لقيت الباركنج سينسور اللى شبه الأصلى بتاع كيا

[magdy1963]

انا ركبتة عند ادريان الهرم نفس النوع اللى فى الصورة وهوة ممتاز جدا ومفيش اى مشكلة فى التركيب

[morasystem]

انا عايز أقولكوا انا رجعت للراجل تانى علشان أعرف أكتر

ورانى الشاشة و هى صورة طبق الأصل من الصورة دى و حجمه صغير جدا جدا يعنى بتاع 4 سنتيمتر مثلا

و ورانى معاها بييجى بنطة للشنيور على نفس مقاس السينسور و قاللى كمان إنه السلك بتاع الشاشة بيمشى فى الضفيرة اللى هى ماشية تحت عتب البابين اليمين و قاللى مجرد بس البلاستكة بتتفك و تركب تانى زى الفل كما كانت

طبعا أخواننا اللى تبع لوكيل المفروض ميعملوش كدة علشان الضمان
أو قدامهم طريقة تانية ألا و هى إنهم يمشوا السلك بتاع الشاشة فى الأرض من تحت الكراسى أو ميركبوش الشاشة أصلا و يكتفوا بالسينسور بس

[ramylanos]

انا لى واحد صاحبى مركب نفس نوع السينسور ده فى عربيته هوندا سيفيك بقاله ستنتين و ركب الشاشه فوق مرايه الصالون و زى الفل الشمس معملتش فيه حاجه
انا بالنسبه لى ركبت واحد ب 90 جنيه (معايا لانسر بومه) و لغيت الشاشه و استعملت الصوت بس لأنه كان كافى بالنسبه لى
اول مره استعمل السينسور ده كنت فى ماليزيا و كان جاى جاهز فى عربيتى ال wira و هقولكم حاجه مش هتصدقوها؟ مكانش فى اخرام فى الاكصدام خالص و الحساسات كانت مختفيه
سألت على نوع زى كده فى مصر مالقيتش و فى ناس كتير اتريأقت على و قالولى ده حتى ال مرسيدس يا بيه الحساس فيها باين

سيبك منهم

موجود فعلن

في بورسعيد

بيتلزق علي الاكصدام من جوه كان في موضوع عليه بس مش عارف اوصله