حد شاف التحذير اللى فى الأهرام النهارده ؟؟ .. التوكيل توقف عن خدمة الخليجى

[Ghamrawy]

ده كدا يبقى لازم رقم او نص المنشور او القرار ده و تحصل حالة اثبات ان التوكيل ممتنع عن صيانة العربية و كذا محضر فى الشرطة فى كذا مكان حايعملوا صداع جامد للوكيل
و فى الاخر هو الخسران اكيد
و كده eit حايبتدى ينزل من نظرى

[Samir_Adel]

الكلام دة للأسف صح.. أنا لسة قافل مع كيا دلوقتي كنت متصل احجز صيانة قلتلي خدمة العملا لأ خليجي ممنوع عن الصيانة دلوقتي خالص قلتلها و دة لحد امتى قلتلي مش معروف أي حاجة لحد دلوأتي احنا بس جيلنا تعليمات مندخلش عربيات خليجي والله أعلم علطول ولا مؤقتاً..

هما بيعملو كدا عشان يخوف الناس إلي هيشترو خليجي، بس أنا شايف إن دة عيب أوي من التوكيل

لازم جهاز حماية المستهلك يكون لية واقفة حازمة و صارمة! أو حد يبعت ايميل محترم لشركة كيا الأم.

[Samir_Adel]

الصيانه بتتعمل فى مركز امير وجوزيف وانا شوفت بنفسى دفتر الضمان مكتوب عليه اسم جابر عبدالشهيد

مممم, طيب هل امير و جوزيف بيكون عندة قطع غيار كيا من أول فلاتر الهواء و فلاتر الزيوت و فلاتر البنزين لحد زيت الجيربوكس الأصلي بتاع كيا و البوجيهات الخاصة بكيا و السيور..الخ؟! دة سؤال مهم و ياريت اجابة من فضلكم بس في نفس الوقت مظنش! هو بيشتغل في بروتون و فيات و سيتروين و مشفتوش حاتط اي لوجو لكيا! و المركز دة دخلتة مرة اما كان معايا جين تو و بصراحة ناس كويسة جدا.

[rafeee2]

بصوا يا رجالة
انا لما اشتريت الخليجي و اتعاقدت مع شركة تريبل ايه عشان الضمان ( من الاكصدام للاكصدام ) ( 3 سنين او 60000 كم ) و على فكرة هما شركة محترمة جدا و بيهتموا بالعملا جدا لدرجة ان المندوب قالي انا هانزل استلم معاك العربية من المعرض بنفسي بدون اي مصاريف و لو حتى متعاقدتش معانا و الله ده حصل . و فعلا الراجل اتصلت بيه في ميعاد الاستلام و جه و فحص العربية حتة حتة و اوبشن اوبشن .
و لما سالته على موضوع الصيانة ده قالي ان فيه مراكز تابعة للشركة بنعمل فيها الصيانة الدورية و هي مراكز متخصصة و بتديلك سنة مجانية على المصنعية
و فعلا عند صيان الالف اتصلت بالمندوب و اداني نمر تليفونات مركزين واحد في طريق اسماعيلية ناحية ملاهي السندباد و التاني اول الطريق الدائري
و اتصلت بالمركز اللي في اول الدائري و اسمه تكنو ون و حجزت تاني يوم على طول و رحت لاقيته مركز محترم جدا و واخد كمان صيانة عربيات هيونداي و فولكس فاجن و قعدت تقريبا ساعة واحدة
و كمان براحتك عايز تعد في الاستراحة ممكن او تشوف بنفسك عربيتك و هي بتتصين و تغير الزيت و تربيط العفشة
في التوكيل عرفت من الاعضاء انهم بيدفعوا ما بين 300 الى 500 جنيه
انا دفعت بس 135 جنيه ( زيت و فلتر و تربيط عفشة و قياس سوائل ) صيانة الالف

انا متهيالي ان اللي اشترى خليجي ما يقلقش خالص و يستمتع بالعربية لانها طبعا صفقة رابحة بكل المقاييس بالمقارنو بعربيات الوكيل
و اللي ناوي يشتري ميترددش فيه 100000000 حل غير الوكيل سواء الصيانة الدورية او الضمان
ارجو اني اكون ريحت بال الكثيرين من ملاك الخليجي و اقلهم و لا يهمكم

مين aaa دول؟؟

[ZAMORA]

مين aaa دول؟؟

تريبل ايه دي شركة بتضمن كل العربيات الخليجي لان التوكيل بيرفض يديها ضمان

[MOSTAFABASAL]

الموضوع خلاص الحمد لله

http://www.nilemotors.net/Nile/136971-a.html