هي الكيا كوبيه واخده من الهوندا ولا انا بيتهيقلي ؟

[yasserelsayad]

طيب معلش بس علشان أجمع بس
ممكن تجاوبنى بكل صراحه!
أنت متخيل أن بيتر شراير يرضى على نفسه أن تصميم عربيته يتقال عليها "مقتبسه" شوف مش مسروقه "مقتبسه"!!
فكك من كل كلام اليبانى والكورى والكلام دا كله
أنت عارف أن الى صمم النيو سيراتو بيتر شراير و تعرف أسم الراجل دا فى مجال تصميم السيارات خصوصا بعد أعماله الناجحه مع أودى ولا لأ
بجد نفسى أسمعك فى الحته دى علشان قلتها قبل كده وانت حلقتلى :))

يا باشا الواحد لما بيكون مقتنع بحاجة عمره ما بيغيرها او حتى يحاول يعرف عنها معلومات تخليه يغير رأيه.
بيتر شراير و فريق التصميم فى كيا بيعمل تصميم العربيات الجديدة بتاعت كيا كلها واخدة الطابع الاوروبى للسيارات مش اليابانى والتصميمات بقت موحدة زى الشبكة كدا و شكل التابلوه و دى من الحاجات اللى بتخليك بتعرف مركة العربية دى ايه اول لما تشوفها حتى لو انت اول مرة تشوف الموديل دا زى شبكة بى ام دابليو الشهيرة.
و بعد كدا الراجل تاريخه مليان انجازات فى مجال التصميم وجوايز كتير وعلى فكرة الاودى tt واحدة من تصميماته.

[SAMEH_FOUAD]

الصينى بيقلد اليابانى عشان معظم الناس فكرها زيك كدا ان اليابانى لا يعلى عليه فى اى عربية مهما كانت مع ان اليابانى لو مخدش الفرصة اول لما نزل مكنش بقى حاجة دلوقتى.

وبعدين انت بتقول ان مثلا الكورى بيقلد فا مافيش تصميم كورى الشنطة بتاعته حلوة عشان اليابانى مش بيعرفوا يعملوا شنط :)

انا فى رأيى المتواضع العربية السيراتو من العربيات القليلة اللى لما تنظر ليها من اى زاوية تجد شكلها مميز و متناسق .. وبذات بقى تصميم ظهر العربية عاجبنى فيها جدا .. و ياريت تبقى تشوف ظهر الكوبيه او الكادينزا.

وياريت متزعلش من حاجة انا بس بقولك رأيى.

انت عارف بقى ان اكتر حاجة مش عجبانى فى السيراتو الظهر بتاعها
مقدمة السيارة حلوة والشنطة مش عجبانى خالص طبعا هية وجهات نظر ,بس نفس الحال بردة فى الالنترا
بالنسبة للكوبية العربية دية شكلها جميل فى كل حتة الصراحة وجميل جدا جدا يتعجبنى اوى بس خلى بالكوا بردة المقدمة تحب تبص عليها اكتر من الشنطة مقدرش اقول غير كدة بس اللى هايوضح مدى جمالها لما تشوف الهوندا سيفيك كوبية واقفة جنبها ساعتها هاتعرف مين اللى اتفوق فى التصميم

[SAMEH_FOUAD]

طيب معلش بس علشان أجمع بس
ممكن تجاوبنى بكل صراحه!
أنت متخيل أن بيتر شراير يرضى على نفسه أن تصميم عربيته يتقال عليها "مقتبسه" شوف مش مسروقه "مقتبسه"!!
فكك من كل كلام اليبانى والكورى والكلام دا كله
أنت عارف أن الى صمم النيو سيراتو بيتر شراير و تعرف أسم الراجل دا فى مجال تصميم السيارات خصوصا بعد أعماله الناجحه مع أودى ولا لأ
بجد نفسى أسمعك فى الحته دى علشان قلتها قبل كده وانت حلقتلى :))

اولا بيتر دة مش ملاك نازل من السماء وعلى فكرة اسمة بيتر شراينر للتوضيح بس
ثانيا ماكريس بانجل بتاع بى ام دبليو لما نزل الفئة السابعة موديل 2004 الناس هاجموة جدا مع انة مصمم بى ام دبليو بحالها مش كيا مع احترامى لكيا طبعا
وبعدين معلش نا فية اشكال كتير جدا من اودى مابتعجبنيش وكان هو ماسك التصميم ساعتها
واخرها تصميم a4 بس موديلات 2002 الى 2007 والa3 شكلها غريب الصراحة موديل 2007
مش شرط كل واحد تصميماتة تكون كلها ناجحة
وياباشا مقدرش احلقلك انا بس ممكن ماكونش خد بالى عندى انا دية

[Atrees]

انت عارف بقى ان اكتر حاجة مش عجبانى فى السيراتو الظهر بتاعها
مقدمة السيارة حلوة والشنطة مش عجبانى خالص طبعا هية وجهات نظر ,بس نفس الحال بردة فى الالنترا
بالنسبة للكوبية العربية دية شكلها جميل فى كل حتة الصراحة وجميل جدا جدا يتعجبنى اوى بس خلى بالكوا بردة المقدمة تحب تبص عليها اكتر من الشنطة مقدرش اقول غير كدة بس اللى هايوضح مدى جمالها لما تشوف الهوندا سيفيك كوبية واقفة جنبها ساعتها هاتعرف مين اللى اتفوق فى التصميم

يا باشا سيبك من المصممين والكلم دة كلة وادخل علي الينك دة

دم كان استفتاء عن احلي شكل عربية وقوللي رايك اية

http://www.nilemotors.net/Nile/118829-2009.html