مين يومين كدا و انا راجع اكتوبر على المحور لاحظت ان فى هوا فى بيخرج من الاكرة بتاعت الباب و الزراير اللى فى باب السواق فا قولت اشوف بقية الابواب فا طلعت نفس الكلام فا قولت ممكن يكون العزل بتاع الباب حصل فيه حاجة المهم لما روحت اخدت عربية ابن عمى (معاه هاى لاين باردوا) وجربتها ولقيتها نفس الكلام فا قولت دا يبقى اكيد العزل بتاع الابواب كدا فيها عيب بس المشكلة ان اول مرة اخد بالى من الموضوع دا والعربية معايا من شهر تسعة.
انهاردة الصبح طلعت على توكيل ابو رواش و قلت للى بيستلم العربية على الموضوع دا واستغرب جدا وقالى هينزلها و يشوفو التقفيل بتاع الباب لو فيه حاجة
العربية نزلت و فاكوا الابواب وكشفوا على العزل والتقفيل بتاع الباب وطلعت كل حاجة فى مكانها و العزل مفيش فيه اى مشكلة المهم انا اخدت العربية وقلتلهم هبقى اجربها تانى و اجيلكوا مثلا بكرا لو فى حاجة لسه والناس رحبوا و قالولى تعالى لو فى اى مشكلة و احنا ممكن نشيل عزل الباب و نركب عزل جديد
وللاسف جربت العربية تانى و لقيت نفس الكلام .. بس دلواقتى وانا راجع فكرت انا عملت ايه مختلف فى العربية اليوم دا فا لقيت انى كنت فاتح السقف اللى هى السنة اللى لفوق دى (tilt) فقفلت السقف ولقيت فعلا الهوا مبقاش يطلع من الاكرة ولا الزراير واول لما افتح السقف لفوق تانى الهوا بيطلع بس دا على سرعات اعلى من 110 مثلا.
انا قلت اكتب الموضوع دا عشان لو فى ناس تانية قابلها نفس الموضوع ومعرفتش حلها وانا ان شاء الله بكرا هكلم التوكيل و اقولهم على اللى حصل عشان لو حد جالهم و اشتكى من نفس الحاجة يبقوا عرفين العيب من ايه.
وانا بشكر توكيل كيا ابو رواش جدا عشان هما بجد مرحبين بالعميل ودخلونى من غير حجز ولا حاجة وكانوا هيغيروا العزل بتاع الابواب كلها لو كنت رحت ليهم تانى بس الحمد لله طلعت بسيطة.
وياريت لو حد قابلتوا اى حاجة فى العربية غريبة وعرف حل ليها يكتبها حتى لو كانت بسيطة عشان كل ملاك العربية يستفيدوا.
ومعلش طولت عليكوا اوى انا عارف انى رغاى :)
انهاردة الصبح طلعت على توكيل ابو رواش و قلت للى بيستلم العربية على الموضوع دا واستغرب جدا وقالى هينزلها و يشوفو التقفيل بتاع الباب لو فيه حاجة
العربية نزلت و فاكوا الابواب وكشفوا على العزل والتقفيل بتاع الباب وطلعت كل حاجة فى مكانها و العزل مفيش فيه اى مشكلة المهم انا اخدت العربية وقلتلهم هبقى اجربها تانى و اجيلكوا مثلا بكرا لو فى حاجة لسه والناس رحبوا و قالولى تعالى لو فى اى مشكلة و احنا ممكن نشيل عزل الباب و نركب عزل جديد
وللاسف جربت العربية تانى و لقيت نفس الكلام .. بس دلواقتى وانا راجع فكرت انا عملت ايه مختلف فى العربية اليوم دا فا لقيت انى كنت فاتح السقف اللى هى السنة اللى لفوق دى (tilt) فقفلت السقف ولقيت فعلا الهوا مبقاش يطلع من الاكرة ولا الزراير واول لما افتح السقف لفوق تانى الهوا بيطلع بس دا على سرعات اعلى من 110 مثلا.
انا قلت اكتب الموضوع دا عشان لو فى ناس تانية قابلها نفس الموضوع ومعرفتش حلها وانا ان شاء الله بكرا هكلم التوكيل و اقولهم على اللى حصل عشان لو حد جالهم و اشتكى من نفس الحاجة يبقوا عرفين العيب من ايه.
وانا بشكر توكيل كيا ابو رواش جدا عشان هما بجد مرحبين بالعميل ودخلونى من غير حجز ولا حاجة وكانوا هيغيروا العزل بتاع الابواب كلها لو كنت رحت ليهم تانى بس الحمد لله طلعت بسيطة.
وياريت لو حد قابلتوا اى حاجة فى العربية غريبة وعرف حل ليها يكتبها حتى لو كانت بسيطة عشان كل ملاك العربية يستفيدوا.
ومعلش طولت عليكوا اوى انا عارف انى رغاى :)

![U Thin1[1]](https://www.nilemotors.net/Nile/core/images/smilies/U_thin1[1].gif)
لا حلوه بجد بس المشكله بقى انهم يلغوا لك الزراير عشان معندكش فتحه سقف هههههههههه

Comment