كل جديد مع نيو سيراتو

[mastr_n]

صباح الفل علي وحوش السيراتو -

الموضوع جامد جدا - بس لازم صور الحاجة عشان نقدر نحكم عليها كويس - وانا اول واحد مش حيحط صور عشان لسة مصورتش بس حقولوكم


1 - الدواسات المعدن اللي جبتها وفصلتها طلعت بيئة جدا - متهيالي نورمال حبيبي متابع - هيا بتتباع بالمتر زي الاتواب القماش - المتر 45 جنية من التوفيقية - منصحش حد يجيبها

2 - ستائر كبس ورا وجناب خرافية من عند ادريان مدينة نصر - 100 جنية - خرافيييييييييييية

3- فرش جلد للسيراتو ال SX بتاعت اختي زي ما انت عارف يا نورمال انا مجنون شراء سيراتو - غشيم بقي وبيتنصب عليا في العربية التعبانة دي - هههههه

الفرش بصراحة تقريبا في جودة وشكل الهاي لاين بتاعتي وبنفس القصة - مش تفصيل دة جججججججججججاهز - خرافي خرافي خرافي بجد مجدش ركب العربية وخد بالو انة كسوة
الفرش جبتو من عند علي رضا مدينة نصر - 550 جنية بالتركيب - وكمان في قصة الكنبة اللي ورا وكمان ممكن تنزل المخدع اللي ورا ولية كمان كسوة مخصوصة - يعني زي الاصلي بالظبط
وممكن تعمل كسوةكاملة للدواسات في العربية كلها ب 400 جنية جلد زي الفرش - الكسوة فيها الخياطة الحمراء بتاعت الاصلي وكمان نفس الرسمة - ححاول اصورها انهاردة وارفع الصور

4- بلاش نواكل الفوانيسسسسسسسسسسسسسسسسسس شكلها بيئة قوي
5- كابل اي بود بتاع العربية جبتو من برة ب 40 دولار - بس مالوش اي افادة - مقلب يعني طالما عندك يو اس بي
6 - الهاي لاين بتاعتي معملتلهاش حاجة غير الدواسات المعدن وشلتاها :(



واخيرا - في تعديلات بتنزل للسيراتو الالماني بس - يعني الوكيل والخليجي مالهومش فيها عشان كوري - ههههههههههههههههههههههههههههههه


وصباح الفل علي حبايابنا

من ماما وطنط وخالتو بدمياط للاخو الحبايب نورمال - زواوي - بيسو - غازي - احمج سامي - وباقي اصدقاء البرنامج - ونسمع كياداهم العزال - :)

اما كيا او نوكيا - نو(كيا) ----- هههههههههههههههههه


نشتري جميع السيراتة الكوري ولدينا سيراتو الماني ب 250 الف جنية فقط

يعنى مسيت على الكل ونسيت تمسى عليا

[amr mokhtar]

الفترة اللى فاتت كنت بعمل بحث على موضوع الفوجات و توصلت إلى الآتى:

أسعار الفوجات فى السوق:
فيه نوع صينى عند سعيد نصار الطقم كله ( الفوانيس و الضفيرة و المفتاح الخارجى) ب 250 جنيه بس فى رأيى إنه ضعيف

لقيت نوع تانى عند محل إسمه الفاتح فى الأزريطة ب 450 جنيه
هو بيقوللى إن هو ده الأصلى اللى بيتباع فى التوكيل و العلبة مكتوب عليها Kia - Hyundai Genuine Parts و مختومة و الفوانيس مكتوب عليها Made in Korea
الطقم ده كويس و تحس إنه نضيف ( بس الله أعلم إذا كان فعلآ هو ده اللى بيتباع فى التوكيل و لا لأ )

بالنسبة لتشغيل الفوجات:
طبعآ ال LX مفيش فيها سويتش الفوجات اللى فى الدراع و بالتالى هناك حاجتين ممكن تعملهم:
أولآ البحث عن دراع إشارات فيه سويتش الفوجات
انا سألت عند نفس المحل (الفاتح) قاللى هو معندوش فى الوقت الحالى و المفترض هييجى قريب و قاللى شوف بتاع الإلنترا ممكن يمشى معاها ( سعر دراع بتاع الإلنترا 180 )
و سألت برضه عند محل إسمه السلام و ده موزع معتمد لقطع غيار كيا و لقيت عنده بعض الأجزاء الخارجية للسيراتو بس لسه مفيش عنده و برضه بيقوللى قريب و سعره فى حدود 180 جنيه

ثانيآ تركيب مفتاح خارجى فى الطبة البلاستيك اللى على شمال الدركسيون
فى الحالة دى انا فكرت إنى أشترى مفتاح شبورة بتاع أى عربية و أروح لواحد بتاع فيبر محترم يركبلى المفتاح ده
و لقيت مفتاح بتاع الإسبرانزا 516جديد ب 60 جنيه و شكله حلو و لونه كمان مناسب جدآ مع التابلوه
-------------------------------------------------------------------

انا لو هشترى هجيب الطقم اللى 450 جنيه
و كمان انا ميال أكتر لتغيير دراع الإشارات بواحد فى السويتش على طول و أريح نفسى من التفصيل فى الطبة

فعشان كده انا قررت أستنى شوية لحد دراع الإشارات لما ينزل السوق
و على فكرة العربية حاجاتها بدأت تكون موجودة فى السوق رغم إن العربية بقالها سنة تقريبآ
و شايف بإذن الله كل حاجاتها هتكون متوفرة قريب

[flawerblue]

ليش الموضوع بس للنيو سيراتو المفروض لكل كيا

ارجو مطالعة هذا الموضوع
يمكن دمج مواضيع جديدة في الكروب

[magdy1963]

استاذ عمرو اللة ينور على المجهود الكبير اللى انت عاملة وياريت تليفون المحل وعنوانة

[amr mokhtar]

المحل ده اللى عنده الفوجات
الفاتح لقطع غيار السيارات ( يابانى - كورى )
17 ش حسن الشجاعى - الأزريطة
ت : 4842968
موبايل : 0101029406
---------------------------------------
المحل ده اللى سألت فيه على دراع النور
شركة السلام ( موزع معتمد كيا موتورز )
45 ش الزهبى متفرع من شارع صلاح الدين
ت : 3910401
موبايل : 0125088242

[magdy1963]

شكرا يانجم على الاهتمام وياريت تليفون سعيد نصار وعنوانة

[zahaan]

العربيه لسه 900 كم بس بس عملنا برضه
1- فرش جلد جامد جدا اسود فى نبيتى(لون العربيه من جوه)650 ج
2-كسينا العربيه كلها من تحت جلد فوق الموكيت بتاعها ال650ج شاملين الاتنين
3-طقم دواسات جلد بس مش حلو تقليدى 70ج
4-غطا ووتر بروف من التخين اللى شبه الجلد ممتاز 140ج

انصحونا ب جهاز انذار انضف حاجه فى السوق يا جماعه مش مشكله السعر وبسرعه علشان رايح اعمل صيانه الالف فى التوكيل و عايزينهم يركبوه

[Atrees]

ازاي ارفع صوررررررررررررررررررر ؟؟؟؟

[Beeso]

ازاي ارفع صوررررررررررررررررررر ؟؟؟؟

حديد قلبي يابو عتريس إيه الأخبار

بص يا معلم في موضوع أهه عشان تفرجنا على الصور الجامدة بتاعتك (قصدي العربية طبعا هاهاهها )

http://www.nilemotors.net/Nile/18782-a.html

مستني الفرش عشان شكلي كده حندم إني جبت الفرش بتاعي قماش : )

[Atrees]

حديد قلبي يابو عتريس إيه الأخبار

بص يا معلم في موضوع أهه عشان تفرجنا على الصور الجامدة بتاعتك (قصدي العربية طبعا هاهاهها )

http://www.nilemotors.net/nile/18782-a.html

مستني الفرش عشان شكلي كده حندم إني جبت الفرش بتاعي قماش : )

الينك مش شغال :(

[Beeso]

الينك مش شغال :(

طب خلاص ولا تزعل نفسك :) أخرج بره كية وبرة العربية خالص وخليك على المنتدى الرئيسي نيل موتورز ودخل على البومات وصور سيارة الأعضاء حاجة كده حتلاقي الموضوع متثبت هناك

أي خدمة ولو مش عارف قل لي

[Atrees]

طب خلاص ولا تزعل نفسك :) أخرج بره كية وبرة العربية خالص وخليك على المنتدى الرئيسي نيل موتورز ودخل على البومات وصور سيارة الأعضاء حاجة كده حتلاقي الموضوع متثبت هناك

أي خدمة ولو مش عارف قل لي

كان نفسي بس اوريلك الفرش والواكس اللي عملتو في السيراتو ال اس اكس

[Amr A.salam]

ازاي ارفع صوررررررررررررررررررر ؟؟؟؟

http://www.nilemotors.net/Nile/18782-a.html

عتريس باشا ....لو اللينك ما اشتغلش برضه يبقى ادخل على دة

ImageShack® - Online Media Hosting


مستني صور الفرش الجلد والستاير الكبس ضروووووووووري

[Beeso]

يلا يا عتريس دي صور جملي يعم ولا إيه هاهاهها بجد حاموت واشوفها

[Atrees]

يلا يا عتريس دي صور جملي يعم ولا إيه هاهاهها بجد حاموت واشوفها

والله يا بيسو مش عارف ارفعها :(