كيا سول

[hossam_larsson]

السلام عليكم انا اخوكم وكيل نيابه من مصر ومفهمش كتير اوى فى العربيات بس قررت اشترى عربيه وعجبتنى السول الخليجى اوى اوى وسالت عليها قالولى انها ممتازه بس عايز اعرف حاجات معينه انا سمعت ان فى معارض بتدى ضمان اللعريه الخليجى وهل لو مفيش ضمان يبقى فيه خطوره ان الواحد يشترى عربيه من غير ضمان وكمان عايز اعرف ايه هل فيه مراكز صيانه فى الصعيد وممكن مراكز الصيانه تعمل صيانه للخليجى ولا لا اسف للاطاله وبرجاء الافاده

[alf2boshra]

الأستاذ الفاضل / hossam_larsson حسام بك
جابر عبد الشهيد بيدي ضمان منه للعميل على كل الخليجي الي عنده
وأعتقد إنها بتبقى حاجات استيراد شركته
وكمان ناشيونال موتورز بيجيب برضه خليجي
وغالبا دول أكبر إسمين في الخليجي
والكيا بالتحديد مجال جابر عبد الشهيد فيها أكبر
فشوفه حضرتك
تليفوناته مغرقة ملحق أهرام الجمعه
وملحق اخبار السبت
وشوف الدايو لا سيتي أكتر من ممتازة
وغالبا نفس الفئة السعريه وهي عند ناشيونال موتورز
ونقول مبروك مقدما .
وربنا يرشدك للي فيه الخير
ألفي بشرى

[Samir_Adel]

وممكن مراكز الصيانه تعمل صيانه للخليجى ولا لا اسف للاطاله وبرجاء الافاده

اولا مبروك مقدما, ثانيا السول دي العربية اللي كنت هجبها قبل السيراتو! اول ما اتجهت اني افكر في الكيا عموما بس التفكير اختلف من يوم و ليلة! بالنسبة لموضوع الصيانة مع الخليجي, ايوة بتعمل صيانة عادي جدا زيك زي العربية اللي بيضمنها الوكيل بس الخليجي بيدفع زيادة 25 او 30% حاجة كدة مقارنة بالعربية اللي بيضمنها الوكيل.

[hossam_larsson]

شاكر جدا على الرد طيب ممكن اعرف فين فروع ناشيونال موتورز لانى انا من الصعيد وعايز اجيبها كمان هو فيه مراكز صيانه فى الصعيد وفين

[alf2boshra]

الأستاذ الفاضل hossam_larsson حسام بك
فين فروع ناشيونال موتورز لانى انا من الصعيد
====================
أهلا بحضرتك .. أنا من ملوى المنيا .. وكنت رحت عند ناشيونال موتورز اللي في اسيوط وشفت عنده السول
وده رقم أ / مجدي منير من إدارة المبيعات
هو شاب مهذب جدا وهيتعاون معاك كتير
ده رقم موبايله 0101346455
وكمان هما بيتعاملوا مع بنك كريدي أجريكول في المنيا
ولو احتجت حضرتك رقم مسئول التسويق في البنك
لو هتقسط موجود معايا لو حبيت
وأنا رقم موبايلي أهو 0121463578
وباتمنى لحضرتك تتوفق في الحاجه اللي تكون مريحة وكويسة
ومبروك مقدماً
ألفي بشرى

[hussein20777]

احذر

اخى اختيارك للسول ممتاز جدا فهى سياره فعلا اكثر من رائعه
ولكن افضل لك ان تشتريها من الوكيل
اولا يتوفر فى سول الوكيل سماعه فى منتصف التبلوه لا تتوفر فى الخليجى
مما يعطيها شكل افضل كثيرا للتبلوه
ثانيا صاب وافر فى الشنط وسمعات مضائه حسب نوعية الموسيقى
ثالثا الوكيل جنط 16 افضل كثيرا من غيره لان طرقنا وعره للغايه بالنسبه ل17 و18
رابعا اسبويلر خلفى يحسن كثيرا من مظهر السياره من الخلف
لانى اعتقد ان اسوء ما فى هذه السياره شنطتها
خامسا مخادع يد للسائق
واخيرا فتحة سقف تختلف عن الخليجى ليس بها مفصلات بل تفتح كهربائيا لل داخل

[د.محمود صلاح]

شكراً للمعلومات hussein20777