تغير السيراتو 2010 خليجي اوتو فاضيه بسيراتو 2010 كامله

[mah_khourshid]

السلام عليكم يا سيراتويه انا عايز نصيحتكم
ان معايه سيراتو 2010 خليجي اوتوماتيك(الكاسيت الرفيع اوديو مرايه مانيول فاضيه يعني)
المهم انا كررت اني اغير لحاجه اعلى سيراتو او حاجة تانيه وبقالي يومين بلف في المحلات بتفرج عاسيراتو الكامله جنط 16 طبعا عارفين ليه مش 17 وفتحة سقف ولما بأعد في العربيه بحس بفرق الأوبشن بس هي هي العربيه فأنا عايز نصيحتكم تقولولي ايه رأيكم هل قراري ان اجيب السيراتو الكامله ولا اغير حاجة تانيه زي الكارينز او السول مع الوضع في الأعتبار التغير لمجرد التغير مش للحاجة للمساحة الكبيرة للكارنزوفي نفس الوقت السعر.
ولو حد عنده اختيار تاني في نفس السعر ياريت ينصحني مع مراعاة الأمان والثبات وسعر اعادة البيع وتحمل السفر الكتير ومحدش يقولي هوندا سيتي لأنها بالنسبه للسيراتو صغيره جدا .
وعلى فكرة بيلفت نظري التيريوس وأول مرة اركبها في المعرض امبارح وبمجرد ركبتها نزلت على طول لأني الكرسي مش مريح خالص تفرق عن السيراتو كرسيها مريح .
اسف علأطاله وارجو سرعة الرد لأني مسافر بعد بكرة.
على فكرة انا مش بعرض عربيتي للبيع اناعايز نصيحتكم في التغير.
شكرا ياسيراتويه

[morasystem]

اللى مع حضرتك دى مش ex دى lx ..... هى عاملة كام كيلة لحد دلوقتى ... ممكن توديها لمعرض و تبدلها بsx و تدخل دى فى دى

[mah_khourshid]

sorry يا باشا عندك حق
هيا عملة 12300 كم (سفر للاسكندريه و بورسعيد لشغلي) وبالفعل دة الي هعمله وجابتلي 89000 لحد دلوقتي
بس انا بكلم فى اني اغير لحاجه اعلى مثلا سيراتو كاملة فيها كل حاجة ماعدا البصمة و الجنط ال 17 او حاجه تانية فى نفس المستوى
شكرا على الرد السريع

[NoRmAl]

طيب تمام أنت لو مبسوط من السيراتو عامتا
تقدر فعلا تروح لمعرض وتتفاوض معاهم على sx فتحه سقف بس خليجى بقى علشان تعرف تاخد جنط 16 مش 17

[mah_khourshid]

يعني انت شايف يا Normal انه تسرف سليم
بالنسبه للسيراتو انا مبسوط جدا منها لاني كان معايا لانوس :)
بس لازم سعودي مش سوري ولا اردني ولا حاجة من الحاجات الغريبه دى

[NoRmAl]

طالما مبسوط منها و تقدر تكمل على الى معاك وتجيب الsx يبقى كويس
ومبروك مقدما :)

[د.محمود صلاح]

لو معاك فلوس الفرق توكل على الله ومش هتندم

[mah_khourshid]

شكرا يا رجاله
ولو حد شايف ان في حاجه تانيه ثبات اكتر عشان السفر ياريت يقول

[ahmedbasto]

طبعا طالما عندى القدرة على كدة ليه لا

[eggroup]

أخى محمد،

المثل المصرى بيقول:

اللى معاه قرش محيره,,, يجيب حمام و يطيره !!!!

واضح المثل.

يا أخى أحمد الله على ما أنعم به عليك و لا تفكر بالتغيير أبدا قبل 5 سنوات و تذكر أنك راكب سياره فاخره بمقاييس الكثير من البشر راكبى الفيات و خلافه و تذكر أنك محاسب يوم القيامه أمام الله عن تصرفك فيما أنعم به عليك من أموال فكيف ستفسر له خسارة 5000 جنيه أو 10000 جنيه لمجرد التغيير دون حاجه فعليه له؟!.

نصيحتى: صلى أستخاره.

[mah_khourshid]

لا تقلق يا اخي في الله
السؤال ده جه بعد الستخاره
ثم المنتدي مانع الكتابه باللون الاحمر
شكرا علي النصيحه

[city_ct]

فكر فى النيسان تيدا كبديل.

[mah_khourshid]

فكرت فعلا فالتيدا بس قريت عنها ان الناس الجيبنها بيشتكو منها علي طريق السفر لما اوتوبس او نقل يعدي من جنبها بسرعه
شكرا علي المساعده يا باشا

[mah_khourshid]

يا رجاااااااااله انا ركبت امبارح الرينو فلونس خطييييييييييره قمه في الفخامه والامان انا بجد محتار جدا دلوقتي
نرجو الافادة

[M.ABDEEN]

انت حضرتك كده هتبدل علشان شوية كماليات فانا لو مكانك مش هبدل لانه هتكون الركوبه هي هي لكن هاغير لو في حاجة اعلى