 ألف بالكتير
أنما سيفيا 1 عربيه قمة الأحترام وأفضل من الأكسينت والأكسيل بصراحه بس المهم تعرف مكان قطع غيارها كويس