تجربه اخرى للنيو سيراتو ,,, بعد 1300 كم :)

[VTEC]

السلام عليكم ,,

استكمالاً للتجربه فى الموضوع السابق : http://www.nilemotors.net/Nile/126322-a.html

جربت السيراتو تانى (بتاعت ابن خالى) بعد ما عملت صيانه ال1000 كم والعربيه دلوقتى عامله 1300 كم

مفيش اختلافات كتير عن الموضوع اللى فات بس فيه شويه ملاحظات كده:
1- صوت الموتور بقى انعم شويه
2- التكيييف تعبان قوى بجد بياخد فتره عشان يسقع العربيه مش عارف ليه كده
3-الفتيس استجابته لسه زى ما هى متحسنتش وهو عيبه انك لما بتكبس مبتـنـتـفش بسرعه الRPM بيعلى وبعد كده تجرى
هو بيقولى عادى بس يمكن متعود عليه عشان عربيته بس مش عارف انتو رأيكو ايه حد لاحظ نفس الكلام ده ولا انا بتلككلها ؟
4- العفشه لسه زى ما هى مش عارف ليه هى مش المفروض بتريح شويه برده ؟

-التجربه الحقيقيه كانت فى الشد بصراحه السيراتو اثبتت كفائه فعلاً فى موشوع التسارع بجد اول وتانى حلوه جداً بعد ال100 كده بتبقى عاديه يعنى الاوكتافيا ممكن تمسكها بعد ال100

-بصراحه انا لسه عند رأيى فيها وممكن كمان اختى تجيبها عشان بتدور على عربيه فى الرينج ده :)
تحفظى الوحيد على الفتيس وحركاته "القرعه"

-دلوقتى ليا سؤالين لوحوش كيا:

-حد عنده التكييف رخم كده ولا ده عيب فردى ؟

-نجيب منين كاوتش كومهو زى اللى فيها لأنه خد مطب جامد والفرده عملت كاللو

[alzwawy]

شكرا يا مان علي التقيم الجامد ده وانا بصراحه عجابني صوت الموتور اوي في الشد وبصراحه لما صوتو بيعلي بيبقي تحفه وبعدين انا هغير الفلتر بفلتر رياضي و ده هيخلي الصوت بجد روعه وبصراحه انا التكييف عندي شغال كويس بالرغم من اني مبشغلوش كتير علشان لسه الجو ساقعه بس شغلته كذا مره وكان بيخليني اطفي من الساقعه بصراحه وموضوع الكاوتشه دي حصلت معايا برضه انا جبت واحده بس مش نفس النقشه جبتها نقشه الشجره علشان الراجل قالي مش بينزل نفس النقشه بس بينزل النوع وكانت ب 510 ولو عاوز نفس النقشه والكاوتشه اصلا بتاعت العربيه في واحد في السابع كانت عنده و واحد جه باعهملو و خد جنوط 16 والراجل قالي هما ماشين يادوبك 100 كيلو بس انا مردتش اخد حاجه مستعمله بصراحه و فضلت اني اشتري الجديد لما لاقيت الفرق قليل بين الكاوتش الي نازله بيه ونفس النوع بس اختلاف النقشه كانت المستعمله 430 والجديده من واحد تاني في احمد سعيد عندي ب510 فجبت الجديده نفس النوع اختلاف النقشه

[Mshawky]

موضوع الفتيس ده تقربيا بحس نفس الموضوع عندى فى العربيه

لما بجرى ممكن ياخد شويه عقبال ماالعربيه تشد وتجرى وتحس بيها

لكن انا لسه مستنى لما افتح الموتور واشوف استجابته برضه مش عايز اتسرع فى الحكم عليها

[VTEC]

شكراً يا رجاله على المعلومات :)

بالنسبه للكاوتش هو مش اختلاف النقشه ممكن يعمل صوت فى الكاوتش والعربيه ماشيه ؟

موضوع استجابه الفتيس زى ماقلت قبل كده هى مش بـتـنـتف اول لما تكبس الrpm بيعلى وبعد كده تجرى
عموماً اعتقد شويه كده ويتعدل لأن الميجان بتبقى كده برضه فى الاول :)

عموماً انا كمان شهر كده ولا حاجه حاخدها منه عشان هو مسافر وبالمره افتحله الموتور ونشوف ايه النظام

[VTEC]

صحيح يا Mshawky مقلتليش رأيك فى موضوع التكييف ؟ :)

[Ahmed.TV]

شكرا يا مان علي التقيم الجامد ده وانا بصراحه عجابني صوت الموتور اوي في الشد وبصراحه لما صوتو بيعلي بيبقي تحفه وبعدين انا هغير الفلتر بفلتر رياضي و ده هيخلي الصوت بجد روعه

الفلتر الرياضى ده حضرتك موجود فين هل فى التوكيل ام بره التوكيل , وهل حيكون مختلف فعلا عن اللى راكب فيها ولالا؟
وبعدين لو حضرتك عارفه ممكن تقولنا على اسمه ومنين

لان لو فى فلتر رياضى محترم وكمان نركب بوجيهات بلاتنيوم حيفرق فى السحب اوى وكمان فى استهلاك البنزين ولا ايه يا جماعة!!

[VTEC]

الفلتر الرياضى ده حضرتك موجود فين هل فى التوكيل ام بره التوكيل , وهل حيكون مختلف فعلا عن اللى راكب فيها ولالا؟
وبعدين لو حضرتك عارفه ممكن تقولنا على اسمه ومنين

لان لو فى فلتر رياضى محترم وكمان نركب بوجيهات بلاتنيوم حيفرق فى السحب اوى وكمان فى استهلاك البنزين ولا ايه يا جماعة!!

الفلتر الرياضى طبعاً موجود بره التوكيل وفى منه انواع بس انضف حاجه هى الk&n (على الاقل فى مصر) لأن فى انواع تانيه زى الaem وكده بس اعتقد مفيش aem فى مصر

[alzwawy]

الفلتر الرياضى ده حضرتك موجود فين هل فى التوكيل ام بره التوكيل , وهل حيكون مختلف فعلا عن اللى راكب فيها ولالا؟
وبعدين لو حضرتك عارفه ممكن تقولنا على اسمه ومنين

لان لو فى فلتر رياضى محترم وكمان نركب بوجيهات بلاتنيوم حيفرق فى السحب اوى وكمان فى استهلاك البنزين ولا ايه يا جماعة!!

موجود بره التوكيل بس يا مان مش موجود في التوكيل وبيفرق في سحب العربيه و في الصوت بتاع الموتور وبيقلل استهلاك البنزين وبيزود القدره الحصانيه 4 حصان واحسن فلتر موجود k&n وموجود حضرتك عند اي حد بتاع اكسسورات وفي عندنا في المنتدي فوق ا\محمد عثمان عامل اعلان عندنا و هو بيبعو والمحل اسمو go accessories وده اللينك بتاعه GO car accessories آ® | Facebook
والفلتر بيبقي ب 350 جينيه و مختلف تماما عن الفلتر بتاع العربيه الاصلي وده شكل الفلتر الرياضي


ودي و هو راكب



يارب اكون قدرت افيدك وموضوع البوجيهات بصراحه مفهمش فيها

[alzwawy]

الفلتر الرياضى ده حضرتك موجود فين هل فى التوكيل ام بره التوكيل , وهل حيكون مختلف فعلا عن اللى راكب فيها ولالا؟
وبعدين لو حضرتك عارفه ممكن تقولنا على اسمه ومنين

لان لو فى فلتر رياضى محترم وكمان نركب بوجيهات بلاتنيوم حيفرق فى السحب اوى وكمان فى استهلاك البنزين ولا ايه يا جماعة!!

موجود بره التوكيل بس يا مان مش موجود في التوكيل وبيفرق في سحب العربيه و في الصوت بتاع الموتور وبيقلل استهلاك البنزين وبيزود القدره الحصانيه 4 حصان واحسن فلتر موجود k&n وموجود حضرتك عند اي حد بتاع اكسسورات وفي عندنا في المنتدي فوق ا\محمد عثمان عامل اعلان عندنا و هو بيبعو والمحل اسمو go accessories وده اللينك بتاعه GO car accessories آ® | Facebook
والفلتر بيبقي ب 350 جينيه و مختلف تماما عن الفلتر بتاع العربيه الاصلي وده شكل الفلتر الرياضي


ودي و هو راكب



يارب اكون قدرت افيدك وموضوع البوجيهات بصراحه مفهمش فيها

[VTEC]

يارب اكون قدرت افيدك وموضوع البوجيهات بصراحه مفهمش فيها

البوجيهات حتحسن الحرق بس مش حتفرق فى استهلاك البنزين :)
تعالى كده نشوف ايه وظيفه البوجيهات
البوجيهات بتطلع الشراره اللى بيتحرق بيها البنزين فكل اللى حتعمله انها حتزود كفاءه الحرق فقط وبالتالى لما العربيه كانت بتحرق س لتر بنزين بالبوجيه العادى حتحرق برضه س لتر بالبوجيه السبور بس بكفاءه اعلى :)

وضرورى طبعاً تختار البوجيه المناسب للموتور بتاعك عشان تاخد اقصى اداء ممكن :)

تقبل تحياتى ,,,,

[alzwawy]

البوجيهات حتحسن الحرق بس مش حتفرق فى استهلاك البنزين :)
تعالى كده نشوف ايه وظيفه البوجيهات
البوجيهات بتطلع الشراره اللى بيتحرق بيها البنزين فكل اللى حتعمله انها حتزود كفاءه الحرق فقط وبالتالى لما العربيه كانت بتحرق س لتر بنزين بالبوجيه العادى حتحرق برضه س لتر بالبوجيه السبور بس بكفاءه اعلى :)

وضرورى طبعاً تختار البوجيه المناسب للموتور بتاعك عشان تاخد اقصى اداء ممكن :)

تقبل تحياتى ,,,,

شكرا يا مان لافادتك ويارب اكون قدرت افيدك في موضوع الفلتر

[Hosam_Optrawy]

شكرا لمشاركتك بتجربتك

[Mshawky]

صحيح يا mshawky مقلتليش رأيك فى موضوع التكييف ؟ :)

والله موضوع التكيف مش وحش ومليش تعليق عليه لانى من يوم ماجبت العربيه مشغلتوش الا كام مره على بعض وانا مبحبش احكم على حاجه بسرعه

فبالتالى لما الصيف يدخل شويه هيبان اكتر بس انا عموما التكيف عندى كويس جدا الكام مره اللى شغلتهم فيها بالاخص انها خليجى اظن تكيفها اقوى شويه عن الوكيل

[VTEC]

شكرا لمشاركتك بتجربتك

العفو :)

والله موضوع التكيف مش وحش ومليش تعليق عليه لانى من يوم ماجبت العربيه مشغلتوش الا كام مره على بعض وانا مبحبش احكم على حاجه بسرعه

فبالتالى لما الصيف يدخل شويه هيبان اكتر بس انا عموما التكيف عندى كويس جدا الكام مره اللى شغلتهم فيها بالاخص انها خليجى اظن تكيفها اقوى شويه عن الوكيل

هو بيسقع بس زى ماقلت بياخد وقت

عموماً فى ناس قالت انه ممكن يكون عاوز شحن لأن العربيات الزيرو مش دايماً بتيجى مشحونه فريون عشان التخزين :)
عموماً كده كده لازم يروح التوكيل لأن الصيف داخل

بس هو بياخد وقت على مايسقع مش زى التكيفات الكورى خالص

[medoxmedox]

انا بصراحه اول مره اسمع شكوي في تكييف العربيه
اكيد دي حاله فرديه ,,, انا عندي العربيه تبريدها ممتاز ,,,
علي فكره هيا خليجي ,,, خليهم يكشفو علي الفريون في الصيانه ,, ممكنت فعلا يكون ناقص