هو موتور السيراتو بيتوصل باللابتوب؟؟؟ (صور)

[Beeso]

ههههههه وكالة حسن وحسني وحسنين الخيرية تعلن ان هناك موديلات سيراتو مضروبة في السوق وتنوة عملائها الكرام بالتاكد من وجود فيشة داخلية كما هو موضح في الصور - وتستخدم هذة الفيشة لعدة اغراض منها


1- الفحص بكمبوتر الاعطال
2- توصيل لاب توب كما في الافلام
3- شحن الموبايل ( اذا كانت السيارة مجهزة بذلك )
4- شحن اي بود ( اذا كانت السيارة مجهزة بذلك )
5- توصيل بجهاز كشف الكذب ( الوكيل فقط )
6- شحن السارة بالكهرباء في حالة عدم وجود بنزين (اقصي مسافة قيادة 3 متر )
7 - توصيل هارد ديسك ( اذا كانت السيارة مجهزة بذلك ) - الحد الاقصي 1 تيرا بايت


وتعلن الشركة عن توافر الفيشة الغريبة للتركيب باسعار مرتفعة جدا وبالحجز


وصباحو فل - السيراتو واكلة الكل

هاهاهاها وده طبعا موجود في ال سيراتو الألماني فقط ورجاء التأكد من كتيب الضمان اللي عليه ختم الوكالة

[tamermagdy]

هو انتوا أى حاجة فيها صور تدخلوا علطول ... تموتوا انتوا فى الصور ههههههههههههههه

المهم صباح الفل

بالصدفة و انا ببص على الزيت بتاع العربية لقيت الفيشة دى فى الengine room بتاع العربية مستخبية كدة على جنب .... متغطية و مكتوب عليها diagnosis يعنى "تشخيص"


فتحتها و لقيت الجاك دى جواها ....

استغربت فقلت اسأل لو فيه حد فاهم ايه ده بالظبط ... حاجة زى دى لو كانت زى ما بفكر يبقى السيراتو كسبت أوبشن جديد مش موجود فى عربيات تانية زيها

يمكن تكون السيراتو بتتوصل باللابتوب زى ما بنشوف فى أفلام the fast & the furious و الله تبقى اوبشن زى الفل ... و ياترى الكابل بيتباع فين و ليها تعريف ولا لأ ههههههههههه

و فى النهاية أحب اتوجه بالشكر لوكالة حسن و حسنى و حسنين و فتكات و ست الدار لتظبيط السيراتو الألمانى و أحب أقولهم إن الأوبشن دى بقى مش عندكوا ههههههههههههههههههههه

الفيشة دي منها اثنين واحدة داخل كبوت العربية و التانية تحت التابلوة علي اليمين بيركب فيها جهاز اسمة هاي سكان و دة موجود في التوكيل علشان يشوف الاعطال اللي في العربية و يقدر من خلال الجهاز دة يدخل علي كل سيستم السيارة اللي منها ( لو عربيتك هاي لاين ) يتحكم في السرعة 20 او 40 او مانيوال في الغلق الاتوماتيكي للابواب.

[wisambasha]

موجودة عندي في كيا ريو موديل 2003 1300cc

[alf2boshra]

موجود برضه عند جورج إبن أختي في عربيته الاسكودا فانتازيا .. 2010 بالكويت .. وف اخر اجازة كان هنا بمراته وعياله عرفني بالموضوع ده وان الهدف منه حاجات فعلا زي كدا ، وعند مراته تقريبا معاها هوندا سيفيك . عادي يعني يا جماعه وعلى فكره قالي ان في الاسكودا ممكن عند توصيلة تتعمل صيانه للعربية من خلال خبراء الشركة الام في التشيك .
ألفي بشرى

[ghazy12]

سوكيت ( on board diagnostic (obd ii

موجود فى كل السيارات التى لها وحدة تحكم الكترونية وبدء obd ثم obdii

وبدء تطبيقه منذ 1993 ويمكن توصيله باجهزة الاسكانر الخاص بكشف الاعطال

وتحديد كود الـ (error) وطبيعته

جهاز السكانر



نوع اخر من الاسكانر

باستخدام حاسب نقال (لابتوب) وبعض البرامج المختلفة

ومزود بسوكتات مختلفة حسب طبيعة السيارة

ده سوكيت إسمه ( on board diagnostic (obd ii وده اللى بيتوصل بالecu (كمبيوتر العربية) ووظيفته تشخيص حالة العربية والأخطاء والأعطال المسجله على الكمبيوتر ecu وكمان يمكن من خلالة برمجة العربية وزيادة قدرتها الحصانية عن طريق سوفتوير متخصص وده موجود فى كل العربيات بس شكله بيختلف بالذات فى المرسيدس وال بي إم

+1111111111

و تقصد بزيادة القدره الحصانيه عن طريق سوفت وير, ده هو (الري ماب)...

زي ما قال المهندس أحمد و kmhbravo... كلام سليم 100%...