استلمت كارينز هاي لاين الحمد لله

[م.محمد شافعي]

السلام عليكم و رحمة الله و بركاته
--------

الاخوه الافاضل في منتدي نايل موتورز المحترمين و علي الاخص رواد قسم الكيا
لقد انعم الله علي و الحمد لله و استلمت كيا كارينز هاي لاين لون بترولي من اسبوع تقريبا و الي الان العداد وصل الي 500 كيلو و انا في اشتياق لمعرفة كافة خبراتكم الرائعه بالنسبه للسياره و كافة الاضافات و الكماليات التي يمكن تركيبها.
السياره اشتريتها من القصراوي للسيارات فرع المهندسين خلف مسجد مصطفي محمود وطبعا عليها اوفر برايس حوالي الفين جنيه عن السعر لدي الوكيل و لكن الوكيل قالو علي الاقل خمسة شهور للاستلام والتعامل في القصراوي معقول نسبيا و مندوب المبيعات كان راجل محترم و زوق و لكن زي ما بيقولو عبد المأمور يعني ماشي حسب سياسة الشركه العامه.
المهم بغض النظر عن رفضي لسياسة الوكيل و اتفاقه مع الموزعين و لكن الحمد لله اصبحت الان من ملاك كيا كارينز هاي لاين.
السياره بشكل عام جيده و الحمد لله و حققت هدفي الاساسي من شرائها و هو سياره واسعه من الداخل (تسع العائله و براحه تامه) و ليست منخفضه علي الارض كباقي السيارات الملاكي الاخري مع العلم انه كان عندي قبلها تيريوس بلاتينوم vxr وكانت رائعه ولولا احتياجي لسياره اكبر منها و امتلاكي لسياره اخري بفضل الله ما كنت فكرت يوما في بيعها و لكن قدر الله و ما شاء فعل و الحمد لله.
لقد قمت بترخيص السياره و الحمد لله منذ عدة ايام و الان في انتظار صيانة ال 1000 كيلو و بعدها ابدء في اضافة الكماليات المهمه بالنسبه لي علي السياره مثل:
1- جهاز انذار(نوع جيد و الذي يقفل الابواب اوتو ما تيكيا بعد السير بالسياره)
2- روافع لزجاج الابواب (دائما انسي الزجاج مفتوح لولا وجود الروافع)
3-تغيير الكاسيت لان الموجود مع السياره ماركة ال جي وهو معقول نسبيا و به ام بس ثري و فتحة يو اس بس و لكن لا يعمل مع المالتي فنكشن و انا غير مقتنع بيه و ان شاء الله هحاول اجد كاسيت مناسب يعمل مع المالتي فنكشن و به شاشه كبيره و مزود ب جي بي اس (احتاجه في عملي خارج القاهره كثيرا)
4- شاهدت علي النت قضبان حمايه جانبيه رائعه اسفل الابواب و شكلها جميل و غير ظاهره(مش زي بتاعة الماتريكس مترين خارج السياره) و اتمني اني اجدها في التوكيل ان شاء الله.
5- فرش جلد كامل للسياره بما فيه فرش للشنطه لحمايتها.
6-كنت في رحلة عمل لخارج مصر ووجدت نظام كاميرا خلفيه للسياره صغيره جدا و دقتها عاليه و ميزتها انها لاسلكيه ومعها شاشه سهلة الفك و التركيب و اشتريتها و ان شاء الله سأقوم بتركيبها علي الكارينز.
7-يوجد قطعة من المطاط القوي تركب فوق الاكصدام الخلفي لحماية منطقة التحميل الخلفيه و هي ممتازه جدا (شبيهه للموجوده في الشيروكي الجديده).
8-سأبحث عن طقم نواكل اصلي للكارينز داخلي و خارجي(مرايات جانبيه و مقابض) و اهم شئ ان يكون بسيط ليضيف بعضا من الاناقه علي السياره نظرا لفقر مواد التشطيب في بعض الاجزاء.
9-اتمني ان اجد مخدع (مسند جانبي بين الراكب و السائق) اصلي للسياره لاني شاهدته في الموديلات الخليجي و شكله جيد و مريح.
10-اتمني ان اجد شنطه للسقف حجمها صغير نظرا لاحتياجي لها و لكن لا اريد ان تبدو كسيارات البيجو الاستيشن.
11- اخيرا و ليس اخر شاهدت سبويلر خلفي به نور انتظار ليييد يركب اعلي باب الشنطه الخلفيه و لكن لست متأكدا هل سيكون لائقا مع السياره ام لا.
-----
اتمني من كافة الاعضاء المحترمين اصحاب الكارينز او من لديه خبره في الموضوع ان يفيدني بالرأي اذا كان يعلم شئ عن تلك الاضافات التي اريد تزويد السياره بها.
وارجو ان يوفقني الله و اجد هذه الاضافات و اركبها وان تظهر سياره بمظهر جميل بلا مبالغه و لكن تصبح افضل مما هيا عليه و يحفظها الله و يحفظنا و اياكم من كل سؤ بأذن الله.

[ehab_osman]

الف الف مبروك

الف الف مليون مبروك وربنا يديلك خيرها ويكفيك شرها .
وبعد كده براحة علينا شوية ................................................ اولا انت جايب العربية 122.000 جم 2.000 جم = 124.000 جم ده الهاي لين ؟؟؟؟ عندك فكرة الاتومتاك العادية بكام ند القصراوىىىىىىىىى . لانى بخلص فى عربية 116.000 جم وده ارخص سعر انا شفته في الاسواق .... انا روحت في كل حتة تقريبا ... ما عدا القصراوى ........ ارجو الافادة ........
وبعد كده نشوف الكماليات ديه ؟؟؟؟؟؟؟؟؟
والف مبروك مرة اخرى

[mohamedhamam]

ألف مبروك ربنا يديك خيرها و يكفيك شرها

[Elsayed]

الف الف مبروك وربنا يديك خيرها ويكفيك شرها وشر الطريق وعين الناس

[NoRmAl]

مبروك عليك العربيه
ربنا يديك خيرها و يحميك من شرها
أعضاء الكارينز هنا متعاونين جدا
وشويه و هيشاركوك رأيهم
وعلى فكره عاملين جروب نشيط جدا ممكن تشترك عليه
وهتستفيد منه أوى
مبروك مره تانيه

[3ateef]

الف مبروك يا باشا....
ربنا يجعلها وش سعد عليك...

[M7amD_7amDy]

ألف مبرووووك :)

[Khaled_Nowaihy]

Welcome to Carens Owners' Group

ألف مبروك، ويسعدنا انضمامك الى مجموعة ملاك الكارينز Carens Owners
أرسلت لحضرتك الدعوة للانضمام للمجموعة، سوف تجد موضوع مرحبا بالجميــــع ستجدنا جميعاً هناك.، ومعظم الآسئلة سوف تجد لها اجوبة من خلال تجاربنا، وأكيد سوف نستفيد جميعاً.

[Samir_Adel]

ألف ألف مبروك و ربنا يحفظهالك من اي شر و تستمتع بيها دايما.

[د.محمود صلاح]

الف مبروك ,, ازاي الكاسيت الأصلي مش موجود برغم من وجود زراير المالتي فنكشن ؟.

[ghost1900]

الف الف مبروك وربنا يديك خيرها ويكفيك شرها

[heshamsalah]

باشا ألف مبروك
1- العرية فيها انذار بس كلاكس فقط. لو هتركب واحد ثانى أو وحدات رفع ظبط مع الوكيل عشان الضمان
2- الكاسيت المفروض هيتغير بالأصلى اول لما يوصل الوكيل. فتابع معاهم عشان متغيروش على الفاضى

[mohamed_selim]

الف مبروك و ربنا يديك خيرها و يبعد عنك شرها
انا برده بترولى هاى لاين وكيل داخل على 900 كيلو اهو
العربيه ممتازه, واسعه و شنطه كبيره ... عائليه من الاخر
يمكن ملاحظتى عليها حتى الان ان العربيه تقيله شويه فى السحب, انا نازل من سيينا 1600 مانوال فا اكيد حجم العربيه و الاختلاف بين المانوال و الاوتوماتيك بيفرق فممكن حضرتك تفيدنا بفرق الperformance اللى حضرتك حاسه بما ان التيريوس اقرب للكارنز ؟

اما بالنسبه للاسئله هجاوب على اد معرفتى

1- جهاز انذار(نوع جيد و الذي يقفل الابواب اوتو ما تيكيا بعد السير بالسياره)

انا مسالتش على الانذار عشان بالنسبه لاستخدامى, الموجود فى الهاى لاين مرضى

3-تغيير الكاسيت لان الموجود مع السياره ماركة ال جي وهو معقول نسبيا و به ام بس ثري و فتحة يو اس بس و لكن لا يعمل مع المالتي فنكشن و انا غير مقتنع بيه و ان شاء الله هحاول اجد كاسيت مناسب يعمل مع المالتي فنكشن و به شاشه كبيره و مزود ب جي بي اس (احتاجه في عملي خارج القاهره كثيرا)

المفروض انه هيتغير بالأصلى اللى يشغل المالتى فنكشن
كام القصراوى اسال على الموضوع ده
و انا بستلم عند محمد زكى قالولى كده و ان الكاست ال LG امانه عندى لحد ما يتبدل و قالولى احافظ على ورقه و كارتونته

4- شاهدت علي النت قضبان حمايه جانبيه رائعه اسفل الابواب و شكلها جميل و غير ظاهره(مش زي بتاعة الماتريكس مترين خارج السياره) و اتمني اني اجدها في التوكيل ان شاء الله.

انا كمان عيزها بس مش لاقيها
شوفت ناس مركبين بتوع الماتركس بس مش مظبوطين اوى
يا ريت لو لقيتهم تقولى فين و بكام

5- فرش جلد كامل للسياره بما فيه فرش للشنطه لحمايتها.

شوف جينزكار فى مدينة نصر (راجع الموضوع فى مجموعة Carens Owners ب)
شغله نضيف اوى و سعره على قد شغله , الفرش هيعدى ال1000 و الجلد بتاع الأرضيه و الشنطه 450

6-كنت في رحلة عمل لخارج مصر ووجدت نظام كاميرا خلفيه للسياره صغيره جدا و دقتها عاليه و ميزتها انها لاسلكيه ومعها شاشه سهلة الفك و التركيب و اشتريتها و ان شاء الله سأقوم بتركيبها علي الكارينز.

ممكن الموديل و النوع؟

7-يوجد قطعة من المطاط القوي تركب فوق الاكصدام الخلفي لحماية منطقة التحميل الخلفيه و هي ممتازه جدا (شبيهه للموجوده في الشيروكي الجديده).

لو لقيتها قولى عليها

10-اتمني ان اجد شنطه للسقف حجمها صغير نظرا لاحتياجي لها و لكن لا اريد ان تبدو كسيارات البيجو الاستيشن.

لو لقيتها قولى عليها

[hussein20777]

مبروك

الف مبروك وربنا يباركلك فيها

[salehgharib]

الف الف مليون مبروك وربنا يديلك خيرها ويكفيك شرها .
وبعد كده براحة علينا شوية .:y_hi_3[1]:............................................... اولا انت جايب العربية 122.000 جم 2.000 جم = 124.000 جم ده الهاي لين ؟؟؟؟ عندك فكرة الاتومتاك العادية بكام ند القصراوىىىىىىىىى . لانى بخلص فى عربية 116.000 جم وده ارخص سعر انا شفته في الاسواق ....:b4_556: انا روحت في كل حتة تقريبا ... ما عدا القصراوى ........ ارجو الافادة ........
وبعد كده نشوف الكماليات ديه ؟؟؟؟؟؟؟؟؟
والف مبروك مرة اخرى

112