لو هتغير كوتش السيراتو هتجيب ايه ؟

[Mshawky]

انا عامل الموضوع ده مخصوص للناس اللى عندها حصل مشكله فى كاوتش العربيه او وصل لل40 الف او 50 الف وجه وقت التغير للكوتش وهكذا

انا عن نفسى هكتب الانواع الكويسه وعايزين نسمع اسعارها ايه مع فئتها ومرتبه حسب اعلاها جوده وخامات :


Radial
Bridgestone
Michelin

دول الى فاكرهم دلوقتى واوفضلهم على حد علمى على مستوى العالم كله
وانا ان شاء الله عن نفسى ناوى اجيب راديال او بريدجستون وتكون نقشتها نقشة الشجره زى البى ام

وعايز رايكم انتو كمان فى الموضوع ده لانه مهم جدا واغلب الناس اصحاب الجنط 17 كده كده هنغير الكاوتش مع طرق مصر الجميله ديه

[Beeso]

فاكرة حلوة يابوحميد ووالله عشان فعلا ممكن كلنا نواجه الموضوع ده في أي وقت زي ما قلت
أنا عاوز بس أقولك إن موضوع نقشت الشجرة والكلام ده خلاص راحت عليه في نظري أنا عشان أغلب النقشت الجديدة شكلها ما بقاش شجرة إلا في أنواع معينة زي النانكانج والحاجات ده وغالبا كمان بتبقى في ال 18" أو 17" العريض قوي يعني عندك مثلا ميشيلين Pilot Sport PS3 ده ناقشته عادية جدا بس هو اللي بيركب في ال BMW M3 الجديدة E92 فـمش شرط الشكل بس المهم لازم تكون عارف إيه هو استخدامك لل كاوتش :

1. هل إنت بتحس إنك محتاج Summer tyres ولا winter عشان الزحلاقه ولا all seasons وده غالبا اللي كل الناس بتركبه بس WET traction بتاعه بيابقى أقَل شوية يعني اهم حاجة تعرف إنت عاوز إيه من الكاوتش (أنا مثلا في عربيتي القديمه E30 كنت مهتم بال wet traction عشان إنت عارف الخلفي أحسن حاجة تلعب في ال u-turns وكده )
2. إنت ناوي تغير الكاوتش كل قد إيه عشان ده حتفرق جدا برده في النوع عشان لو إنتا ناوي تقعدوا شوية وتخدوا المخاطرة إن مفيش حاجة تبوظو لا قدَر الله ممكن تجيب حاجة غالية ولراتينج بتاعها عالي .

أرجو أكون وضحتلك وجهة نظري واسف على الاطالة

[Mshawky]

فاكرة حلوة يابوحميد ووالله عشان فعلا ممكن كلنا نواجه الموضوع ده في أي وقت زي ما قلت
أنا عاوز بس أقولك إن موضوع نقشت الشجرة والكلام ده خلاص راحت عليه في نظري أنا عشان أغلب النقشت الجديدة شكلها ما بقاش شجرة إلا في أنواع معينة زي النانكانج والحاجات ده وغالبا كمان بتبقى في ال 18" أو 17" العريض قوي يعني عندك مثلا ميشيلين pilot sport ps3 ده ناقشته عادية جدا بس هو اللي بيركب في ال bmw m3 الجديدة e92 فـمش شرط الشكل بس المهم لازم تكون عارف إيه هو استخدامك لل كاوتش :

1. هل إنت بتحس إنك محتاج summer tyres ولا winter عشان الزحلاقه ولا all seasons وده غالبا اللي كل الناس بتركبه بس wet traction بتاعه بيابقى أقَل شوية يعني اهم حاجة تعرف إنت عاوز إيه من الكاوتش (أنا مثلا في عربيتي القديمه e30 كنت مهتم بال wet traction عشان إنت عارف الخلفي أحسن حاجة تلعب في ال u-turns وكده )
2. إنت ناوي تغير الكاوتش كل قد إيه عشان ده حتفرق جدا برده في النوع عشان لو إنتا ناوي تقعدوا شوية وتخدوا المخاطرة إن مفيش حاجة تبوظو لا قدَر الله ممكن تجيب حاجة غالية ولراتينج بتاعها عالي .

أرجو أكون وضحتلك وجهة نظري واسف على الاطالة

ربنا يخليك ياببيسو على ردك الواضح والمفصل واشكرك على مشاركتك معايا هنا

انا عن نفسى ان شاء الله ناوى اغير كل 50 الف عايز اجيب نوع محترم وفى نفس الوقت يرحمنا من المطبات والبلالبين الى بتظهر ديه هههههه لانى 17 برضه

[bassemforever]

انا لما اغير عايز اجيب كاوتش يكون سيلنت يعنى مش بينقل صوت الاسفلت وياريت لو يكون من النوع الطرى الى يمتص عيون القط والمطبات الصغيرة لو حد عارف نوع فى المميزات دى ياريت يقول

[محمد محمد]

البريد جيستون البوتينزا الأدرينالين ممتاز ولسة مركبه في الكورولا.

[Mshawky]

طب اسعارهم ايه ياجماعه ياريت اللى ركب يقول انطباعه عن البراند اللى اشتراه وغيره بعد كام كيلو ؟ وحجم التاير نفسها

[Beeso]

ربنا يخليك ياببيسو على ردك الواضح والمفصل واشكرك على مشاركتك معايا هنا

انا عن نفسى ان شاء الله ناوى اغير كل 50 الف عايز اجيب نوع محترم وفى نفس الوقت يرحمنا من المطبات والبلالبين الى بتظهر ديه هههههه لانى 17 برضه

ده أنا عنيا ليك يا محمد باشا وربنا يستر علينا كلنا من المطبات

[ethan82]

متابع بإهتمام

[NoRmAl]

بص يا محمد فى سيت أسمه Tire Rack - Your performance experts for tires and wheels
دا أفضل سايت تعرف منه أنواع التايرز المتوافقه مع عربيتك وأنواعهم و أسعارهم و نقشاتهم كله كله
أنا عاجبنى جدا جود ير أيجل شوفته عليه وبفكر أجيبه

[SMSMRACE]

يا جماعه مافيش زى الكومهو عن تجربه شخصيه

وانا كنت جايب 4 فرد 17 الواحده 450 جنيه

[Mshawky]

يا جماعه مافيش زى الكومهو عن تجربه شخصيه

وانا كنت جايب 4 فرد 17 الواحده 450 جنيه

يعنى بتاع العربيه ده شديد ؟

[SMSMRACE]

يعنى بتاع العربيه ده شديد ؟

مش فاهم قصدك يعنى ايه بتاع العربيه شديد

[Mshawky]

مش فاهم قصدك يعنى ايه بتاع العربيه شديد

يعنى اقصد هتعمر فى شوارعنا ديه ولا سنه ولا حاجه وهنغير الكوتش غصب عننا

[SMSMRACE]

يعنى اقصد هتعمر فى شوارعنا ديه ولا سنه ولا حاجه وهنغير الكوتش غصب عننا

لا ياباشا الكومهو دى ماركه معروفه اوى وانضف حاجه فى السوق وعلى ما اعتقد ان السيراتو sx بتنزل بكوتشات كومهو بس الى انت هاتجيبوا هايفرق فى نقشه الكاوتش .... وتقريبا انعم من بتاع السيراتو كمان وعلى فكره انا معايا نيو سيراتو برده بس الكومهو الى انا شاريه انا شايف انه احسن ......يعنى عن تجربه

[Mshawky]

لا ياباشا الكومهو دى ماركه معروفه اوى وانضف حاجه فى السوق وعلى ما اعتقد ان السيراتو sx بتنزل بكوتشات كومهو بس الى انت هاتجيبوا هايفرق فى نقشه الكاوتش .... وتقريبا انعم من بتاع السيراتو كمان وعلى فكره انا معايا نيو سيراتو برده بس الكومهو الى انا شاريه انا شايف انه احسن ......يعنى عن تجربه

ماهو عربيتى sx ونازله بالكموهو اوريجنال فيها بس قولت يعنى بعد مايخده وقتهم اغير لبريدجستون