الى جميع السادة خبراء الكيا برايد .........

[ahmedzizo131]

بسم الله الرحمن الرحيم
الى جميع السادة خبراء الكيا برايد برجاء الافادة من سيادتكم عن :-
متوسط اسعار قطع غيار كيا برايد سيدان
يعنى مثلا سعر (داينمو/ مارش / فانوس امامي / فانوس خلفى / ............... الخ ) .
هل العربية كويسة و عملية ولا لاا ؟
علشان انا معروض عليا واحد موديل 1998 كاملة و بيتكلم فى 27000 ( اية رائيكم )؟

[medo980]

اولاً السعر مريب ثانياً نصيحه انا كان معايا واحده موديل 99 واشتريتها بنفس السعر بتاع حضرتك وبعد ما اخدتها وعملتلها سيرفيس كامل اكتشفت انها عايزه يتغيرلها طنابير امامى عشان لما ادوس فرامل بترعش جامد جداً وغيرت الطنابير هى والتيل وكانت المشكله مازالت موجوده بس قلت بعض الشىء ولكن لم تنتهى تانى حاجه ودى الى انا بعت العربيه بعد شهر عشنها بلى العجل الأمامى جابلى هسهس فى دماغى لدرجة انى كنت لما انام بحلم بالعربيه طبعاً لما غيرت الطنابير نترت البلى القديم على المكبس عند الخراط وغيرت البلى وجبت بلى جد يد يابانى مش كورى وبعد اسبوع البلى باظ وفاكيت تانى وجبت بلى هندى ومشيت 5 ايام وبعد كده باظ تانى وجبت بلى يابانى نوع تانى غير الأولانى وباظ تالت بعد 3 ايام باظ للمره الرابعه بعد 5 ايام جبت بلى كورى مع العلم ان الأربع مرات الى جبت فيهم البلى من محلات مختلفه مش نفس المحل وكانت دى القشه الى قسمت ظهرالبعير حلفت انى ابيعها برغم انها بقالها شهر معايا وخسرت 2000 جنيه فى شهر عشان اخلص منها وعرفت مؤخراً ان العربيه دى بلى العجل بتاعها بيبوظ بأستمرا غير ان 90% من البلى الى فى السوق مضروب وقابلت بالصدفه عند الخراط واحد معاه كيا ريو وعندو نفس مشكلة بلى العجل بس الخلفى عموماً النضيف جداً من العربيه دى ميقلش عن 30000 او 32000 اما لو اقل من كده يا اما فيها حاجه و صاحبها قرفان منها يا اما فاضيه مافيهاش اى كماليات لأن الى كانت معايا دى كامله مانيوال واشتريتها 27500 وبالنسبه لقطع غيارها رخيصه تيل امامى 45 فانوس 75 طنابير امامى 180 بلى العجل 160 للعجلتين مفاح زجاج الكهرباء بتاع السائق 35 فلتر بنزين 20 فلتر هواء 25 سير كاتينه 50 سير دينمو 15 سير تكيف 10 بلية كاتينه 45 بلية تكيف 45 دى الحاجات الى غيرتها لما اخدت العربيه وعموماً ارخص واحد لقيت عنده قطع غيار ليها اسمه حلمى سليمان امام سنترال رمسيس وسط البلد وفى النهايه المسأله راحه نفسيه العربيه دى لو اتعرضت عليا تانى ببلاش مش هاخدها بعد الى شوفتو منها

[ahmedzizo131]

اولاً السعر مريب ثانياً نصيحه انا كان معايا واحده موديل 99 واشتريتها بنفس السعر بتاع حضرتك وبعد ما اخدتها وعملتلها سيرفيس كامل اكتشفت انها عايزه يتغيرلها طنابير امامى عشان لما ادوس فرامل بترعش جامد جداً وغيرت الطنابير هى والتيل وكانت المشكله مازالت موجوده بس قلت بعض الشىء ولكن لم تنتهى تانى حاجه ودى الى انا بعت العربيه بعد شهر عشنها بلى العجل الأمامى جابلى هسهس فى دماغى لدرجة انى كنت لما انام بحلم بالعربيه طبعاً لما غيرت الطنابير نترت البلى القديم على المكبس عند الخراط وغيرت البلى وجبت بلى جد يد يابانى مش كورى وبعد اسبوع البلى باظ وفاكيت تانى وجبت بلى هندى ومشيت 5 ايام وبعد كده باظ تانى وجبت بلى يابانى نوع تانى غير الأولانى وباظ تالت بعد 3 ايام باظ للمره الرابعه بعد 5 ايام جبت بلى كورى مع العلم ان الأربع مرات الى جبت فيهم البلى من محلات مختلفه مش نفس المحل وكانت دى القشه الى قسمت ظهرالبعير حلفت انى ابيعها برغم انها بقالها شهر معايا وخسرت 2000 جنيه فى شهر عشان اخلص منها وعرفت مؤخراً ان العربيه دى بلى العجل بتاعها بيبوظ بأستمرا غير ان 90% من البلى الى فى السوق مضروب وقابلت بالصدفه عند الخراط واحد معاه كيا ريو وعندو نفس مشكلة بلى العجل بس الخلفى عموماً النضيف جداً من العربيه دى ميقلش عن 30000 او 32000 اما لو اقل من كده يا اما فيها حاجه و صاحبها قرفان منها يا اما فاضيه مافيهاش اى كماليات لأن الى كانت معايا دى كامله مانيوال واشتريتها 27500 وبالنسبه لقطع غيارها رخيصه تيل امامى 45 فانوس 75 طنابير امامى 180 بلى العجل 160 للعجلتين مفاح زجاج الكهرباء بتاع السائق 35 فلتر بنزين 20 فلتر هواء 25 سير كاتينه 50 سير دينمو 15 سير تكيف 10 بلية كاتينه 45 بلية تكيف 45 دى الحاجات الى غيرتها لما اخدت العربيه وعموماً ارخص واحد لقيت عنده قطع غيار ليها اسمه حلمى سليمان امام سنترال رمسيس وسط البلد وفى النهايه المسأله راحه نفسيه العربيه دى لو اتعرضت عليا تانى ببلاش مش هاخدها بعد الى شوفتو منها

الف الف شكر على سرعة الرد
انا كدة محتار جدا جدا انا كنت بدرو كمان على هونداى اكسل

[medo980]

انت مش كنت جبت دوجان

[ahmedzizo131]

انت مش كنت جبت دوجان

فعلا
بس كان وشها وحش اوى عليا و كانت قرتها وحشة اوى عليا

[medo980]

مش فاهم يعنى ايه كانت فتحت فى ماصريفها ولا ايه وبعتها ويترى خسرت فيها زى حالتى

[ahmedzizo131]

مش فاهم يعنى ايه كانت فتحت فى ماصريفها ولا ايه وبعتها ويترى خسرت فيها زى حالتى

انا خسرة فيه فى 10 ايام 2300 جنيها بالظبط

[ahmedzizo131]

اية يا اجمل شباب
مفيش راى تانى بعد اذنكم

[elkholy_1981]

السلام عليكم و رحمة الله و بركاتة
أخى العزيز بالنسبة للسيارة الكيا برايد ( العصفورة )
أنا معايا سيارة مو 1999 و السيارة الحالة العامة ماشاء الله ممتازة و هى سيارة تستحق كل تقدير حيث أن معظم عملى بالسيارة يعنى فى عامين السيارة مشيت 80.000 كم . فهى سيارة أفضل من سيارات كثيرة فى فئاتها . و بالنسبة للسيارة الاكسيل فهى سيارة ممتازة لكن يعبيها انها خفيفة مع السرعات العالية .
من مميزات البرايد :-
صالون واسع و مريح
قطع غيار متوافرة و معمرة نوعا ما
موتور فى الاصل موتور مازدا ذو أداء محترم جدا
أستهلاك فى البنزين ممتاز
أرتفاع ممتاز من على الارض

من عيوب السيارة
صغر حجم الشنطة
الرومان بلى للعجل الامامى و هذا يعتبر العيب الوحيد و الاشهر فى هذة السيارة .
و لكن له علاج و هو أن يكون الميكانيكى عنده خبرة بالعيب و هو يرجع لوحود كاوتشه بين الرومان بلى هذة الكاوتشة من كثرة الاحتكاك تتأكل و لا يوجد منها أستعمال و لا جديد
و هى لها مواصفات معروفة و يتم تصنيعها عند الخراط ( عمولة )

بالنسبة للسيارة المعروضة على حضرتك
عداد الكليومتر كام ؟
و هل هى فابريكة من الداخل و الخارج أم من الداخل فقط أم ليست فابريكة ؟
و ما المقصود بكاملة ( زجاج كهرباء و تكييف فابريكة أم تم تركيبهم )
و عند الكشف على السيارة أذهب بها للكشف على كبس الموتور
و أفحص السيارة جيدا من البارومة و يفضل أخذ سمكرى أو صديق عندة خبرة للكشف على البارومة و أحظر هناك بارومة تتواجد تحت الزجاج الامامى و الخلفى .

أى خدمة لا تتردد فى الاتصال

[د.محمود صلاح]

البرايد كانت معي 7 سنوات من الزيرو 97 مانيول بدون تكييف اشتريتها ب 29 الف و300 ج ,,

بس غيرت كوبلن بعد 127 الف كم خلال ال7 سنوات بخلاف الزيت والفلاترو الحاجات العادية

العيوب

بتحك في المطبات
الشنطة صغيرة جداً
المقص الأمامي عبارة عن حتة حديدة ما تغزيش العين

[ahit]

إيه المشاكل اللى واجهت حضرتك مع اللوجان ؟
و إيه اللى خلى حضرتك تفضل الإكسيل عن البرايد ؟
معلش أصلى محتار بين البرايد و الدوجان لأن سعرهم قريب و كماليتهم
و شكراً